Gəncə Şəhər Məhkəməsi Qətnamə — İş №2(125)-5974/2025

Azərbaycan Respublikası adından QƏTNAMƏ Gəncə şəhəri İş № 2(125)-5974/2025 08.12.2025 GƏNCƏ ŞƏHƏR MƏHKƏMƏSİ X1 Tahir oğlunun sədrliyi, Xurşudov Nadir Şahin oğlunun katibliyi, İddiaçı iştirakı ilə, İddiaçı Cavabdehnə qarşı 2073,60 manat cərimənin silinməsi tələbinə dair iddia ərizəsi üzrə mülki işə açıq məhkəmə iclasında baxaraq məhkəmə, müəyyən etdi: İddiaçı Cavabdehnə qarşı iddia ərizəsi ilə məhkəməyə müraciət edərək, yaşadığı ünvana dair Cavabdeh tərəfindən qanunsuz və əsassız olaraq yazılmış 2073,60 manat məbləğində pulun silinməsi və həmin məbləğdən qaz kartı vasitəsilə məcbur ödədiyi pulların geri qaytarılması barədə qətnamə çıxarılmasını xahiş etmişdir. İddiaçı iddia ərizəsini onunla əsaslandırmışdır ki, Cavabdeh qanunsuz hərəkətləri nəticəsində hüquqları qanunsuz yerə pozulmuşdur. Buna görə də məhkəmə qaydasına hüquqları müdafiə olunmalı və əsassız yazılmış 2073,60 manat cərimə silinməlidir. 2023cü ilin fevral ayında Cavabdeh bir qrup işçiləri qaz xəttlərinə baxış keçirmişdirlər. Qaz xəttlərinə baxış zamanı qaz xəttinin üzərində qaz borusu olduğunu qeyd etmiş və bildirmişlər ki, bu mövcud qaz xətti daim işlək vəziyyətinə gətirilərək, qazdan qanunsuz istifadə edilə bilər. Onlara izah etmişdir ki, həmin o kiçik qaz borusu sovetin vaxtından qalıb və ağzı bağlıdır. Əgər o, qanunsuz qazdan istifadə etsə idi bunu əvvəlcə qazın işçisi görərdi və lazımı tədbir görə bilərdi. Ümumiyyətlə, həmin o mövcud boru illərdir ki, oradadır, əgər qaz idarəsi üçün vacib olsa idi vaxtında həmin borunu ləğv edərdilər. Bir müddət keçdikdən sonra ona məlum olmuşdur ki, qazın kartına ödədiyi pulun 50% tutulurmuş. Bunu öyrənmək üçün qaz idarəsinə müraciət etmiş, ona bildirilmişdir ki, haqqında akt tərtib edilib. Ona tələbnamə, abonent saldosu (kod: **********10000) və akt təqdim edərək, cərimə yazıldığı barədə məlumat vermişdirlər. O, narazılıq edərək bu barədə şikayət edəcəyini bildirsə də, müraciətinə heç kəs məhəl qoymamışdır. Cavabdeh işçiləri tərəfindən haqqında yazılan cərimə tamamilə əsassızdır və yazılmış 2073,60 manat məbləğində cərimə qanunvericiliyə uyğun olaraq silinməlidir. Həmçinin yazılan 2073,60 manat cərimədən 533,50 manat pul ödəniş etmişdir. Məhkəmə iclasında İddiaçı iddia ərizəsinin məzmununa uyğun izahat verib əlavə olaraq göstərdi ki, əvvəl qaz boruları küçəylə çəkilmiş, daha sonra evlərin içinə salınmışdır. Borunun svarkalanmış hissəsi isə onun məhləsinə düşmüşdür. Xeyli vaxt sonra qaz idarəsinin əməkdaşları gəlib baxış keçirdikdə həmin svarkalanmış boruya irad bildirmiş, o isə onun təqsiri olmadığını demişdir. Həmin vaxt ona cərimə yazılması barədə heç bir məlumat da verilməmişdir. Karta pul yüklədikcə yarısı tutulmuş, bundan sonra cərimədən məlumatı olmuşdur. İddianın təmin olunmasını məhkəmədən xahiş etdi. Cavabdehnə məhkəmə iclasının keçirilməsi vaxtı və yeri barədə rəsmi qaydada məlumat verilməsinə baxmayaraq nümayəndəsi məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə Mülki Prosessual Məcəlləsinin 185.5-ci maddəsinə əsasən işə cavabdehin nümayəndəsinin iştirakı olmadan baxılmasını mümkün hesab etmişdir. Mülki işə əlavə edilmiş və məhkəmə iclasında tədqiq edilmiş:- Cavabdeh əməkdaşları tərəfindən tərtib olunmuş xx.xx.2023-cü il tarixli, ******* nömrəli təbii qazdan istifadə qaydalarının pozulması haqqında aktın surətindən görünür ki, aktda qeyd olunmuşdur ki, sayğacdan kənar xətt aşkar edilmişdir. xx.xx.2023-cü il tarixli dəymiş ziyanın bərpasına dair tələbnamənin surətindən görünür ki, 17280 m3 itirilmiş qaz sərfiyatına görə dəymiş ziyanın məbləği tələb olunmuşdur. **********10000 nömrəli abonent saldosundan görünür ki, abonentin qaz sərfiyyatı akt tərtib olunmamışdan əvvəl, yəni 2023-cü ilin fevral ayında 150 m3, yanvar ayında 166 m3 olmuş, 2023-cü ilin mart ayı üçün 2073,6 manat borc yazılmış, 2023-cü ilin aprel ayından 2025-ci ilin sentyabr ayınadək karta yüklənən məbləğin yarısı 533,5 manat pul borca görə tutulmaqla, qalıq borc 1540,10 manat göstərilmişdir. Azərbaycan Respublikası Mülki Prosessual Məcəlləsinin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. İşin hallarından görünür ki, tərəflər arasında olan hüquq münasibəti qazın alqı-satqısı barədə müqavilə öhdəliyindən əmələ gələn münasibət olsa da, mübahisə iddiaçının sayğacdan kənar əlavə xəttdən istifadə etməklə itirilmiş qaz sərfiyatına görə dəymiş zərərlə bağlıdır. Ona görə də tərəflər arasındakı mübahisəyə müqavilə öhdəliklərini deyil, deliktlərdən yaranan öhdəlikləri tənzimləyən hüquq normaları tətbiq olunmalıdır. Azərbaycan Respublikası Mülki Məcəlləsinin (bundan sonra-MM) 1096.1-ci maddəsində göstərilir ki, mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). MM-in 1096.2-ci maddəsində göstərilir ki, delikt törətmiş şəxs mülki hüquq məsuliyyəti daşıyır. MM-in 1097.1-ci maddəsində göstərilir ki, mülki hüquq pozuntusu nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Deliktlərlə əlaqədar yuxarıda şərh olunmuş hüquq normalarının məzmunundan görünür ki, mülki hüquq pozuntusu ilə (deliktlə) əlaqədar mülki məsuliyyət o halda yaranır ki, təqsirli şəxsin qanuna zidd əməli nəticəsində hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmuş olsun və təqsirli şəxsin qanuna zidd əməli ilə vurulmuş ziyan və ya zərər arasında səbəbli əlaqə olmuş olsun. Cavabdeh əməkdaşları tərəfindən tərtib olunmuş xx.xx.2023-cü il tarixli, ******* nömrəli aktda qeyd olunmuşdur ki, abonent sayğacın giriş xəttindən qeyri-qanuni birləşmə edərək, sayğacdan kənar əlavə xəttdən istifadə etmişdir. «Qaz təchizatı haqqında» Qanunun 20-ci maddəsinə əsasən müvafiq icra hakimiyyəti orqanı qaz nəzarəti üzrə onun müvəkkil etdiyi nümayəndələr qaz fəaliyyəti ilə bağlı bütün yerləri, binaları və qurğuları yoxlama hüququna malikdir. Azərbaycan Respublikası Nazirlər Kabinetinin 12 may 2011-ci il tarixli, 80 saylı, Qərarı ilə təsdiq edilmiş “Qazdan istifadə Qaydaları”nın 6.5-ci bəndinə görə qanunsuz qoşulma halları aşkar edildikdə, qaz paylayıcısı qanunsuz xətti dərhal qazpaylayıcı şəbəkədən ayırmaqla qazın verilməsini dayandırmalıdır. Sayğaca müdaxilə, habelə qanunsuz qoşulma halları aşkar edildikdə qaz paylayıcısı bu barədə akt tərtib etməli və həmin aktın 1 (bir) nüsxəsini barəsində akt tərtib edilmiş şəxsə (və ya onun səlahiyyətli nümayəndəsinə, yaxud yetkinlik yaşına çatmış ailə üzvlərindən birinə), 1 (bir) nüsxəsini isə inzibati xəta haqqında iş üzrə icraata başlanılması məsələsinə baxılması üçün EN-ə, cinayət tərkibinin əlamətləri olduqda isə cinayət təqibi orqanına təqdim etməlidir. İstehlakçının qazın talanmasında təqsirli olması həmin orqanların və ya məhkəmənin qərarı ilə müəyyən edildikdə qaz paylayıcısı vurulmuş zərərin ödənilməsini istehlakçıdan tələb etməlidir. Həmin Qaydaların 6.5-4-cü bəndinə görə qaz paylayıcısının işçisi bu Qaydaların 6.5-ci bəndinə uyğun olaraq tərtib etdiyi akta vurulmuş zərərin bu Qaydaların 6.5-2-ci və 6.5-3-cü bəndlərinə uyğun olaraq hesablanmış məbləği barədə ilkin məlumatı əlavə edir. Akt qaz paylayıcısının işçisi və istehlakçı (və ya onun səlahiyyətli nümayəndəsi, yaxud yetkinlik yaşına çatmış ailə üzvlərindən biri) tərəfindən imzalanmalıdır. İstehlakçı (və ya onun səlahiyyətli nümayəndəsi, yaxud yetkinlik yaşına çatmış ailə üzvlərindən biri) aktı imzalamaqdan imtina etdikdə, bu barədə aktda müvafiq qeyd aparılır və yol verilmiş pozuntu texniki vasitələrlə (foto və ya videoçəkiliş aparılmaqla) qeydə alınır. İstehlakçı (və ya onun səlahiyyətli nümayəndəsi, yaxud yetkinlik yaşına çatmış ailə üzvlərindən biri) izahat və aktın məzmunu barəsində öz mülahizələrini təqdim etmək, habelə aktı imzalamaqdan imtina etməsinin səbəblərini göstərmək hüququna malikdir, bu izahatlar və mülahizələr akta əlavə olunur. Cavabdeh əməkdaşları xx.xx.2023-cü il tarixdə akt tərtib edərək, sayğacdan kənar əlavə xətt aşkar olunmasını qeyd etsələr də, bununla bağlı hər hansı foto və ya video çəkiliş aparılması barədə sübut təqdim etməmiş, keçən müddət ərzində iddiaçının şəbəkədən ayrılması, qoşulan xəttin kəsilməsi, inzibati məsuliyyətə cəlb edilməsi barədə hər hansı tədbir görülməmiş, yalnız akt tərtib olunaraq, zərər hesablanmışdır. Azərbaycan Respublikası Mülki Prosessual Məcəlləsinin (bundan sonra-MPM) 77.1ci maddəsinə əsasən hər bir tərəf öz tələb və etirazlarının əsası kimi istinad etdiyi halları sübut etməlidir. MPM-in 217.4-cü maddəsinə görə məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə hesab edir ki, iddiaçının sayğacdan kənar təbii qazdan istifadə etməsi, məhkəmə araşdırması zamanı sübut olunmadığından iddia qismən təmin olunmalı, xx.xx.2023-cü il tarixli, ******* saylı akt üzrə 17280 m3 itirilmiş qaz sərfiyyatına görə İddiaçı hesablanmış 2073,6 manat puldan qalan 1540,1 manat pul silinməli, iddiaçı tərəfindən ödənilmiş 533,5 manat pul İddiaçı qaytarılmalıdır. MPM-in 119.1-ci maddəsinə əsasən ödənilməmiş 40,74 manat dövlət rüsumu cavabdehə aid edilməlidir. Göstərilənləri nəzərə alaraq və Azərbaycan Respublikası Mülki Prosessual Məcəlləsinin 216-220, 227, 233, 358 və 360-cı maddələrini rəhbər tutub məhkəmə, qət etdi : İddia qismən təmin edilsin. xx.xx.2023-cü il tarixli, ******* saylı akt üzrə 17280 m3 itirilmiş qaz sərfiyyatına görə İddiaçı hesablanmış 2073,6 manat puldan qalan 1540,1 manat pul silinsin, iddiaçı tərəfindən ödənilmiş 533,5 manat pul İddiaçı qaytarılsın. Cavabdehndən dövlət rüsumu hesabına 40,74 manat alınaraq dövlət büdcəsinə ödənilsin. Qətnamədən onun tərəflərə rəsmi qaydada verildiyi gündən 1(bir) ay müddətində “Elektron məhkəmə” informasiya sistemində yaradılmış elektron kabinet üzərindən Gəncə Şəhər Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Hakim: Cavid Tağıyev