Gəncə Şəhər Məhkəməsi Qərardad — İş №2(125)-7574/2023

Azərbaycan Respublikası adından QƏRARDAD Gəncə şəhəri İş № 2(125)-7574/2023 17.11.2023 GƏNCƏ ŞƏHƏR MƏHKƏMƏSİ Gəncə Şəhər Məhkəməsinin hakimi X7, Ərizəçi X1 qarşı «mediasiya prosesi nəticəsində bağlanılmış barışıq sazişinin təsdiq edilməsi» tələbinə dair ərizənin məhkəmə icrааtının mümkünlüyü məsələsinə məhkəmənin binаsındа, məhkəmə iclаsındаn kənаr аyrıcа prоsessuаl qаydаdа bаxаrаq, müəyyənetdim: Ərizəçi X2 qarşı «mediasiya prosesi nəticəsində bağlanılmış barışıq sazişinin təsdiq edilməsi» tələbinə dair ərizə ilə məhkəməyə müraciət edərək, mediasiya prosesi nəticəsində X6 ilə onun arasında bağlanmış 16 fevral 2023-cü il tarixli barışıq sazişinin təsdiq edilməsi barədə qərar çıxarılmasını xahiş etmişdir. Ərizə və ona əlavə edilmiş sənədləri öyrənərək hesab edirəm ki, ərizə məhkəmənin icraatına qəbul edilmədən ərizəçiyə geri qaytarılmalıdır. Belə ki, ərizə və ona əlavə edilən sənədlərdən görünür ki, Ərizəçi ünvan 1 ünvanında qeydiyyatda olmaqla orada yaşayır. Belə olan halda müəyyən olunur ki, ərizə Ərizəçi yaşadığı yerin məhkəməsinə (Bakı şəhəri Nizami Rayon Məhkəməsi) verilməmişdir. Halbuki, Azərbaycan Respublikasının Mülki Prosessual Məcəlləsinin 355-23.2-ci maddəsinə əsasən mediasiya prosesi nəticəsində bağlanılmış barışıq sazişinin təsdiq edilməsi ilə bağlı ərizə ərizəçi fiziki şəxsin yaşadığı yer, hüquqi şəxsin ünvanının olduğu yer üzrə, ərizə dövlət orqanı (qurumu) tərəfindən verildikdə, barışıq sazişinin icrasından imtina edən fiziki şəxsin yaşadığı, hüquqi şəxsin ünvanının olduğu yer üzrə məhkəməyə verilir. Həmin Məcəllənin 152.1.3-cü maddəsinə əsasən iddia ərizəsi əgər iş ərazi aidiyyəti üzrə həmin məhkəmədə baxılmalı deyildirsə ərizə və ona əlavə edilmiş sənədlər geri qaytarılır. Həmin Məcəllənin 152.4.-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Ona görə də hesab edirəm ki, hazırkı ərizə Azərbaycan Respublikası Mülki Prosessual Məcəlləsinin 152.1.3 və 355-23.2-ci maddələrinin tələbinə əsasən geri qaytarılmalıdır. Eyni zamanda ərizəçiyə izah olunur ki, qeyd edilən ərizə ilə bağlı özünün yaşadığı yerin məhkəməsinə müraciət edə bilər. Göstərilənlərə əsasən və Azərbaycan Respublikası Mülki Prosessual Məcəlləsinin 149, 152, 263-264, 268, 355-23.2-ci maddələrini rəhbər tutaraq, qəraraaldım: Ərizəçi X1 qarşı «mediasiya prosesi nəticəsində bağlanılmış barışıq sazişinin təsdiq edilməsi» tələbinə dair ərizəsi ona əlavə edilmiş sənədlərlə birlikdə geri qaytarılsın. Ərizəçiyə izah olunur ki, qeyd edilən ərizə ilə bağlı özünün yaşadığı yerin məhkəməsinə müraciət edə bilər. Qərardaddan, rəsmi qaydada verildikdən 10 (on) gün müddətində Elektron Məhkəmə İnformasiya Sistemində yaradılmış elektron kabinet üzərindən işə baxan Azərbaycan Respublikası Gəncə Şəhər Məhkəməsinə şikayət verilə bilər. Hakim: Zaman İmanov