Bakı Apellyasiya Məhkəməsi Qərardad — İş №2-2(103)-490/2021

Azərbaycan Respublikası adından QƏRARDAD Bakı şəhəri İş № 2-2(103)-490/2021 27.04.2021 BAKI APELLYASİYA MƏHKƏMƏSİ X4 Qurbanovun sədrliyi və məruzəsi ilə, Cahangir Afər oğlu Yusifov və Vüsalə Ələkbər qızı Baxışovadan ibarət tərkibdə, məhkəmə iclas katibi Lalə Adil qızı Əbdürrəhimovanın katibliyi ilə, iddiaçının nümayəndəsi və vəkili X5, cavabdehin nümayəndəsi və vəkili X1 və cavabdehin nümayəndəsi X2 iştirakı ilə, Bakı Kommersiya Məhkəməsinin e-2-2(113)-1726/2021 saylı kommersiya mübahisəsi üzrə qəbul etdiyi 04.03.2021-ci il tarixli qərardadından İddiaçı MMC tərəfindən verilmiş şikayətə Bakı Apellyasiya Məhkəməsinin binasında, açıq məhkəmə iclasında baxaraq, m ü ə y y ə n e t d i: İddiaçı MMC Cavabdeh MMC-yə qarşı iddia ərizəsi ilə məhkəməyə müraciət edərək, tərəflər arasında bağlanmış 14.02.2020-ci il tarixli M/İİ/2020 saylı Alqı-satqı müqaviləsi üzrə yaranmış 248803,07 AZN əsas borc məbləğinin, 56781,31 AZN gecikmiş faiz borcunun, şifahi müqavilə əsasında satılmış mallara görə 201551,13 AZN məbləğində pul borcunun, özgəsinin pul vəsaitindən yaralanmağa görə 25356,807 AZN cərimə məbləğinin, hüquqi xidmətlərə görə ödənilmiş 20000 AZN həcmində xidmət haqqı məbləğinin, o cümlədən, ödənilmiş 30 AZN məbləğində dövlət rüsumunun, cəmi 552.522,32 AZN məbləğinin cavabdehdən tutularaq iddiaçıya ödənilməsi barədə qətnamə qəbul edilməsini xahiş etmişdir. Eyni zamanda iddiaçı iddianı təmin etmə tədbirinin tətbiq edilməsinə dair ərizə ilə məhkəməyə müraciət edərək, iş üzrə müvafiq yekun məhkəmə aktının qəbul edilənədək, Cavabdeh MMC-nin (VÖEN **********) X12 Azərbaycan bankında olan H/H: AZ73KABA******************** saylı, hesabına, o cümlədən, aşkar edilmiş ona məxsus olan digər bank hesabları üzərində, iddiaçı “xxxx” MMC-nintələbi üzrə 552522,32 AZN məbləği həcmində (dondurulma) həbsin qoyulması barədə qərardad qəbul edilməsini xahiş etmişdir. Bakı Kommersiya Məhkəməsinin 04.03.2021-ci il tarixli e-2-2(113)-1726/2021 saylı qərardadı ilə ərizə təmin edilməmişdir. İddiaçı MMC həmin qərardaddan şikayət vermiş, Bakı Kommersiya Məhkəməsinin 17.03.2021-ci il tarixli qərardadı ilə şikayət təmin edilməmiş və işlə birlikdə baxılması üçün Bakı Apellyasiya Məhkəməsinə göndərilmişdir. Məhkəmə iclasında iddiaçının nümayəndəsi və vəkili X8 şikayəti müdafiə etdi, cavabdehin nümayəndəsi və vəkili X3 və cavabdehin nümayəndəsi X6 isə şikayətə etiraz etdilər. Məhkəmə kollegiyası hesab edir ki, şikayət qismən təmin olunmalıdır. Belə ki, Mülki Prosessual Məcəllənin 157.1-ci maddəsinin tələblərinə görə hakim işdə iştirak edən şəxsin ərizəsi ilə iddianı təmin etmək üçün tədbirlər görə bilər. İddianın təmin edilməsinə prosesin istənilən mərhələsində yol verilir. Həmin Məcəllənin 158.1.1-ci maddəsinə görə iddianı təmin etmək üçün cavabdehdə və ya digər şəxslərdə olan cavabdehə məxsus əmlak üzərinə həbs qoyulması barədə tədbirlər görülə bilər. Qanunun mənasına görə iş üzrə çıxarılan qətnamənin gələcəkdə real icra edilə bilməyəcəyi şübhəsi yarandıqda iddianın təmin edilməsi üçün tədbirlər görmək zərurəti yaranır. İddianı təmin etmək üçün əsas məhkəmənin gələcəkdə qəbul edəcəyi qətnamənin icra edilməsinin çətinliyi və ya mümkünsüz ola biləcəyi qənaətidir. Hazırkı mübahisənin predmetini və təmin olunması ehtimalını nəzərə alaraq kollegiya hesab edir ki, işə mahiyyəti üzrə baxılana kimi cavabdehin bank hesabları üzərinə iddia tələbində göstərilmiş bütün məbləğ həcmində deyil, yalnız əsas borc məbləği həcmində həbs qoyulması barədə iddianın təmini tədbiri seçilməlidir. Belə ki, iddia tələbi kifayət qədər yüksək məbləğin, yəni cəmi 450354,2 manat məbləğində əsas borc vəsaitinin cavabdehdən tutulmasından ibarətdir və iddia təmin olunduğu təqdirdə həmin məbləğin könüllü ödənilməyəcəyi qənaətinə gəlmək üçün kifayət qədər əsaslar vardır. Belə olan halda isə həmin məbləğin tutulması üzərinə həbs qoyulmuş bank hesabındaki pul vəsaitinə yönəldilməklə qətnamənin icrasında yarana biləcək çətinliklər aradan qaldırıla bilər. Qeyd olunanları nəzərə alaraq və Mülki Prosessual Məcəllənin 398.0.3-cü maddəsi ilə nəzərdə tutulmuş səlahiyyətlərinə əsaslanaraq kollegiya hesab edir ki, şikayət qismən təmin edilməli, birinci instansiya məhkəməsinin qərardadı ləğv edilməli və yuxarıda göstərilənlərə əsasən ərizə qismən təmin edilməlidir. Eyni zamanda Mülki Prosessual Məcəllənin 402-ci maddəsindən müəyyən olunur ki, hazırkı qərardaddan kassasiya şikayəti verilə bilməz. Göstərilənlərə əsasən və Mülki Prosessual Məcəllənin 398.0.3, 400, 402-ci maddələrini rəhbər tutaraq, məhkəmə kollegiyası q ə r a r a a l d ı: İddiaçı MMC tərəfindən verilmiş şikayət qismən təmin edilsin. Bakı Kommersiya Məhkəməsinin e-2-2(113)-1726/2021 saylı kommersiya mübahisəsi üzrə qəbul etdiyi 04.03.2021-ci il tarixli qərardadı ləğv edilsin. Ərizə qismən təmin edilsin. Cavabdeh MMC-nin (VÖEN **********) X12 Azərbaycan bankında olan H/H: AZ73KABA******************** saylı hesabı, o cümlədən aşkar edilmiş ona məxsus olan digər bank hesabları üzərinə 450354,2 manat həcmində həbs qoyulsun. Qalan hissədə ərizə təmin edilməsin. Qərardad dərhal icra edilsin. Qərardad dərhal qanuni qüvvəyə minir və ondan şikayət verilə bilməz. Sədrlik edən: Raqib Qurbanov Hakimlər: Cahangir Yusifov Vüsalə Baxışova