Sumqayıt Kommersiya Məhkəməsi Qərardad — İş №2-2(119)-1465/2021

Azərbaycan Respublikası adından QƏRARDAD Sumqayıt şəhəri İş № 2-2(119)-1465/2021 05.11.2021 Sumqayıt Kommersiya Məhkəməsi Sumqayıt Kommersiya Məhkəməsinin hakimi Sadiqov Zülfüqar Əhməd oğlunun sədrliyi, X3 qızının katibliyi, İddiaçı, Cavabdeh Açıq Səhmdar Cəmiyyətinin nümayəndəsi Bayramova Səadət Nadir qızının iştirakı ilə, İddiaçı tərəfindən Cavabdeh Açıq Səhmdar Cəmiyyətinə qarşı verilmiş "səhmlərə görə dividentlərin hesablanaraq ödənilməsi" tələbi barədə iddia ərizəsinə dair kommersiya işinə açıq məhkəmə hazırlıq iclasında baxaraq, məhkəmə MÜƏYYƏN E T D İ: İddiaçı Cavabdeh Açıq Səhmdar Cəmiyyətinə qarşı "səhmlərə görə dividentlərin hesablanaraq ödənilməsi" tələbinə dair iddia ərizəsi ilə Sumqayıt Şəhər Məhkəməsinə müraciət edərək, Cavabdeh ASC-nin səhmlərinin güzəştli satışında iştirak edərək əldə etdiyi 12 ədəd səhmə uyğun dvidentlərin hesablanaraq iddiaçıya ödənilməsi barədə qətnamə qəbul edilməsini xahiş etmişdir. Sumqayıt Şəhər Məhkəməsinin 06 oktyabr 2021-ci il tarixli 2(060)-8196/2021 nömrəli qərardadı ilə həmin iddia ərizəsi və ona əlavə edilmiş sənədlər məhkəmə aidiyyəti üzrə baxılması üçün Sumqayıt Kommersiya Məhkəməsinə göndərilmişdir. İş üzrə məhkəmənin hazırlıq iclasında İddiaçı məhkəməyə “iddia ərizəsinin qaytarılması” barədə ərizə təqdim edərək, onun Cavabdeh Açıq Səhmdar Cəmiyyətinə qarşı "səhmlərə görə dividentlərin hesablanaraq ödənilməsi" tələbi barədə iddia ərizəsinə dair kommersiya işinin baxılmamış saxlanılaraq, iddia ərizəsinin və ona əlavə edilmiş sənədlərin geri qaytarılmasını xahiş etdi. Məhkəmə hazırlıq iclasında iştirak edən Cavabdeh Açıq Səhmdar Cəmiyyətinin nümayəndəsi X1 iddiaçının ərizəsi əsasında Cavabdeh Açıq Səhmdar Cəmiyyətinə qarşı verilmiş "səhmlərə görə dividentlərin hesablanaraq ödənilməsi" tələbi barədə iddia ərizəsinin geri qaytarılmasına etiraz etmədi. Azərbaycan Respublikası Mülki-Prosessual Məcəlləsinin 170.1-ci maddəsinə əsasən, işin məhkəmə baxışına hazırlanması zamanı iddiaçının vəsatəti ilə ərizə qaytarıla bilər. Beləliklə də, proses iştirakçılarını dinləyib, yuxarıda təsvir olunanlara əsasən məhkəmə hesab edir ki, İddiaçı ərizəsi (vəsatəti) təmin edilməli və iddia ərizəsi baxılmamış saxlanılaraq, sənədlərlə birlikdə iddiaçıya geri qaytarılmalıdır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 170, 263-264, 267 və 268-ci maddələrini rəhbər tutaraq, məhkəmə QƏRARA A L D İ: İddiaçı “iddia ərizəsinin qaytarılması” barədə ərizəsi (vəsatəti) təmin edilsin. İddiaçı tərəfindən Cavabdeh Açıq Səhmdar Cəmiyyətinə qarşı verilmiş “səhmlərə görə dividentlərin hesablanaraq ödənilməsi” tələbi barədə iddia ərizəsi və ona əlavə edilmiş sənədlər iddiaçıya geri qaytarılsın. Qərardaddan 10 gün müddətində Sumqayıt Kommersiya Məhkəməsinə şikayət verilə bilər. Sədrlik edən Zülfüqar Sadiqov