Azərbaycan Respublikası adından QƏTNAMƏ Bakı şəhəri İş № e-2(001)-432/2024 04.07.2024 BAKI ŞƏHƏRİ BİNƏQƏDİ RAYON MƏHKƏMƏSİ Hakim Əliyev İlkin Əli oğlunun sədrliyi, Rəhimov Elçin Əhəd oğlunun katibliyi, İddiaçının nümayəndəsi Nümayəndə iştirakı ilə İddiaçı Azərbaycan Respublikası Dövlət Neft Şirkətinin “Neft Kəmərləri İdarəsi-nin Cavabdeh qarşı “neft kəmərinin mühafizə zonasında inşa edilmiş qanunsuz tikilinin sökülməsi” barədə mülki işə açıq məhkəmə iclasında baxaraq, məhkəmə M Ü Ə Y Y Ə N E T D İ: İşin halları:
1. İddiaçı Azərbaycan Respublikası Dövlət Neft Şirkətinin Neft Kəmərləri İdarəsi iddia ərizəsi ilə məhkəməyə müraciət edərək, SOCAR-ın İddiaçı istismarında olan Binəqədi-Bakı Dş-200 mm-lik yerüstü neft kəmərinin 3-cü km-də, 1-ci sırada, kəmərdən təqribən 15 metr aralı məsafədə, neft kəmərinin mühafizə zonasında Binəqədi rayonu, Biləcəri qəsəbəsində, DSK yolunun yaxınlığı ünvanında Cavabdeh tərəfindən inşa edilmiş fərdi yaşayış evinin, hasarın və sanitar qovşağın cavabdehin hesabına sökülərək ərazidən çıxarılmasını və ödənilmiş 100 (yüz) manat dövlət rüsumunun cavabdehdən tutularaq, iddiaçı SOCAR-ın İddiaçı bank hesabına ödənilməsi barədə barədə qətnamə qəbul edilməsini xahiş etmişdir.
2. İddia tələbi onunla əsaslandırılmışdır ki, SOCAR-ın İddiaçı istismarında olan Binəqədi-Bakı Dş-200 mm-lik yerüstü neft kəmərinin 3-cü km-də, 1-ci sırada, kəmərdən təqribən 15 metr aralı məsafədə, neft kəmərinin zonasında Binəqədi rayonu, Biləcəri qəsəbəsində, DSK yolunun yaxınlığı ünvanında Cavabdeh tərəfindən inşa edilmiş fərdi yaşayış evinin, hasarın və sanitar qovşağı tikililəri faktı aşkar edilmişdir. Azərbaycan Respublikası Torpaq Məcəlləsinin 22.2-ci maddəsinə əsasən, əhalinin təhlükəsizliyinin təmin olunması, sənaye, nəqliyyat, rabitə, müdafiə və digər təyinatlı obyektlərin istismarına lazımi şərait yaradılması üçün onların ətrafında xüsusi (qoruyucu, sanitariya və s.) hüquqi rejimli mühafizə zonaları yaradılır. Həmin maddənin 5-ci bəndinə əsasən sənaye, nəqliyyat, rabitə və digər təyinatlı torpaqların istifadəsi qaydaları müvafiq icra hakimiyyəti orqanı tərəfindən müəyyən edilir, xüsusi hüquqi rejimli zonalarının müəyyənləşdirilməsi qaydaları isə müvafiq normativ aktlarla tənzimlənir. Bundan başqa, AR Sənaye və Energetika Nazirliyi tərəfindən hazırlanmış və xx.xx.2003-cü ildə Ədliyyə nazirliyində 2951 nömrəsi ilə qeydiyyata alınmış “Magistral neft kəmərlərinin istismarında texniki təhlükəsizlik Qaydaları”na əsasən, mühafizə zonası boru kəmərləri oxunun hər tərəfindən 50 metrlik məsafədən keçən torpaq sahəsi şərti xətlərlə müəyyən edilmişdir. Bu qaydalara əsasən İddiaçı rəsmi razılığı olmadan kəmərlərin mühafizə zonasında aşağıda göstərilən işlərin aparılması qadağandır: a) hər hansı tikinti və quraşdırma işləri; b) bütün növ kol və ağacların basdırılması, yem məhsullarının, gübrə və materialların yığılması, ot və samanların tayaya vurulması, heyvan saxlamaq, balıq yetişdirmək üçün yerlərin ayrılması, balıq və su heyvanlarını tutmaq, bitkiləri yığmaq, buz sındırılması və yıgılması; c) boru kəmərlərinin üstündən və yanından keçidlərin düzəldilməsi, avtomobil və digər nəqliyyat vasitələri, traktor və mexanizmlər üçün dayanacaqların təşkili, kollektiv bağ və bostan salınması; ç) torpaq meliorasiya işlərinin aparılması, suvarma və qurutma sistemlərinin quraşdırılması; AR Torpaq Məcəlləsinin 111-ci maddəsində aşağıdakılar göstərilmişdir: 1) “Azərbaycan Respublikasında torpaqlarin özbaşına tutulması(zəbt edilməsi) qanunla qadağan olunur. 2)Özbaşına tutulmuş (zəbt edilmiş) torpaq sahələri qanunsuz istifadə zamanı çəkilən xərclərin əvəzi ödənilmədən aidiyyəti üzrə geri qaytarılmalıdır. 3) Torpaqların əvvəlki vəziyyətinə gətirilməsi (orada olan binaların, tikililər və qurguların sökülməsi də daxil olmaqla) torpaqları zəbt etmiş hüquqi və fiziki şəxslər tərəfindən və ya onların hesabına həyata keçirilir”. AR Prezidentinin xx.xx.2002-ci il tarixli 685 saylı Fərmanında, eləcə də AR Nazirlər Kabinetinin xx.xx.2004-cü il tarixli 167 saylı Qərarında İxrac neft boru kəmərinin mühafizə zolağında hər hansı qurğunun yerləşdirilməsi və ya tikintisinin aparılmasının yolverilməzliyi göstərilmişdir. Həmçinin AR Mülki Məcəlləsinin 180.4-cü maddəsinə əsasən “tikinti məqsədləri üçün ayrılmayan torpaq sahəsində və ya buna lazımi icazələr almadan və ya şəhərsalma və tikinti normalarını və qaydalarını ciddi surətdə pozmaqla tikilmiş bina və qurğular müvafiq icra hakimiyyəti orqanlarının və ya maraqlı tərəfin müraciəti üzrə qəbul edilmiş məhkəmənin qərarı əsasında sökülə bilər.” Bundan əlavə Azərbaycan Respublikasının Cinayət Məcəlləsinin 222-2-ci maddəsi ilə müvafiq icazə alınmadan magistral boru kəmərlərinin mühafizə zonalarında tikinti və ya quraşdırma işləri aparılmasına görə cinayət məsuliyyəti müəyyən edilmişdir. Neft boru kəmərlərinin strateji əhəmiyyətli dövlət obyekti və yüksək təhlükə mənbəyi olduğundan, həmçinin mühafizə zonası boyunca neft-qaz ayrılmaları olduğundan burada hər an yanğın-partlayış və digər fövqəladə halların baş verməsi labüddür və bu hallar əhalinin sağlamlığına xələl gətirər və ölkə iqtisadiyyatına ciddi təhdid yarada bilər. Göstərilənlərə əsasən iddianın təmin edilməsi barədə qətnamə qəbul edilməsi xahiş edilmişdir. Tərəflərin izahatları və iddiaya münasibəti:
3. Məhkəmə iclasında iştirak edən iddiaçının nümayəndəsi iddia tələbinin dəlillərinə uyğun izahat verərək iddiasını müdafiə etmişdir. Əlavə olaraq bildirmişdir ki, iş üzrə təqdim edilmiş rəylə tanış olmuşdurlar. Fərdi yaşayış evi, hasar, sanitar qovşaq tikililərinin SOCAR-ın İddiaçı istismarında olması ekspert rəyi ilə də müəyyən olunmuşdur. Odur ki, iddia tələbinin təmin edilməsini xahiş edir.
4. Əvvəlki məhkəmə iclaslarında iştirak edən iddiaçının nümayəndəsi iddia tələbinin müdafiə etdiyini və təmin edilməsini xahiş etmişdir.
5. Məhkəmə iclasının vaxtı və yeri barədə lazımi qaydada məlumat verilməsinə baxmayaraq, cavabdeh məhkəmə iclasına iştirak etməmişdir.
6. Əvvəlki məhkəmə iclasında iştirak edən cavabdeh izahatında, fərdi yaşayış evini 2007-ci ildə hazır vəziyyətdə aldığını bildirmişdir. O fərdi yaşayış evini alan zaman həyətdə alçıpandan sanitar qovşağı var imiş. Son dövrlərdə isə o sanitar qovşağını söküb kərpicdən tikmişdir və həmin ərəfədə Neft Kəmərləri İdarəsinin əməkdaşları o evdə olmayan zaman evə gələrək yoldaşına aparılan tikilinin qanunsuz olduğunu bildirmişlər. Bundan əlavə o qeyd etmişdir ki, neft kəməri torpağın altındadır və neft kəmərinin üstündə asfalt çəkilmişdir. Neft kəməri görünməsə də, ərazidə neft kəmərinin olması barədə göstərici lövhələr vardır. Məhkəmə iclasında tədqiq edilmiş sübutlar:
7. SOCAR Təhlükəsizlik İdarəsinin 35 saylı komandasının qarovul rəis X6, mühafizəçilər X8 və X14 iştirakı ilə tərtib edilən xx.xx.2023-cü il tarixli aktdan görünür ki, 6 saylı qarovulun 1-ci iş növbəsində saat 16:40-da 13-14 saylı qarovulun postların ərazisində (Binəqədi rayonu, Biləcəri qəsəbəsi DSK yolunun yaxınlığı) Binəqədi-Bakı DŞ 200 mm-lik yerüstü neft kəmərinin 3-cü km-də, 39 T 0398837; ******* saylı koordinat üzrə, 1-ci sırada, kəmərə perpendikulyar, kəmərdən təqribən 15 metr aralı məsafədə, naməlum şəxs tərəfindən, köhnədən inşa edilmiş, hasarlanmış, içərisində yaşayış olan evə bitişik 1.8 metr uzunluğunda və 1.6 metr enində sanitar qovşağı üçün nəzərdə tutulmuş tikinti işlərinin aparılaraq hörgü işlərinin tamamlanması aşkar edilmişdir. Mühafizə zonası daxilində görülən işlərin qanunazidd olduğu ev sahibi evdə olmadığından həmin şəxsin həyat ( ev sahibinin əlaqə nömrəsi ***-***-**-**) kimi təqdim edən lakin kimliyi heç bir sənəd təqdim etməyən şəxsə izah edilərək görülən işin dayandırılması tələb edildi, lakin o, həyətyanı sahəyə daxil olmaqlarına icazə vermədiyi üçün hüquqi prosesləri həyata keçirmək mümkün olmamışdır. Bununla bağlı ərazi üzrə icra nümayəndəsi Natiq adlı (əlaqə nömrəsi ***-***-**-**) şəxsə saat 16:37-də məlumat verilmişdir.
8. Bakı şəhəri Biləcəri Bələdiyyəsinin 925 saylı, xx.xx.2004-cü il tarixli Bakı şəhəri sakini X5 torpaq sahəsinin satılması haqqında qərarında göstərilir: 1. Bakı şəhəri sakini X4 adına Biləcəri bələdiyyəsi hüdudları daxilində fərdi yaşayış evinin tikintisi üçün alqı-satqı yolu ilə ayrılmış 600,0 kv.metr torpaq sahəsindən 200,0 kv.metri öz adında qalmaqla, 400,0 kv.metr torpaq sahəsinin notarial qaydada qarşılıqlı razılaşmaya əsasən, X4 adından ünvan 2 ünvanda yaşayan X1 və qərarın bir nüsxəsi X5 verilsin. 2. Ayrılmış torpaq sahəsində inşaat-tikinti işləri tikintinin layihəsi rayon (şəhər) memarlıq xidməti ilə razılaşdırıldıqdan və qanunla müəyyən olunmuş digər hallar nəzərə alındıqdan sonra aparılsın. 3. Müvafiq razılaşdırılmadan sonra tikinti aparılan zaman kommunikasiya xəttləri müəyyən edildikdə tikintinin inşası dərhal dayandırılsın və aidiyyatı üzrə xəbərdarlıq edilsin. 4. Qnunla müəyyən edilmiş vergilərin vaxtı-vaxtında yerli büdcəyə ödənilməsi Ş.X.Niftalıyevaya tapşırılsın. 5. Qərarın icrası qanunvericilikdə nəzərdə tutulmuş qaydada bələdiyyənin icra aparatına tapşırılsın.
9. Bakı şəhəri Biləcəri Bələdiyyəsinin 296/a saylı, xx.xx.2006-cü il tarixli Bakı şəhəri sakini X5 torpaq sahəsinin satılması haqqında qərarında göstərilir: 1. Bakı şəhəri sakini X4 adına Biləcəri bələdiyyəsi hüdudları daxilində fərdi yaşayış evinin tikintisi üçün öz adında qalmaqla sənədləşdirilmiş əlavə olunmuş cizgi əsasında 200,0 kv.metr torpaq sahəsindən əlavə olunmuş cizgi əsasında 100,0 kv.metr torpaq sahəsi notarial qaydada razılaşmaya əsasən, vətəndaş X4 (ƏN-İ № 099983 saylı xx.xx.2007-ci il tarixli etibarnaməyə əsasən X17) adından Masallı rayonu, Təzəkənd kənd sakini vətəndaş X7 adına, digər əlavə olunmuş cizgi əsaında 100,0 kv.metr torpaq sahəsi isə notarial qaydada qarşılıqlı razılaşmaya əsasən, vətəndaş X4 notarial qaydada razılaşmaya əsasən, vətəndaş X4 (ƏN-İ № 099983 saylı xx.xx.2007-ci il tarixli etibarnaməyə əsasən X17) adından Masallı rayonu, Təzəkənd kənd sakini vətəndaş X9 adına sənədləşdirilsin.
2. X10 tapşırılsın ki, əlavə olunmuş cizgi əsasında 100,0 kv.metr torpaq sahəsinin addanada sənədləşdirilməsi üçün bələdiyyənin müvafiq qərarına uyğun aidiyyatı zona üzrə müəyyən edilmiş torpaq rüsumunu, bir kv.metri 1 (bir) manat olmaqla, Biləcəri bələdiyyəsinin “Kapitalbank”-ın 1 saylı Binəqədi filialında olan ********** saylı hesabına ödənsin və ödəmə barədə qəbzi Biləcəri bələdiyyəsinə təqdim etsin. 3.Sənədləşdirilmiş toraq sahəsində inşaat-tikinti işləri tikintinin layihəsi rayon (şəhər) memarlıq xidməti ilə razılaşdırıldıqdan və qanunla müəyyən olunmuş digər hallar nəzərə alındıqdan sonra aparılsın.
4. Müvafiq razılaşdırılmadan sonra tikinti aparılan zaman kommunikasiya xəttləri müəyyən edildikdə tikintinin inşası dərhal dayandırılsın və aidiyyatı üzrə xəbərdarlıq edilsin.
5. Qanunla müəyyən edilmiş vergilərin vaxtlı-vaxtında yerli büdcəyə ödənilməsi A.M.İsgəndərovaya tapşırılsın.
6. Qərarın icrası qanunvericilikdə nəzərdə tutulmuş qaydada bələdiyyənin icra aparatına tapşırılsın.
10. 15.05.2008-ci il tarixli etibarnamədən görünür ki, X2 və X3 Alıxan oğluna Azərbaycan Respublikası Bakı şəhəri Biləcəri Bələdiyyəsinin xx.xx.2007-ci il tarixli 885/a №-li qərarı ilə verilmiş Biləcəri Bələdiyyəsi ərazisində fərdi yaşayış evinin tikilməsi üçün ayrılmış 100 kv.m-dən torpaq sahəsində tikinti işləri aparmağı, torpağı özəlləşdirməyi, üzərində sərəncam verməyi, Torpaq sahəsində kadastr planı almağı, Az. Resp.DƏDRXnin Bakı şəhər ərazi idarəsinə sənədləri təqdim etməyi, idarə, müəssisə və təşkilatlarda nümayəndəsi olmağı, həmin əmlakın özəlləşdirilməsi ilə əlaqədar olaraq zəruri arayış və sənədləri toplamağı və təqdim etməyi, torpağa və tikintiyə reyestrdən çıxarışı almağı, özəlləşdirdikdə sonra satmağı, bağışlamağı, dəyişməyi, ipoteka (girov)-a qoymağı, pulunu almağı, icarə və ya kirayə müqavilələri bağlamağı, bu barədə müqaviləni imzalamağı, rüsum, ödəniş və vergiləri ödəməyi, bu tapşırığın yerinə yetirilməsi ilə əlaqədar aımdan əeizə verməyi və digər hərəkətləri etməyi etibar edir.
11. İddiaçı tərəfindən məhkəmədə iddia qaldırılması üçün 100 manat məbləğində dövlət rüsumu ödənilmişdir. Məhkəmə tərəfindən tərəflərin izahatları və tədqiq edilmiş sübutlar əsasında müəyyən edilən işin faktiki halları:
12. Cavabdehə məxsus olan və neft kəmərinin mühafizə zolağı daxilində yerləşdiyi iddia edilən tikili iddiaçının nümayəndələri tərəfindən aşkar edilmişdir. Tikilinin cavabdehin faktiki sahibliyində olması iddiaçının nümayəndələri tərəfindən tərtib edilmiş aktla təsdiq edilir.
13. İddiaçı cavabdeh tərəfindən torpaq sahəsinin qanunsuz zəbt edildiyi və müvafiq icazələr alınmadan neft kəmərinin mühafizə zonasında tikinti işlərinin aparıldığını iddia edir və həmin tikililərin cavabdehin hesabına sökülərək, ərazidən çıxarılmasını xahiş edir.
14. Tikilinin neft kəmərinin mühafizə zolağında yerləşməsi ekspertiza tədqiqatı ilə müəyyən olunur. Belə ki, tədqiqat prosesinin təsviri hissəsində ekspert göstərmişdir ki, Binəqədi-Bakı DŞ-200 mm-lik neft kəməri ilə Binəqədi rayonu, Biləcəri qəsəbəsi, DSK yolunun yaxınlığında yerləşən, hasara qədər məsafənin 1,5 metr, fərdi yaşayış evinə qədər məsafənin 11,4 metr köməkçi tikililərə olan məsafənin 23 metr olduğunu nəzərə alaraq, həmin fərdi yaşayış evinin, hasarın və köməkçi tiklilərin bütövlükdə neft kəmərinin 50 metrlik mühafizə zolağına düşdüyü müəyyən olunmuşdur. Hüquqi dəyərləndirmə və məhkəmənin mövqeyi:
15. Azərbaycan Respublikası Torpaq Məcəlləsinin 22-ci maddəsinin 2-ci bəndində qeyd edilmişdir ki, əhalinin təhlükəsizliyinin təmin olunması, sənaye, nəqliyyat, rabitə, müdafiə və digər təyinatlı obyektlərin istismarına lazımi şərait yaradılması üçün onların ətrafında xüsusi (qoruyucu, sanitariya və s.) hüquqi rejimli mühafizə zonaları yaradılır.
16. Azərbaycan Respublikası Torpaq Məcəlləsinin 22-ci maddəsinin 5-ci bəndində qeyd edilmişdir ki, sənaye, nəqliyyat, rabitə və digər təyinatlı torpaqların istifadəsi qaydaları müvafiq icra hakimiyyəti orqanı tərəfindən müəyyən edilir, xüsusi hüquqi rejimli mühafizə zonalarının müəyyənləşdirilməsi qaydaları isə müvafiq normativ hüquqi aktlarla tənzimlənir.
17. Azərbaycan Respublikası Torpaq Məcəlləsinin 55-ci maddəsində qeyd edilmişdir ki, hüquqi və fiziki şəxslərin torpaq sahəsi üzərində hüquqları müvafiq icra hakimiyyəti orqanlarının və ya bələdiyyələrin qərarları və onlarla bağlanan müqavilələr; hüquqi və (və ya) fiziki şəxslər arasında bağlanan müqavilələr və torpaqla bağlı digər əqdlər; məhkəmənin torpaq sahəsi üzərində hüququn müəyyən edilməsinə dair qərarı və ya hökmü; vərəsəlik hüququ əsasında və qanunvericiliklə müəyyən edilmiş digər yollarla yaranır. 66.1-ci maddəsinə əsasən Dövlət və bələdiyyə mülkiyyətində olan torpaq sahələrinin hər hansı hüquqda hüquqi və fiziki şəxslərə verilməsi müvafiq icra hakimiyyəti orqanının və ya bələdiyyənin qərarı və tərəflər arasında bağlanmış müqavilə əsasında həyata keçirilir. Xüsusi mülkiyyətdə olan torpaqlar üzərində bütün hüquqların başqasına keçməsi isə tərəflər arasında bağlanmış və notarial qaydada təsdiq edilmiş müqavilə əsasında həyata keçirilir. Müqavilədə tərəflərin hüquqları və vəzifələri, torpaq sahəsinin hüquqi statusu, öhdəliklər, məhdudiyyətlər və servitutlar, müqaviləyə xitam verilməsinin əsasları və torpaqların istifadəsi və mühafizəsi üzrə digər şərtlər nəzərdə tutulur. 66.2-ci maddəsinə əsasən Torpaq üzərində hüquqlar (müddəti on bir aydan az olan icarə və istifadə hüquqları istisna olmaqla) qanunvericiliklə müəyyən edilmiş qaydada daşınmaz əmlakın dövlət reyestrində dövlət qeydiyyatına alınır və həmin reyestrdən çıxarışla rəsmiləşdirilir. 67.1-ci maddəsinə əsasən Torpaq üzərində hüquqların dövlət qeydiyyatı qanunvericilikdə nəzərdə tutulmuş qaydada daşınmaz əmlakın dövlət reyestrində aparılır. 68-ci maddəsinə əsasən torpaq sahələri üzərində hüquqlar torpaq sahələrinin sərhədlərinin yerdə müəyyən edilməsindən, onların planı və ölçüsünün tərtib edilməsindən, torpaq sahələrinin verilməsi barədə müqavilənin bağlanmasından və onun müəyyən olunmuş qaydada dövlət qeydiyyatından keçirilməsindən sonra yaranır. Həmin Məcəllənin 111-ci maddəsinə əsasən Azərbaycan Respublikasında torpaqların özbaşına tutulması(zəbt edilməsi)qanunla qadağ an olunur.Torpaqların əvvəlki vəziyyətinə gətirilməsi (orada olan binaların, tikililər və qurğul arın sökülməsi də daxil olmaqla) torpaqları zəbt etmiş hüquqi və fiziki şəxslər tərəfindən və ya onların hesabına həyata keçirilir.
18. Azərbaycan Respublikası Mülki Məcəlləsinin 180.1-ci maddəsinə əsasən tikinti məqsədləri üçün ayrılmayan torpaq sahəsində və ya buna lazımi icazələr almadan və ya şəhərsalma və tikinti normalarını və qaydalarını ciddi surətdə pozmaqla tikilmiş yaşayış evi, digər tikili, qurğu və ya başqa daşınmaz əmlak özbaşına tikinti sayılır. 180.2-ci maddəsinə əsasən özbaşına tikinti aparılmış şəxs ona mülkiyyət hüququ əldə etmir. Onun tikintiyə dair sərəncam vermək, onu satmaq, bağışlamaq, icarəyə vermək, digər əqdlər bağlamaq ixtiyarı yoxdur. 180.4-cü maddəsinə əsasən, tikinti məqsədləri üçün ayrılmayan torpaq sahəsində və ya buna lazımi icazələr almadan və ya şəhərsalma və tikinti normalarının və qaydalarını ciddi surətdə pozmaqla tikilmiş bina və qurğular müvafiq icra hakimiyyəti orqanlarının və ya maraqlı tərəfin müraciəti üzrə qəbul edilmiş məhkəmənin qərarı əsasında sökülə bilər.
19. Azərbaycan Respublikası Ədliyyə Nazirliyində xx.xx.2003-cü il tarixdə 2951 nömrəsi ilə qeydə alınmış “Magistral neft kəmərlərinin istismarında texniki təhlükəsizlik Qaydaları”nın 6.7-ci bəndində qeyd olunmuşdur ki, boru kəmərlərinin mühafizə zonasında onu istismar edən hüquqi və fiziki şəxslər Magistral boru kəmərləri idarəsi və onun yerli orqanlarının yazılı razılığı olmadan aşağıda göstərilən işlərin aparılması qadağandır
20. a) hər hansı tikinti və quraşdırma işləri;
21. b) bütün növ kol və ağacların basdırılması, yem məhsullarının, gübrə və materialların yığılması, ot və samanların tayaya vurulması, heyvan saxlamaq, balıq yetişdirmək üçün yerlərin ayrılması, balıq və su heyvanlarının tutmaq, bitkiləri yığmaq, buz sındırılması və yığılması;
22. c) boru kəmərlərinin üstündən və yanından keçidlərin düzəldilməsi, avtomobil və digər nəqliyyat vasitələri, traktor və mexanizmlər üçün dayanacaqların təşkili, kollektiv bağ və bostan salınması;
23. d) torpaq meliorasiya işlərinin aparılması, suvarma və qurutma sistemlərinin quraşdırılması;
24. e) hər növ dağ, quraşdırma, partlayış və torpaq səthinin düzləndirmə işləri;
25. f) quyuların quraşdırılması, şurf açılması və yerin təkindən nümunə götürülməsi məqsədi ilə geolociseysmik, geodeziya və başqa axtarış işləri.
26. “Texniki təhlükəsizlik haqqında” Azərbaycan Respublikasının Qanununa və Azərbaycan Respublikası Nazirlər Kabinetinin xx.xx.2001-ci il tarixli 94 saylı qərarına görə, neft-qaz hasilatı sənayesi əhaliyə və ətraf mühitə təhlükə yarada biləcək potensial təhlükəli obyektlər kateqoriyasına aid edilmişdir.
27. Azərbaycan Respublikası Nazirlər Kabinetinin xx.xx.2004-cü il tarixli Qərarı ilə təsdiq edilmiş İstismar olunan ixrac neft boru kəmərlərinin “Mühafizə Zonası”nın müəyyənləşdirilməsi Qaydalarının 1.1.-ci bəndində qeyd edilmişdir ki, Bu Qaydalar Azərbaycan Respublikasının ərazisində Bakı-Tbilisi- Ceyhan və Cənubi Qafqaz boru kəmərləri istisna olmaqla, istismar olunan neft ixrac boru kəmərlərinin qorunması, onların təhlükəsiz və etibarlı istismarı üçün normal şəraitin yaradılması və baş verə biləcək hadisələrin qarşısının alınması məqsədilə hazırlanmışdır. 1.2. İxrac neft boru kəmərləri (bundan sonra - İNBK) - yeraltı, yer üzərində, tökmə torpaq altında, yerüstü dayaqlarda, sualtı boru kəmərləri və onlarla bağlı neftin istehlakçıya nəqlini, qəbulunu, təhvilini, boşaldılıb-yüklənməsini təmin edən nasos stansiyaları, neft anbarları və digər texnoloji obyektlərdən ibarət mühəndis qurğularıdır.1.3. Bu Qaydaların tələbləri torpaq mülkiyyətçiləri ilə yanaşı, torpaq istifadəçilərinə də şamil edilir. 4.1.İNBK-nın istismarı üçün şərait yaratmaq və onların döşəndiyi şəraitdən asılı olaraq zədələnmə ehtimalının qarşısının alınmasını təmin etmək məqsədilə aşağıdakı mühafizə zonaları müəyyənləşdirilir:1)İNBK-mn marşrutu boyunca - boru kəməri oxunun hər tərəfindən 50 metrlik məsafədən keçən torpaq sahəsi şərti xətlərlə məhdudlaşdırılır; kənd təsərrüfatı təyinatlı torpaqlarda mühafizə zonası_boru kəməri oxunun hər tərəfindən 25 metrlik məsafədən keçən şərti xətlərlə məhdudlaşdırılır. 6.1. "Mühafizə Zonası"nda Energetika Nazirliyinin (istismarçı təşkilatın rəyini almaqla) icazəsi olmadan aşağıdakılar üzrə işlərin edilməsi qadağandır: 1)bina və qurğuların tikintisi. 6.2. "Mühafizə Zonası"nda bu Qaydaların 5.1-ci bəndində göstərilmiş işlərin aparılması üçün rəsmi icazə almış fiziki və hüquqi şəxslər bu işləri boru kəmərlərinin mühafizəsini təmin edən şərtlərə riayət etməklə, həmin bəndin ikinci abzasında göstərilmiş işlərin aparılması aidiyyəti üzrə Fövqəladə Hallar Nazirliyi və Dövlət Şəhərsalma və Arxitektura Komitəsi ilə, üçüncü abzasında göstərilmiş işlərin aparılması Ekologiya və Təbii Sərvətlər Nazirliyi ilə, dördüncü abzasında göstərilmiş işlərin aparılması Nəqliyyat, Rabitə və Yüksək Texnologiyalar Nazirliyi ilə, beşinci abzasında göstərilmiş işlərin aparılması Meliorasiya və Su Təsərrüfatı Komitəsi ilə, altıncı abzasında göstərilmiş işlərin aparılması isə aidiyyəti üzrə Ekologiya və Təbii Sərvətlər Nazirliyi, Fövqəladə Hallar Nazirliyi, Dövlət Tikinti və Arxitektura Komitəsi, Əmlak Məsələləri Dövlət Komitəsi ilə razılaşdırma əsasında həyata keçirməlidirlər. Bu şərtlər Azərbaycan Respublikasının Energetika Nazirliyi tərəfindən müəyyən edilir.
28. Məhkəmə baxışında tədqiq olunmuş sübutlarla müəyyən edilmişdir ki, sökülməsi tələb olunan fərdi yaşayış evi, hasar və digər köməkçi tikili(sanitar qovşaq) Binəqədi-Bakı DŞ-200 mm-lik neft kəmərinin mühafizə zonası daxilində yerləşir və bu hal müvafiq ekspertiza rəyi ilə öz təsdiqini tapır. Eyni zamanda həmin tikiliyə dair hər hansı hüquq müəyyənedici sənəd yoxdur.
29. Məhkəmə tədqiq olunmuş sübutlara məcmu halında qiymət verib, belə nəticəyə gəlir ki, Socar-ın İddiaçı istismarında olan Dş-200 mm-lik yerüstü neft kəmərinin 3-cü km-də, 1-ci sırada, kəmərdən təqribən 15 metr aralı məsafədə, neft kəmərinin zonasında Binəqədi rayonu, Biləcəri qəsəbəsində, DSK yolunun yaxınlığı ünvanında, yəni kəmərin mühafizə zonasında tikinti işləri qanunla müəyyən olunmuş qaydada lazımi icazələr olmadan, şəhərsalma və tikinti normalarını və qaydalarını ciddi surətdə pozmaqla cavabdeh tərəfindən özbaşına aparıldığından, bu tikililər (fərdi yaşayış evi, hasar tikilisi və sanitar qovşaq) neft kəmərinin mühafizə zonasında inşa edildiyindən, tikinti neft kəmərinin texniki istismarına və istifadəsinə maneələr törətdiyindən, ətrafdakı insanların sağlamlığı və əmlakı üçün ciddi təhlükə yaratdığından iddia ərizəsi əsaslıdır və buna görə iddia təmin edilməli, cavabdeh tərəfindən inşa edilən qanunsuz bütün tikililər cavabdehin hesabına sökülərək ərazidən çıxarılmalıdır. Tətbiq edilən prosessual normalar:
30. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Nəticə:
31. Beləliklə, məhkəmə hesab edir ki, iddia təmin edilməli, Azərbaycan Respublikası Dövlət Neft Şirkətinin İddiaçı istismarında olan Binəqədi-Bakı Dş-200 mm-lik yerüstü neft kəmərinin 3-cü km-də, 1-ci sırada, neft kəmərinin mühafizə zonasında Binəqədi rayonu, Biləcəri qəsəbəsində, DSK yolunun yaxınlığı ünvanında yerləşən Cavabdeh məxsus fərdi yaşayış evi, hasar və sanitar qovşaq cavabdehin hesabına sökülərək ərazidən çıxarılmalıdır.
32. İddia ərizəsinin verilməsinə görə ödənilmiş 100 manat məbləğində dövlət rüsumu cavabdehdən tutularaq iddiaçıya ödənilməlidir.
33. İş üzrə keçirilmiş ekspertiza tədqiqatlarının dəyərini təşkil edən 50 (əlli) manat məbləğində vəsait Cavabdeh tutularaq Məhkəmə Ekspertiza Mərkəzinin hesabına ödənilməlidir. (Dövlət xəzinədarlığı Agentliyi, Kodu 210005, VÖEN **********, Müxbir hesab AZ41NABZ********************, SFİFT BİK CTREAZ22, Məhkəmə Ekspertizası Mərkəzi, VÖEN **********, hesab AZ34CTRE********************).
34. Yuxarıda göstərilənlərə əsasən və Azərbaycan Respublikası Mülki - Prosessual Məcəlləsinin 216-220, 227, 358-360 və 362-ci maddələrini rəhbər tutaraq, məhkəmə QƏT ETDİ:
İddia təmin edilsin. Azərbaycan Respublikası Dövlət Neft Şirkətinin İddiaçı istismarında olan Binəqədi- Bakı DŞ-200 mm-lik yerüstü neft kəmərinin 3-cü km-də, 1-ci sırada, neft kəmərinin mühafizə zonasında Binəqədi rayonu, Biləcəri qəsəbəsində, DSK yolunun yaxınlığı ünvanında yerləşən Cavabdeh məxsus, fərdi yaşayış evi hasar və köməkçi tikili(sanitar qovşaq) cavabdehin hesabına sökülərək ərazidən çıxarılsın. İddia ərizəsinin verilməsinə görə ödənilmiş 100(yüz) manat məbləğində dövlət rüsumu Cavabdeh tutularaq iddiaçı Azərbaycan Respublikası Dövlət Neft Şirkətinin Neft Kəmərləri İdarəsinə ödənilsin. İş üzrə keçirilmiş ekspertiza tədqiqatının dəyərini təşkil edən 50 (əlli) manat məbləğində vəsait Cavabdeh tutularaq Məhkəmə Ekspertiza Mərkəzinin hesabına ödənilsin (Dövlət xəzinədarlığı Agentliyi, Kodu 210005, VÖEN **********, Müxbir hesab AZ41NABZ********************, SFİFT BİK CTREAZ22, Məhkəmə Ekspertizası Mərkəzi, VÖEN **********, hesab AZ34CTRE********************). Qətnamədən rəsmi qaydada verildiyi gündən 1 (bir) ay müddətində Bakı şəhəri Binəqədi Rayon Məhkəməsi vasitəsi ilə Azərbaycan Respublikası Bakı Apellyasiya Məhkəməsinin Mülki Kollegiyasına (“Elektron məhkəmə” informasiya sistemində yaradılan elektron kabinet vasitəsilə) apellyasiya şikayəti verilə bilər.
Hakim İlkin Əliyev