Bakı şəhəri Qaradağ Rayon Məhkəməsi Qərardad — İş №e-2(002)-70/2024

Azərbaycan Respublikası adından QƏRARDAD Bakı şəhəri İş № e-2(002)-70/2024 08.10.2024 BAKI ŞƏHƏRİ QARADAĞ RAYON MƏHKƏMƏSİ Hakim Əsədov Kamran Bağır oğlunun sədrliyi, İmanov Tural Arif oğlunun katibliyi ilə, İddiaçı Cavabdeh qarşı pul tələbinə dair iddia ərizəsi üzrə mülki işə Bakı şəhəri Qaradağ Rayon Məhkəməsinin binasında açıq məhkəmə iclasında baxaraq, M ü ə y y ə n e t d i: İddiaçı Cavabdeh qarşı iddia ərizəsi ilə məhkəməyə müraciət edərək, Cavabdeh İddiaçı MMC-nin xeyrinə 536.62 manat məbləğində pul vəsaiti və 30 manat məbləğində ödənilmiş dövlət rüsumunun tutulması barədə qətnamə qəbul edilməsini xahiş etmişdir. İddiaçı nümayəndəsi X2 məhkəməyə ərizə ilə müraciət edərək, Cavabdeh xx.xx.2023-cü il tarixdə vəfat etdiyindən və onun hüquqi varisi müəyyən olunmadığından iddia ərizəsinin baxılmamış saxlanılması barədə qərardad qəbul edilməsini xahiş etmişdir. İş materiallarına əlavə olunmuş “X1” əldə olunmuş məlumata əsasən müəyyən edilmişdir ki, Cavabdeh xx.xx.2023-cü il tarixdə vəfat etmiş, İddiaçı mövcud iddia ərizəsi ilə xx.xx.2023-cü il tarixdə, yəni iş üzrə cavabdeh vəfat etdikdən sonra məhkəməyə müraciət etmişdir. Halbuki iddiaçı cavabdehin hüquqi varisi müəyyən edildikdən sonra, onun hüquqi varisinə qarşı iddia ərizəsi ilə məhkəməyə müraciət etməli idi. İddia ərizəsi ilkin olaraq məhkəməyə həmin qaydada əməl edilmədən verilsə də, sonradan iddiaçı tərəfin müraciəti əsasında ərizənin baxılmamış saxlanılması xahiş edilmişdir. Ona görə də işə mahiyyəti üzrə baxıla bilməz, ərizə baxılmamış saxlanılmalıdir. Azərbaycan Respublikası MPM-in 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Həmin Məcəllənin 114.1 və 114.1.5-ci maddələrinə əsasən ödənilmiş dövlət rüsumu həmin Məcəllə ilə nəzərdə tutulmuş əsaslarla ərizə baxılmamış saxlanılarsa qaytarılır. Göstərilənlərə əsasən və Azərbaycan Respublikası MPM-in 259.0.11-ci, 263-264cü və 266-269-cu maddələrini rəhbər tutaraq məhkəmə, Q ə r a r a a l d ı: İddiaçı Cavabdeh qarşı pul tələbinə dair iddiası baxılmamış saxlanılsın. Ərizə, ona əlavə edilmiş sənədlər və iş üzrə ödənilmiş 30 manat dövlət rüsumu iddiaçıya qaytarılsın. Qərardaddan rəsmi qaydada verildikdən sonra tərəflər 10 (on) gün müddətində işə baxan Bakı şəhəri Qaradağ Rayon Məhkəməsinə şikayət verə bilərlər. Hakim Kamran Əsədov