Bakı Şəhəri Xəzər Rayon Məhkəməsi Qətnamə — İş №e-2(003)-3007/2022

Azərbaycan Respublikası adından QƏTNAMƏ Bakı şəhəri İş № e-2(003)-3007/2022 26.09.2022 BAKI ŞƏHƏRİ XƏZƏR RAYON MƏHKƏMƏSİ Hakim Məmmədli Emin İlham oğlu, İddiaçı MMC-nin Cavabdeh qarşı kiçik iddialara dair işlər üzrə sadələşdirilmiş icraat qaydasında “pul” tələbinə dair ərizəsi üzrə mülki işə baxaraq, m ü ə y y ə n e t d i: İddiaçı MMC Cavabdeh qarşı kiçik iddialara dair işlər üzrə sadələşdirilmiş icraat qaydasında “pul” tələbinə dair iddia ərizəsi ilə məhkəməyə müraciət etmişdir. İddiaçı iddia tələbini onunla əsaslandırmışdır ki, cavabdeh, Cavabdeh ilə "xxxx" MMC arasında bağlanmış xx.xx.2019-cu il, xx.xx.2020-ci il, xx.xx.2019-cu il və xx.xx.2019-cu il tarixli müqavilələrə əsasən, İMEİ kodu **********98171 Samsung Galaxy A7 markalı telefon, Saçqırxan Philips, X1, Modem TP-LİNK, Soyuducu Samsung, Blender Braun, Tozsoran Philips, Soft yumşaq mebel və Samsung Galaxy A50 markalı telefon almışdır. Cavabdehin xx.xx.2019-cu il, xx.xx.2020-ci il, xx.xx.2019-cu il və xx.xx.2019-cu il tarixli müqavilələri xx.xx.2021-ci il tarixli 01 saylı əlavəyə əsasən restrukturizasiya edilmiş və nəticədə 2929,0 manat borc yaranmışdır. Cavabdeh müqavilələrin şərtlərini pozmuş və nəticədə xx.xx.2019-cu il tarixli müqaviləyə 01 saylı əlavə olan xx.xx.2021-ci il tarixli müqaviləsinə əsasən, alqı-satqı qiyməti 255.2 manat (7 ay x 31.9 manat + 31.9 manat ödəniş) olan İMEİ kodu **********98171 Samsung Galaxy A7 markalı telefon, Saçqırxan Philips, X1, Modem TP-LİNK üçün cəmi 170,0 manat olmaqla, 155,0 manat əsas borc və 15 manat cərimə, xx.xx.2020-ci il tarixli müqaviləyə 01 saylı əlavə olan xx.xx.2021-ci il tarixli müqaviləsinə əsasən alqı-satqı qiyməti 2067 manat (29 ay x 68.9 manat + 68.9 manat ilkin ödənişsiz) olan Soyuducu Samsung, Blender Braun, Tozsoran Philips üçün cəmi 1971,0 manat olmaqla 1791.4 manat əsas borc və 179.6 manat cərimə, xx.xx.2019-cu il tarixli müqaviləyə 01 saylı əlavə olan xx.xx.2021-ci il tarixli müqaviləsinə əsasən alqı-satqı qiyməti 403.2 manat (35 ay x 11.2 manat + 11.2 manat ilkin ödəniş) olan Soft yumşaq mebel üçün cəmi 394 manat olmaqla 358.4 manat əsas borc və 35.6 manat cərimə borcu yaranmışdır. xx.xx.2019-ci il tarixli müqaviləyə 01 saylı əlavə olan xx.xx.2021-ci il tarixli müqaviləsinə əsasən alqı-satqı qiyməti 462.6 manat (17 ay x 25.7 manat + 25.7 manat ilkin ödəniş) olan Samsung Galaxy A50 markalı telefon üçün cəmi 394 manat olmaqla 359 manat əsas borc və 35 manat cərimə borcu yaranmışdır. Cavabdehin cəmi ödədiyi məbləğ 524.2 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%–i həcmində “Müştəri” mübahisəsiz olaraq penya ödəyir. Yuxarıda göstərilənlərə əsasən İddiaçı MMC-nin xeyrinə Cavabdeh xx.xx.2019-cu il tarixli müddətli (nisyə) alqı-satqı müqaviləsinə 01 saylı əlavə olan xx.xx.2021-ci il tarixli müqaviləsi üzrə 155 manat borc, 15 manat cərimə, xx.xx.2020-ci il tarixli müddətli (nisyə) alqı-satqı müqaviləsinə 01 saylı əlavə olan xx.xx.2021-ci il tarixli müqaviləsi üzrə 1791.4 manat borc, 179.6 manat cərimə, xx.xx.2019-cu il tarixli müddətli (nisyə) alqı-satqı müqaviləsinə 01 saylı əlavə olan xx.xx.2021-ci il tarixli müqaviləsi üzrə 358.4 manat borc, 35.6 manat cərimə, xx.xx.2019-ci il tarixli müddətli (nisyə) alqı-satqı müqaviləsinə 01 saylı əlavə olan xx.xx.2021-ci il tarixli müqaviləsi üzrə 359 manat borc, 35 manat cərimə borcu olmaqla, müqavilələr üzrə cəmi 2929,0 manat borc və ödənilmiş dövlət rüsumuna görə 49.29 manat məbləğində pulun tutulması barədə qətnamə çıxarılmasını məhkəmədən xahiş etmişdir. Azərbaycan Respublikasının Mülki Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə müvafiq olaraq, hazırki iş üzrə cavabdehə rəsmi qaydada bildiriş göndərilmiş, bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Lakin qanunvericilikdə nəzərdə tutulmuş müddətdə cavabdeh tərəfindən məhkəməyə iddiaçının tələbinə dair etiraz daxil olmamışdır. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Azərbaycan Respublikası Mülki Prosessual Məcəlləsinin 284-5.1-ci maddəsinə uyğun olaraq cavabdehə rəsmi qaydada bildiriş göndərilmiş, poçt vasitəsi ilə verilmiş zərf üzərində “qapı bağlıdır” qeydi ilə məhkəməyə geri qaytarılmışdır. Məhkəmə, ərizəni və işə əlavə edilmiş sənədləri nəzərdən keçirib belə hesab edir ki, kiçik mübahisələr üzrə iddia tələbinin qismən təmin edilməsi barədə qətnamə çıxarılmalıdır. Belə ki, iş materiallarında olan İddiaçı MMC ilə Cavabdeh arasında bağlanmış xx.xx.2019-cu il tarixli 00510085 saylı müqavilədən və ona 01 saylı əlavə olan xx.xx.2021ci il tarixli müqavilədən aydın olur ki, İMEİ kodu **********98171 Samsung Galaxy A7 markalı telefon, Saçqırxan Philips, X1, Modem TP-LİNK üçün hər ay 31.9 manat ödəməklə 7 ay müddətinə 255.2 manata Cavabdeh satılmışdır. “Alıcı” ödənişi vaxtında ödəmədikdə hər gün üçün qalıq məbləğin 1 %-i həcmində penya ödəyir. İş materiallarına əlavə olunmuş xx.xx.2019-cu il tarixli təhvil-təslim aktından görünür ki, İddiaçı MMC tərəfindən Cavabdeh qeyd olunan müqaviləyə əsasən avadanlıqlar tam qüsursuz halda təhvil verilmişdir. İş materiallarına əlavə olunmuş ödəniş cədvəlindən görünür ki, Cavabdeh xx.xx.2019cu il tarixli müqaviləyə əsasən xx.xx.2019-cu il tarixdən xx.xx.2020-ci il tarixədək İddiaçı MMC-yə hər ay 70 manat ödəməyi öhdəsinə götürmüşdür. İş materiallarında olan İddiaçı MMC ilə Cavabdeh arasında bağlanmış xx.xx.2019-cu il tarixli 00510085 saylı müqavilədən və ona 01 saylı əlavə olan xx.xx.2021-ci il tarixli müqaviləyə olunmuş ödəniş cədvəlindən görünür ki, Cavabdeh xx.xx.2021-ci il tarixdən xx.xx.2021-ci il tarixədək İddiaçı MMC-yə hər ay 31,9 manat ödəməyi öhdəsinə götürmüşdür. İş materiallarında olan İddiaçı MMC ilə Cavabdeh arasında bağlanmış xx.xx.2020-ci il tarixli 20028144 saylı müqavilədən və ona 01 saylı əlavə olan xx.xx.2021-ci il tarixli müqavilədən aydın olur ki, Soyuducu Samsung, Blender Braun, Tozsoran Philips üçün hər ay nəğd qaydada 68.9 manat ödəməklə 29 ay müddətinə 2067 manata Cavabdeh satılmışdır. “Alıcı” ödənişi vaxtında ödəmədikdə hər gün üçün qalıq məbləğin 1 %-i həcmində penya ödəyir. İş materiallarına əlavə olunmuş xx.xx.2020-ci il tarixli təhvil-təslim aktından görünür ki, İddiaçı MMC tərəfindən Cavabdeh qeyd olunan müqaviləyə əsasən avadanlığı tam qüsursuz halda təhvil verilmişdir. İş materiallarına əlavə olunmuş ödəniş cədvəlindən görünür ki, Cavabdeh xx.xx.2020ci il tarixli müqaviləyə əsasən xx.xx.2020-ci il tarixdən xx.xx.2021-ci il tarixədək İddiaçı MMC-yə hər ay 120 manat ödəməyi öhdəsinə götürmüşdür. İş materiallarında olan İddiaçı MMC ilə Cavabdeh arasında bağlanmış xx.xx.2020-ci il tarixli 20028144 saylı müqavilədən və ona 01 saylı əlavə olan xx.xx.2021-ci il tarixli müqaviləyə olunmuş ödəniş cədvəlindən görünür ki, Cavabdeh xx.xx.2021-ci il tarixdən xx.xx.2023-cü il tarixədək İddiaçı MMC-yə hər ay 68,9 manat ödəməyi öhdəsinə götürmüşdür. İş materiallarında olan İddiaçı MMC ilə Cavabdeh arasında bağlanmış xx.xx.2019cu il tarixli 01122252 saylı müqavilədən və ona 01 saylı əlavə olan xx.xx.2021-ci il tarixli müqavilədən aydın olur ki, Soft yumşaq mebel üçün hər ay nəğd qaydada 11.2 manat ödəməklə 35 ay müddətinə 403.2 manata Cavabdeh satılmışdır. “Alıcı” ödənişi vaxtında ödəmədikdə hər gün üçün qalıq məbləğin 1 %-i həcmində penya ödəyir. İş materiallarına əlavə olunmuş xx.xx.2019-cu il tarixli təhvil-təslim aktından görünür ki, İddiaçı MMC tərəfindən Cavabdeh qeyd olunan müqaviləyə əsasən avadanlıqları tam qüsursuz halda təhvil verilmişdir. İş materiallarına əlavə olunmuş ödəniş cədvəlindən görünür ki, Cavabdeh İddiaçı MMC-yə xx.xx.2019-cu il tarixli müqaviləyə əsasən xx.xx.2020-ci il tarixdən xx.xx.2021-ci il tarixədək hər ay 17 manat ödəməyi öhdəsinə götürmüşdür. İş materiallarında olan İddiaçı MMC ilə Cavabdeh arasında bağlanmış xx.xx.2019-cu il tarixli 01122252 saylı müqavilədən və ona 01 saylı əlavə olan xx.xx.2021-ci il tarixli müqaviləyə olunmuş ödəniş cədvəlindən görünür ki, Cavabdeh xx.xx.2021-ci il tarixdən xx.xx.2024-cü il tarixədək İddiaçı MMC-yə hər ay 11,2 manat ödəməyi öhdəsinə götürmüşdür. İş materiallarında olan İddiaçı MMC ilə Cavabdeh arasında bağlanmış xx.xx.2019cu il tarixli 00780135 saylı müqavilədən və ona 01 saylı əlavə olan xx.xx.2021-ci il tarixli müqavilədən aydın olur ki, Samsung Galaxy A50 markalı telefon üçün hər ay nəğd qaydada 51,0 manat ödəməklə 18 ay müddətinə 921,0 manata Cavabdeh satılmışdır. “Alıcı” ödənişi vaxtında ödəmədikdə hər gün üçün qalıq məbləğin 1 %-i həcmində penya ödəyir. İş materiallarına əlavə olunmuş xx.xx.2019-ci il tarixli təhvil-təslim aktından görünür ki, İddiaçı MMC tərəfindən Cavabdeh qeyd olunan müqaviləyə əsasən avadanlığı tam qüsursuz halda təhvil verilmişdir. İş materiallarına əlavə olunmuş ödəniş cədvəlindən görünür ki, Cavabdeh xx.xx.2019ci il tarixli müqaviləyə əsasən xx.xx.2019-cu il tarixdən xx.xx.2021-ci il tarixədək İddiaçı MMC-yə hər ay 51,0 manat ödəməyi öhdəsinə götürmüşdür. İş materiallarında olan İddiaçı MMC ilə Cavabdeh arasında bağlanmış xx.xx.2019-cu il tarixli 00780135 saylı müqavilədən və ona 01 saylı əlavə olan xx.xx.2021-ci il tarixli müqaviləyə olunmuş ödəniş cədvəlindən görünür ki, Cavabdeh xx.xx.2021-ci il tarixdən xx.xx.2022-ci il tarixədək İddiaçı MMC-yə hər ay 25,7 manat ödəməyi öhdəsinə götürmüşdür. İş materiallarına əlavə olunmuş maliyyə arayışından görünür ki, Cavabdeh xx.xx.2019-ci il tarixli müqavilə üzrə 359 manat əsas borc, 35 manat cərimə, xx.xx.2019cu il tarixli müqavilə üzrə 358.4 manat əsas borc, 35.6 manat cərimə, xx.xx.2020-ci il tarixli müqavilə üzrə 1791.4 manat əsas borc, 179.6 manat cərimə, xx.xx.2019-cu il tarixli müqavilə üzrə 155 manat əsas borc, 15 manat cərimə borcu vardır. İş materiallarında olan İddiaçı MMC tərəfindən Cavabdeh ünvanlanmış xx.xx.2022-ci il tarixli xəbərdarlıqdan görünür ki, cavabdeh borc barədə xəbərdar edilmiş və borcun ödənilməsi tələb olunmuş, əks təqdirdə borc məbləğinin borcludan tutulması üçün məhkəməyə müraciət ediləcəyi bildirilmişdir. İş materiallarına əlavə olunmuş qəbzdən görünür ki, iddiaçı tərəfindən 49.29 manat dövlət rüsumu ödənilmişdir. Tədqiq edilmiş iş materialları ilə müəyyən edildi ki, Cavabdeh ilə İddiaçı MMC arasında bağlanmış xx.xx.2019-cu il, xx.xx.2020-ci il, xx.xx.2019-cu il və xx.xx.2019-cu il tarixli müqavilələrə əsasən, İMEİ kodu **********98171 Samsung Galaxy A7 markalı telefon, Saçqırxan Philips, X1, Modem TP-LİNK, Soyuducu Samsung, Blender Braun, Tozsoran Philips, Soft yumşaq mebel və Samsung Galaxy A50 markalı telefon almışdır. Cavabdehin xx.xx.2019-cu il, xx.xx.2020-ci il, xx.xx.2019-cu il və xx.xx.2019-cu il tarixli müqavilələri xx.xx.2021-ci il tarixli 01 saylı əlavəyə əsasən restrukturizasiya edilmiş və nəticədə 2929,0 manat borc yaranmışdır. Cavabdehin 4 müqavilə üzrə cəmi ödədiyi məbləğ 524.2 manat təşkil edir. O, müqavilə üzrə üzərinə götürdüyü öhdəliklərə vaxtında və lazımınca əməl etməyərək müqavilənin şərtlərini pozmuşdur ki, nəticədə cavabdehin borcu yaranmışdır. İş üzrə İddiaçı MMC həmin telefonları Cavabdeh verməklə üzərinə düşən öhdəliyi yerinə yetirmiş, lakin iş üzrə cavabdeh müqavilə üzrə öhdəliyi lazımınca icra etməməklə müqavilənin və mülki qanunvericiliyin şərtlərini pozmuşdur. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 600.1-ci maddəsinə əsasən, alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə görə əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, işin müəyyən edilən hallarına əsasən cavabdeh nisyə alqı-satqı müqavilələri üzrə öhdəliklərini lazımınca yerinə yetirməmiş, nəticədə isə iddiaçı müqavilə bağlanarkən ümid etməyə haqqı çatanlardan xeyli dərəcədə məhrum olmuşdur. Beləliklə, işin müəyyən miedilən hallarına əsasən cavabdeh müqavilələr üzrə öhdəliklərini lazımınca yerinə yetirməmiş, nəticədə isə iddiaçı müqavilə bağlanarkən ümid etməyə haqqı çatanlardan xeyli dərəcədə məhrum olmuşdur. Sadalanan qanunvericilik aktı normalarına əsasən məhkəmə hesab edir ki, cavabdeh nisyə alqı-satqı müqavilələri əsasında iddiaçıdan əşya almaq hüququna malik olduğu kimi eyni zamanda göstərilən müqavilələr əsasında aldığı avadanlıqların dəyərini iddiaçıya qaytarmalı olmasına dair vəzifələrin daşıyıcısı olmuşdur. Lakin, cavabdeh müqavilələr əsasında iddiaçıdan avadanlıqlar almasına dair hüququndan istifadə etmiş, həmin avadanlıqların dəyərini ödəməli olmasına dair vəzifəsini isə icra etməyərək, pul öhdəliyini yerinə yetirməmişdir. Odur ki, iddiaçı borcun qaytarılmasını tələb etməkdə haqlıdır. Məhkəmə iddia tələbinin cərimə pulu hissəsinə münasibətdə qeyd edir ki, Mülki Məcəllənin 467-ci maddəsinə əsasən isə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Hər bir konkret iş üzrə dəbbə pulunun azaldılması meyarları kimi dəbbə pulunun qeyri-mütənasib olması, öhdəliyin pozulması nəticəsində yarana biləcək mümkün zərərin həcmindən əhəmiyyətli dərəcədə artıq olması, öhdəliklərin yerinə yetirilməsindən yayınma müddətləri və s. çıxış edə bilər. Məhkəmə nəzərə alır ki, dəbbə pulunun göstərilən həcmdə tutulması cavabdehin əmlak mənafelərinə xələl gətirə bilər. Dəbbə pulunun məbləğinin azaldılması kreditorun əmlak mənafelərinə əsaslı təsir etmir. Belə ki, dəbbə pulunu əldə edəcəyi gözlənilən qazanc kimi deyil, öhdəliyin icrasının təminatı üsulu kimi nəzərdə tutmuşdur. Qeyd edilənləri rəhbər tutmaqla məhkəmə belə qənaətə gəlir ki, qeyd olunan müqavilələr üzrə əsas borca münasibətdə cavabdehdən müvafiq olaraq 15,0 manat, 179,6 manat, 35,6 manat və 35,0 manat cərimə pulunun tutulması əsaslı hesab edilə bilməz və yüksək olduğundan azaldılmalıdır. Yuxarıda göstərilənlərə əsasən məhkəmə hesab edirki, qeyd olunan müqavilələr üzrə cərimə məbləğləri azaldılaraq xx.xx.2019-cu il tarixli müddətli (nisyə) alqı-satqı müqaviləsi üzrə 5,0 manat, xx.xx.2020-ci il tarixli müddətli (nisyə) alqısatqı müqaviləsi üzrə 80,0 manat, xx.xx.2019-cu il tarixli müddətli (nisyə) alqı-satqı müqaviləsi üzrə 15,0 manat, xx.xx.2019-ci il tarixli müddətli (nisyə) alqı-satqı müqaviləsi üzrə 15,0 manat,məbləğində müəyyən edilməlidir. “Dövlət rüsumu haqqında” Azərbaycan Respublikası Qanununun 8.1.2-ci madəsinə əsasən, məhkəməyə verilən iddia ərizələrindən iddia qiyməti 1.000 manatdan 10.000 manatadək olduqda 30 manat + 1.000 manatdan yuxarı olan iddia qiymətinin 1 faizi məbləğində dövlət rüsumu tutulur. Azərbaycan Respublikasının Mülki Prosessual Məcəlləsinin 119.1. maddəsinin tələbinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Məhkəmə, Azərbaycan Respublikasının Mülki Prosessual Məcəlləsinin qeyd olunan maddəsinin tələbini nəzərə alaraq hesab edir ki, 49.29 manat məbləğində dövlət rüsumu cavabdehdən iddiaçının xeyrinə tutulmalıdır. Azərbaycan Respublikasının Mülki Prosessual Məcəlləsinin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsaəsn işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Beləliklə, məhkəmə, yuxarıda göstərilənləri ümumiləşdirərək hesab edir ki, iddia tələbi qismən təmin edilməli, İddiaçı MMC-nin xeyrinə Cavabdeh xx.xx.2019-cu il tarixli, 00510085 saylı müddətli (nisyə) alqı-satqı müqaviləsi üzrə 155 manat borc, 5,0 manat cərimə, xx.xx.2020-ci il tarixli, 20028144 saylı müddətli (nisyə) alqı-satqı müqaviləsi üzrə 1791.4 manat borc, 80,0 manat cərimə, xx.xx.2019-cu il tarixli, 01122252 saylı müddətli (nisyə) alqı-satqı müqaviləsinə üzrə 358.4 manat borc, 15,0 manat cərimə borcu, xx.xx.2019-ci il tarixli, 00780135 saylı müddətli (nisyə) alqı-satqı müqaviləsinə üzrə 359 manat borc, 15,0 manat cərimə borcu, ödənilmiş dövlət rüsumuna görə 49.29 manat məbləğində olmaqla, ümumilikdə 2828.09 manat məbləğində pul vəsaiti tutulmalıdır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə qətetdi: İddia tələbi qismən təmin edilsin. İddiaçı MMC-nin xeyrinə Cavabdeh xx.xx.2019-cu il tarixli, 00510085 saylı müddətli (nisyə) alqı-satqı müqaviləsi üzrə 155 manat borc, 5,0 manat cərimə, xx.xx.2020-ci il tarixli, 20028144 saylı müddətli (nisyə) alqı-satqı müqaviləsi üzrə 1791.4 manat borc, 80,0 manat cərimə, xx.xx.2019-cu il tarixli, 01122252 saylı müddətli (nisyə) alqı-satqı müqaviləsinə üzrə 358.4 manat borc, 15,0 manat cərimə borcu, xx.xx.2019-ci il tarixli, 00780135 saylı müddətli (nisyə) alqı-satqı müqaviləsinə üzrə 359 manat borc, 15,0 manat cərimə borcu və ödənilmiş dövlət rüsumuna görə 49.29 manat məbləğində olmaqla, ümumilikdə 2828,09 manat (iki min səkkiz yüz iyirmi səkkiz manat, doqquz qəpik) manat məbləğində pul vəsaiti tutulsun. Qətnamədən işdə iştirak edən şəxslərə rəsmi qaydada verildiyi gündən 1 (bir) ay müddətində Bakı şəhəri Xəzər Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Sədrlik edən: Emin Məmmədli