Bakı Şəhəri Xəzər Rayon Məhkəməsi Qətnamə — İş №e-2(003)-695/2025

Azərbaycan Respublikası adından QƏTNAMƏ Bakı şəhəri İş № e-2(003)-695/2025 23.01.2025 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlu İddiaçı MMC-nin Cavabdeh qarşı kiçik iddialara dair işlər üzrə sadələşdirilmiş icraat qaydasında “pul” tələbinə dair ərizəsi üzrə mülki işə baxaraq, məhkəmə m ü ə y y ə n e t d i: İddiaçı MMC-nin Cavabdeh qarşı kiçik mübahisələr üzrə ərizə ilə məhkəməyə müraciət edərək Cavabdeh İddiaçı MMC-nin xeyrinə xx.xx.2024-cü il tarixli müqaviləyə əsasən PS5 DUAL SENSE oyun pultu,PLAYSTATİON 5 üçün 951,45 manat ödənilməmiş hissə, 95,55 manat cərimə, xx.xx.2023-cü il tarixli müqaviləyə əsasən SAMSUNG COMPACT CHARGER,İmei kod **********61102 samsung galaxy s23 markalı telefon üçün 587,28 manat ödənilməmiş hissə, 58,72 cərimə olmaqla cəmi 1.693 manat borc və 36,93 manat ödənilmiş dövlət rüsumunun tutulması barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki,cavabdeh ilə İddiaçı MMC arasında bağlanmış xx.xx.2024-cü il və xx.xx.2023-cü il tarixli müqavilələrə əsasən PS5 DUALSENSE oyun pultu, PLAYSTATİON 5 , SAMSUNG COMPACT CHARGER, İmei kod **********61102 SAMSUNG GALAXYS23 markalı telefon almış və nəticədə 1693 manat borc yaranmışdır.Cavabdeh müqavilənin şərtlərini pozmuş və nəticədə xx.xx.2024 -cü il tarixli müqaviləsinə əsasən, alqı-satqı qiyməti 1765.96 manat olan PS5 DUALSENSE oyun pultu, PLAYSTATİON 5 üçün ümumilikdə, 1047 manat olmaqla ondan, 951.45 manat ödənilməmiş hissə, güzəşt olunaraq 95.55 manat cərimə, xx.xx.2023-cü il tarixli müqaviləsinə əsasən, alqı-satqı qiyməti 1828.04 manat olan SAMSUNG COMPACT CHARGER, İmei kod **********61102 SAMSUNG GALAXY S23 markalı telefon üçün ümumilikdə, 646 manat olmaqla ondan, 587.28 manat ödənilməmiş hissə, güzəşt olunaraq 58.72 manat cərimə borcu yaranmışdır.Cavabdehin cəmi ödədiyi məbləğ 2055.27 manat təşkil edir.Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə bağlanan xx.xx.2024-cü il və xx.xx.2023-cü il tarixli müqavilələrin tərkib hissəsi olan Əşyaların təhvil aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə İddiaçı MMC arasında olan telefon danışığı və göndərilən xx.xx.2024-cü il tarixli xəbərdarlıq məktubunda mübahisənin məhkəmədən kənarda həll olunması, onun üzərinə düşən öhdəlikləri lazımincə icra etməli olduğu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri yerinə yetirməmişdir. İddianın təmin edilməsini məhkəmədən xahiş etdi. Məhkəmə ərizəni və işə əlavə edilmiş sənədləri nəzərdən keçirib belə hesab edir ki, kiçik mübahisələr üzrə iddia tələbinin təmin edilməsi barədə qətnamə çıxarılmalıdır. İş materiallarına əlavə olunmuş İddiaçı MMC ilə Cavabdeh arasında bağlanmış xx.xx.2024-cü il tarixli, 04096181 saylı nisyə satış müqaviləsindən görünür ki, İddiaçı MMC dəyəri 1765.96 manat olan PS5 DUALSENSE oyun pultu, PLAYSTATİON 5 əşyalarını cavabdehə nisyə satmağı, alıcı isə 430 manat ilkin ödənişlə onları qəbul etməyi və məbləğ ödəniş cədvəlinə əsasən ödəməyi öhdəsinə götürür. İş materiallarına əlavə olunmuş ödəniş cədvəlindən görünür ki, Cavabdeh PS5 DUALSENSE oyun pultu, PLAYSTATİON 5 üçün 12 ay olmaqla ayda 111,33 manat ödəməyi öhdəsinə götümüşdür. İş materiallarına əlavə olunmuş İddiaçı MMC ilə Cavabdeh arasında bağlanmış xx.xx.2024-cü il tarixli, 17239686 saylı nisyə satış müqaviləsindən görünür ki, İddiaçı MMC dəyəri 1.827,99 manat olan SAMSUNG COMPACT CHARGER,İmei kod **********61102 samsung galaxy s23 markalı telefon əşyalarını cavabdehə nisyə satmağı, alıcı isə 310,04 manat ilkin ödənişlə onları qəbul etməyi və məbləğ ödəniş cədvəlinə əsasən ödəməyi öhdəsinə götürür. İş materiallarına əlavə olunmuş ödəniş cədvəlindən görünür ki, Cavabdeh SAMSUNG COMPACT CHARGER,İmei kod **********61102 samsung galaxy s23 markalı telefon üçün 12 ay olmaqla ayda 126,5 manat ödəməyi öhdəsinə götümüşdür. İş materiallarına əlavə olunmuş xx.xx.2024-cü il tarixli maliyyə arayışından görünür ki, cavabdehin xx.xx.2024-cü il tarixli müqaviləyə əsasən 951,45 manat ödənilməmiş hissə, 95,55 manat cərimə, xx.xx.2023-cü il tarixli müqaviləyə əsasən 587,28 manat ödənilməmiş hissə, 58,72 cərimə borcu yaranmışdır. İş materiallarına əlavə olunmuş İddiaçı MMC tərəfindən Cavabdeh ünvanlanmış xx.xx.2024-cü il tarixli xəbərdarlıq məktubundan görünür ki, cavabdeh borc barədə xəbərdar edilmiş və borcun ödənilməsi tələb olunmuş, əks təqdirdə cavabdehin barəsində müvafiq tədbirlərin görüləcəyi bildirilmişdir. Azərbaycan Respublikasının Mülki Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-ci maddəsinə əsasən, əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmədə müəyyən olundu ki, Cavabdeh müqavilələr üzrə 2055.27 manat ödəniş etmişdir. xx.xx.2023-cü il tarixli müqaviləyə əsasən 587,28 manat ödənilməmiş hissə, xx.xx.2024-cü il tarixli müqaviləyə əsasən 951,45 manat ödənilməmiş borc qalmaqdadır. Cavabdeh İddiaçı MMC ilə müqavilələrə əsasən PS5 DUALSENSE oyun pultu, PLAYSTATİON 5, SAMSUNG COMPACT CHARGER,İmei kod **********61102 samsung galaxy s23 markalı telefon qəbul etmiş, lakin müqavilə üzrə iddiaçıya olan borc öhdəliyini yerinə yetirməmişdir. Bu səbəbdən məhkəmə hesab edir ki, iddia tələbi xx.xx.2023-cü il tarixli müqaviləyə əsasən 587,28 manat, xx.xx.2024-cü il tarixli müqaviləyə əsasən 951,45 manat məbləğində əsas borcun Cavabdeh tutulması hissəsində təmin edilməlidir. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Məhkəmədə müəyyən olundu ki, Cavabdeh ilə İddiaçı MMC arasında bağlanmış müqaviləyə əsasən ödənişlərdə gecikmələr aşkarlanarsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəməlidir. Bu səbəbdən məhkəmə hesab edir ki, iddia xx.xx.2024-cü il tarixli müqavilə üzrə 95,55 manat cərimə, xx.xx.2023-cü il tarixli müqavilə üzrə 58,72 manat məbləğində penya bоrcunun Cavabdeh İddiaçı MMC-nin xeyrinə tutulması hissəsində təmin olunmalıdır. “Dövlət rüsumu haqqında” Azərbaycan Respublikası Qanununun 8.1.2-ci madəsinə əsasən, məhkəməyə verilən iddia ərizələrindən iddia qiyməti 1.000 manatdan 10.000 manatadək olduqda 30 manat + 1.000 manatdan yuxarı olan iddia qiymətinin 1 faizi məbləğində dövlət rüsumu tutulur. İş materiallarına əlavə olunmuş ********** nömrəli, xx.xx.2024-cü il tarixli mədaxil qəbzindən görünür ki, iddiaçı tərəfindən 36,93 manat dövlət rüsumu ödənilmişdir. Məhkəmə hesab edir ki, 36,93 manat məbləğində dövlət rüsumu cavabdehdən iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə qətetdi: İddia təmin edilsin. İddiaçı MMC-nin xeyrinə Cavabdeh xx.xx.2023-cü il tarixli müqaviləyə əsasən 587,28 manat əsas borc, 58,72 manat cərimə borcu, xx.xx.2024-cü il tarixli müqaviləyə əsasən 951,45 manat əsas borc, 95,55 manat cərimə borcu olmaqla cəmi 1.693 manat və ödənilmiş 36,93 manat məbləğində pul vəsaiti tutulsun. Qətnamədən işdə iştirak edən şəxslərə rəsmi qaydada verildiyi gündən 1 (bir) ay müddətində Bakı şəhəri Xəzər Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Sədrlik edən Əkrəm Qəhrəmanov