Bakı Şəhəri Xəzər Rayon Məhkəməsi Qətnamə — İş №e-2(003)-752/2025

Azərbaycan Respublikası adından QƏTNAMƏ Bakı şəhəri İş № e-2(003)-752/2025 27.01.2025 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlu İddiaçı MMC-nin cavabdehlər Cavabdeh1 və Cavabdeh2 qarşı kiçik iddialara dair işlər üzrə sadələşdirilmiş icraat qaydasında “pul” tələbinə dair ərizəsi üzrə mülki işə baxaraq, məhkəmə m ü ə y y ə n e t d i: İddiaçı MMC-nin cavabdehlər Cavabdeh1 və Cavabdeh2 qarşı kiçik mübahisələr üzrə ərizə ilə məhkəməyə müraciət edərək Cavabdeh1 və Cavabdeh2 İddiaçı MMC-nin xeyrinə xx.xx.2024-cü il tarixinə yaranmış xx.xx.2023-ci il tarixli ********* saylı müddətli (nisyə) alqı satqı müqaviləsinə əsasən 376,7 manat əsas borc, 56,5 manat məbləğində penya bоrcu olmaqla ümumilikdə 433,2 manat borc və 30 manat ödənilmiş dövlət rüsumunun tutulması barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, Cavabdeh2 ilə İddiaçı MMC arasında bağlanmış xx.xx.2023-ci il tarixli ********* saylı müddətli (nisyə) alqı satqı müqaviləsinə əsasən cavabdeh 1.089,97 manat məbləğində Samsung markalı paltaryuyan və 2 ədəd Panasonic telefon əldə etmiş və 18 ay müddətinə ayda 61 manat ödəməyi öhdəsinə götürmüşdür. Müqavilənin 1 saylı əlavəsinin şərtlərinə uyğun olaraq gecikdirilən borc məbləğinin 1% dərəcəsi ilə (minimum 50 qəpik) gündəlik dəbbə hesablanır və alıcı tərəfindən satıcıya ödənilir. Lakin cavabdeh öhdəliklərini tam yerinə yetirməmiş və 376,7 manat məbləğində ödənilməmiş borcu və 433,2 manat məbləğində cərimə borcu yaranmışdır. İddiaçı MMC tərəfindən güzəşt edilərək cərimə məbləği 433,2 deyil, 56,5 manat tələb edilir.Borcun təminatı olaraq Cavabdeh1 ilə xx.xx.2023-cü il tarixli zaminlik müqaviləsi bağlanmışdır.İddianın təmin edilməsini məhkəmədən xahiş etdi. Məhkəmə ərizəni və işə əlavə edilmiş sənədləri nəzərdən keçirib belə hesab edir ki, kiçik mübahisələr üzrə iddia tələbinin təmin edilməsi barədə qətnamə çıxarılmalıdır. İş materiallarına əlavə olunmuş İddiaçı MMC ilə Cavabdeh2 arasında bağlanmış xx.xx.2023-ci il tarixli ********* saylı nisyə satış müqaviləsindən və ona olunmuş 1 saylı əlavədən görünür ki, İddiaçı MMC Samsung markalı paltaryuyan və 2 ədəd Panasonic telefonu alıcı Cavabdeh2 230 manat ilkin ödəniş olmaqla,18 ay müddətinə 61 manat ödəniş etməklə satır. İş materiallarında olan xx.xx.2023-cü il tarixli zaminlik müqaviləsindən görünür ki, borcun təminatı olaraq Cavabdeh1 ilə zaminlik müqaviləsi bağlanmışdır. İş materiallarına əlavə olunmuş ödəniş cədvəlindən görünür ki, Cavabdeh2 xx.xx.2023-cü il tarixdən xx.xx.2024-cü il tarixinədək ayda 61 manat (sonuncu ay 52,97 manat) ödəməyi öhdəsinə götürmüşdür. İş materiallarında olan maliyyə arayışından görünür ki, Cavabdeh2 müqavilə üzrə 713,2 manat ödəmiş və ödənməyən 376,7 manat borcu qalmışdır. İş materiallarına əlavə olunmuş İddiaçı MMC tərəfindən Cavabdeh1 və Cavabdeh2 ünvanlanmış xəbərdarlıqdan görünür ki, cavabdehlər borc barədə xəbərdar edilmiş və borcun ödənilməsi tələb olunmuş, əks təqdirdə cavabdehlər barəsində müvafiq tədbirlərin görüləcəyi bildirilmişdir. Azərbaycan Respublikasının Mülki Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-ci maddəsinə əsasən, əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmədə müəyyən olundu ki, cavabdeh X1 müqavilə üzrə 422 manat ödəniş etmişdir. Ödənməmiş 177,9 manat borc qalmaqdadır. Cavabdeh X1 İddiaçı MMC ilə müqavilələrinə əsasən TAUBE markalı televizoru qəbul etmiş, lakin müqavilə üzrə iddiaçıya olan borc öhdəliyini tam yerinə yetirməmişdir. Bu səbəbdən məhkəmə hesab edir ki, iddia tələbi 177,9 manat məbləğində əsas borcun ödənməsi hissəsində təmin edilməlidir. Həmin Məcəllənin 462.1-ci maddəsinə əsasən dəbbə pulu (cərimə, penya) qanun və ya müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Məhkəmədə müəyyən olundu ki, Cavabdeh2 ilə İddiaçı MMC arasında bağlanmış müqavilənin 1 saylı əlavəsinin şərtlərinə uyğun olaraq gecikdirilən borc məbləğinin 1% dərəcəsi ilə (minimum 50 qəpik) gündəlik dəbbə hesablanır və alıcı tərəfindən satıcıya ödənilir. Cavabdeh ödənişləri gecikdirdiyinə görə 433,2 manat məbləğində cərimə borcu yaranmışdır. İddiaçı MMC tərəfindən güzəşt edilərək cərimə məbləği 433,2 deyil, 56,5 manat tələb olunur. Bu səbəbdən məhkəmə hesab edir ki, iddia 56,5 manat məbləğində penya bоrcunun cavabdehlər Cavabdeh1 və Cavabdeh2 İddiaçı MMC-nin xeyrinə tutulması hissəsində təmin olunmalıdır. “Dövlət rüsumu haqqında” Azərbaycan Respublikası Qanununun 8.1.1-ci madəsinə əsasən, məhkəməyə verilən iddia ərizələrindən iddia qiyməti 1.000 manatadək olduqda 30 manat məbləğində dövlət rüsumu tutulur. İş materiallarına əlavə olunmuş ********** nömrəli, xx.xx.2024-cü il tarixli mədaxil qəbzindən görünür ki, iddiaçı tərəfindən 30 manat dövlət rüsumu ödənilmişdir. Məhkəmə hesab edir ki, 30 manat məbləğində dövlət rüsumu cavabdehdən iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə qətetdi: İddia təmin edilsin. İddiaçı MMC-nin xeyrinə cavabdehlər Cavabdeh1 və Cavabdeh2 376,7 manat əsas borc, 56,5 manat məbləğində penya bоrcu olmaqla ümumilikdə 433,2 (dörd yüz otuz üç manat iyirmi qəpik) manat borc və ödənilmiş dövlət rüsumu 30 (otuz) manat məbləğində pul vəsaiti tutulsun. Qətnamədən işdə iştirak edən şəxslərə rəsmi qaydada verildiyi gündən 1 (bir) ay müddətində Bakı şəhəri Xəzər Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Sədrlik edən Əkrəm Qəhrəmanov