Bakı Şəhəri Yasamal Rayon Məhkəməsi Qətnamə — İş №e-2(004)-1394/2024

Azərbaycan Respublikası adından QƏTNAMƏ Bakı şəhəri İş № e-2(004)-1394/2024 22.02.2024 BAKI ŞƏHƏRİ YASAMAL RAYON MƏHKƏMƏSİ Hakim Babazadə Gülnar Vidadi qızının sədrliyi ilə İddiaçı "xxxx" Məhdud Məsuliyyətli Cəmiyyətinin Cavabdeh qarşı “pul” tələbinə dair kiçik iddiası üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" Məhdud Məsuliyyətli Cəmiyyəti Cavabdeh qarşı “pul” tələbinə dair dair kiçik iddia ərizəsi ilə məhkəməyə müraciət edərək, xx.xx.2022-ci il tarixli müqavilə üzrə HOFFMANN LED TV markalı televizor üçün, 501.56 (beş yüz bir manat əlli altı qəpik) manat ödənilməmiş hissə, 50.44 (əlli manat qırx dörd qəpik) manat cərimə; xx.xx.2022-ci il tarixli müqaviləsinə əsasən, İMEİ KOD **********77083 NOKİA 3310 markalı telefon üçün 178.74 (yüz yetmiş səkkiz manat yetmiş dörd qəpik) manat ödənilməmiş hissə, 17.26 (on yeddi manat iyirmi altı qəpik) manat cərimə; xx.xx.2022ci il tarixli müqaviləsinə əsasən, İMEİ KOD **********77322 XİAOMİ REDMİ NOTE 11 markalı telefon üçün 303.29 (üç yüz üç manat iyirmi doqquz qəpik) manat ödənilməmiş hissə, 30.71 (otuz manat yetmiş bir qəpik) manat cərimə. Ümumilikdə, 1082 manat borc və 30.82 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarasınız. Azərbaycan Respublikası Mülki Prosessual Məcəlləsinin 284-1-ci maddəsinin tələblərinə uyğun olaraq tərəf olduqları mülki işə, iddianın məbləği beş min manatdan az olduğundan sadələşdirilmiş icraat qaydasında baxılacağı barədə cavabdehə iddia ərizəsinin və ona əlavə edilmiş sənədlərin surəti əlavə edilməklə rəsmi bildirişlər göndərilmişdir. Ona iddiaçının tələbinə dair əsaslandırılmış etirazı olduğu halda, öz dəlillərini və onları təsdiq edən sənədləri 10 (on) iş günü müddətində Bakı şəhəri Yasamal Rayon Məhkəməsinə təqdim etməsi xahiş edilmişdir. Cavabdeh məhkəmə bildirişi və ona əlavə edilmiş sənədlər lazımı qaydada göndərilmiş, lakin o, qanunla nəzərdə tutulmuş vaxt ərzində hər hansı əsaslandırılmış etirazın dəlillərini və onları təsdiq edən sənədləri məhkəməyə təqdim etməmişdir. Azərbaycan Respublikası MPM-in 284-5-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Azərbaycan Respublikası MPM-in 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Azərbaycan Respublikası MPM-in 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. İş materiallarında olan sənədləri nəzərdən keçirib, sübutlara obyektiv, qərəzsiz, hərtərəfli və tam baxdıqdan sonra məhkəmə hesab edir ki, iddia qismən təmin edilməlidir. Belə ki, iş materiallarında olan xx.xx.2022-ci il tarixli, 03312379 saylı alğı-satqı müqaviləsinə əsasən satıcı ("xxxx" MMC) əmlakı alıcıya verməyi, alıcı isə onu qəbul edib HOFFMANN LED 32A3700 markalı televizorun qiymətini satıcıya ödəməyi öz öhdəsinə götürmüşdür. İş materiallarında olan xx.xx.2022-ci il tarixli, 03312379 saylı alğı-satqı müqaviləsinə əlavəyə əsasən Cavabdeh HOFFMANN LED 32A3700 markalı televizor üçün ilkin ödəniş etmədən, 24 ay ərzində hər ay 31.84 (otuz bir manat səksən dörd qəpik) olmaqla, cəmi 764,08 (yeddi yüz altmış dörd manat səkkiz qəpik) manat ödəməyi öz öhdəsinə götürmüşdür. İş materiallarında olan xx.xx.2022-ci il tarixli, 03541860 saylı alğı-satqı müqaviləsinə əsasən satıcı ("xxxx" MMC) əmlakı alıcıya verməyi, alıcı isə onu qəbul edib İMEİ KOD **********77083 NOKİA 3310 DS – GREY markalı telefonun qiymətini satıcıya ödəməyi öz öhdəsinə götürmüşdür. İş materiallarında olan xx.xx.2022-ci il tarixli, 03541860 saylı alğı-satqı müqaviləsinin əlavəsinə əsasən Cavabdeh İMEİ KOD **********77083 NOKİA 3310 DS – GREY markalı telefon üçün ilkin ödəniş etmədən, 18 ay ərzində hər ay 11.22 (on bir manat iyirmi iki qəpik) manat olmaqla, cəmi 201,96 (iki yüz bir manat doxsan altı qəpik) manat ödəməyi öz öhdəsinə götürmüşdür. İş materiallarında olan xx.xx.2022-ci il tarixli, 04802632 saylı alğı-satqı müqaviləsinə əsasən satıcı ("xxxx" MMC) əmlakı alıcıya verməyi, alıcı isə onu qəbul edib İMEİ KOD **********77322 XİAOMİ REDMİ NOTE 11 markalı telefonunun qiymətini satıcıya ödəməyi öz öhdəsinə götürmüşdür. İş materiallarında olan xx.xx.2022-ci il tarixli, 04802632 saylı alğı-satqı müqaviləsinə əlavəyə əsasən Cavabdeh **********77322 XİAOMİ REDMİ NOTE 11 markalı telefon üçün ilkin ödəniş etmədən, 18 ay ərzində hər ay 33.72 (otuz üç manat yetmiş iki qəpik) manat olmaqla, cəmi 606.96 (altı yüz altı manat doxsan altı qəpik) manat ödəməyi öz öhdəsinə götürmüşdür. İşə əlavə edilmiş xx.xx.2024-cü il tarixli maliyyə arayışına əsasən Cavabdeh xx.xx.2022-ci tarixli müqavilə üzrə 501.56 (beş yüz bir manat əlli altı qəpik) manat ödənilməmiş hissə, 50.44 (əlli manat qırx dörd qəpik) manat cərimə olmaqla, cəmi 552 (beş yüz əlli iki) manat, xx.xx.2022-ci tarixli müqavilə üzrə 178.74 (yüz yetmiş səkkiz manat yetmiş dörd qəpik) manat ödənilməmiş hissə, 17.26 (on yeddi manat iyirmi altı qəpik) manat cərimə olmaqla, cəmi 196 (yüz doxsan) manat borcu, xx.xx.2022-ci tarixli müqavilə üzrə 303.29 (üç yüz üç manat iyirmi doqquz qəpik) manat ödənilməmiş hissə, 30.71 (otuz manat yetmiş bir qəpik) manat cərimə olmaqla, cəmi 334 (üç yüz otuz dörd) manat olmaqla, ümumilikdə 1082 manat borcu vardır. İş materiallarında olan xx.xx.2024-cü il tarixli ********** nömrəli mədaxil qəbzindən görünür ki, məhkəmədə iddia qaldırılması üçün iddiaçının nümayəndəsi tərəfindən 30,82 (otuz manat səksən iki qəpik) manat məbləğində dövlət rüsumu ödənilmişdir. Azərbaycan Respublikası Mülki Məcəlləsinin 600.1-ci maddəsinə əsasən alğısatqı müqaviləsində əşya alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 601.1-ci maddəsinə görə isə, əşyanın nisyə satılması haqqında müqavilədə onun hissəhissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satğı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası , müddətləri və məbləğləri nəzərdə tutulmuş olsun. Mülki Məcəllənin 600.4 və 600.5-ci maddələrinə əsasən əşyanı təhvil almış alıcı onu alğı-satğı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Öhdəliyi icra etməyən borclu kreditora dəymiş zərərin əvəzini ödəməyə borcludur (maddə 443.1). Borclu icranı gecikdirdikdə kreditor ona öhdəliyin icrası üçün zəruri vaxt təyin edə bilər. Əgər borclu öhdəliyi bu müddət də icra etməzsə, kreditor öhdəliyin icrası əvəzinə zərərin əvəzinin ödənilməsini tələb edə bilər (maddə 443.5). Göründüyü kimi, tərəflər arasında nisyə alğı-satqı müqaviləsi bağlanmaqla həmin müqavilədən irəli gələn öhdəliklər yaranmışdır. İddiaçı müqavilə üzrə üzərinə götürdüyü öhdəliklərini icra etmiş, lakin cavabdeh müqavilə üzrə öhdəliklərini yerinə yetirməmiş, nisyə aldığı məhsulların dəyərini müəyyən edilmiş müddət ərzində iddiaçıya tam ödəməmişdir. Cərimənin əsas borca münasibətdə kifayət qədər yüksək və tənasübsüz olmasını, həmçinin tərəflərin əmlak mənafelərini nəzərə alaraq məhkəmə hesab edir ki, cavabdehdən iddiaçının xeyrinə tutulacaq cərimənin miqdarı azaldılaraq xx.xx.2022-ci il tarixli, 03312379 saylı alğı-satqı müqavilə üzrə 30 (otuz) manat, xx.xx.2022-ci il tarixli, 04802632 saylı alğı-satqı müqavilə üzrə 15 (on beş) manat, xx.xx.2022-ci il tarixli, 03541860 saylı alğı-satqı müqavilə üzrə 10 (on) manat məbləğində cərimə müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikasının MPM-in 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Beləliklə, iddia qismən təmin edilməli, Cavabdeh xx.xx.2022-ci tarixli müqavilə üzrə 501.56 (beş yüz bir manat əlli altı qəpik) manat ödənilməmiş hissə, 30 (otuz) manat cərimə olmaqla, xx.xx.2022-ci tarixli müqavilə üzrə 178.74 (yüz yetmiş səkkiz manat yetmiş dörd qəpik) manat ödənilməmiş hissə, 10 (on) manat cərimə olmaqla, xx.xx.2022-ci tarixli müqavilə üzrə 303.29 (üç yüz üç manat iyirmi doqquz qəpik) manat ödənilməmiş hissə, 15 (on beş) manat cərimə olmaqla, cəmi 1038,59 (bir min otuz səkkiz manat əlli doqquz qəpik) manat borc və ödənilmiş dövlət rüsumunun əvəzi olan 30.82 (otuz manat səksən iki qəpik) manat məbləğində pul iddiaçı "xxxx" Məhdud Məsuliyyətli Cəmiyyətinin xeyrinə tutulmalı, iddia qalan hissədə təmin edilməməlidir. Yuxarıda şərh olunanlara əsasən və Azərbaycan Respublikası MPM-in 119, 284- 5, 284-6, 357, 358, 360, 362-ci maddələrini rəhbər tutaraq, QƏT ETDİ: İddia qismən təmin edilsin. Cavabdeh xx.xx.2022-ci tarixli müqavilə üzrə 501.56 (beş yüz bir manat əlli altı qəpik) manat ödənilməmiş hissə, 30 (otuz) manat cərimə, xx.xx.2022-ci tarixli müqavilə üzrə 178.74 (yüz yetmiş səkkiz manat yetmiş dörd qəpik) manat ödənilməmiş hissə, 10 (on) manat cərimə, xx.xx.2022-ci tarixli müqavilə üzrə 303.29 (üç yüz üç manat iyirmi doqquz qəpik) manat ödənilməmiş hissə, 15 (on beş) manat cərimə olmaqla, cəmi 1038,59 (bir min otuz səkkiz manat əlli doqquz qəpik) manat borc və ödənilmiş dövlət rüsumunun əvəzi olan 30.82 (otuz manat səksən iki qəpik) manat məbləğində pul tutularaq iddiaçı "xxxx" Məhdud Məsuliyyətli Cəmiyyətinə ödənilsin. İddia qalan hissədə təmin edilməsin. Qətnamədən, qətnamə işdə iştirak edən şəxslərə rəsmi qaydada verildiyi gündən bir ay müddətində “Elektron məhkəmə” informasiya sistemində yaradılan elektron kabinetdən Bakı şəhəri Yasamal Rayon Məhkəməsi vasitəsilə Bakı Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Gülnar Babazadə