Bakı Şəhəri Yasamal Rayon Məhkəməsi Qətnamə — İş №e-2(004)-2520/2023

Azərbaycan Respublikası adından QƏTNAMƏ Bakı şəhəri İş № e-2(004)-2520/2023 01.06.2023 BAKI ŞƏHƏRİ YASAMAL RAYON MƏHKƏMƏSİ X1-Məmmədova Ramiz qızının sədrliyi ilə, İddiaçı "xxxx" MMC-nin Cavabdeh qarşı “pul” tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" MMC Cavabdeh qarşı “pul” tələbinə dair iddia ərizəsi ilə məhkəməyə müraciət edərək, xx.xx.2020-ci il tarixli müqaviləyə əsasən soyuducu Hoffman üçün 39 manat ödənilməmiş hissə, 3 manat cərimə, xx.xx.2020-ci il tarixli müqaviləyə əsasən Samsung Galaxy A11 markalı telefon üçün 43.3 manat ödənilməmiş hissə, 4.7 manat cərimə, xx.xx.2021-ci il tarixli müqaviləyə əsasən HUAWEİ Y9S markalı telefon üçün 291.1 manat ödənilməmiş hissə, 29.9 manat cərimə, xx.xx.2021-ci il tarixli müqaviləyə əsasən, dondurucu HOFFMAN üçün 471.6 manat ödənilməmiş hissə, 47.4 manat cərimə, xx.xx.2021-ci il tarixli müqaviləyə əsasən paltaryuyan HOFFMAN üçün 327 manat ödənilməmiş hissə, 32 manat cərimə olmaqla, ümumilikdə 1289 manat borc və 32.89 manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını məhkəmədən xahiş etmişdir. İddiaçı tələbini onunla əsaslandırmışdır ki, cavabdeh "xxxx" MMC ilə xx.xx.2020-ci il, xx.xx.2020-ci il, xx.xx.2021-ci il, xx.xx.2021-ci il və xx.xx.2021-ci il tarixli müqavilələrə əsasən, soyuducu Hoffman, Samsung Galaxy A11 markalı telefon, HUAWEİ Y9S markalı telefon, dondurucu HOFFMAN və paltaryuyan HOFFMAN üçün 1289 manat borcu yaranmışdır. Cavabdeh müqavilənin şərtlərini pozmuş və nəticədə xx.xx.2020-ci il tarixli müqaviləyə əsasən, alqı-satqı qiyməti 601 manat olan soyuducu Hoffman üçün 39 manat ödənilməmiş hissə, 3 manat cərimə borcu; xx.xx.2020-ci il tarixli müqaviləyə əsasən alqısatqı qiyməti 482 manat olan İMEİ kodu **********18731 olan Samsung Galaxy A11 markalı telefon üçün 43.3 manat ödənilməmiş hissə, 4.7 manat cərimə; xx.xx.2021-ci il tarixli müqaviləyə əsasən alqı-satqı qiyməti 777 manat olan İMEİ kodu **********64074 olan HUAWEİ Y9S markalı telefon üçün 291.1 manat ödənilməmiş hissə, 29.9 manat cərimə; xx.xx.2021-ci il tarixli müqaviləyə əsasən alqı-satqı qiyməti 608.4 manat olan dondurucu HOFFMAN üçün 471.6 manat ödənilməmiş hissə, 47.4 manat cərimə; xx.xx.2021-ci il tarixli müqaviləyə əsasən alqı-satqı qiyməti 649 manat olan paltaryuyan HOFFMAN üçün 327 manat ödənilməmiş hissə, 32 manat cərimə borcu yaranmışdır. Cavabdehin cəmi ödədiyi məbləğ 1945.4 manat təşkil edir. Cavabdehlə iddiaçı arasında bağlanılmış xx.xx.2020-ci il, xx.xx.2020-ci il, xx.xx.2021-ci il, xx.xx.2021-ci il və xx.xx.2021-ci il tarixli müqavilələrin ayrılmaz tərkib hissəsi olan əşyaların təhvil-təslim aktından görünür ki, cavabdeh əldə etdiyi məhsulları tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərilmiş xx.xx.2023-cü il tarixli xəbərdarlıq məktubunda mübahisənin məhkəmədən kənar həll olunması, cavabdehin üzərinə düşən öhdəlikləri lazımınca icra etməli olduğunu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri icra etməmişdir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Tələbin əsaslığını və əmlakın dəyərini sübut edən sənədlər: tərəflər arasında bağlanılmış müqavilələr, onların əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Məhkəmə ərizəyə dair mülki işə Azərbaycan Respublikası Mülki Prosessual Məcəlləsinin 284-1-ci maddəsinə əsasən kiçik iddialara dair işlər üzrə sadələşdirilmiş icraat qaydasında baxılmasını mümkün hesab etmiş və mülki-prosessual qanunvericiliyin tələblərinə əsasən cavabdehə bu barədə rəsmi qaydada bildiriş göndərilmişdir. Müvafiq bildiriş cavabdehə rəsmi qaydada göndərilsə də o, iddiaçının tələbinə dair əsaslandırılmış etirazını, öz dəlillərini və onları təsdiq edən sənədləri məhkəməyə təqdim etməmişdir. Azərbaycan Respublikası Mülki Prosessual Məcəlləsinin (bundan sonra – MPM) 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikası MPM-nin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Azərbaycan Respublikası MPM-nin 284-5.2-ci maddəsinin tələblərinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə iş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edir ki, iddia tələbi qismən təmin edilməlidir. Belə ki, iş materiallarına əlavə olunmuş: xx.xx.2020-ci il tarixli, 21048955 nömrəli müqavilədən görünür ki, Cavabdeh "xxxx" MMC ilə dəyəri 601 manat təşkil edən HOFFMAN DFT-167W (ağ) markalı soyuducunun alqı-satqısına dair müqavilə bağlanılmışdır. Tərəflər arasında bağlanmış əlavə ödəniş cədvəlinin 2-ci bəndinə əsasən “Ödəniş cədvəli” üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-dək həcmində “Müştəri” mübahisəsiz olaraq penya ödəyir. xx.xx.2020-ci il tarixli təhvil-təslim aktına əsasən 21048955 nömrəli alqı-satqı müqaviləsi üzrə HOFFMAN DFT-167W (ağ) markalı soyuducu tam qüsursuz halda Cavabdeh təhvil verilmişdir. xx.xx.2020-ci il tarixli 21231010 nömrəli müqavilədən görünür ki, Cavabdeh qızı "xxxx" MMC ilə dəyəri 482 manat olan İMEİ kodu **********18731 olan Samsung Galaxy A11 markalı telefonun alqı-satqısına dair müqavilə bağlanılmışdır. Tərəflər arasında bağlanmış əlavə ödəniş cədvəlinin 2-ci bəndinə əsasən “Ödəniş cədvəli” üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-dək həcmində “Müştəri” mübahisəsiz olaraq penya ödəyir. xx.xx.2020-ci il tarixli təhvil-təslim aktına əsasən 21231010 nömrəli alqı-satqı müqaviləsi üzrə imei imei kodu **********18731 olan Samsung Galaxy A11 markalı telefon tam qüsursuz halda Cavabdeh təhvil verilmişdir. xx.xx.2021-ci il tarixli 22258945 nömrəli müqavilədən görünür ki, Cavabdeh qızı "xxxx" MMC ilə dəyəri 777 manat olan İMEİ kodu **********64074 olan HUAWEİ Y9S markalı telefonun alqı-satqısına dair müqavilə bağlanılmışdır. Tərəflər arasında bağlanmış əlavə ödəniş cədvəlinin 2-ci bəndinə əsasən “Ödəniş cədvəli” üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-dək həcmində “Müştəri” mübahisəsiz olaraq penya ödəyir. xx.xx.2021-ci il tarixli təhvil-təslim aktına əsasən 22258945 nömrəli alqı-satqı müqaviləsi üzrə imei imei kodu **********64074 olan HUAWEİ Y9S markalı telefon tam qüsursuz halda Cavabdeh təhvil verilmişdir. xx.xx.2021-ci il tarixli 23193723 nömrəli müqavilədən görünür ki, Cavabdeh qızı "xxxx" MMC ilə dəyəri 608.4 manat olan HOFFMAN FR-565-W markalı dondurucunun alqısatqısına dair müqavilə bağlanılmışdır. Tərəflər arasında bağlanmış əlavə ödəniş cədvəlinin 2-ci bəndinə əsasən “Ödəniş cədvəli” üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-dək həcmində “Müştəri” mübahisəsiz olaraq penya ödəyir. xx.xx.2021-ci il tarixli təhvil-təslim aktına əsasən 23193723 nömrəli alqı-satqı müqaviləsi üzrə HOFFMAN FR-565-W markalı dondurucu tam qüsursuz halda Cavabdeh təhvil verilmişdir. xx.xx.2021-ci il tarixli 23043367 nömrəli müqavilədən görünür ki, Cavabdeh qızı "xxxx" MMC ilə dəyəri 649 manat olan HOFFMAN WFL-611W (ağ) markalı paltaryuyanın alqı-satqısına dair müqavilə bağlanılmışdır. Tərəflər arasında bağlanmış əlavə ödəniş cədvəlinin 2-ci bəndinə əsasən “Ödəniş cədvəli” üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-dək həcmində “Müştəri” mübahisəsiz olaraq penya ödəyir. xx.xx.2021-ci il tarixli təhvil-təslim aktına əsasən 23043367 nömrəli alqı-satqı müqaviləsi üzrə HOFFMAN WFL-611W (ağ) markalı paltaryuyan tam qüsursuz halda Cavabdeh təhvil verilmişdir. xx.xx.2023-cü il tarixli xəbərdarlıq məktubundan görünür ki, Cavabdeh xx.xx.2020-ci il, xx.xx.2020-ci il, xx.xx.2021-ci il, xx.xx.2021-ci il və xx.xx.2021-ci il tarixli müqavilələr üzrə borcunu ödəmədiyi təqdirdə məhkəməyə müraciət ediləcəyi barədə xəbərdar edilmişdir. xx.xx.2023-cü il tarixli maliyyə və ödəniş cədvəlindən görünür ki, Cavabdeh xx.xx.2020-ci il tarixli alqı-satqı müqaviləsi üzrə ödənilməmiş borcu 39 manat; xx.xx.2020-ci il tarixli alqı-satqı müqaviləsi üzrə ödənilməmiş borcu 43.3 manat; xx.xx.2021-ci il tarixli alqı-satqı müqaviləsi üzrə ödənilməmiş borcu 291.1 manat; xx.xx.2021-ci il tarixli alqı-satqı müqaviləsi üzrə ödənilməmiş borcu 471.6 manat; xx.xx.2021-ci il tarixli alqı-satqı müqaviləsi üzrə ödənilməmiş borcu 327 manat təşkil edir, ödənişləri gecikdirməklə müqavilə şərtlərini pozduğuna görə hər müqavilə üzrə ödəniş cədvəlinin 2-ci bəndinə uyğun olaraq 1-ci müqavilə üzrə 8.1 (0.27 manat x 30 gün), 2-ci müqavilə üzrə 9 manat (0.3 manat x 30 gün), 3-cü müqavilə üzrə 75.6 manat (0.36 x 210), 4-cü müqavilə üzrə 138.6 manat (0.33 x 420 gün), 5-ci müqavilə üzrə 99 manat (0.3 x 330 gün) cərimə hesablanmalı olmasına baxmayaraq, müştəriyə güzəşt edilərək 1-ci müqavilə üzrə 3 manat, 2-ci müqavilə üzrə 4.7 manat, 3-cü müqavilə üzrə 29.9 manat, 4-cü müqavilə üzrə 47.4 manat, 5-ci müqavilə üzrə 32 manat cərimə hesablanmışdır. Ödəniş qəbzindən (№**********) görünür ki, iddiaçı tərəfindən məhkəmədə iddia qaldırmaq üçün 32,89 manat məbləğində dövlət rüsumu ödənilmişdir. Yuxarıda qeyd edilən əşyaların alqı-satqısına dair müqaviləyə əsasən satıcı (iddiaçı) müqavilə predmetini alıcıya (cavabdehə) verməyi, cavabdeh isə müqavilədə müəyyən edilən ödəmə cədvəli üzrə malın qiymətini ödəməyi öz öhdəsinə götürmüşdür. Satıcı əşyanı alıcıya vermək vəzifəsini icra etsə də, alıcı həmin malı ödəmək üzrə vəzifəsini icra etməmiş və xx.xx.2023-cü il tarixli maliyyə və ödəniş cədvəlinə əsasən, cavabdehin tərəf olduğu müqavilələr üzrə 1172 manat əsas borc, 117 manat cərimə borcu, cəmi 1289 manat borcu yaranmışdır. Mülki Məcəllənin (bundan sonra - MM) 567-ci, 568.1-ci və 597.1-ci maddələrinə əsasən satıcı alqı-satqı müqaviləsində nəzərdə tutulan əşyanı alıcıya verməyə, alıcı isə əşyanı alqı-satqı müqaviləsində nəzərdə tutulmuş qiymətlə ödəməyə borcludur. MM-nin 601.1-ci və 600.4-cü maddələrinə görə əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Cavabdeh müəyyən olunmuş qrafik əsasında ödənişləri vaxtında həyata keçirməməklə, MM-nin 425.1-ci maddəsinin tələblərini pozaraq, müqavilə üzrə öhdəliyini lazımınca icra etməmişdir. Yəni vicdanlılığın tələb etdiyi tərzdə - şərtləşdirilmiş vaxtda lazımi şəkildə, öhdəliyin şərtlərinə müvafiq surətdə hərəkət etməyərək, öhdəliyi vaxtında icra etməmişdir (MM, maddə 442). Halbuki tərəflər müəyyən nəticələrə nail olmaq üçün öhdəlik hüquq münasibətlərinə daxil olurlar və öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır (MM, maddə 385.1). Beləliklə, qeyd edilən müqavilə üzrə iddiaçı cavabdehdən əşyanın ödənilməsini tələb etmək üzrə subyektiv hüquqa malikdir. Cavabdeh isə müqavilə üzrə üzərinə düşən öhdəliyi icra etməməklə, iddiaçının bu hüququnu pozmuşdur. Belə ki, alqı-satqı müqaviləsi müəyyən qiymət müqabilində əmlakın əvəzli özgəninkiləşdirilməsini nəzərdə tutur və satıcı tərəfindən əmlakın verilməsi, alıcı tərəfindən qarşılıqlı olaraq müqavilə qiymətinin ödənilməsini şərtləndirir. Cavabdeh öz müqavilə öhdəliyini icra etmədiyindən, MPM-nin 4.1-ci maddəsinə əsasən iddiaçının, qanunla qorunan hüququnun və marağının təmin edilməsi üçün məhkəmə müdafiəsindən istifadə etmək hüququ yaranmışdır. MM-nin 462.1-ci, 462.3-cü və 467-ci maddələrinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Müqavilənin tərəfləri dəbbə pulunun miqdarını sərbəst müəyyənləşdirə bilərlər və bu, mümkün zərərdən çox ola bilər. Məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə, iddianın cərimənin ödənilməsinə dair hissəsini də araşdıraraq hesab edir ki, iddianın həmin hissəsi qismən əsaslıdır. Məhkəmə, tərəflər arasında bağlanmış xx.xx.2020-ci il, xx.xx.2020-ci il, xx.xx.2021-ci il, xx.xx.2021-ci il və xx.xx.2021-ci il tarixli müqavilələr üzrə hesablanmış cərimələrin tənasübsüz yüksək olmasını nəzərə alaraq həmin müqavilə üzrə hesablanmış cərimənin məbləğinin azaldılmasını və xx.xx.2020-ci tarixli müqavilə üzrə cərimənin 1 manat məbləğində, xx.xx.2020-ci il tarixli müqavilə üzrə 2 manat məbləğində, xx.xx.2021-ci il tarixli müqavilə üzrə 13 manat məbləğində, xx.xx.2021-ci il tarixli müqavilə üzrə 20 manat məbləğində, xx.xx.2021-ci il tarixli müqavilə üzrə 14 manat məbləğində müəyyən edilməsini ədalətli və məqsədə müvafiq sayır. Mülki Prosessual Məcəllənin (bundan sonra - MPM) 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Məhkəmə xərclərlə bağlı məsələni müzakirə edərək hesab edir ki, iddia qismən təmin olunduğundan, iddiaçı tərəfindən ödənilmiş 32,89 manat dövlət rüsumu da cavabdehdən iddiaçının xeyrinə tutulmalıdır. Məhkəmə toplanmış sübutlara məcmu halda hüquqi qiymət verərək hesab edir ki, iddia qismən təmin edilməli, Cavabdeh 1172 manat əsas, 50 manat cərimə borcu olmaqla ümumilikdə 1222 manat borc və dövlət rüsumu kimi ödənilmiş 32.89 manat məbləğində pul tutularaq iddiaçı "xxxx" MMC-yə ödənilməlidir. Mülki Prosessual Məcəllənin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 119.1, 284-5, 284-6, 216-220-ci maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh xx.xx.2020-ci il tarixli, 21048955 nömrəli müqaviləyə əsasən əsas borc üzrə 39 (otuz doqquz) manat, cərimə borcu üzrə 1 (bir) manat; xx.xx.2020-ci il tarixli, 21231010 nömrəli müqaviləyə əsasən əsas borc üzrə 43.3 (qırx üç manat otuz qəpik) manat, cərimə borcu üzrə 2 (iki) manat; xx.xx.2021-ci il tarixli, 22258945 nömrəli müqaviləyə əsasən əsas borc üzrə 291.1 (iki yüz doxsan bir manat on qəpik) manat, cərimə borcu üzrə 13 (on üç) manat; xx.xx.2021-ci il tarixli, 23193723 nömrəli müqaviləyə əsasən əsas borc üzrə 471.6 (dörd yüz yetmiş bir manat altmış qəpik) manat cərimə borcu üzrə 20 (iyirmi) manat və xx.xx.2021-ci il tarixli, 23043367 nömrəli müqaviləyə əsasən əsas borc üzrə 327 (üç yüz iyirmi yeddi) manat, cərimə borcu üzrə 14 (on dörd) manat olmaqla, cəmi 1222 (bir min iki yüz iyirmi iki) manat məbləğində pul və ödənilmiş dövlət rüsumunun əvəzi kimi 32.89 (otuz iki manat səksən doqquz) manat pul tutularaq "xxxx" MMC-yə ödənilsin. İddia qalan hissədə təmin edilməsin. Qətnamədən, qətnamə işdə iştirak edən şəxslərə rəsmi qaydada verildiyi gündən bir ay müddətində “Elektron məhkəmə” informasiya sistemində yaradılan elektron kabinetdən Bakı şəhəri Yasamal Rayon Məhkəməsi vasitəsilə Bakı Apelyasiya Məhkəməsinə apelyasiya şikayəti verilə bilər. Hakim: Ayşən Sultanova-Məmmədova