Bakı Şəhəri Yasamal Rayon Məhkəməsi Qətnamə — İş №e-2(004)-4732/2023

Azərbaycan Respublikası adından QƏTNAMƏ Bakı şəhəri İş № e-2(004)-4732/2023 09.10.2023 BAKI ŞƏHƏRİ YASAMAL RAYON MƏHKƏMƏSİ Hakim Axundov Toğrul Bəhruz oğlunun sədrliyi ilə, İddiaçı "xxxx" MMC-nin Cavabdeh qarşı “pul tələbi”nə dair iddia ərizəsinə kiçik iddialara dair işlər üzrə yazılı icraat qaydasında baxaraq, məhkəmə MÜƏYYƏN ETDİ: İddiaçı "xxxx" MMC Cavabdeh qarşı “pul tələbi”nə dair iddia ərizəsi ilə məhkəməyə müraciət edərək, xx.xx.2021-ci il tarixli müqavilə üzrə paltaryuyan Electrolux üçün 303 (üç yüz üç) manat ödənilməmiş hissə, 30 (otuz) manat cərimə, xx.xx.2021-ci il tarixli müqavilə üzrə radiator Hoffman üçün 86 (səksən altı) manat ödənilməmiş hissə, 0 (sıfır) manat cərimə, xx.xx.2022-ci il tarixli müqavilə üzrə çaynik Reymond, Blender Dex üçün 149,6 (bir yüz qırx doqquz manat 60 qəpik) manat ödənilməmiş hissə, 14,4 (on dörd manat 40 qəpik) manat cərimə, xx.xx.2022-ci il tarixli müqavilə üzrə İMEi kodu **********30935 İnoi 103 Black markalı telefon, ütü masası Magna, tozsoran Samsung, ütü Braun üçün 572,06 (beş yüz yetmiş iki manat 06 qəpik) manat ödənilməmiş hissə, 58,08 (əlli səkkiz manat 08 qəpik) manat cərimə, ümumlikdə 1134 manat borc, 31,34 manat dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə qəbul edilməsini xahiş etmişdir. Cavabdeh məhkəmə tərəfindən rəsmi qaydada qeydiyyatda olduğu ünvan üzrə və eləcə də, qeydiyyatda olduğu ünvan üzrə mənzil kommunal təsərrüfatı birliyi vasitəsi ilə bildiriş göndərilmişdir. Məhkəmə iş materillarını tədqiq edərək və iş üzrə sübutlara hüquqi qiymət verərək belə hesab edir ki, iddia təmin edilməlidir. Belə ki, tədqiq edilmiş iddia ərizəsi və ona əlavə edilmiş sübutlarla müəyyən edildi ki, Cavabdeh ilə "xxxx" MMC arasında xx.xx.2021-ci il tarixdə bağlanmış müqaviləyə əsasən, iddiaçı cavabdehə ödəniş qrafikinə əsasən alqı-satqı qiyməti 1224 (bir min iki yüz iyirmi dörd) manata paltaryuyan Electrolux nisyə satmışdır. Alıcı həmin məbləği hər ay 51 manat ödəmək şərti ilə 24 ay müddətinə (ilkin ödəniş 0 manat olmaqla) ödəməyi öz üzərinə götürmüşdür. Eyni zamanda Cavabdeh ilə "xxxx" MMC arasında xx.xx.2021-ci il tarixdə bağlanmış müqaviləyə əsasən, iddiaçı cavabdehə ödəniş qrafikinə əsasən alqı-satqı qiyməti 193,86 (bir yüz doxsan üç manat 86 qəpik) manata radiator Hoffman nisyə satmışdır. Alıcı həmin məbləği hər ay 10,77 manat ödəmək şərti ilə 18 ay müddətinə (ilkin ödəniş 0 manat olmaqla) ödəməyi öz üzərinə götürmüşdür. Eyni zamanda Cavabdeh ilə "xxxx" MMC arasında xx.xx.2022-ci il tarixdə bağlanmış müqaviləyə əsasən, iddiaçı cavabdehə ödəniş qrafikinə əsasən alqı-satqı qiyməti 202,32 (iki yüz iki manat 32 qəpik) manata çaynik Reymond, blender Dex nisyə satmışdır. Alıcı həmin məbləği hər ay 11,24 manat ödəmək şərti ilə 18 ay müddətinə (ilkin ödəniş 0 manat olmaqla) ödəməyi öz üzərinə götürmüşdür. Eyni zamanda Cavabdeh ilə "xxxx" MMC arasında xx.xx.2022-ci il tarixdə bağlanmış müqaviləyə əsasən, iddiaçı cavabdehə ödəniş qrafikinə əsasən alqı-satqı qiyməti 597,06 (beş yüz doxsan yeddi manat 06 qəpik) manata İMEi kodu **********30935 İnoi 103 Black markalı telefon, ütü masası Magna, tozsoran Samsung, ütü Braun nisyə satmışdır. Alıcı həmin məbləği hər ay 33,17 manat ödəmək şərti ilə 18 ay müddətinə (ilkin ödəniş 0 manat olmaqla) ödəməyi öz üzərinə götürmüşdür. Cavabdehin müqavilələr üzrə cəmi ödədiyi məbləğ 1185,72 manat təşkil edir. Cavabdehə borcun ödənilməsinə dair dəfələrlə şifahi xəbərdarlıq edilmiş, həmçinin poçt vasitəsi ilə ona rəsmi qaydada xəbərdarlıq məktubu göndərilmişdir. Lakin cavabdeh xəbərdarlıqlara məhəl qoymaraq müqavilə üzrə yaranmış borcunu ödəməkdən yayınmışdır. Azərbaycan Respublikası MPM-nin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Beləliklə Azərbaycan Respublikasının MM-nin 567, 600.1, 601.1, 404.1, 386.1, 385.1, 600.4, 442, 445.1 və 462.1-ci maddələrinə əsasən və eləcədə iş üzrə toplanmış sübutlara hüquqi qiymət verərək məhkəmə belə hesab edir ki, iddia tələbi təmin edilməli, Cavabdeh xx.xx.2021-ci il tarixli müqaviləyə əsasən 303 (üç yüz üç) manat əsas, 30 (otuz) manat cərimə borcu, xx.xx.2021-ci il tarixli müqaviləyə əsasən 86 (səksən altı) manat əsas, 0 (sıfır) manat cərimə borcu, xx.xx.2022-ci il tarixli müqaviləyə əsasən 149,60 (bir yüz qırx doqquz manat 60 qəpik) əsas, 14,4 (on dörd manat 40 qəpik) cərimə, xx.xx.2022ci il tarixli müqaviləyə əsasən 572,06 (beş yüz yetmiş iki manat 06 qəpik) manat əsas, 58,08 (əlli səkkiz manat 08 qəpik) manat cərimə borcu, cəmi 1134 (bir min bir yüz otuz dörd) manat məbləğində pul vəsaiti iddiaçı "xxxx" Məhdud Məsuliyyətli Cəmiyyətinin xeyrinə tutulmalıdır. Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə hesab edir ki, iddia təmin edildiyindən iş üzrə ödənilmiş 31,34 (otuz bir manat 34 qəpik) manat dövlət rüsumu Cavabdeh tutularaq "xxxx" Məhdud Məsuliyyətli Cəmiyyətinə ödənilməlidir. Göstərilənlərə əsasən və Azərbaycan Respublikasının MPM-nin 216-220, 227, 358, 360 və 362-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh xx.xx.2021-ci il tarixli müqaviləyə əsasən 303 (üç yüz üç) manat əsas, 30 (otuz) manat cərimə borcu, xx.xx.2021-ci il tarixli müqaviləyə əsasən 86 (səksən altı) manat əsas, 0 (sıfır) manat cərimə borcu, xx.xx.2022-ci il tarixli müqaviləyə əsasən 149,60 (bir yüz qırx doqquz manat 60 qəpik) əsas, 14,4 (on dörd manat 40 qəpik) cərimə, xx.xx.2022-ci il tarixli müqaviləyə əsasən 572,06 (beş yüz yetmiş iki manat 06 qəpik) manat əsas, 58,08 (əlli səkkiz manat 08 qəpik) manat cərimə borcu, cəmi 1134 (bir min bir yüz otuz dörd) manat məbləğində pul vəsaiti iddiaçı "xxxx" Məhdud Məsuliyyətli Cəmiyyətinin xeyrinə tutulsun. İş üzrə ödənilmiş 31,34 (otuz bir manat 34 qəpik) manat dövlət rüsumu Cavabdeh tutularaq "xxxx" Məhdud Məsuliyyətli Cəmiyyətinə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Yasamal Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Sədrlik edən: Toğrul Axundov