Bakı Şəhəri Yasamal Rayon Məhkəməsi Qətnamə — İş №e-2(004)-4922/2022

Azərbaycan Respublikası adından QƏTNAMƏ Bakı şəhəri İş № e-2(004)-4922/2022 03.10.2022 BAKI ŞƏHƏRİ YASAMAL RAYON MƏHKƏMƏSİ Hakim Babazadə Gülnar Vidadi qızının sədrliyi ilə İddiaçı "xxxx" Məhdud Məsuliyyətli Cəmiyyətinin Cavabdeh qarşı “pul tələbinə” dair kiçik iddiası üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" Məhdud Məsuliyyətli Cəmiyyəti Cavabdeh qarşı “pul tələbinə” dair dair kiçik iddia ərizəsi ilə məhkəməyə müraciət edərək, xx.xx.2021-ci il tarixli müqaviləsinə əsasən, CASİO saat, Çaynik Bosch üçün 254 (iki yüz əlli dörd) manat ödənilməmiş hissə, 25 (iyirmi beş) manat cərimə, xx.xx.2021-ci il tarixli müqaviləsinə əsasən, İmei kodu **********55401 Samsung Galaxy A51 markalı telefon üçün 1830.4 (bir min səkkiz yüz otuz manat, qırx qəpik) manat ödənilməmiş hissə, 183.6 (yüz səksən üç manat, altmış qəpik) manat cərimə miqdarında borc yaranmışdır. Ümumilikdə 2293 (iki min iki yüz doxsan üç) manat borc, 42.93(qırx iki manat doxsan üç) manat ödənilmiş dövlət rüsumunun Cavabdeh alınaraq "xxxx" Məhdud Məhsuliyyətli Cəmiyyətinə ödənilməsi barədə qətnamə çıxarılmasını məhkəmədən xahiş etmişdir. İddiaçı "xxxx" MMC kiçik iddia ərizəsini onunla əsaslandırmışdır ki, cavabdeh "xxxx" MMC ilə xx.xx.2021-ci il, xx.xx.2021-ci il tarixli müqavilələrinə əsasən, CASİO saat, Çaynik Bosch, Acer kompüter almış və nəticədə 2293 (iki min iki yüz doxsan üç) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2021-ci il tarixli müqaviləsinə əsasən, alqı-satqı qiyməti 294 (iki yüz doxsan dörd) manat (15 ay x 19.6 manat + 0 manat ilkin ödəniş), CASİO saat, Çaynik Bosch üçün ümumilikdə, 279 (iki yüz yetmiş doqquz) manat olmaqla ondan, 254 (iki yüz əlli dörd) manat ödənilməmiş hissə, güzəşt olunaraq 25 (iyirmi beş) manat cərimə, xx.xx.2021-ci il tarixli müqaviləsinə əsasən, alqı-satqı qiyməti 2135.4 (iki min yüz otuz beş manat, qırx qəpik) manat (24 ay x 79.6 manat + 225 manat ilkin ödəniş) İmei kodu **********55401 Samsung Galaxy A51 markalı telefon üçün ümumilikdə, 2014 (iki min on dörd) manat olmaqla ondan, 1830.4 (bir min səkkiz yüz otuz manat, qırx qəpik) manat ödənilməmiş hissə, güzəşt olunaraq 183.6 (yüz səksən üç manat, altmış qəpik) manat cərimə miqdarında borc yaranmışdır. Cavabdehin cəmi ödədiyi məbləğ 345 (üç yüz qırx beş) manat təşkil edir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti beş min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə kiçik iddialara dair işlər üzrə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmışdır. Məhkəmə tərəfindən Azərbaycan Respublikası Mülki Prosessual Məcəlləsinin 284-5ci maddəsinin tələblərinə uyğun olaraq iddiaçının ərizəsinə dair əsaslandırılmış etirazının olduğu halda öz dəlillərini və onları təsdiq edən sənədlərin təqdim olunması barədə bildiriş cavabdehə qanunvericiliklə müəyyən edilmiş qaydada və müddətdə göndərilmiş, lakin cavabdeh tərəfindən iddiaçının tələbinə dair hər hansı münasibət bildirilməmişdir. Məhkəmə iş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edir ki, iddia tələbi təmin edilməlidir. Belə ki, iş materiallarına əlavə olunmuş xx.xx.2021-ci il tarixli 22464471 nömrəli müqavilədən görünür ki, müqavilə əsasında Cavabdeh "xxxx" MMC-dən CASİO saat, Çaynik Bosch almışdır. Cavabdeh müqavilənin şərtlərini pozmuş və nəticədə alqı-satqı qiyməti 294 (iki yüz doxsan dörd) manat (15 ay x 19.6 manat + 0 manat ilkin ödəniş) olan CASİO saat, Çaynik Bosch üçün ümumilikdə, 279 (iki yüz yetmiş doqquz) manat olmaqla ondan, 254 (iki yüz əlli dörd) manat ödənilməmiş hissə, güzəşt olunaraq 25 (iyirmi beş) manat cərimə borcu yaranmışdır. İş materiallarına əlavə olunmuş xx.xx.2021-ci il tarixli 23102679 nömrəli müqavilədən görünür ki, müqavilə əsasında Cavabdeh "xxxx" MMC-dən İmei kodu **********55401 Samsung Galaxy A51 markalı telefon almışdır. Cavabdeh müqavilənin şərtlərini pozmuş və nəticədə alqı-satqı qiyməti 2135.4 (iki min yüz otuz beş manat qırx qəpik) manat (24 ay x 79.6 manat + 225 manat ilkin ödəniş) olan İmei kodu **********55401 Samsung Galaxy A51 markalı telefon üçün ümumilikdə, 2014 (iki min on dörd) manat olmaqla ondan, 1830.4 (bir min səkkiz yüz otuz manat qırx qəpik) manat ödənilməmiş hissə, güzəşt olunaraq 183.6 (yüz səksən üç manat altmış qəpik) manat cərimə borcu yaranmışdır. "xxxx" Məhdud Məsuliyyətli Cəmiyyəti tərəfindən cavabdehə ünvanlanmış xx.xx.2022-ci il tarixli xəbərdarlıqdan görünür ki, qısa zaman ərzində ödəniş etməyəcəyi təqdirdə iddiaçı məhkəmədə mülki iddia qaldıracağı barədə Cavabdeh xəbərdar etmişdir. İş materiallarında olan "xxxx" tərəfindən təqdim olunmuş xx.xx.2022-ci il tarixli maliyyə arayışından görünür ki, xx.xx.2021-ci il tarixli 22464471 müqavilə üzrə Cavabdeh cəmi borcu 279 (iki yüz yetmiş doqquz) manat olmaqla ondan 254 (iki yüz əlli dörd) manat ödənilməmiş hissə, 25 (iyirmi beş) manat cərimə, xx.xx.2021-ci il tarixli 23102679 müqavilə üzrə cəmi borcu 2014 (iki min on dörd) manat olmaqla, ondan 1830.4 (bir min səkkiz yüz otuz manat qırx qəpik) manat ödənilməmiş hissə, 183.6 (yüz səksən üç manat altmış qəpik) manat cərimə borcu vardır. Beləliklə, müəyyən olundu ki, xx.xx.2021-ci il tarixli 22464471 nömrəli müqavilə üzrə Cavabdeh 254 (iki yüz əlli dörd) manat ödənilməmiş hissə, 25 (iyirmi beş) manat cərimə, xx.xx.2021-ci il tarixli 23102679 nömrəli müqavilə üzrə 1830.4 (bir min səkkiz yüz otuz manat qırx qəpik) manat ödənilməmiş hissə, 183.6 (yüz səksən üç manat altmış qəpik) manat cərimə borcu yaranmışdır. Azərbaycan Respublikası Mülki Məcəlləsinin: 6.2-ci maddəsinə əsasən, fiziki və hüquqi şəxslər mülki hüquqları öz mənafelərini gerçəkləşdirmək üçün iradələrinə uyğun olaraq əldə edir və həyata keçirirlər. Onlar müqavilə əsasında öz hüquq və vəzifələrini müəyyənləşdirməkdə və qanunvericiliyə zidd olmayan hər hansı müqavilə şərtləri qoymaqda sərbəstdirlər; 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, məhkəmə hesab edir ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-5, 284-6, 216-220-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh xx.xx.2021-ci il tarixli 22464471 nömrəli müqavilə üzrə 254 (iki yüz əlli dörd) manat ödənilməmiş hissə, 25 (iyirmi beş) manat cərimə, xx.xx.2021-ci il tarixli 23102679 nömrəli müqavilə üzrə 1830.4 (bir min səkkiz yüz otuz manat qırx qəpik) manat ödənilməmiş hissə, 183.6 (yüz səksən üç manat altmış qəpik) manat cərimə olmaqla, cəmi 2293 (iki min iki yüz doxsan üç) manat borc və 42.93 (qırx iki manat doxsan üç) manat məbləğində ödənilmiş dövlət rüsumu tutularaq "xxxx" Məhdud Məsuliyyətli Cəmiyyətinə ödənilsin. Qətnamədən, qətnamə işdə iştirak edən şəxslərə rəsmi qaydada verildiyi gündən bir ay müddətində “Elektron məhkəmə” informasiya sistemində yaradılan elektron kabinetdən Bakı şəhəri Yasamal Rayon Məhkəməsi vasitəsilə Bakı Apelyasiya Məhkəməsinin Mülki Kollegiyasına apelyasiya şikayəti verilə bilər. Hakim: Gülnar Babazadə