Bakı Şəhəri Yasamal Rayon Məhkəməsi Qətnamə — İş №e-2(004)-5150/2022

Azərbaycan Respublikası adından QƏTNAMƏ Bakı şəhəri İş № e-2(004)-5150/2022 21.10.2022 BAKI ŞƏHƏRİ YASAMAL RAYON MƏHKƏMƏSİ Hakim Məmmədli Orxan Qədir oğlunun sədrliyi ilə, İddiaçı "xxxx" Məhdud Məsuliyyətli Cəmiyyətinin Cavabdeh qarşı “borcun qaytarılması” tələbinə dair kiçik iddia ərizəsi üzrə mülki işə Bakı Şəhəri Yasamal Rayon Məhkəməsinin binasında sadələşdirilmiş qaydada baxaraq, məhkəmə M ü ə y y ə n e t d i: İddiaçı "xxxx" MMC Cavabdeh qarşı “borcun qaytarılması” tələbinə dair kiçik iddia ərizəsi ilə məhkəməyə müraciət edərək, xx.xx.2021-ci il tarixli müqaviləyə əsasən LG LED TV, LG səs ucadıcı üçün 1087,4 manat ödənilməmiş hissə, 108,6 manat cərimə, xx.xx.2020-ci il tarixli müqaviləyə əsasən SAMSUNG tozsoran, Panasonic ətçəkən üçün 329,7 manat ödənilməmiş hissə, 32,3 manat cərimə, xx.xx.2021-ci il tarixli müqaviləyə əsasən GORENJE izqara üçün 62,7 manat ödənilməmiş hissə, 6,3 manat cərimə olmaqla ümumilikdə 1627 manat borc və 36,27 manat ödənilmiş dövlət rüsumunun Cavabdeh alınaraq "xxxx" MMC-nə ödənilməsi barədə qətnamə qəbul edilməsini xahiş etmişdir. Azərbaycan Respublikası MPM-nin 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verldikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Cavabdeh rəsmi qaydada bildiriş göndərilmiş, lakin cavabdeh tərəfindən iddiaya qarşı əsaslandırılmış etiraz məhkəməyə daxil olmamışdır. Məhkəmə iş materiallarını tədqiq edərək hesab edir ki, iddia tələbi təmin edilməlidir. Məhkəmə Azərbaycan Respublikası Mülki Məcəlləsinin 385.1, 386.1, 427.3, 429.1.3, 442, 445, 600-ci maddələrini, MPM 119.1-ci maddəsini nəzərə alaraq müəyyən etdi: Belə ki, məhkəmə araşdırmasında müəyyən edilmişdir ki, xx.xx.2021-ci il tarixli, 22329507 saylı alqı-satqı müqaviləsinə əsasən iddiaçı "xxxx" MMC tərəfindən Cavabdeh 60 manat ilkin ödəniş olunmaqla, 18 ay müddətinə aylıq 76,7 manat ödəmək şərti ilə ümumi məbləği 1440,6 manat olan LG LED TV, LG səs ucadıcı, xx.xx.2020-ci il tarixli, 22114529 saylı alqı satqı müqviləsinə əsasən iddiaçı "xxxx" MMC tərəfindən Cavabdeh ilkin ödənişsiz, 12 ay müddətinə aylıq 59 manat ödəmək şərti ilə ümumi məbləği 708 manat olan SAMSUNG tozsoran, Panasonic, xx.xx.2021-ci il tarixli, 23064366 saylı alqısatqı müqaviləsinə əsasən iddiaçı "xxxx" MMC tərəfindən Cavabdeh GORENJE izqara verilmişdir. xx.xx.2022-ci il tarixli maliyyə və ödəniş cədvəlindən görünür ki, Cavabdeh xx.xx.2021-ci il tarixli alqı-satqı müqaviləsi üzrə 1087,4 manat məbləğində ödənilməmiş hissə, 108,6 manat cərimə borcu, xx.xx.2020-ci il tarixli alqı-satqı müqaviləsi üzrə 329,7 manat məbləğində ödənilməmiş hissə, 32,3 manat cərimə borcu, xx.xx.2021-ci il tarixli alqı-satqı müqaviləsi üzrə 62,7 manat ödənilməmiş hissə, 6,3 manat cərimə borcu olmaqla cəmi 1627 manat borcu vardır. Cavabdeh müqavilə öhdəliklərini yerinə yetirməmişdir. Mülki Məcəllənin 442-ci maddəsinə görə isə öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Bu mənada, öhdəliyin pozulması – öhdəliyin tərkibini təşkil edən hərəkətlərin ümumiyyətlə yerinə yetirilməməsində ifadə olunur. Öhdəliyin lazımınca icra edilməməsi isə MM-in 425-ci maddəsində təsbit edilmiş «vicdanlılıq» anlayışı ilə birgə dəyərləndirilməlidir. Belə birgə dəyərləndirməyə görə öhdəliyin lazımınca icra edilməməsi dedikdə öhdəliyin vaxtında icra edilməməsi, xammalın, işin və xidməti qüsurlu icrası və ya öhdəliyin tərkibini müəyyən edən digər şərtlərin pozulması başa düşülməlidir. Mülki Məcəllənin 445.1-ci maddəsinə görə icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Həmin Məcəllənin 445.2.1-ci maddəsinə əsasən isə öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Ona görə də məhkəmə belə hesab edir ki, iddia tələbi qanuni və əsaslı olduğundan təmin edilməli, Cavabdeh xx.xx.2021-ci il tarixli alqı-satqı müqaviləsi üzrə 1087,4 manat məbləğində ödənilməmiş hissə, 108,6 manat cərimə borcu, xx.xx.2020-ci il tarixli alqı-satqı müqaviləsi üzrə 329,7 manat məbləğində ödənilməmiş hissə, 32,3 manat cərimə borcu, xx.xx.2021-ci il tarixli alqı-satqı müqaviləsi üzrə 62,7 manat ödənilməmiş hissə, 6,3 manat cərimə borcu olmaqla cəmi 1627 manat borc alınaraq "xxxx" MMC-yə ödənilməlidir. İddiaçı "xxxx" MMC tərəfindən ödənilmiş 36,27 manat dövlət rüsumu cavabdehdən tutularaq, iddiaçıya ödənilməlidir. Azərbaycan Respublikası Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidi. Həmçinin, məhkəmə iş üzrə sübutlara Mülki Prosessual Məcəllənin 88-ci maddəsinin tələblərinə uyğun olaraq obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət vermiş, iddia ərizəsində qoyulmuş tələblər üzrə nəticəyə gələrkən isə Mülki Prosessual Məcəllənin 217.4-cü maddəsində təsbit edilmiş bilavasitəlilik prinsipinə uyğun olaraq yalnız məhkəmədə tədqiq olunmuş sübutlara əsaslanmışdır. Yuxarıdakılara əsasən və Azərbaycan Respublikası Mülki Prosessual Məcəlləsinin 284-6, 358, 360 və 362-ci maddələrini rəhbər tutaraq, məhkəmə Qət etdi : İddia tələbi təmin edilsin. Cavabdeh xx.xx.2021-ci il tarixli alqı-satqı müqaviləsi üzrə 1087,4 (bir min səksən yeddi manat qırx qəpik) manat məbləğində ödənilməmiş hissə, 108,6 (yüz səkkiz manat altmış qəpik) manat cərimə borcu, xx.xx.2020-ci il tarixli alqı-satqı müqaviləsi üzrə 329,7 (üç yüz iyirmi doqquz manat yetmiş qəpik) manat məbləğində ödənilməmiş hissə, 32,3 (otuz iki manat otuz qəpik) manat cərimə borcu, xx.xx.2021-ci il tarixli alqı-satqı müqaviləsi üzrə 62,7 (altmış iki manat yetmiş qəpik) manat ödənilməmiş hissə, 6,3 (altı manat otuz qəpik) manat cərimə borcu olmaqla cəmi 1627 (bir min altı yüz iyirmi yeddi) manat borc və 36,27 (otuz altı manat iyirmi yeddi qəpik) manat ödənilmiş dövlət rüsumu alınaraq "xxxx" Məhdud Məsuliyyətli Cəmiyyətinin xeyrinə ödənilsin. Qətnamədən tərəflərə rəsmi qaydada verildikdən sonra 1 (bir) ay müddətində Bakı Şəhəri Yasamal Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Hakim: Orxan Məmmədli