Bakı Şəhəri Nərimanov Rayon Məhkəməsi Qətnamə — İş №e-2(005)-5552/2025

Azərbaycan Respublikası adından QƏTNAMƏ Bakı şəhəri İş № e-2(005)-5552/2025 21.01.2026 BAKI ŞƏHƏRİ NƏRİMANOV RAYON MƏHKƏMƏSİ Hakim Əfəndizadə Mehriban Xalid qızı, İddiaçı "xxxx" Məhdud Məsuliyyətli Cəmiyyətinin Cavabdeh qarşı borcun tutulması tələbinə dair iddia ərizəsi üzrə mülki işə kiçik iddialara dair sadələşdirilmiş icraat qaydasında baxaraq, məhkəmə M Ü Ə Y Y Ə N E T D İ: İddiaçı "xxxx" MMC Cavabdeh qarşı borcun tutulması tələbinə dair iddia ilə məhkəməyə müraciət edərək, xx.xx.2025-cü il tarixli müqaviləyə əsasən Soyuducu Toshiba, Zəmanət + 2 il xidməti üçün 1179 manat ödənilməmiş hissə və 117,90 manat cərimə, həmçinin xx.xx.2025-ci il tarixli müqaviləyə əsasən İMEİ kodu **********94939 olan OPPO RENO 12, Vinil Şəffaf üçün 1030,59 manat ödənilməmiş hissə, İnnovativ Layihələr Mərkəzinə ödənilmiş 23,60 manat rüsum və 103,06 manat hesablanmış cərimə olmaqla, ümumilikdə 2454,15 manat borcun və 44,55 manat iddia ərizəsi üçün ödənilmiş dövlət rüsumunun cavabdehdən tutularaq iddiaçıya ödənilməsi barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, cavabdeh iddiaçı ilə aralarında bağlanmış xx.xx.2025-ci il tarixli müqaviləyə əsasən Soyuducu Toshiba, Zəmanət + 2 il xidməti, eləcə də xx.xx.2025-ci il tarixli müqaviləyə əsasən İMEİ kodu **********94939 olan OPPO RENO 12, Vinil Şəffaf satın alaraq əldə etmiş və nəticədə 2454,15 manat borcu yaranmışdır. Cabadeh müqavilə şərtlərini pozaraq iddiaçıya olan borcunu vaxtında və lazımi qaydada ödəmədiyindən, alğı-satqı qiyməti 1179 manat olan Soyuducu Toshiba, Zəmanət + 2 il xidməti üçün ümimilikdə 1296,90 manat olmaqla, ondan 1179 manat ödənilməmiş hissə (əsas borc) və müştəriyə güzəşt olunaraq hesablanmış 117,90 manat cərimə borcu, eləcə də, alğı-satqı qiyməti 1285,02 manat olan İMEİ kodu **********94939 olan OPPO RENO 12, Vinil Şəffaf üçün ümumilikdə 1157,25 manat olmaqla, ondan 1030,59 manat ödənilməmiş hissə (əsas borc), İnnovativ Layihələr Mərkəzinə ödənilən 23.60 manat rüsum və müştəriyə güzəşt olunaraq hesablanmış 103,06 manat cərimə borcu yaranmışdır. Cavabdehin hər iki müqavilə üzrə cəmi ödədiyi məbləğ 254,43 manat təşkil edir. Tərəflər arasında bağlanmış müqavilənin ayrılmaz tərkib hissəsi olan “Əşyaların təhvil-təslim aktı”na əsasən cavabdeh əldə etdiyi məhsulu tam və qüsursuz şəkildə təhvil almışdır. İddiaçının cavabdehlə arasında olan telefon danışığı, həmçinin cavabdehə göndərilən xx.xx.2025-ci il tarixli xəbərdarlıq məktubunda mübahisənin məhkəmədənkənar həll olunması, onun üzərinə düşən öhdəlikləri lazımınca icra etməli olması rəsmi qaydada bildirilsə də, cavabdeh müqavilə üzrə öhdəliklərini icra etməmişdir. Tələbin əsaslığını və əmlakın dəyərini sübut edən sənədlər - tərəflər arasında bağlanılmış Müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Məhkəmə Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə kiçik iddialara dair işlər üzrə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmışdır. Azərbaycan Respublikası Mülki Prosessual Məcəlləsinin: 284-1-ci maddəsinə əsasən Mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1-ci maddəsinə əsasən Ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən сavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə tərəfindən Azərbaycan Respublikası Mülki Prosessual Məcəlləsinin 284-5ci maddəsinin tələblərinə uyğun olaraq, cavabdehə iddiaçının tələbinə dair əsaslandırılmış etirazının olduğu halda öz dəlillərini, habelə dəlillərini təsdiq edən sənədlərin təqdim olunması hüququnun izah edilməsi barədə bildiriş qanunvericiliklə müəyyən edilmiş qaydada və müddətdə göndərilmiş, lakin cavabdeh iddia tələbinə münasibət bildirməmişdir. Məhkəmə iş materiallarını araşdırıb, sübutlara məcmu halda obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq hesab edir ki, iddia qismən təmin edilməlidir. Belə ki, işin məhkəmə tərəfindən müəyyən edilən hallarından görünür ki, tərəflər arasında malın nisyə alqı-satqısı müqaviləsinin bağlanmasından irəli gələn öhdəlik hüquq münasibətləri yaranmışdır. İş materiallarında müqavilənin etibarsızlığını göstərən hər hansı bir hal aşkar edilməmişdir. - İşə əlavə edilmiş xx.xx.2025-ci il tarixli və xx.xx.2025-ci il tarixli müqavilələrin və onların əlavəsi olan həmin tarixli bildirişlərin surətindən görünür ki, həmin müqavilələr ilə cavabdeh Soyuducu Toshiba, Zəmanət + 2 il xidmətini və İMEİ kodu **********94939 olan OPPO RENO 12, Vinil Şəffaf mobil telefonu iddiaçıdan satın almış və müqavilələri imzalamaqla müqavilə şərtləri ilə razılaşmışdır. - İş materiallarına əlavə edilmiş xx.xx.2025-ci il tarixli maliyyə və ödəniş cədvəlinin surətindən görünür ki, cavabdeh "xxxx" MMC ilə aralarında bağlanmış xx.xx.2025-ci il tarixli alğı-satqı müqaviləsinə əsasən iddiaçıdan ümumi dəyəri 1179 manat olan Soyuducu Toshiba, Zəmanət + 2 il xidmətini 12 ay müddətinə aylıq 98,25 manat ödəmək şərti ilə satın almışdır və onun tərəfindən borc ödənilməmiş. Bununla da cavabdehin həmin müqavilə üzrə iddiaçıya 1179 manat əsas borcu və 117,90 manat ödənişin gecikdirilməsinə görə hesablanmış cərimə borcu olmaqla, ümumilikdə 1296,90 manat borcu yaranmışdır. Eyni zamanda tərəflər arasında bağlanmış xx.xx.2025-ci il tarixli alğısatqı müqaviləsinə əsasən cavabdeh iddiaçıdan ümumi dəyəri 1285,02 manat olan İMEİ kodu **********94939 olan OPPO RENO 12, Vinil Şəffaf mobil telefonu 18 ay müddətinə aylıq 71,39 manat ödəmək şərti ilə satın almışdır və onun tərəfindən həmin müqavilə üzrə borcun 254,43 manat hissəsi ödənilsə də, qalan hissəsi ödənilmədiyi üçün 1030,59 manat əsas borcu, İnnovativ Layihələr Mərkəzinə ödənilmiş 23,60 manat rüsum və 103,06 manat ödənişin gecikdirilməsinə görə hesablanmış cərimə borcu olmaqla, ümumilikdə 1157,25 manat borcu yaranmışdır. Maliyyə və ödəniş cədvəlinə əsasən cavabdehin hər iki müqavilə üzrə ümumilikdə iddiaçıya 2454,15 manat borcu mövcuddur. - İşdə olan xx.xx.2025-ci il tarixli arayışın surətindən görünür ki, "xxxx" MMC tərəfindən cavabdehə nisyə alğı-satqı müqaviləsi əsasında İMEİ kodu **********94939 olan OPPO RENO 12, Vinil Şəffaf mobil telefonun açılıb-bağlanması xidmətinə görə İnnovativ Layihələr Mərkəzinə 23.60 AZN pul ödənilmişdir. - İş materiallarında olan xx.xx.2025-ci il tarixli xəbərdarlıq məktubunun surətindən görünür ki, iddiaçı "xxxx" MMC tərəfindən Cavabdeh həmin məktub göndərilməklə aralarında bağlanmış müqavilə üzrə aldığı malın dəyərinin ödənilməsi ilə bağlı müqavilə öhdəliklərinin icrasının gecikdirilməsi, öhdəliklər pozulduğu üçün malın saz və korlanmamış vəziyyətdə geri qaytarılması, malın şirkət tərəfindən qiymətləndiriləcəyi və bu mümkün olmadığı halda malın müqaviləyə əlavədə qeyd olunmuş dəyərinin cavabdeh tərəfindən tam şəkildə ödəniləcəyi və öhdəliklərin 3 iş günü müddətini həyata keçirilməsi barədə xəbərdarlıq edilmişdir. - İşə əlavə edilmiş xx.xx.2025-ci il tarixli qəbzin surətindən göründüyü kimi, iddiaçı tərəfindən məhkəmədə iddia qaldırılması üçün 44.55 manat məbləğində dövlət rüsumu ödənilmişdir. Azərbaycan Respublikası Mülki Məcəlləsinin: 448.1-ci maddəsinə əsasən əgər Mülki Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; 448.2-ci maddəsinə əsasən borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır; 462.1-ci maddəsinə görə dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər; 739.2-ci maddəsinə əsasən borc müqaviləsinin predmeti hər hansı pul məbləği olduqda, o, Ümumi Oferta müqaviləsi adlandırılır. Müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər; Məhkəmə iddiaçı tərəfindən tələb edilən borcun məbləğini nəzərdən keçirib hesab edir ki, iddia tələbi qismən əsaslı olduğundan qismən təmin edilməlidir. Göründüyü kimi, iddiaçı ilə cavabdeh arasında bağlanmış müqaviləyə əsasən iddiaçı müqavilənin predmeti olan və yuxarıda göstərilən əşyaları müəyyən edilmiş müddətlərdə və məbləğlərdə onun dəyərini ödəmək şərti ilə cavabdehə kredit yolu ilə satmışdır. Həmin müqavilədə əşyaların qiyməti, ödənişin qaydası, müddəti və məbləği göstərilmişdir. Cavabdeh həmin əşyaları qəbul etmiş, lakin müqavilə üzrə müəyyən edilmiş müddətlərdə və məbləğlərdə ödənişlər etməmişdir. Məhkəmə qeyd edir ki, mülki qanunvericiliyin normaları baxımından cavabdehin hərəkətləri öhdəliyin lazımınca icra edilməməsi kimi qiymətləndirilməlidir. Belə ki, cavabdeh müqavilə ilə götürdüyü öhdəliyi vaxtında icra etməmiş, iddiaçıya olan borcunu müqavilə ilə nəzərdə tutulan vaxtda və qaydada ödəməyərək, bununla da müqavilənin şərtlərini pozmuşdur. Buna görə də o, onun risk dairəsinə daxil olan öhdəliyin icra edilmədiyi bütün hallar üçün cavabdeh olduğundan, öz öhdəliyinin hər bir təqsirli pozuntusuna görə məsuliyyət daşımalı, müqavilə üzrə yaranmış borcu iddiaçıya ödəməlidir. Mülki işin materiallarından müəyyən edilir ki, Cavabdeh xx.xx.2025-ci il tarixli müqavilə üzrə 1179, xx.xx.2025-ci il tarixli müqavilə üzrə 1030,59 manat əsas borcu qalmışdır. Belə olan təqdirdə məhkəmə hesab edir ki, iddia tələbi əsas borca münasibətdə tam təmin edilməlidir. Cərimə borcunun məbləğinə gəlincə qeyd olunmalıdır ki, 1179 manat əsas borca münasibətdə 117,90; 1030,59 manat əsas borca nisbətdə 103,06 manat məbləğində cərimə borcunun hesablanması ağlabatan və qanunidir, bu səbəbdən o hissədə də iddia təmin edilməlidir. İddiaçı eyni zamanda İnnovativ Layihələr Mərkəzinə ödənilmiş 23,60 manat məbləğdə dövlət rüsumunun qaytarılmasını da tələb edir ki, məhkəmə hesab edir ki, bu hissədə iddia tələbi təmin edilə bilməz. İddiaçı tərəfindən bu hissədə tələbin əsası kimi İnnovativ Layihələr Mərkəzi və "xxxx" MMC arasında bağlanmış təhvil təslim aktı təqdim edilsə də, iddiaçı tərəfindən rüsumun ödənildiyi ilə bağlı arayış təqdim edilmişdir. Məhkəmə qeyd edir ki, müqavilə şərti olaraq İMEİ kodunun deaktiv olunması üsulu ilə əşyanın Azərbaycan Respublikasının rabitə şəbəkələrində istifadəsinə məhdudiyyət tətbiq ediləcəyi razılaşdırılsa da, iddiaçı tərəfindən təqdim edilən birtərəfli qaydada tərtib edilmiş arayışla belə bir xidmətdən istifadə edildiyi, istifadə edilmişsə qiymətin hansı tariflər əsasında hesablandığı müəyyən olunmur. Təqdim edilmiş təhvil təslim aktında isə ümumilikdə xx.xx.2025-ci il tarixə olan saldo qeyd edilib. Məhkəmə araşdırması zamanı Azərbaycan Respublikası Mülki Prosessual Məcəllənin 284-5.4-cü maddəsi ilə nəzərdə tutulmuş işə iddia icraatı qaydasında baxılması əsasları aşkar olunmamışdır. Azərbaycan Respublikası Mülki Prosessual Məcəllənin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və t ərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Beləliklə, məhkəmə tədqiq olunmuş sübutlara məcmu halında hüquqi qiymət Hazırkı iş üzrə çəkilmiş məhkəmə xərcləri Azərbaycan Respublikası MPM-in 119.1-ci maddəsinə müvafiq olaraq, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. İddia qismən təmin edildiyindən, iddianın təmin olunmuş hissəsinə mütənasib olaraq dövlət rüsumu kimi ödənilmiş 44.55 manat məbləğində pulun 44,12 manatı cavabdehə aid edilməlidir. Məhkəmə araşdırması zamanı Azərbaycan Respublikası Mülki Prosessual Məcəllənin 284-5.4-cü maddəsi ilə nəzərdə tutulmuş işə iddia icraatı qaydasında baxılması əsasları aşkar olunmamışdır. Azərbaycan Respublikası Mülki Prosessual Məcəllənin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Beləliklə, məhkəmə tədqiq olunmuş sübutlara məcmu halında hüquqi qiymət verərək, təqdim edilmiş sənədlər iş üzrə yekun qərarın çıxarılması üçün kifayət etdiyindən, habelə iddiaçının tələbi aşkar və əsaslandırılmış olduğundan hesab edir ki, iddia qismən təmin edilməli, xx.xx.2025-ci il tarixli müqaviləyə əsasən Soyuducu Toshiba, Zəmanət + 2 il xidməti ,üçün 1179 manat ödənilməmiş hissə (əsas borc), 117,90 manat cərimə; həmçinin xx.xx.2025-ci il tarixli müqaviləyə əsasən İMEİ kodu **********94939 olan OPPO RENO 12, Vinil Şəffaf üçün 1030,59 manat ödənilməmiş hissə (əsas borc), 103,06 manat cərimə borcu olmaqla, ümumilikdə 2430,55 manat borc və 44,12 manat iddia ərizəsi üçün ödənilmiş dövlət rüsumu Cavabdeh tutularaq iddiaçı "xxxx" MMC-yə ödənilməlidir. Qeyd olanlara əsasən və Azərbaycan Respublikası MPM-nin 119, 284-6-cı maddələrini rəhbər tutaraq, məhkəmə QƏT ETDİ: İddia qismən təmin edilsin. xx.xx.2025-ci il tarixli müqaviləyə əsasən Soyuducu Toshiba, Zəmanət + 2 il xidməti üçün 1179 manat əsas borc, 117,90 manat cərimə; xx.xx.2025-ci il tarixli müqaviləyə əsasən İMEİ kodu **********94939 olan OPPO RENO 12, Vinil Şəffaf üçün 1030,59 manat əsas borc, 103,06 manat cərimə borcu olmaqla, ümumilikdə 2430,55 (iki min dörd yüz otuz manat əlli beş qəpik) manat borc və 44,12 manat iddia ərizəsi üçün ödənilmiş dövlət rüsumu Cavabdeh tutularaq iddiaçı "xxxx" MMC-yə ödənilsin. İddia tələbi qalan hissədə təmin edilməsin. Qətnamədən onun rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinetdən Bakı şəhəri Nərimanov Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim Mehriban Əfəndizadə