Bakı Şəhəri Nəsimi Rayon Məhkəməsi Qətnamə — İş №e-2(006)-1616/2024

Azərbaycan Respublikası adından QƏTNAMƏ Bakı şəhəri İş № e-2(006)-1616/2024 08.04.2024 BAKI ŞƏHƏRİ NƏSİMİ RAYON MƏHKƏMƏSİ Hakim Xəlilov Ramin Adilxan oğlunun sədrliyi ilə İddiaçı Cavabdeh qarşı «pul» tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, MÜƏYYƏN ETDİ: İddiaçı Cavabdeh qarşı «pul» tələbinə dair iddia ərizəsi ilə məhkəməyə müraciət etmişdir. Tələb onunla əsaslandırılmışdır ki, cavabdeh, İddiaçı MMC ilə xx.xx.2022-ci il, xx.xx.2022-ci il tarixli müqavilələrinə əsasən, İmei kodu **********64365 XİAOMİ REDMİ NOTE 11S markalı telefon, HUAWEİ WATCH GT 3 PRO LİGHT TİTANİUM GRAY markalı saat almış və nəticədə 1561 (bir min beş yüz altmış bir) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2022-ci il tarixli müqaviləsinə əsasən, alqı-satqı qiyməti 1098.98 (bir min doqquz yüz səkkiz manat, doxsan səkkiz qəpik) manat (18 ay x 60.6 manat + 8.18 manat ilkin ödəniş) İmei kodu **********64365 XİAOMİ REDMİ NOTE 11S markalı telefonüçün ümumilikdə 799 (yeddi yüz doxsan doqquz) manat olmaqla ondan, 726.28 (yeddi yüz iyirmi altı manat, iyirmi səkkiz qəpik) manat ödənilməmiş hissə, güzəşt olunaraq 72.72 (yetmiş iki manat, yetmiş iki qəpik) manat cərimə; xx.xx.2022-ci il tarixli müqaviləsinə əsasən, alqı-satqı qiyməti 914.6 (doqquz yüz on dörd manat, altmış qəpik) manat (12 ay x 69.3 manat + 83 manat ilkin ödəniş) HUAWEİ WATCH GT 3 PRO LİGHT TİTANİUM GRAY markalı saat üçün ümumilikdə, 762 (yeddi yüz altmış iki) manat olmaqla ondan, 692.3 (altı yüz doxsan iki manat, otuz qəpik) manat ödənilməmiş hissə, güzəşt olunaraq 69.7(altmış doqquz manat, yetmiş qəpik) manat cərimə miqdarında borc yaranmışdır. Cavabdehin cəmi ödədiyi məbləğ 595 manat təşkil edir. Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə aralaında bağlanılmış xx.xx.2022-ci il, xx.xx.2022-ci il tarixli Müqavilələrinin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərilən xx.xx.2023-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri icra etməmişdir. Göstərilənlərə əsasən xx.xx.2022-ci il tarixli müqaviləsinə əsasən, İmei kodu **********64365 XİAOMİ REDMİ NOTE 11S markalı telefon üçün, 726.28 (yeddi yüz iyirmi altı manat, iyirmi səkkiz qəpik) manat ödənilməmiş hissə, 72.72 (yetmiş iki manat, yetmiş iki qəpik) manat cərimə; xx.xx.2022-ci il tarixli müqaviləsinə əsasən, HUAWEİ WATCH GT 3 PRO LİGHT TİTANİUM GRAY markalı saat üçün, 692.3 (altı yüz doxsan iki manat, otuz qəpik) manat ödənilməmiş hissə, 69.7 (altmış doqquz manat, yetmiş qəpik) manat cərimə, ümumilikdə 1561 manat borc, 35.61 manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılması xahiş edilmişdir. Məhkəmə iddia tələbinin qiyməti beş min manatdan az olduğuna görə iddia ərizəsinə Azərbaycan Respublikası Mülki Prosessual Məcəlləsinin 284-1-ci maddəsinə əsasən kiçik iddialara dair işlər üzrə sadələşdirilmiş icraat qaydasında baxılmasını mümkün hesab etmişdir. Azərbaycan Respublikası Mülki Prosessual Məcəlləsinin 284-1-ci maddəsinə əsasənmülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Məhkəmə tərəfindən Mülki-Prosessual qanunvericiliyə əsasən cavabdehə rəsmi qaydada bildiriş göndərilmiş, lakin bildiriş ünvana çatdırılmadan məhkəməyə geri qaytarılmışdır. Azərbaycan Respublikası Mülki Prosessual Məcəlləsinin 284-5.2-ci maddəsinin tələblərinə görə, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə iş üzrə toplanmış materialları tədqiq edərək, araşdırılan sübutlara məcmu halında hüquqi qiymət verərək hesab edir ki, iddia təmin edilməlidir. Belə ki, İddiaçı MMC ilə Cavabdeh arasında bağlanılmış xx.xx.2022-ci il tarixli, 10781646 saylı müqavilədən görünür ki, İddiaçı MMC İmei kodu **********64365 XİAOMİ REDMİ NOTE 11S markalı telefonu Cavabdeh satmış, cavabdeh alınmış əşyanın əvəzində bu müqavilə ilə müəyyənləşdirilmiş pul məbləğini 8.18 manat ilkin ödənişlə hissə-hissə 18 ay müddətində hər ay 60.6 AZN (altmış manat, altmış qəpik) ödəməyi öhdəsinə götürmüşdür. İddiaçı MMC ilə Cavabdeh arasında bağlanılmış xx.xx.2022-ci il tarixli, 02993836 saylı müqavilədən görünür ki, İddiaçı MMC HUAWEİ WATCH GT 3 PRO LİGHT TİTANİUM GRAY markalı saatı Cavabdeh satmış, cavabdeh alınmış əşyanın əvəzində bu müqavilə ilə müəyyənləşdirilmiş pul məbləğini 83 manat ilkin ödənişlə hissə-hissə 12 ay müddətində hər ay 69.3 AZN (altmış doqquz manat, otuz qəpik) ödəməyi öhdəsinə götürmüşdür. İddiaçı MMC tərəfindən məhkəməyə təqdim edilmiş maliyyə və ödəniş cədvəlindən görünür ki, Cavabdeh İddiaçı MMC-yə xx.xx.2022-ci il tarixli müqavilə üzrə 726.28 AZN (yeddi yüz iyirmi altı manat, iyirmi səkkiz qəpik) ödənilməmiş hissə, 72.72 AZN (yetmiş iki manat, yetmiş iki qəpik) cərimə pulu borcu olmaqla, ümumilikdə 799 AZN (yeddi yüz doxsan doqquz manat) məbləğində borcu; xx.xx.2022-ci il tarixli müqavilə üzrə isə 692.3 AZN (altı yüz doxsan iki manat, otuz qəpik) ödənilməmiş hissə, 69.7 AZN (altmış doqquz manat, yetmiş qəpik) cərimə pulu borcu olmaqla, ümumilikdə 762 AZN (yeddi yüz altmış iki manat) məbləğində borcu vardır. İddiaçı MMC tərəfindən Cavabdeh ünvanlanmış xx.xx.2023-cü il tarixli bildirişdən görünür ki, cavabdehə müqavilə üzrə yaranmış borcun ödənilməsi ilə bağlı xəbərdarlıq edilmişdir. Beləliklə, məhkəmə tərəfindən müəyyən olunmuşdur ki, Cavabdeh İddiaçı MMC ilə xx.xx.2022-ci il tarixli, 10781646 saylı müqaviləyə əsasən İmei kodu **********64365 XİAOMİ REDMİ NOTE 11S markalı telefonu, xx.xx.2022-ci il tarixli, 02993836 saylı müqaviləyə əsasən HUAWEİ WATCH GT 3 PRO LİGHT TİTANİUM GRAY markalı saatı almış və nəticədə borc yaranmışdır. Bugünədək cavabdehə edilmiş müraciətlər bir nəticə verməmiş, müqavilənin şərtləri pozulmuş və nəticədə xx.xx.2022-ci il tarixli, 10781646 saylı müqavilə üzrə 726.28 AZN (yeddi yüz iyirmi altı manat, iyirmi səkkiz qəpik) ödənilməmiş hissə, 72.72 AZN (yetmiş iki manat, yetmiş iki qəpik) cərimə pulu borcu olmaqla, ümumilikdə 799 AZN (yeddi yüz doxsan doqquz manat) məbləğində borcu; xx.xx.2022-ci il tarixli, 02993836 saylı müqavilə üzrə isə 692.3 AZN (altı yüz doxsan iki manat, otuz qəpik) ödənilməmiş hissə, 69.7 AZN (altmış doqquz manat, yetmiş qəpik) cərimə pulu borcu olmaqla, ümumilikdə 762 AZN (yeddi yüz altmış iki manat) məbləğində borcu yaranmışdır. Azərbaycan Respublikası Mülki Məcəlləsinin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissəhissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 601.2-ci maddəsində göstərilmişdir ki, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. Eyni Mülki Məcəllənin 600.2-ci maddəsinə əsasən əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Göstərilən Məcəllənin 600.5-ci maddəsinə əsasən alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alqısatqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək bu Məcəllənin 449-cu maddəsinə uyğun faizlər ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. Eyni Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə həmin Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Eyni Məcəllənin 462.1-ci maddəsinə əsasən dəbbə pulu (cərimə, penya) qanun və ya müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Beləliklə, məhkəmə mülki qanunvericiliyin yuxarıda qeyd edilən normalarını nəzərə alaraq hesab edir ki, iddia tələbi təmin edilməli, Cavabdeh xx.xx.2022-ci il tarixli, 10781646 saylı müqavilə üzrə 726.28 AZN (yeddi yüz iyirmi altı manat, iyirmi səkkiz qəpik) ödənilməmiş hissə, 72.72 AZN (yetmiş iki manat, yetmiş iki qəpik) cərimə pulu borcu; xx.xx.2022-ci il tarixli, 02993836 saylı müqavilə üzrə isə 692.3 AZN (altı yüz doxsan iki manat, otuz qəpik) ödənilməmiş hissə, 69.7 AZN (altmış doqquz manat, yetmiş qəpik) cərimə pulu borcu olmaqla, ümumilikdə 1561 AZN (min beş yüz altmış bir manat) məbləğində borc tutularaq "xxxx" MMC-yə verilməlidir. Bundan əlavə, Azərbaycan Respublikası Mülki Prosessual Məcəlləsinin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Belə olan halda, iddia tələbi tam təmin edildiyindən iddiaçı tərəfindən ödənilmiş cəmi 35.61 AZN (otuz beş manat, altmış bir qəpik) məhkəmə xərci cavabdehə aid edilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsində qeyd edilir ki, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220 və 284-5.3-cü maddələrini rəhbər tutaraq, QƏT ETDİ: İddia tələbi təmin edilsin. Cavabdeh xx.xx.2022-ci il tarixli, 10781646 saylı müqavilə üzrə 726.28 AZN (yeddi yüz iyirmi altı manat, iyirmi səkkiz qəpik) ödənilməmiş hissə, 72.72 AZN (yetmiş iki manat, yetmiş iki qəpik) cərimə pulu borcu; xx.xx.2022-ci il tarixli, 02993836 saylı müqavilə üzrə isə 692.3 AZN (altı yüz doxsan iki manat, otuz qəpik) ödənilməmiş hissə, 69.7 AZN (altmış doqquz manat, yetmiş qəpik) cərimə pulu borcu olmaqla, ümumilikdə 1561 AZN (min beş yüz altmış bir manat) məbləğində borc və 35.61 AZN (otuz beş manat, altmış bir qəpik) ödənilmiş dövlət rüsumu tutularaq İddiaçı MMC-yə ödənilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Bakı Şəhəri Nəsimi Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər.