Bakı Şəhəri Nəsimi Rayon Məhkəməsi Qətnamə — İş №e-2(006)-3911/2023

Azərbaycan Respublikası adından QƏTNAMƏ Bakı şəhəri İş № e-2(006)-3911/2023 11.10.2023 BAKI ŞƏHƏRİ NƏSİMİ RAYON MƏHKƏMƏSİ Hakim Xəlilov Ramin Adilxan oğlunun sədrliyi ilə İddiaçı "xxxx" MMC-nin Cavabdeh qarşı «pul» tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, MÜƏYYƏN ETDİ : İddiaçı "xxxx" MMC Cavabdeh qarşı «pul» tələbinə dair iddia ərizəsi ilə məhkəməyə müraciət etmişdir. İddiaçı tələbi onunla əsaslandırılmışdır ki, cavabdeh, "xxxx" MMC ilə xx.xx.2021-ci il, xx.xx.2021-ci il və xx.xx.2021-ci il tarixli müqavilələrə əsasən, İMEİ kodu **********26810 “Samsung Galaxy A32” markalı telefon, kodu **********94513 “Samsung Galaxy A12” markalı telefon, “X1 6” markalı saat, İMEİ kodu **********67379 olan “Samsung Galaxy A21S” markalı telefon almış və nəticədə 1053 (bir min əlli üç) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2021-ci il tarixli müqaviləyə əsasən alqı-satqı qiyməti 774 (yeddi yüz yetmiş dörd) manat (12 ay x 64.5 manat + 0 manat ilkin ödəniş) İMEİ kodu **********26810 “Samsung Galaxy A32” markalı telefon üçün ümumilikdə 504 (beş yüz dörd) manat olmaqla ondan 458.9 (dörd yüz əlli səkkiz manat doxsan qəp) manat ödənilməmiş hissə, müştəriyə güzəşt olunaraq 45.1 (qırx beş manat on qəp) manat cərimə miqdarında borc yaranmışdır. xx.xx.2021-ci il tarixli müqaviləyə əsasən alqı-satqı qiyməti 588 (beş yüz səksən səkkiz) manat (12 ay x 49 manat + 0 manat ilkin ödəniş) İMEİ kodu **********94513 “Samsung Galaxy A12” markalı telefon, “X1 6” markalı saat üçün ümumilikdə, 398 (üç yüz doxsan səkkiz) manat olmaqla ondan, 361.3 (üç yüz altmış bir manat otuz qəp) manat ödənilməmiş hissə, müştəriyə güzəşt olunaraq 36.7 (otuz altı manat yetmiş qəp) manat cərimə; xx.xx.2021-ci il tarixli müqaviləyə əsasən, alqı-satqı qiyməti 573.6 (beş yüz yetmiş üç manat altmış qəp) manat (12 ay x 47.8 manat + 0 manat ilkin ödəniş) İMEİ kodu **********67379 “Samsung Galaxy A21S” markalı telefon üçün ümumilikdə 151 (yüz əlli bir) manat olmaqla ondan 137.4 (yüz otuz yeddi manat qırx qəp) manat ödənilməmiş hissə, müştəriyə güzəşt olunaraq 13.6 (on üç manat altmış qəp) manat cərimə, cavabdehin cəmi ödədiyi məbləğ 978 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə aramızda bağlanılmış xx.xx.2021-ci il, xx.xx.2021-ci il və xx.xx.2021-ci il tarixli müqavilənin ayrılmaz tərkib hissəsi olan əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri xx.xx.2023-ci il tarixli xəbərdarlıq məktubunda mübahisənin məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsələrdə, qarşı tərəf müqavilə ilə təsbit olunmuş öhdəlikləri icra etməmişdir. Göstərilənlərə əsasən xx.xx.2021ci il tarixli müqaviləsinə əsasən, İMEİ kodu **********26810 “Samsung Galaxy A32” markalı telefon üçün 458.9 (dörd yüz əlli səkkiz manat doxsan qəp) manat ödənilməmiş hissə, 45.1 (qırx beş manat on qəp) manat cərimə, xx.xx.2021-ci il tarixli müqaviləsinə əsasən, İMEİ kodu **********94513 “Samsung Galaxy A12” markalı telefon, “X1 6” markalı saat 361.3 (üç yüz altmış bir manat otuz qəp) manat ödənilməmiş hissə, 36.7 (otuz altı manat yetmiş qəp) manat cərimə; 3. xx.xx.2021-ci il tarixli müqaviləsinə əsasən, İMEİ kodu **********67379 “Samsung Galaxy A21S” markalı telefon üçün 137.4 (yüz otuz yeddi manat qırx qəp) manat ödənilməmiş hissə, 13.6 (on üç manat altmış qəp) manat cərimə, ümumilikdə 1053 manat borc, 30.53 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarmağı məhkəmədən xahiş etmişdir. Məhkəmə iddia tələbinin qiyməti beş min manatdan az olduğuna görə iddia ərizəsinə Azərbaycan Respublikası Mülki Prosessual Məcəlləsinin 284-1-ci maddəsinə əsasən kiçik iddialara dair işlər üzrə sadələşdirilmiş icraat qaydasında baxılmasını mümkün hesab etmişdir. Azərbaycan Respublikası Mülki Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Məhkəmə tərəfindən mülki prosessual qanunvericiliyə əsasən cavabdehə rəsmi qaydada bildiriş göndərilmiş, lakin cavabdeh tərəfindən məhkəməyə etiraz ərizəsi ünvanlanmamışdır. Azərbaycan Respublikası Mülki Prosessual Məcəlləsinin 284-5.2-ci maddəsinin tələblərinə görə, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə iş üzrə toplanmış materialları tədqiq edərək, araşdırılan sübutlara məcmu halında hüquqi qiymət verərək hesab edir ki, iddia tələbi təmin edilməlidir. Belə ki, mülki işin materiallarında olan iddiaçı "xxxx" MMC ilə Cavabdeh arasında bağlanmış 23118120 nömrəli, xx.xx.2021-ci il tarixli müqaviləyə əsasən Cavabdeh ümumi dəyəri 774,00 AZN (yeddi yüz yetmiş dörd manat) İMEİ KODU **********26810 “Samsung Galaxy A32” markalı telefon üçün hər ay 64.50 AZN olmaqla, 12 ay ərzində ödəniş etmək öhdəliyini öz üzərinə götürmüşdür. Mülki işin materiallarında olan 22357762 nömrəli, xx.xx.2021-ci il tarixli müqaviləyə əsasən Cavabdeh ümumi dəyəri 573,60 AZN (beş yüz yetmiş üç manat, altmış qəpik) İMEİ KOD **********67379, “Samsung Galaxy A21S” markalı telefon üçün hər ay 47,80 AZN olmaqla, 12 ay ərzində ödəniş etmək öhdəliyini öz üzərinə götürmüşdür. Mülki işin materiallarında olan 23097525 nömrəli, xx.xx.2021-ci il tarixli müqaviləyə əsasən Cavabdeh ümumi dəyəri 588,00 AZN (beş yüz səksən səkkiz manat) “Samsung Galaxy A12” markalı telefon üçün hər ay 49,00 AZN olmaqla, 12 ay ərzində ödəniş etmək öhdəliyini öz üzərinə götürmüşdür. Mülki işin materiallarında olan İddiaçı MMC tərəfindən məhkəməyə təqdim edilmiş xx.xx.2023-cü il tarixli maliyyə cədvəlindən görünür ki, Cavabdeh İddiaçı MMC-yə xx.xx.2021-ci il, xx.xx.2021-ci il və xx.xx.2021-ci il tarixli müqavilələr üzrə 957,6 AZN ödənilməmiş hissə, 95,4 AZN cərimə olmaqla, ümumilikdə 1053 AZN məbləğində borcu vardır. Mülki işin materiallarında olan "xxxx" MMC tərəfindən Cavabdeh ünvanlanmış xx.xx.2023-cü il tarixli xəbərdarlıqdan görünür ki, cavabdehə müqavilə üzrə yaranmış borcun ödənilməsi ilə bağlı xəbərdarlıq edilmişdir. Beləliklə, məhkəmə tərəfindən müəyyən olunmuşdur ki, "xxxx" MMC ilə Cavabdeh arasında bağlanmış 23118120 nömrəli, xx.xx.2021-ci il tarixli, 22357762 nömrəli, xx.xx.2021-ci il tarixli, 23097525 nömrəli, xx.xx.2021-ci il tarixli müqavilələrə əsasən “Samsung Galaxy A32”, “Samsung Galaxy A21S”, “Samsung Galaxy A12” markalı telefonlar və “X1 6” markalı saat almış və nəticədə borc yaranmışdır. Bu günədək cavabdehə edilmiş müraciətlər bir nəticə verməmiş, müqavilənin şərtləri pozulmuş və nəticədə xx.xx.2021-ci il, xx.xx.2021-ci il və xx.xx.2021-ci il tarixli müqavilələr üzrə 1053 AZN məbləğində ödənilməmiş borcu yaranmışdır. Azərbaycan Respublikası Mülki Məcəlləsinin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 601.2-ci maddəsində göstərilmişdir ki, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. Belə ki, Mülki Məcəllənin 600.2-ci maddəsinə əsasən əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Həmin Məcəllənin 600.5-ci maddəsinə əsasən alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alqısatqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək bu Məcəllənin 449-cu maddəsinə uyğun faizlər ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. Eyni Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə həmin Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmə iş üzrə toplanmış materialları tədqiq edərək, araşdırılan sübutlara məcmu halında hüquqi qiymət verərək hesab edir ki, iddia tələbi təmin edilməlidir. Beləliklə, məhkəmə mülki qanunvericiliyin yuxarıda qeyd edilən normalarını nəzərə alaraq hesab edir ki, iddia tələbi təmin edilməli, Cavabdeh xx.xx.2021-ci il tarixli müqaviləyə əsasən 458.9 AZN (dörd yüz əlli səkkiz manat, doxsan qəpik) ödənilməmiş hissə, 45.1 AZN (qırx beş manat, on qəpik) cərimə, xx.xx.2021-ci il tarixli müqaviləyə əsasən 361.3 AZN (üç yüz altmış bir manat, otuz qəpik) ödənilməmiş hissə, 36.7 AZN (otuz altı manat, yetmiş qəpik) cərimə, xx.xx.2021-ci il tarixli müqaviləyə əsasən 137.4 AZN (yüz otuz yeddi manat,qırx qəpik) ödənilməmiş hissə, 13.6 AZN (on üç manat, altmış qəpik) cərimə olmaqla, ümumilikdə 1053 AZN (bir min əlli üç manat) borc tutularaq "xxxx" MMC-yə ödənilməlidir. Bundan əlavə, Azərbaycan Respublikası Mülki Prosessual Məcəlləsinin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Belə olan halda iddia tələbi təmin edildiyindən iddiaçı tərəfindən ödənilmiş cəmi 30,53 AZN (otuz manat, əlli üç qəpik) məhkəmə xərci cavabdehə aid edilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən, ərizə məhkəməyə daxil olduğu gündən 30 (otuz manat) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsində qeyd edilir ki, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220 və 284-5.3-cü maddələrini rəhbər tutaraq, QƏT ETDİ: İddia tələbi təmin edilsin. Cavabdeh xx.xx.2021-ci il tarixli müqaviləyə əsasən 458.90 AZN (dörd yüz əlli səkkiz manat, doxsan qəpik) ödənilməmiş hissə, 45.10 AZN (qırx beş manat, on qəpik) cərimə, xx.xx.2021-ci il tarixli müqaviləyə əsasən 361.30 AZN (üç yüz altmış bir manat, otuz qəpik) ödənilməmiş hissə, 36.70 AZN (otuz altı manat, yetmiş qəpik) cərimə, xx.xx.2021-ci il tarixli müqaviləyə əsasən 137.40 AZN (bir yüz otuz yeddi manat,qırx qəpik) ödənilməmiş hissə, 13.60 AZN (on üç manat, altmış qəpik) cərimə olmaqla, ümumilikdə üç müqavilə üzrə 1053 AZN (bir min əlli üç manat) məbləğində borc və ödənilmiş 30,53 AZN (otuz manat, əlli üç qəpik) dövlət rüsumu tutularaq "xxxx" MMC-yə ödənilsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Nəsimi Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim: Ramin Xəlilov