Azərbaycan Respublikası adından QƏTNAMƏ Bakı şəhəri İş № e-2(006)-4223/2024 16.09.2024 BAKI ŞƏHƏRİ NƏSİMİ RAYON MƏHKƏMƏSİ Bakı Şəhəri Nəsimi Rayon Məhkəməsinin hakimi Miriyeva Həbibə Novruz qızı, İddiaçı "xxxx" Məhdud Məsuliyyətli Cəmiyyətinin Cavabdeh qarşı alqı-satqı müqaviləsi üzrə borc tələbinə tələbinə dair iddia ərizəsi üzrə mülki işə kiçik iddialara dair sadələşdirilmiş icraat qaydasında məhkəmənin inzibati binasında baxaraq, MÜƏYYƏN ETDİ: İddiaçı "xxxx" Məhdud Məsuliyyətli Cəmiyyəti Cavabdeh qarşı alqı-satqı müqaviləsi üzrə borc tələbinə dair iddia ərizəsi ilə məhkəməyə müraciət etmişdir. İddia ərizəsində qeyd edilən işin halları: Cavabdeh ilə "xxxx" MMC arasında bağlanaraq xx.xx.2022-ci il, xx.xx.2022-ci il, xx.xx.2022-ci il tarixli müqavilələrə əsasən, Kar Tanesi - Metbex - Masa, 4 ədəd kar tanesi - metbex - stul, diamond - yataq - sag tumba, diamond yataq - termo, soft - yumsaq - 3 yerli, matras, diamond - yataq - surgulu, diamond - yataq - carpayi -bazali, diamond yataq - sol tumba, X1, paltaryuyan electroux üçün 1956 (min doqquz yüz əlli altı) manat borc yaranmışdır. Cavabdeh müqavilənin şərtlərini pozmuş və nəticədə: -xx.xx.2022-ci il tarixli müqaviləsinə əsasən, alqı-satqı qiyməti 4485.36 (dörd min dörd yüz səksən beş manat otuz altı) manat (24 ay x 186.89 manat + 0 manat ilkin ödəniş) olan Kar Tanesi - Metbex - Masa, 4 ədəd Kar Tanesi - Metbex - Stul, Diamond - Yataq - Sag Tumba, Diamond - Yataq - Termo, Soft -Yumsaq - 3 Yerli, Matras, Diamond - Yataq - Surgulu, Diamond - Yataq - Carpayi - Bazali, Diamond - Yataq -Sol Tumba üçün ümumilikdə, 1655 (min altı yüz əlli beş) manat olmaqla ondan, 1504.49 (min beş yüz dörd manat qırx doqquz qəpik) manat ödənilməmiş hissə, müştəriyə güzəşt olunaraq 150.51 (yüz əlli manat əlli bir qəpik) manat cərimə, -xx.xx.2022-ci il, tarixli müqaviləsinə əsasən, alqı-satqı qiyməti 853.92 (səkkiz yüz əlli üç amant doxsan iki qəpik) manat (24 ay x 35.58 manat + 0 manat ilkin ödəniş) olan X1 üçün ümumilikdə, 186 (yüz səksən altı) manat olmaqla ondan, 169.61 (yüz altmış doqquz manat altmış bir qəpik) manat ödənilməmiş hissə, müştəriyə güzəşt olunaraq 16.39 (on altıı manat otuz doqquz qəpik) manat cərimə; -xx.xx.2022-ci il tarixli müqaviləsinə əsasən, alqı-satqı qiyməti 974.34 (doqquz yüz yetmiş dörd manat otuz dörd qəpik) manat (18 ay x 54.13 manat + 0 manat ilkin ödəniş) olan Paltaryuyan Electrolux üçün ümumilikdə, 115 (yüz on beş) manat olmaqla ondan, 104.25 (yüz dörd manat iyirmi beş qəpik) manat ödənilməmiş hissə, müştəriyə güzəşt olunaraq 10.75 (on mant yetmiş beş qəpik) manat cərimə miqdarında borc yaranmışdır. Cavabdehin cəmi ödədiyi məbləğ 4535.27 manat təşkil edir. Cavabdehlə aralarında bağlanılmış xx.xx.2022-ci il, xx.xx.2022-ci il, xx.xx.2022-ci il tarixli müqavilələrin ayrılmaz tərkib hissəsi olan Əşyaların təhvil-təslim aktlarından görünür ki, cavabdeh əldə etdiyi məhsulları tam və qüsursuz şəkildə təhvil almışdır. Cavabdehlə olan telefon danışığı, həmçinin göndərilmiş xx.xx.2024-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri icra etməmişdir. Tələbin əsaslığını və əmlakın dəyərini sübut edən sənədlər; tərəflər arasında bağlanılmış müqavilə, onun əlavəsi, bildirişi, əşyaların təhvil-təslimaktı və ödəniş cədvəlindən ibarətdir. İddiaçının tələbi: xx.xx.2022-ci il tarixli müqaviləyə əsasən, 1504.49 (min beş yüz dörd manat qırx doqquz qəpik) manat ödənilməmiş hissə, 150.51 (yüz əlli manat əlli bir qəpik) manat cərimə, - xx.xx.2022-ci il, tarixli müqaviləyə əsasən, 169.61 (yüz altmış doqquz manat altmış bir qəpik) manat ödənilməmiş hissə, 16.39 (on altıı manat otuz doqquz qəpik) manat cərimə; -xx.xx.2022-ci il tarixli müqaviləyə əsasən, 104.25 (yüz dörd manat iyirmi beş qəpik) manat ödənilməmiş hissə, 10.75 (on mant yetmiş beş qəpik) manat cərimə, ümumilikdə 1956 manat borc, 39.56 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə qəbul edilməsini xahiş etmişdir. Cavabdehin etirazı: Məhkəmə tərəfindən iddiaya qarşı yazılı etiraz təqdim etmək hüququnun və eyni zamanda digər hüquq və vəzifələrinin izahı barədə cavabdehin iddia ərizəsində qeyd edilən ünvanına bildiriş göndərilmiş, lakin bildiriş poçt xidməti tərəfindən “ünvan mövcud deyil” qeydi ilə ona çatdırılmadan geri qaytarılmışdır. İş materiallarına əlavə edilmiş sənədlər və onlara əsasən təsdiq edilən faktlar: xx.xx.2022-ci il tarixli müqaviləsinə əsasən, alqı-satqı qiyməti 4485.36 (dörd min dörd yüz səksən beş manat otuz altı) manat (24 ay x 186.89 manat + 0 manat ilkin ödəniş) olan Kar Tanesi - Metbex - Masa, 4 ədəd Kar Tanesi - Metbex - Stul, Diamond - Yataq - Sag Tumba, Diamond - Yataq - Termo, Soft -Yumsaq - 3 Yerli, Matras, Diamond - Yataq - Surgulu, Diamond - Yataq - Carpayi - Bazali, Diamond - Yataq -Sol Tumba "xxxx" MMCdən almışdır. xx.xx.2022-ci il tarixli bildirişə əsasən, xx.xx.2022-ci il tarixli 02993441 nömrəli müqavilənin bütün şərtləri qəbul edilmiş, müştəri öz imzası ilə bildirişi oxumuş və məzmunu ilə tanış olmuş, bunu öz imzası ilə təsdiq etmişdir. xx.xx.2022-ci il, tarixli müqaviləsinə əsasən, alqı-satqı qiyməti 853.92 (səkkiz yüz əlli üç amant doxsan iki qəpik) manat (24 ay x 35.58 manat + 0 manat ilkin ödəniş) olan X1 "xxxx" MMC-dən almışdır. xx.xx.2022-ci il tarixli bildirişə əsasən, xx.xx.2022-ci il tarixli 03471791 nömrəli müqavilənin bütün şərtləri qəbul edilmiş, müştəri öz imzası ilə bildirişi oxumuş və məzmunu ilə tanış olmuş, bunu öz imzası ilə təsdiq etmişdir. xx.xx.2022-ci il tarixli müqaviləsinə əsasən, alqı-satqı qiyməti 974.34 (doqquz yüz yetmiş dörd manat otuz dörd qəpik) manat (18 ay x 54.13 manat + 0 manat ilkin ödəniş) olan Paltaryuyan Electrolux "xxxx" MMC-dən almışdır. xx.xx.2022-ci il tarixli bildirişə əsasən, xx.xx.2022-ci il tarixli 02993440 nömrəli müqavilənin bütün şərtləri qəbul edilmiş, müştəri öz imzası ilə bildirişi oxumuş və məzmunu ilə tanış olmuş, bunu öz imzası ilə təsdiq etmişdir. Alqı-satqı müqavilələrinə əlavə olunmuş əşyaların təhvil-təslim Aktlarına əsasən cavabdeh tərəfindən müqavilədə göstərilən mallar qüsursuz halda təhvil alınmışdır. xx.xx.2024-cü il tarixli maliyyə və ödəniş cədvəlinə əsasən, Cavabdeh iddiaçı "xxxx" MMC-yə xx.xx.2022-ci il, xx.xx.2022-ci il, xx.xx.2022-ci il tarixli müqavilələrə əsasən ümumilikdə 1956 (bir min doqquz yüz əlli altı) manat borcu yaranmışdır. xx.xx.2024-cü il tarixli xəbərdarlıq məktubuna əsasən, "xxxx" MMC Cavabdeh borcu ödəməsini tələb etmiş, əks təqdirdə məhkəməyə müraciət olunacağı barədə xəbərdar olunmuşdur. xx.xx.2024-cü il tarixli ********** nömrəli mədaxil qəbzinin surətinə əsasən, iddiaçı tərəfindən 30 manat məbləğində dövlət rüsumu ödənilmişdir. Tətbiq edilən hüquq: Azərbaycan Respublikası Mülki Məcəlləsinin: 385.1. Öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır;
442. Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; 443.1. Öhdəliyini icra etməyən borclu kreditora dəymiş zərərin əvəzini ödəməyə borcludur; 448.1. Əgər Mülki Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; 448.2. Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır; 462.1. Dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir.
467. Məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. 600.1. Alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müdətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4. Əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 601.1. Əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Azərbaycan Respublikası Mülki Prosessual Məcəlləsi: 14.2. Məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 284-1. Mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir 284-5.3. Ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; 284-6.1. İşə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmənin mövqeyi: Məhkəmə iddia tələbinin kiçik iddialar kateqoriyasına aid edilməklə yanaşı mübahisə doğurmayan tələb olduğunu nəzərə alaraq hesab edir ki, mülki işin iddia icraatına keçirməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdur, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Məhkəmə iddia ərizəsini və işin faktiki hallarını araşdıraraq, iş materiallarını tədqiq edərək və işdə olan sübutları qiymətləndirərək, qeyd edir ki, iddia tələbi qismən təmin edilməlidir. Belə ki, Mülki Məcəllənin tələbinə görə nisyə alqı-satqı müqaviləsi o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Hazırki işdə də iş materiallarına əlavə edilmiş sənədlərlə müəyyən olunur ki, tərəflər arasında qanunla müəyyən edilmiş qaydada müddətli (nisyə) alqı-satqı müqavilələri bağlanılmış (MM m.601.1), həmin müqavilələrə əsasən tərəflər arasında öhdəliklər yaranmış, iddiaçı tərəfindən öhdəliklər yerinə yetirilmiş, cavabdeh isə üzərinə düşən öhdəlikləri lazımınca yerinə yetirməmişdir. Belə ki, iddiaçı ilə cavabdeh arasında bağlanmış xx.xx.2022-ci il, xx.xx.2022-ci il, xx.xx.2022-ci il tarixli əşyanın alqı-satqısına dair müqavilələrə əsasən "xxxx" MMC müqavilədə göstərilən əşyaları Cavabdeh nisyə satmağı, cavabdeh isə həmin əşyalarnı qəbul etməyi və müqavilə üzrə nəzərdə tutulan müddətlərə olan aylıq ödənişləri etməyi və bu şərtləri pozduqda qalıq məbləğinin hər növbəti təqvim gününə hesablanmış 1% həcmində mübahisəsiz olaraq penya ödəməyi barədə öhdəlik götürmüşdür. Həmin əşyalar satıcı tərəfindən cavabdehə təhvil verilmişdir. Cavabdeh tərəfindən müqavilə üzrə borcun ödənilməsi tam təmin edilmədiyindən iddiaçı tərəfindən ona xəbərdarlıq məktubu göndərilərək borcun ödənilməsi tələb edilmiş, əks təqdirdə məhkəməyə müraciət olunacağı xəbərdarlıq edilmişdir. Beləliklə, Cavabdeh müqavilədən irəli gələn öhdəliyini icra etməyərək aldığı əşyanın dəyərinin tam olaraq ödənilməsini təmin etməmişdir. Nəticədə cavabdehin icra edilməmiş öhdəliyi yaranmışdır. Sadalanan xüsusatlara əsasən məhkəmə hesab edir ki, cavabdeh tərəflər arasında bağlanmış müqavilələr əsasında iddiaçıdan mal(lar) almaq hüququna malik olduğu kimi, eyni zamanda həmin mal(lar)ın qiymətini ödəməli olmasına dair vəzifələrin daşıyıcısı olmuşdur. Cavabdeh isə göstərilən müqavilələr əsasında mal almasına dair hüququndan istifadə etmiş, lakin həmin mal(lar)ın dəyərini ödəməli olmasına dair vəzifəsini yerinə yetirməmişdir. Buna görə də iddiaçı göstərilən müqavilələrin şərtlərinin icrasını tələb etməkdə haqlıdır. (MM m.600.4) Məhkəmə iş materiallarını nəzərə alaraq qeyd edir ki, iddiaçının təqdim etdiyi sübutlar borcun ödənilməsi barədə tələbin əsaslı olduğunu təsdiq edir. Məhkəmə həmçinin iddia tələbinin cərimənin (dəbbə pulu) ödənilməsi barəsində hissəsini də araşdıraraq hesab edir ki, iddia tələbi həmin hissədə qismən əsaslıdır. İşin hallarını nəzərə alınmaqla, məhkəmə cəriməni azaldaraq iddia ərizəsində göstərilən cərimənin xx.xx.2022-ci il tarixli 02993441 nömrəli müqavilə üzrə 150,51 manat məbləğində deyil, 30 manat, xx.xx.2022-ci il tarixli 03471791 nömrəli müqavilə üzrə 16,39 manat məbləğində deyil, 10 manat, xx.xx.2022-ci il tarixli 02993440 nömrəli müqavilə üzrə 10,75 manat məbləğində deyil, 5 manat məbləğində müəyyən edilməsini ədalətli və məqsədəmüvafiq hesab edir. (MM m.467) Məhkəmə tədqiq olunmuş sübutlara məcmu halında hüquqi qiymət verərək hesab edir ki, iddia qismən təmin edilməli, xx.xx.2022-ci il tarixli müqaviləyə əsasən, Kar Tanesi - Metbext - Masa, 4 ədəd Kar Tanesi - Metbex - Stul, Dıamond - Yataq - Sag Tumba, Dıamond - Yataq - Termo, Soft - Yumsaq - 3 Yerlı, Matras, Dıamond - Yataq-Surgulu, Dıamond - Yataq - Carpayı - Bazalı, Dıamond - Yataq - Sol tumübanın 1504.49 (min beş yüz dörd manat qırx doqquz qəpik) manat ödənilməmiş hissə, 30 (otuz) manat cərimə, xx.xx.2022-ci il, tarixli müqaviləyə əsasən, X1 üçün 169.61 (yüz altmış doqquz manat altmış bir qəpik) manat ödənilməmiş hissə, 10 (on) manat cərimə; xx.xx.2022-ci il tarixli müqaviləyə əsasən, Paltaryuyan Electrolux üçün 104.25 (yüz dörd manat iyirmi beş qəpik) manat ödənilməmiş hissə, 5 (beş) manat cərimə, ümumilikdə 1823,35 (bir min səkkiz yüz iyirmi üç manat otuz beş qəpik) borc Cavabdeh alınaraq "xxxx" Məhdud Məsuliyyətli Cəmiyyətinin xeyrinə tutulmalıdır. Məhkəmə xərcləri: Azərbaycan Respublikası Mülki Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə görə, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə qeyd edir ki, iddia tələbi qismən təmin edildiyindən iddiaçının məhkəməyə müraciət etmək üçün dövlət rüsumu kimi ödədiyi 39,56 manat dövlət rüsumunun 36 manat hissəsi cavabdehdən tutularaq iddiaçıya ödənilməli, qalan hissəsi iddiaçının özünə aid edilməlidir. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220, 284-1, 284-6-cı maddələrini rəhbər tutaraq,məhkəmə
QƏT ETDİ:
İddia tələbi qismən təmin edilsin. Cavabdeh xx.xx.2022-ci il tarixli 02993441 nömrəli müqaviləyə əsasən 1504.49 (min beş yüz dörd manat qırx doqquz qəpik) manat ödənilməmiş hissə, 30 (otuz) manat cərimə, xx.xx.2022-ci il tarixli 03471791 nömrəli müqaviləyə əsasən 169.61 (yüz altmış doqquz manat altmış bir qəpik) manat ödənilməmiş hissə, 10 (on) manat cərimə; xx.xx.2022-ci il tarixli 02993440 nömrəli müqaviləyə əsasən 104.25 (yüz dörd manat iyirmi beş qəpik) manat ödənilməmiş hissə, 5 (beş) manat cərimə, ümumilikdə 1823,35 (bir min səkkiz yüz iyirmi üç manat otuz beş qəpik) borc və 36 (otuz altı) manat ödənilmiş dövlət rüsumunun əvəzi iddiaçı "xxxx" MMC-nin xeyrinə tutulsun. Qalan hissədə iddia təmin edilməsin. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinet vasitəsi ilə Bakı Apellyasiya Məhkəməsinə apellyasiya şikayəti verilə bilər.
Hakim Həbibə Miriyeva