Bakı Şəhəri Nizami Rayon Məhkəməsi Qətnamə — İş №e-2(007)-2156/2025

Azərbaycan Respublikası adından QƏTNAMƏ Bakı şəhəri İş № e-2(007)-2156/2025 05.06.2025 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Əhmədova Həqiqət Mülazim qızı, İddiaçı MMC-nin Cavabdeh qarşı “pul” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİ: İddiaçı - İddiaçı MMC. Cavabdeh - Cavabdeh. Tərəflər arasında bağlanmış müqavilələr: xx.xx.2023-cü il tarixli, NRK6478248 saylı və xx.xx.2024-cü il tarixli, NRK6373930 saylı müqavilələr. Müqavilələrin predmeti - nisyə alqı-satqı. Tələb olunan məbləğ: xx.xx.2023-cü il tarixli müqavilə üzrə 260 manat əsas borc və xx.xx.2024-cü il tarixli müqavilə üzrə 1116 manat əsas borc olmaqla 1376 manat borc və 34 manat dövlət rüsumu. Sübutlar - Borc müqavilələri, ödəniş cədvəli, əşyaların təhvil-təslim aktı, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunmasına dəlalət edən bildiriş. Tətbiq olunmalı maddi və prosessual hüquq normaları. Azərbaycan Respublikası Mülki Məcəlləsinin 567-ci, 600.1-ci, 601.1-ci və 443.1-ci, 462.1-ci, 465.2-ci və 467-ci maddələri. Məhkəmə iddianı əsaslı hesab edir. Məhkəmə qeyd edir ki, tərəflər arasında bağlanmış müqavilələr borc müqaviləsi adlansa da, xx.xx.2023-cü il tarixli müqaviləyə əsasən cavabdeh iddiaçıdan 100 manat ilkin ödənişlə və 12 ay müddətinə hər ay 115 manat ödəməklə 1480 manat dəyərində, xx.xx.2024-cü il tarixli müqaviləyə əsasən isə cavabdeh iddiaçıdan 109 manat ilkin ödənişlə və 12 ay müddətinə hər ay 93 manat ödəməklə 1225 manat dəyərində məişət avadanlığı almış, lakin, o, müqavilələr üzrə ödənişləri tam həyata keçirməmişdir. Hazırda cavabdehin hər iki müqavilə üzrə ümumilikdə 1376 manat əsas borcu mövcuddur. Göründüyü kimi, Cavabdeh müqavilələr üzrə götürdüyü öhdəlikləri vaxtında icra etməmiş, iddiaçıya olan borcunu müqavilələr ilə nəzərdə tutulan vaxtda və qaydada ödəməmişdir. Məhkəmə qeyd olunan maddi hüquq normalarının tələblərinə və işin faktiki hallarına əsasən hesab edir ki, məhkəmədə müəyyən olunmuş faktiki hallar tərəflər arasındakı hüquqi münasibətlərinə uyğun gəldiyindən, eləcə də alıcı-cavabdeh müqavilə üzrə satıcıiddiaçı qarşısında öhdəlik götürdüyündən və alıcı-cavabdeh müqavilə üzrə onun risk dairəsinə daxil olan öhdəliklərin icra edilmədiyi bütün hallar üçün məsuliyyət daşıdığından, yaranmış borc məbləğini və digər xərcləri ödəməlidir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. QƏT ETDİ: İddia tələbi təmin edilsin. Cavabdeh xx.xx.2023-cü il tarixli, NRK6478248 saylı müqavilə üzrə 260 manat, xx.xx.2024-cü il tarixli, NRK6373930 saylı müqavilə üzrə 1116 manat olmaqla, ümumilikdə 1376 manat əsas borc və ödənilmiş 34 manat dövlət rüsumunun əvəzi İddiaçı MMC-nin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində Bakı şəhəri Nizami Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinet vasitəsilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Həqiqət Əhmədova