Azərbaycan Respublikası adından QƏTNAMƏ Bakı şəhəri İş № e-2(007)-2998/2024 09.10.2024 BAKI ŞƏHƏRİ NİZAMİ RAYON MƏHKƏMƏSİ Mən, Bakı şəhəri Nizami Rayon Məhkəməsinin hakimi Əhmədov Rauf Tağı oğlu, İddiaçı MMC-nin Cavabdeh qarşı “pul” tələbinə dair kiçik iddiası üzrə mülki işə sadələşdirilmiş icraat qaydasında baxaraq, MÜƏYYƏN ETDİM: İddiaçı- İddiaçı MMC. Cavabdeh- Cavabdeh. Tərəflər arasında bağlanmış müqavilələr:
1. xx.xx.2022-ci il tarixli müqavilə (Rattan-Qonaq- Tv stend)
2. xx.xx.2023-cü il tarixli müqavilə (Mini soba HOFFMAN, Mikrodalğalı soba Panasonic)
3. xx.xx.2023-cü il tarixli müqavilə (01 ədəd İMEİ kodu **********18120 olan Nokia 6310 markalı telefon)
4. xx.xx.2022-ci il tarixli müqavilə (LG LED TV)
5. xx.xx.2022-ci il tarixli müqavilə (İMEİ kodu **********93333 İNOİ 288S markalı telefon) Müqavilələrin predmeti-nisyə alqı-satqı Tələb olunan məbləğ:
1. xx.xx.2022-ci il tarixli müqavilə üzrə 565.68 manat əsas borc, 56.32 manat cərimə.
2. xx.xx.2023-cü il tarixli müqavilə üzrə 469.83 manat əsas borc, 46.17 manat cərimə.
3. xx.xx.2023-cü il tarixli müqavilə üzrə 47.17 manat əsas borc, 4.83 manat cərimə.
4. xx.xx.2022-ci il tarixli müqavilə müqavilə üzrə 309.08 manat əsas borc, 30.92 manat cərimə.
5. xx.xx.2022-ci il tarixli müqavilə müqavilə üzrə 21.87 manat əsas borc, 2.13 manat cərimə. Ümumilikdə tələb olunan məbləğ: 1554 manat borc və 35.54 manat dövlət rüsumu. Sübutlar: Alqı-satqı müqavilələri, ödəniş cədvəlləri, əşyaların təhvil-təslim aktları, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunmasına dəlalət edən bildiriş. Tətbiq olunmalı maddi və prosessual hüquq normaları.
Azərbaycan Respublikası Mülki Məcəlləsinin 567-ci, 600.1-ci, 601.1-ci və 443.1-ci, 462.1-ci, 465.2-ci və 467-ci maddələri. Məhkəmə iddianı əsas borc və dövlət rüsumunun tutulması hissəsində əsaslı hesab edir. Qeyd edilənlərlə müəyyən olundu ki, Cavabdeh xx.xx.2022-ci il, xx.xx.2023-cü il, xx.xx.2023-cü il, xx.xx.2022-ci il və xx.xx.2022-ci il tarixli alqı-satqı müqavilələri əsasında İddiaçı MMC-dən müvafiq əşyalar almış, lakin, o, müqavilələr üzrə ödənişləri tam həyata keçirməmişdir. Göründüyü kimi, Cavabdeh alqı-satqı müqavilələri üzrə götürdüyü öhdəlikləri vaxtında icra etməmiş, iddiaçıya olan borcunu müqavilələr ilə nəzərdə tutulan vaxtda və qaydada ödəməmişdir. Məhkəmə qeyd olunan maddi hüquq normalarının tələblərinə və işin faktiki hallarına əsasən hesab edir ki, məhkəmədə müəyyən olunmuş faktiki hallar tərəflər arasındakı hüquqi münasibətlərə uyğun gəldiyindən, eləcə də alıcı-cavabdeh müqavilələr üzrə satıcıiddiaçı qarşısında öhdəlik götürdüyündən və alıcı-cavabdeh müqavilələr üzrə onun risk dairəsinə daxil olan öhdəliklərin icra edilmədiyi bütün hallar üçün məsuliyyət daşıdığından, yaranmış borc məbləğini və digər xərcləri ödəməlidir. Məhkəmə işin hallarını nəzərə alaraq, hesab edir ki, iddiaçının tələb etdiyi cərimə (dəbbə pulu) əsas borca münasibətdə tənasübsüz surətdə yüksəkdir və həmin məbləğ azaldılmalıdır. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyini, cavabdehin qanunla müəyyən olunan müddət ərzində iddiaya qarşı əsaslandırılmış etirazı və ona əlavə olunmuş sənədlər məhkəməyə daxil olmadığını nəzərə alaraq hesab edirəm ki, kiçik iddia qismən təmin edilərək yaranmış borc məbləği cavabdehdən iddiaçının xeyrinə tutulmalıdır.
QƏT ETDİM:
İddia tələbi qismən təmin edilsin. Cavabdeh xx.xx.2022-ci il müqavilə üzrə 565.68 manat əsas borc, 39.59 manat cərimə, xx.xx.2023-cü il tarixli müqavilə üzrə 469.83 manat əsas borc, 32.88 manat cərimə, xx.xx.2023-cü il tarixli müqavilə üzrə 47.17 manat əsas borc, 3.30 manat cərimə borcu, xx.xx.2022-ci il tarixli müqavilə müqavilə üzrə 309.08 manat əsas borc, 21.63 manat cərimə, xx.xx.2022-ci il tarixli müqavilə müqavilə üzrə 21.87 manat əsas borc, 1.53 manat cərimə olmaqla ümumilikdə 1512.56 manat vəsait və ödənilmiş 35.54 manat dövlət rüsumunun əvəzi İddiaçı MMC-nin xeyrinə tutulsun. İddia tələbi qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Bakı şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir.
Hakim: Rauf Əhmədov