Bakı Şəhəri Nizami Rayon Məhkəməsi Qərardad — İş №e-2(007)-3074/2024

Azərbaycan Respublikası adından QƏRARDAD Bakı şəhəri İş № e-2(007)-3074/2024 13.09.2024 BAKI ŞƏHƏRİ NİZAMİ RAYON MƏHKƏMƏSİ Mən, Bakı Şəhəri Nizami Rayon Məhkəməsinin hakimi Əhmədov Rauf Tağı oğlu, İddiaçı MMC-nin Cavabdeh qarşı “pul” tələbinə dair sadələşdirilmiş icraat qaydasında kiçik mübahisələr üzrə iddia ərizəsini və ona əlavə olunmuş sənədləri nəzərdən keçirərək, MÜƏYYƏN ETDİM: İddiaçı MMC sadələşdirilmiş icraat qaydasında kiçik mübahisələr üzrə iddia ərizəsi ilə məhkəməyə müraciət edərək, cavabdehdən iddiaçının xeyrinə 889 manat məbləğində əsas borc, 89 manat məbləğində cərimə, 30 manat məbləğində dövlət rüsumu, cəmi 1008 manat məbləğində pulun tutulması barədə qətnamə qəbul edilməsini məhkəmədən xahiş etmişdir. Məhkəmə hesab edir ki, kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından aşağıdakılara əsasən imtina edilməlidir. Azərbaycan Respublikası Mülki Prosessual Məcəlləsinin: 13.4-cü maddəsinə əsasən barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. 13.5-ci maddəsinə əsasən belə normalar da olmadıqda, məhkəmə öz aktında Azərbaycan Respublikası hüquq qaydalarının ideya və ümumi prinsiplərini əsas götürür. 284-4.1.1-ci maddəsinə əsasən məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından bu Məcəllənin 153.2-ci maddəsində nəzərdə tutulmuş hallar müəyyən edilmişdirsə imtina edir. 153.2-ci maddəsinə əsasən hakim aşağıdakı hallarda iddianın yolverilməzliyinə görə iddia ərizəsini qəbul etməkdən imtina edir: ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə; eyni tərəflər arasında, eyni predmet barəsində və eyni əsaslar üzrə mübahisəyə dair məhkəmənin qanuni qüvvəyə minmiş qətnaməsi və ya iddiaçının iddiadan imtina etməsi ilə əlaqədar iş üzrə icraata xitam edilməsi və ya tərəflərin barışıq sazişinin təsdiq edilməsi haqqında məhkəmənin qərardadı olarsa; məhkəmə, eyni tərəflər arasında, eyni predmet barəsində və eyni əsaslar üzrə mübahisəyə dair arbitraj məhkəməsinin qərarının tanınmasından və ya məcburi icrasının təmin edilməsindən imtina etdiyi hallar istisna olmaqla, arbitraj məhkəməsinin qanuni qüvvəyə minmiş qərarı olarsa; eyni tərəflər arasında, eyni predmet barəsində və eyni əsaslar üzrə mübahisəyə dair başqa məhkəmənin icraatında iş olarsa. “Elektron məhkəmə” informasiya sistemindən əldə edilmiş Bakı şəhəri Nizami Rayon Məhkəməsinin xx.xx.2024-cü il tarixli, e-2(007)-3036/2024 saylı qərardadından görünür ki, eyni qaydada həmin iş üzrə İddiaçı MMC sadələşdirilmiş icraat qaydasında kiçik mübahisələr üzrə iddia ərizəsi ilə məhkəməyə müraciət edərək, cavabdehdən iddiaçının xeyrinə 889 manat məbləğində əsas borc, 89 manat məbləğində cərimə, 30 manat məbləğində dövlət rüsumu, cəmi 1008 manat məbləğində pulun tutulması barədə qətnamə qəbul edilməsini məhkəmədən xahiş etmişdir. Bakı şəhəri Nizami Rayon Məhkəməsinin hakimi xx.xx.2024-cü il tarixli, e-2(007)- 3036/2024 saylı qərardadı ilə, İddiaçı MMC-nin Cavabdeh qarşı “pul” tələbinə dair kiçik iddialara dair işlər üzrə iddia ərizəsinin icraata qəbul edilməsindən işə baxılmasının sadələşdirilmiş qaydasının yolverilməzliyinə görə imtina edilməsi və ərizənin ona əlavə olunmuş sənədlərlə birlikdə iddiaçıya rəsmi qaydada təqdim olunması, ödənilmiş 30 (otuz) manat məbləğində dövlət rüsumunun (ödəyici: İddiaçı MMC VÖEN: **********, qəbzin nömrəsi:**********10; büdcə təsnifat kodu:142211; tarix:xx.xx.2024, saat:13:22) dövlət büdcəsindən iddiaçıya qaytarılmaası qərara alınmış və iddiaçıya izah edilmişdir ki, Azərbaycan Respublikası MPM-nin 284-4.3-cü maddəsinə əsasən ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Göründüyü kimi, eyni tərəflər arasında, eyni predmet barəsində və eyni əsaslar üzrə mübahisəyə dair kiçik iddialar üzrə sadələşdirilmiş qaydada verilmiş ərizə ilə bağlı yekun məhkəməyə aktı mövcuddur, Bakı şəhəri Nizami Rayon Məhkəməsinin hakimi xx.xx.2024-cü il tarixli, e-2(007)-3036/2024 saylı qərardadında ərizənin icraata qəbul olunmasından imtina əsaslarını kifayət qədər geniş və aydın şəkildə əsaslandırmaqla, iddiaçıya həmin tələb üzrə iddia icraatı qaydasında ərizə ilə məhkəməyə müraciət etmək hüququnu izah etmiş, lakin iddiaçı tərəfindən ərizə və ona əlavə edilmiş sənədlərə heç bir dəyişiklik edilmədən, eyni qaydada təkrarən elektron sistem vasitəsilə kiçik iddialara dair işlər üzrə sadələşdirilmiş icraat qaydasında yenidən ərizə verilmişdir. Göstərilənlərə əsasən, İddiaçı MMC-nin Cavabdeh qarşı “pul” tələbinə dair kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edilməlidir. O cümlədən məhkəmə qeyd edir ki, iddia ərizəsinin icraata qəbul edilməsindən imtina edilməsi ilə əlaqədar, ödənilmiş dövlət rüsumunun geri qaytarılmasına hazırkı iş üzrə zərurət yoxdur, belə ki, Bakı şəhəri Nizami Rayon Məhkəməsinin hakimi xx.xx.2024cü il tarixli, e-2(007)-3036/2024 saylı qərardadından görünür ki, ödənilmiş 50 manat dövlət rüsumu (Qəbz: **********10) artıq həmin qərardadla geri qaytarılmışdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 13, 153 və 284-cü maddələrini rəhbər tutaraq, QƏRARA ALDİM: İddiaçı MMC-nin Cavabdeh qarşı “pul” tələbinə dair sadələşdirilmiş icraat qaydasında kiçik mübahisələr üzrə iddia ərizəsinin icraata qəbulundan imtina edilsin, ərizə və ona əlavə edilmiş sənədlər iddiaçıya geri qaytarılsın. Qərardaddan şikayət verilə bilməz. Sədrlik edən: Rauf Əhmədov