Bakı Şəhəri Sabunçu Rayon Məhkəməsi Qətnamə — İş №e-2(008)-1426/2024

Azərbaycan Respublikası adından QƏTNAMƏ Bakı şəhəri İş № e-2(008)-1426/2024 07.02.2024 BAKI ŞƏHƏRİ SABUNÇU RAYON MƏHKƏMƏSİ Bakı şəhəri Sabunçu Rayon Məhkəməsinin hakimi Paşayeva Adilə Adil qızı, İddiaçı "xxxx" MMC-nin Cavabdeh qarşı «pul tələbi» barədə iddia ərizəsi üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" MMC Cavabdeh qarşı «pul tələbinə» dair iddia ərizəsi ilə müraciət edərək, xx.xx.2020-ci il tarixli müqaviləyə əsasən, Soyuducu Hoffmann, Hoffmann Led TV, Paltaryuyan Hoffmann, ətçəkən Hoffmann, Tozsoran Gorenje üçün 1441,57 manat ödənilməmiş hissə, 144,43 manat cərimə; xx.xx.2020-ci il tarixli müqaviləyə əsasən İMEİ kod **********90445 Xiaomi Redmi 9 markalı telefon üçün 248,04 manat ödənilməmiş hissə, 24,96 manat cərimə; xx.xx.2021-ci il tarixli müqaviləyə əsasən, Çaynik Gorenje, Matras üçün 192 manat ödənilməmiş hissə, 19 manat cərimə; xx.xx.2021-ci il tarixli müqaviləyə əsasən, İMEİ kod **********40124 Xiaomi Poco M3 markal telefon, X2 üçün 586 manat ödənilməmiş hissə, 58 manat cərimə olmaqla, ümumilikdə 2714 manat borc və 47,14 manat ödənilmiş dövlət rüsumu olmaqla, Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddiaçı "xxxx" MMC iddia tələbini onunla əsaslandırmışdır ki, cavabdeh müqavilənin şərtlərini pozmuş və nəticədə xx.xx.2020-ci il, xx.xx.2020-ci il, xx.xx.2021-ci il və xx.xx.2021-ci il tarixli müqavilələrinə əsasən, Soyuducu Hoffmann, Hoffmann Led TV, Paltaryuyan Hoffmann, ətçəkən Hoffmann, Tozsoran Gorenje, İMEİ kod **********90445 Xiaomi Redmi 9 markalı telefon, Çaynik Gorenje, Matras və İMEİ kod **********40124 Xiaomi Poco M3 markal telefon, X2 almış və nəticədə 2714 manat borcu yaranmışdır. Cavabdehin cəmi ödədiyi məbləğ 1017,69 manat təşkil edir. Məhkəmə tərəfindən Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmışdır. Məhkəmə tərəfindən Azərbaycan Respublikası Mülki Prosessual Məcəlləsinin 284-5ci maddəsinin tələblərinə uyğun olaraq iddiaçının tələbinə dair əsaslandırılmış etirazının olduğu halda öz dəlillərini və onları təsdiq edən sənədlərin təqdim olunması barədə bildiriş cavabdehə qanunvericiliklə müəyyən edilmiş qaydada və müddətdə göndərilmiş, lakin cavabdeh tərəfindən iddiaçının tələbinə dair hər hansı münasibət bildirilməmişdir. Məhkəmə iş materiallarına məcmu halda hüquqi qiymət verərək hesab edir ki, iddia təmin edilməlidir. Belə ki, iş materiallarında olan xx.xx.2020-ci il tarixli müqavilənin surətindən müəyyən olunur ki, Cavabdeh "xxxx" MMC-dən Soyuducu Hoffmann, Hoffmann Led TV, Paltaryuyan Hoffmann, ətçəkən Hoffmann, Tozsoran Gorenje, xx.xx.2020-ci il tarixli müqavilə ilə İMEİ kod **********90445 Xiaomi Redmi 9 markalı telefon, xx.xx.2021-ci il tarixli müqavilə ilə Çaynik Gorenje, Matras, xx.xx.2021-ci il tarixli müqavilə ilə İMEİ kod **********40124 Xiaomi Poco M3 markal telefon, X2 almış və onların dəyərini ödəməyi barədə üzərinə öhdəlik götürmüşdür; -"xxxx" MMC tərəfindən verilmiş xx.xx.2023-cü il tarixli maliyyə cədvəlindən müəyyən edilir ki, xx.xx.2020-ci il tarixli müqaviləyə əsasən "xxxx" MMC-dən alqı-satqı qiyməti 2326 manat olan Soyuducu Hoffmann, Hoffmann Led TV, Paltaryuyan Hoffmann, ətçəkən Hoffmann, Tozsoran Gorenje üçün cəmi ödənilən məbləğ 884,43 manat, ödənilməmiş əsas borc 1441,57 manat, cərimə borcu 144,43 manat olmaqla, ümumi ödənilməmiş borc cəmi 1586 manat; xx.xx.2020-ci il tarixli müqaviləyə əsasən alqı-satqı qiyməti 378 manat olan İMEİ kod **********90445 Xiaomi Redmi 9 markalı telefon üçün cəmi ödənilən məbləğ 129,96 manat, ödənilməmiş əsas borc 248,04 manat, cərimə borcu 24,96 manat olmaqla, ümumi ödənilməmiş borc cəmi 273 manat; xx.xx.2021-ci il tarixli müqaviləyə əsasən "xxxx" MMC-dən alqı-satqı qiyməti 195,3 manat olan Çaynik Gorenje, Matras üçün cəmi ödənilən məbləğ 3,3 manat, ödənilməmiş əsas borc 192 manat, cərimə borcu 19 manat olmaqla, ümumi ödənilməmiş borc cəmi 211 manat; xx.xx.2021-ci il tarixli müqaviləyə əsasən "xxxx" MMC-dən alqı-satqı qiyməti 1210 manat olan İMEİ kod **********40124 Xiaomi Poco M3 markal telefon, X2 üçün cəmi ödənilən məbləğ 624 manat, ödənilməmiş əsas borc 586 manat, cərimə borcu 58 manat olmaqla, ümumi ödənilməmiş borc cəmi 644 manat, cəmi 2714 manat təşkil edir. -xx.xx.2020-ci il tarixli ödəniş cədvəlindən görünür ki, Soyuducu Hoffmann, Hoffmann Led TV, Paltaryuyan Hoffmann, ətçəkən Hoffmann, Tozsoran Gorenjein aylıq ödəniş məbləği 120 manat; xx.xx.2020-ci il tarixli ödəniş cədvəlindən görünür ki, İMEİ kod **********90445 Xiaomi Redmi 9 markalı telefon aylıq ödənişi 31,5 manat; xx.xx.2021-ci il tarixli ödəniş cədvəlindən görünür ki, Çaynik Gorenje, Matrasın aylıq ödənişi 64 manat; xx.xx.2021-ci il tarixli ödəniş cədvəlindən görünür ki, İMEİ kod **********40124 Xiaomi Poco M3 markal telefon, X1 aylıq ödənişi 100 manat təşkil edir. -"xxxx" MMC tərəfindən Cavabdeh ünvanlanmış xx.xx.2023-cü il tarixli məktubdan görünür ki, cavabdeh, müqavilənin şərtlərini pozaraq, müqavilədə göstərilən vaxt və qaydaya əməl etmədiyi üçün tərəflər arasında bağlanmış müqavilənin şərtinə uyğun olaraq əlavə peniya hesablanmışdır. Hesblanmış peniya məbləğini qısa zamanda ödəmədiyi halda aidiyyatı üzrə dövlət qurumuna müraciət olunacağı barədə xəbərdar edilmişdir. Məhkəmə hesab edir ki, tərəflər arasında yaranmış mübahisəyə nisyə alqı-satqı müqaviləsinin müddəaları tətbiq edilməlidir. Azərbaycan Respublikası Mülki Məcəlləsinin 601-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin, 601.2-ci maddəsində göstərilmişdir ki, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. Həmin Məcəllənin 600.2-ci maddəsinə əsasən, əşyaların nisyə satışı satış günü qüvvədə olmuş qiymətlər üzrə həyata kecirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən, əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər. Göründüyü kimi, Cavabdeh xx.xx.2020, xx.xx.2020, xx.xx.2021 və xx.xx.2021-ci il tarixli müqavilələr üzrə üzərinə götürdüyü öhdəliyi lazımi qaydada icra etməmiş, iddiaçıya olan borcunu sazişlə nəzərdə tutulan vaxtda və qaydada ödəməmişdir. Bununla da sazişin şərtlərini pozmuşdur. Buna görə də cavabdehin hərəkətləri öhdəliyin lazımınca icra edilməməsi kimi qiymətləndirilməli, bu səbəbdən onun risk dairəsinə daxil olan öhdəliyin icra edilmədiyi bütün hallar üçün cavabdeh olduğundan, öz öhdəliyinin hər bir təqsirli pozuntusuna görə məsuliyyət daşıyaraq, yaranan əsas borcu və cərimə borcunu razılaşdırıldığı kimi iddiaçıya ödəməlidir. Azərbaycan Respublikası Mülki-Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Azərbaycan Respublikası Mülki-Prosessual Məcəlləsinin 107-ci maddəsinin tələbinə görə məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Məhkəmə araşdırması zamanı Azərbaycan Respublikası Mülki Prosessual Məcəllənin 284-5.4-cü maddəsi ilə nəzərdə tutulmuş işə iddia icraatı qaydasında baxılması əsasları aşkar olunmamışdır. 284-1-ci maddəsinə əsasən mülki işlər üzrə iddianın qiyməti beş min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir; 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Məhkəmə qeyd olunanlara əsasən və Azərbaycan Respublikasının Mülki-Prosessual Məcəlləsinin 119, 284-5 və 284.6-cı maddələrini rəhbər tutaraq, məhkəmə Q Ə T E T D İ: İddia tələbi təmin edilsin. Cavabdeh xx.xx.2020-ci il tarixli müqaviləyə əsasən Soyuducu Hoffmann, Hoffmann Led TV, Paltaryuyan Hoffmann, ətçəkən Hoffmann, Tozsoran Gorenje üçün 1441 (min dörd yüz qırx bir) manat, 57 (əlli yeddi) qəpik ödənilməmiş hissə, 144 (yüz qırx dörd) manat, 43 (qırx üç) qəpik cərimə borcu; xx.xx.2020-ci il tarixli tarixli müqaviləyə əsasən İMEİ kod **********90445 Xiaomi Redmi 9 markalı telefon 248 (iki yüz qırx səkkiz) manat, 04 (dörd) qəpik manat ödənilməmiş hissə, 24 (iyirmi dörd) manat, 96 (doxsan altı) qəpik cərimə borcu; xx.xx.2021-ci il tarixli müqaviləyə əsasən, Çaynik Gorenje, Matras üçün 192 (yüz doxsan iki) manat ödənilməmiş hissə, 19 (on doqquz) manat cərimə; xx.xx.2021-ci il tarixli müqaviləyə əsasən, İMEİ kod **********40124 Xiaomi Poco M3 markal telefon, X2 üçün 586 (beş yüz səksən altı) manat ödənilməmiş hissə, 58 (əlli səkkiz) manat cərimə borcu olmaqla, cəmi 2714 (iki min yeddi yüz on dörd) manat məbləğində pul və 47 (qırx yeddi) manat, 14 (on dörd) qəpik dövlət rüsumu "xxxx" MMCnin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində Bakı Şəhəri Sabunçu Rayon Məhkəməsi vasitəsi ilə Bakı Apelyasiya Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) apelyasiya şikayəti verilə bilər. Qətnamədən apellyasiya şikayəti verilmədikdə, qəbul edildiyi gündən 1 ay keçdikdən sonra qanuni qüvvəyə minir. Hakim Adilə Paşayeva