Bakı Şəhəri Sabunçu Rayon Məhkəməsi Qətnamə — İş №e-2(008)-2874/2022

Azərbaycan Respublikası adından QƏTNAMƏ Bakı şəhəri İş № e-2(008)-2874/2022 11.05.2022 BAKI ŞƏHƏRİ SABUNÇU RAYON MƏHKƏMƏSİ Bakı şəhəri Sabunçu Rayon Məhkəməsinin hakimi Cəfərli Nilufər Arif qızı, İddiaçı "xxxx" MMC-nin Cavabdeh qarşı «pul tələbi» barədə iddia ərizəsi üzrə mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" MMC Cavabdeh qarşı «pul tələbinə» dair iddia ərizəsi ilə müraciət edərək, 05.12.2019-cu il tarixli müqaviləsinə əsasən, HP markalı notebook, Keyboard Logitech markalı klaviatura üçün 70 (yetmiş) manat ödənilməmiş hissə, 7 (yetmiş) manat cərimə; 07.10.2019-cu il tarixli müqaviləsinə əsasən HOFFMAN markalı televizor üçün 110 (bir yüz on) manat ödənilməmiş hissə, 11 (on bir) manat cərimə; 18.03.2020-ci il tarixli müqaviləsinə əsasən HOFFMAN X Ultra markalı telefon üçün 212.4 (iki yüz on iki manat, qırx qəpik) manat ödənilməmiş hissə, 21 (iyirmi bir) manat cərimə; 07.10.2019-cu il tarixli müqaviləsinə əsasən, NOKİA 3.1 DS markalı telefon üçün 230 (iki yüz otuz) manat ödənilməmiş hissə, 23 (iyirmi üç) manat cərimə olmaqla, ümumilikdə 684.4 (altı yüz səksən dörd manat, qırx qəpik) manat borc və 30 manat ödənilmiş dövlət rüsumu olmaqla, Cavabdeh qızından alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddiaçı "xxxx" MMC iddia tələbini onunla əsaslandırmışdır ki, cavabdeh müqavilənin şərtlərini pozmuş və nəticədə 05.12.2019-cu il, 07.10.2019-cu il, 18.03.2020-ci il və 07.10.2019-cu il tarixli müqavilələrinə əsasən, HP markalı notebook, Keyboard Logitech markalı klaviatura, HOFFMAN markalı televizor, HOFFMAN X Ultra markalı telefon və NOKİA 3.1 DS markalı telefon almış və nəticədə 684.4 (altı yüz səksən dörd manat, qırx qəpik) manat borcu yaranmışdır. Cavabdehin cəmi ödədiyi məbləğ 1223 manat təşkil edir. Məhkəmə tərəfindən Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmışdır. Məhkəmə tərəfindən Azərbaycan Respublikası Mülki Prosessual Məcəlləsinin 284-5ci maddəsinin tələblərinə uyğun olaraq iddiaçının tələbinə dair əsaslandırılmış etirazının olduğu halda öz dəlillərini və onları təsdiq edən sənədlərin təqdim olunması barədə bildiriş cavabdehə qanunvericiliklə müəyyən edilmiş qaydada və müddətdə göndərilmiş, lakin cavabdeh tərəfindən iddiaçının tələbinə dair hər hansı münasibət bildirilməmişdir. Məhkəmə iş materiallarına məcmu halda hüquqi qiymət verərək hesab edir ki, iddia təmin edilməlidir. Belə ki, iş materiallarında olan 05.12.2019-cu il tarixli müqavilənin surətindən müəyyən olunur ki, Cavabdeh "xxxx" MMC-dən HP markalı notebook, Keyboard Logitech markalı klaviatura, 07.10.2019-cu il tarixli müqavilə ilə HOFFMAN markalı televizor, 18.03.2020-ci il tarixli müqavilə ilə HOFFMAN X Ultra markalı telefon, 07.10.2019-cu il tarixli müqavilə ilə NOKİA 3.1 DS markalı telefon almış və onların dəyərini ödəməyi barədə üzərinə öhdəlik götürmüşdür; -"xxxx" MMC tərəfindən verilmiş 17.03.2022-ci il tarixli maliyyə cədvəlindən müəyyən edilir ki, 05.12.2019-cu il tarixli müqaviləyə əsasən "xxxx" MMC-dən alqı-satqı qiyməti 828 manat olan HP markalı notebook, Keyboard Logitech markalı klaviatura üçün cəmi ödənilən məbləğ 758 manat, ödənilməmiş əsas borc 70 (yetmiş) manat, cərimə borcu 7 (yetmiş) manat olmaqla, ümumi ödənilməmiş borc cəmi 77 (yetmiş yeddi) manat; 07.10.2019-cu il tarixli müqaviləyə əsasən alqı-satqı qiyməti 342 manat olan HOFFMAN markalı televizor üçün cəmi ödənilən məbləğ 232 manat, ödənilməmiş əsas borc 110 (bir yüz on) manat, cərimə borcu 11 (on bir) manat olmaqla, ümumi ödənilməmiş borc cəmi 121 manat; 18.03.2020-ci il tarixli müqaviləyə əsasən "xxxx" MMC-dən alqı-satqı qiyməti 284.4 manat olan HOFFMAN X Ultra markalı telefon üçün cəmi ödənilən məbləğ 72 manat, ödənilməmiş əsas borc 212.4 (iki yüz on iki manat, qırx qəpik) manat, cərimə borcu 21 (iyirmi bir) manat olmaqla, ümumi ödənilməmiş borc cəmi 233.4 manat; 07.10.2019-cu il tarixli müqaviləyə əsasən "xxxx" MMC-dən alqı-satqı qiyməti 391 manat olan NOKİA 3.1 DS markalı telefon üçün cəmi ödənilən məbləğ 161 manat, ödənilməmiş əsas borc 230 (iki yüz otuz) manat, cərimə borcu 23 (iyirmi üç) manat olmaqla, ümumi ödənilməmiş borc cəmi 253 manat, cəmi 684.4 (altı yüz səksən dörd manat, qırx qəpik) manat təşkil edir. -05.12.2019-cu il tarixli ödəniş cədvəlindən görünür ki, HP markalı notebook, Keyboard Logitech markalı klaviaturaın aylıq ödəniş məbləği 69 manat; 07.10.2019-cu il tarixli ödəniş cədvəlindən görünür ki, HOFFMAN markalı televizornun aylıq ödənişi 19 manat; 18.03.2020-ci il tarixli ödəniş cədvəlindən görünür ki, HOFFMAN X Ultra markalı telefonin aylıq ödənişi 15.8 manat; 07.10.2019-cu il tarixli ödəniş cədvəlindən görünür ki, Soyuducu Hoffmanın aylıq ödənişi 23 manat təşkil edir. -"xxxx" MMC tərəfindən Cavabdeh ünvanlanmış 19.02.2021-ci il tarixli məktubdan görünür ki, cavabdeh, müqavilənin şərtlərini pozaraq, müqavilədə göstərilən vaxt və qaydaya əməl etmədiyi üçün tərəflər arasında bağlanmış müqavilənin şərtinə uyğun olaraq əlavə peniya hesablanmışdır. Hesblanmış peniya məbləğini qısa zamanda ödəmədiyi halda aidiyyatı üzrə dövlət qurumuna müraciət olunacağı barədə xəbərdar edilmişdir. Məhkəmə hesab edir ki, tərəflər arasında yaranmış mübahisəyə nisyə alqı-satqı müqaviləsinin müddəaları tətbiq edilməlidir. Azərbaycan Respublikası Mülki Məcəlləsinin 601-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin, 601.2-ci maddəsində göstərilmişdir ki, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2- 600.5-ci maddələrində nəzərdə tutulan qaydalar tətbiq edilir. Həmin Məcəllənin 600.2-ci maddəsinə əsasən, əşyaların nisyə satışı satış günü qüvvədə olmuş qiymətlər üzrə həyata kecirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Həmin Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən, əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər. Göründüyü kimi, Cavabdeh 05.12.2019, 07.10.2019, 18.03.2020 və 07.10.2019-cu il tarixli müqavilələr üzrə üzərinə götürdüyü öhdəliyi lazımi qaydada icra etməmiş, iddiaçıya olan borcunu sazişlə nəzərdə tutulan vaxtda və qaydada ödəməmişdir. Bununla da sazişin şərtlərini pozmuşdur. Buna görə də cavabdehin hərəkətləri öhdəliyin lazımınca icra edilməməsi kimi qiymətləndirilməli, bu səbəbdən onun risk dairəsinə daxil olan öhdəliyin icra edilmədiyi bütün hallar üçün cavabdeh olduğundan, öz öhdəliyinin hər bir təqsirli pozuntusuna görə məsuliyyət daşıyaraq, yaranan əsas borcu və cərimə borcunu razılaşdırıldığı kimi iddiaçıya ödəməlidir. Azərbaycan Respublikası Mülki-Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Azərbaycan Respublikası Mülki-Prosessual Məcəlləsinin 107-ci maddəsinin tələbinə görə məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Məhkəmə araşdırması zamanı Azərbaycan Respublikası Mülki Prosessual Məcəllənin 284-5.4-cü maddəsi ilə nəzərdə tutulmuş işə iddia icraatı qaydasında baxılması əsasları aşkar olunmamışdır. 284-1-ci maddəsinə əsasən mülki işlər üzrə iddianın qiyməti beş min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir; 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmə qeyd olunanlara əsasən və Azərbaycan Respublikasının Mülki-Prosessual Məcəlləsinin 119, 284-5 və 284.6-cı maddələrini rəhbər tutaraq, məhkəmə Q Ə T E T D İ: İddia tələbi təmin edilsin. Cavabdeh 05.12.2019-cu il tarixli müqaviləyə əsasən 70 (yetmiş) manat ödənilməmiş hissə borcu, 7 (yetmiş) manat cərimə borcu, 07.10.2019-cu il tarixli müqaviləyə əsasən 110 (bir yüz on) manat ödənilməmiş hissə, 11 (on bir) manat cərimə, 18.03.2020-ci il tarixli müqaviləyə əsasən 212.4 (iki yüz on iki manat, qırx qəpik) manat ödənilməmiş hissə, 21 (iyirmi bir) manat cərimə borcu, 07.10.2019-cu il tarixli müqaviləyə əsasən 230 (iki yüz otuz) manat ödənilməmiş hissə, 23 (iyirmi üç) manat cərimə olmaqla, cəmi 684.4 (altı yüz səksən dörd manat, qırx qəpik) manat məbləğində pul və 30 (otuz) manat dövlət rüsumu "xxxx" MMC-nin xeyrinə tutulsun. Qətnamədən rəsmi qaydada alındığı gündən 1 (bir) ay müddətində Bakı şəhəri Sabunçu rayon məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən apellyasiya şikayəti verilmədikdə, qəbul edildiyi gündən 1 ay keçdikdən sonra qanuni qüvvəyə minir. Hakim Nilufər Cəfərli