Bakı Şəhəri Səbail Rayon Məhkəməsi Qərardad — İş №e-2(009)-1274/2022

Azərbaycan Respublikası adından QƏRARDAD Bakı şəhəri İş № e-2(009)-1274/2022 26.05.2022 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi ilə Ərizəçi İddiaçı tərəfindən miras əmlakın qəbul edilmə faktının müəyyən edilməsi barədə ərizəsinin mümkünlüyü məsələsinə baxaraq… MÜƏYYƏN ETDİ: İddiaçı tərəfindən miras əmlakın qəbul edilmə faktının müəyyən edilməsi barədə ərizə ilə elektron məhkəmə sistemi vasitəsi ilə məhkəməyə müraciət etmişdir. Hakim iş materillarını araşdırıb hesab edir ki, iddia ərizəsi Azərbaycan Respublikası Mülki-Prosessual Məcəlləsinin 149-cu maddəsi ilə müəyyən olunmuş formasına və məzmununa riayət edilmədiyindən geri qaytarılmalıdır. Belə ki, ərizə forması xüsusi icraat qaydasında tərtib olunsa da elektron məhkəmə sistemində iddia icraatı qaydasında yerləşdirilmiş iddiaçı qismində İddiaçı cavabdeh qismində onun nümayəndəsi və vəkili qeyd olunmuşdur. Ərizə nümayəndə və vəkil kimi Cavabdeh tərəfindən imzalansa da elektron sistemində həmin şəxs cavabdeh qismində keçdiyindən, bununla da ərizənin elektron məhkəmə sistemində yerləşdirilməsi düzgün olmadığından geri qaytarılmalıdır. AR MPM-nin 152.1.1-ci maddəsinə əsasən iddia ərizəsi bu Məcəllənin 149-cu maddəsi ilə müəyyən olunmuş formasına və məzmununa riayət edilməklə verilmədikdə hakim iddia ərizəsini və ona əlavə edilmiş sənədləri geri qaytarır. Şərh olunanlara əsasən və AR MPM-nin 152.1.1, 152.2-152.4-cü maddələrini rəhbər tutaraq hakim… QƏRARA ALDİ: Ərizəçi İddiaçı tərəfindən miras əmlakın qəbul edilmə faktının müəyyən edilməsi barədə ərizəsi geri qaytarılsın. Ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə aidiyyət qaydalarına riayət edilməklə məhkəməyə müraciət etməyə mane olmur. Qərardaddan 10 gün müddətində Səbail rayon Məhkəməsinə şikayət verilə bilər. Qeyd: Şikayət elektron sistem vasitəsi ilə verilmədikdə AR MPM-nin 363.1.5-ci maddəsinə əsasən geri qaytarılacaqdır. Hakim Şahin Abdullayev