Bakı Şəhəri Səbail Rayon Məhkəməsi Qətnamə — İş №e-2(009)-1678/2025

Azərbaycan Respublikası adından QƏTNAMƏ Bakı şəhəri İş № e-2(009)-1678/2025 14.07.2025 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi ilə İddiaçı MMC-nin Cavabdeh qarşı borc tələbinə dair mülki işə Səbail rayon Məhkəməsi binasında kiçik iddialara dair işlər üzrə sadələşdirilmiş icraat qaydasında baxaraq… MÜƏYYƏN ETDİ: İddiaçı MMC Cavabdeh qarşı kiçik iddialara dair işlər üzrə sadələşdirilmiş icraat qaydasında borc tələbinə dair iddia ərizəsi ilə məhkəməyə müraciət edərək göstərmişdir ki, Cavabdeh İddiaçı MMC ilə müddəti 15 ay olmaqla xx.xx.2018-ci il tarixli, EHK548183 saylı, 12 ay olmaqla xx.xx.2018-ci il tarixli, EHK547810 saylı və 10 ay olmaqla xx.xx.2018-ci il tarixli, EHK548186 saylı borc müqavilələri bağlamışdır. xx.xx.2018-ci il tarixli, EHK548183 saylı müqaviləyə əsasən cavabdeh iddiaçıdan dəyəri 1335 manat olan məişət avadanlığı əldə edib. xx.xx.2018-ci il tarixli, EHK547810 saylı müqaviləyə əsasən cavabdeh iddiaçıdan dəyəri 368 manat olan məişət avadanlığı əldə etmişdir. xx.xx.2018-ci il tarixli, EHK548186 saylı müqaviləyə əsasən cavabdeh iddiaçıdan dəyəri 1010 manat olan məişət əşyası əldə etmişdir.Cavabdehin müqavilələr üzrə iddiaçıya 2150 manat əsas borcu qalıb. Göstərilənləri nəzərə alaraq iddiaçı Cavabdeh xx.xx.2018-ci il tarixli, EHK548183 saylı,borc müqaviləsinə əsasən 1285 manat əsas borc, xx.xx.2018-ci il tarixli, EHK547810 saylı borc müqaviləsinə əsasən 57 manat, xx.xx.2018-ci il tarixli, EHK548186 saylı müqaviləyə əsasənisə 1010 manat əsas borc və 42 manat məbləğində ödənilmiş dövlət rüsumunun, cəmi 2192 manat pulun alınaraq İddiaçı MMC-yə ödənilməsi qətnamə çıxarılmasını xahiş etmişdir. Məhkəmə mülki-prosessual məcəllənin tələblərinə əsasən cavabdehə rəsmi qaydada bildiriş göndərmiş, lakin cavabdeh tərəfindən 10 gün müddətində iddiaya qarşı əsaslandırılmış etiraz məhkəmə icraatına daxil olmamışdır. Məhkəmə iş materiallarını araşdırıb hesab edir ki, iddia tələbi təmin edilməlidir. İş üzrə İddiaçı MMC ilə Cavabdeh arasında bağlanılmış xx.xx.2018-ci il tarixli, EHK548183 saylı borc müqaviləsinə əsasən ilkin ödəniş 0 manat olmaqla, 1335 manat dəyərində olan məişət avadanlığının alınması məqsədilə 1335 manat məbləğində borc verilmiş, həmin müqavilə şərtinə uyğun borcun ayda 89 manat olmaqla 15 ay müddətində ödənilməsinə dair Cavabdeh tərəfindən öhdəlik götürülmüşdür. İş üzrə İddiaçı MMC ilə Cavabdeh arasında bağlanılmış xx.xx.2018-ci il tarixli, EHK547810 saylı borc müqaviləsinə əsasən ilkin ödəniş 20 manat olmaqla, 348 manat dəyərində olan məişət avadanlığının alınması məqsədilə 328 manat məbləğində borc verilmiş, həmin müqavilə şərtinə uyğun borcun ayda 29 manat olmaqla 12 ay müddətində ödənilməsinə dair Cavabdeh tərəfindən öhdəlik götürülmüşdür. İş üzrə İddiaçı MMC ilə Cavabdeh arasında bağlanılmış xx.xx.2018-ci il tarixli, EHK548186 saylı borc müqaviləsinə əsasən ilkin ödəniş 0 manat olmaqla, 1010 manat dəyərində olan məişət avadanlığının alınması məqsədilə 1010 manat məbləğində borc verilmiş, həmin müqavilə şərtinə uyğun borcun ayda 101 manat olmaqla 10 ay müddətində ödənilməsinə dair Cavabdeh tərəfindən öhdəlik götürülmüşdür. İş üzrə İddiaçı MMC tərəfindən verilmiş - maliyyə arayışına əsasən Cavabdeh xx.xx.2018-ci il tarixli, EHK548183 borc müqaviləsinə əsasən 1285 manat əsas borc, xx.xx.2018-ci il tarixli, EHK547810 borc müqaviləsinə əsasən 57 manat əsas, xx.xx.2018-ci il tarixli, EHK548186 saylı müqaviləsinə əsasən 808 manat, ümimilikdə müqavilələr üzrə 2150 manat əsas borcu var. Məhkəmə verilmiş iddia tələbi ilə bağlı aşağıdakıları qeyd edir. Azərbaycan Respublikası Mülki Məcəlləsinin 739.1-ci maddəsinə əsasən, borc müqaviləsinə görə bir tərəf (borcverən) pul vəsaitinə və ya digər əvəz edilən əşyalara mülkiyyət hüququnu digər tərəfə (borcalana) verməyi öhdəsinə götürür, borcalan isə aldıqlarını müvafiq olaraq eyni məbləğdə pul vəsaiti və ya eyni keyfiyyətdə və miqdarda olan eyni növlü əşyalar şəklində borcverənə qaytarmağı öhdəsinə götürür. Qeyd edilən Məcəllənin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Göstərilən Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 425.1-ci maddəsinə əsasən öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Qeyd edilən Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. İş materialları ilə müəyyən edilmişdir ki, iddiaçı ilə Cavabdeh arasında xx.xx.2018-ci il tarixli, EHK548183 saylı müqaviləyə əsasən məişət avadanlığının alınması məqsədilə borc müqavilələri bağlanılmış, həmin müqavilə şərtinə əsasən cavabdehə 1335 manat məbləğində pul verilmiş, cavabdeh 15 ay müddətində borcun ödəyəcəyinə dair öhdəlik götürmüşdür. İş materialları ilə müəyyən edilmişdir ki, iddiaçı ilə Cavabdeh arasında xx.xx.2018-ci il tarixli, EHK547810 saylı müqaviləyə əsasən məişət avadanlığının alınması məqsədilə borc müqavilələri bağlanılmış, həmin müqavilə şərtinə əsasən cavabdehə 328 manat məbləğində pul verilmiş, cavabdeh 12 ay müddətində borcun ödəyəcəyinə dair öhdəlik götürmüşdür. İş materialları ilə müəyyən edilmişdir ki, iddiaçı ilə Cavabdeh arasında xx.xx.2018-ci il tarixli, EHK548186 saylı müqaviləyə əsasən məişət avadanlığının alınması məqsədilə borc müqavilələri bağlanılmış, həmin müqavilə şərtinə əsasən cavabdehə 1010 manat məbləğində pul verilmiş, cavabdeh 10 ay müddətində borcun ödəyəcəyinə dair öhdəlik götürmüşdür. İş materiallarından müəyyən edilmişdir ki, iddiaçı tərəfindən müqavilə ilə nəzərdə tutulmuş öhdəlik yerinə yetirilsə də, yəni məişət avadanlıqlarının alınması məqsədilə Cavabdeh pul vəsaiti verilsə də, cavabdeh tərəfindən hər ay ödənilməli olan pul məbləği ödənilməmişdir və bununla da müqavilələrin şərtləri pozulmuşdur. Məhkəmə hesab edir ki, cavabdeh müqavilələr üzrə üzərinə düşən öhdəliyi icra etmədiyindən, iddiaçı yaranmış borcun tutulması ilə bağlı məhkəmədə iddia qaldırmaqda haqlı olmuşdur. Bu səbəbdən məhkəmə hesab edir ki, iddia tələbi təmin edilməli və cavabdehdən xx.xx.2018ci il tarixli, EHK548183 saylı borc müqaviləsinə əsasən 1285 manat əsas, xx.xx.2018-ci il tarixli, EHK547810 saylı müqaviləyə əsasən 57 manat əsas borcu, xx.xx.2018-ci il tarixli, EHK548186 saylı müqaviləyə əsasən 808 manat əsas borcu və ödənilmiş 42 manat dövlət rüsumu olmaqla, cəmi 2192 manat məbləğində pul tutulmalıdır. Məhkəmə həmçinin hesab edir ki, iddia tələbi dövlət rüsumunun tutulması hissəsində də təmin edilməlidir. Azərbaycan Respublikasının MPM-nın 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Şərh olunanları nəzərə alaraq və AR MPM-nin 216-220-ci maddələrini rəhbər tutaraq məhkəmə… QƏT ETDİ: İddia təmin edilsin. Cavabdeh İddiaçı MMC-nin xeyrinə xx.xx.2018-ci il tarixli, EHK548183 saylı borc müqaviləsinə əsasən 1285 manat əsas borc, xx.xx.2018-ci il tarixli, EHK547810 borc saylı müqaviləsinə əsasən 57 manat əsas, xx.xx.2018-ci il tarixli, EHK548186 saylı borc müqaviləsinə əsasən 808 manat əsas borc olmaqla, ümumilikdə 2150 manat əsas borc və ödənilmiş dövlət rüsumunun əvəzi kimi 42 manat, cəmi 2192 (iki min yüz doxsan iki) manat məbləğində pul tutulsun. Qətnamədən onun tərəflərə rəsmi qaydada təqdim edildiyi gündən 1 (bir) ay müddətinə Bakı Şəhəri Səbail Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Qeyd: apellyasiya şikayəti elektron sistem vasitəsi ilə verilmədikdə AR MPM-nin 363.1.5ci maddəsinə əsasən geri qaytarılacaqdır. Hakim: Şahin Abdullayev