Bakı Şəhəri Xətai Rayon Məhkəməsi Qərardad — İş №e-2(011)-3466/2023

Azərbaycan Respublikası adından QƏRARDAD Bakı şəhəri İş № e-2(011)-3466/2023 20.04.2023 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Samirə Eyvazova Əli qızı İddiaçı ASC-nin Cavabdeh qarşı borcun ödənilməsi tələbinə dair iddia ərizəsini və əlavə olunmuş sənədləri araşdırıb, MÜƏYYƏN ETDİ: İddiaçı ASC Cavabdeh qarşı borcun ödənilməsi tələbinə dair iddia ərizəsi ilə məhkəməyə müraciət edərək Cavabdeh suyun verilməsi xidmətindən istifadəyə görə yaranmış 1003.24 (min üç manat iyirmi dörd qəpik) manat borcun və 30.03 (otuz manat üç qəpik) dövlət rüsumunun tutularaq iddiaçı Azərsu ASC-yə ödənilməsi barədə qətnamə qəbul edilməsini xahiş etmişdir. Tətbiq edilən hüquq: Azərbaycan Respublikası Mülki Prosessual Məcəlləsinin (MPM): 152.1. Hakim iddia ərizəsini və ona əlavə edilmiş sənədləri geri qaytarır: 152.1.5. müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə; 152.4. iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. İşə baxan məhkəmənin mövqeyi: Məhkəmə ərizəni və ona əlavə edilmiş sənədləri nəzərdən keçirib hesab edir ki, ərizə geri qaytarılmalıdır. Belə ki, ərizədən də müəyyən olunur ki, müəyyən edilmiş məbləğdə dövlət rüsumu ödənilməmişdir. Həmçinin iş materiallarına əlavə edilmiş dövlət rüsumunun ödənilməsini təsdiq edən sənəddən göründüyü kimi dövlət rüsumu xx.xx.2021-ci il tarixində ödənilmişdir. Bununla da təsdiq olunur ki, iddia ərizəsinə iddia ərizəsi verilərkən ödənilmiş dövlət rüsumunu təsdiq edən sənəd deyil, əvvəlki tarixə edilmiş ödənişi təsdiq edən qəbz əlavə edilmişdir. Bu isə sənədlər arasında aşkar uyğunsuzluq olduğunu göstərir. Qeyd olunanlara əsasən məhkəmə hesab edir ki, müvəqqəti təminat tədbiri barədə ərizə üzrə müəyyən edilmiş məbləğdə dövlət rüsumu ödənilmədiyindən və dövlət rüsumunun ödənilməsini təsdiq edən sənəd əlavə edilmədiyindən hazırki iddia ərizəsi geri qaytarılmalıdır. Şərh olunanlara əsaslanaraq və Azərbaycan Respublikasının MPM-nin 152, 263- 264-cü maddələrini rəhbər tutaraq, QƏRARA ALDİ: İddiaçı ASC-nin Cavabdeh qarşı borcun ödənilməsi tələbinə dair iddia ərizəsi və ona əlavə edilmiş sənədlər geri qaytarılsın. Ərizəçiyə hazırkı ərizə ilə bağlı məhkəməyə ikinci dəfə müraciət etmək hüququnun olması izah olunsun. Qərardaddan, rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə (“Elektron məhkəmə” informasiya sistemində yaradılan kabinetdən elektron qaydada) şikayət verilə bilər. Sədrlik edən Samirə Eyvazova