Azərbaycan Respublikası adından QƏRARDAD Bakı şəhəri İş № e-2(011)-6852/2023 11.09.2023 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Samirə Eyvazova Əli qızı İddiaçı Cavabdehnə qarşı “borcun silinməsi” tələbinə dair iddia ərizəsini və ona əlavə olunmuş sənədləri araşdırıb, MÜƏYYƏN ETDİ:
1. İddiaçı Cavabdehnə qarşı “borcun silinməsi” tələbinə dair iddia ərizəsi ilə məhkəməyə müraciət etmişdir.
2. İddiaçı hesablanmış 1548.50 manat debitor borcunun silinməsi öhdəliyinin Cavabdeh üzərinə qoyulması və iddia ərizəsinin verilməsi üçün ödənilmiş 36 manat məbləğində dövlət rüsumunun Cavabdehndən tutularaq iddiaçıya ödənilməsi barədə qətnamə qəbul edilməsini xahiş etmişdir.
Tətbiq edilən hüquq:
3. Azərbaycan Respublikası Mülki Prosessual Məcəlləsi: 149.1. İddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. 149.2. Ərizədə aşağıdakılar göstərilməlidir: 149.2.3. iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb. 151.1. iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. 152.1.1. iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. 152.1.5. müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. 152.4. iddia ərizəsinin qaytarılması nöqsanlar aradan qaldırıldıqdan sonra ikinci dəfə məhkəməyə müraciət etmək hüququ izah olunur.
Məhkəmənin mövqeyi:
4. Məhkəmə ərizəni və ona əlavə edilmiş sənədləri nəzərdən keçirib hesab edir ki, ərizə geri qaytarılmalıdır.
5. Mülki prosessual qanunvericiliyin tələbinə əsasən ərizəçi ərizədə tələbini dəqiq və aydın göstərməli, tələbini əsaslandırdığı halları şərh etməlidir. Lakin iddia ərizəsinin xahiş edirəm hissəsindəki tələblə əsaslandırma hissəsindəki uyğunsuzluq səbəbindən tələb aydın və dəqiq deyil. (§3)
6. Ərizəçi tələblərinin əsası kimi istinad etdiyi fakt və hallar və onları təsdiq edən sübutları ərizəyə əlavə etməmişdir. Belə ki, ərizənin başlanğıc hissəsində “borcun silinməsi”, xahiş edirəm hissəsində “1548 manat debitor borcun silinməsi” qeyd edilməsinə baxmayaraq, iddia ərizəsinə tələbin əsası kimi istinad edilən heç bir fakt və halı təsdiq edən sübutlar əlavə edilməmiş, iddia tələbinin mahiyyəti ilə bağlı olmayan sənədlər əlavə etməklə kifayətlənilmişdir. Bu isə iddia ərizəsinin forma və məzmununa dair mülki prosessual qanunvericiliyin tələblərinin pozulmasıdır. (§3)
7. Qeyd olunanlara əsasən məhkəmə hesab edir ki, iddiaçının iddia ərizəsi geri qaytarılmalıdır.
8. İddiaçıya hazırkı ərizə ilə bağlı məhkəməyə yenidən müraciət etmək hüququnun olması izah olunur.
9. Şərh olunanlara əsaslanaraq və Azərbaycan Respublikasının MPM-nin 152, 263- 264-cü maddələrini rəhbər tutaraq,
QƏRARA ALDİ:
1. İddiaçı Cavabdehnə qarşı “borcun silinməsi” tələbinə dair iddia ərizəsi və ona əlavə edilmiş sənədlər geri qaytarılsın.
2. İddiaçıya hazırkı ərizə ilə bağlı məhkəməyə ikinci dəfə müraciət etmək hüququnun olması izah olunsun.
3. Qərardaddan, rəsmi qaydada verildiyi gündən 10 (on) gün müddətində Bakı şəhəri Xətai Rayon Məhkəməsinə (“Elektron məhkəmə” informasiya sistemində yaradılan kabinetdən elektron qaydada) şikayət verilə bilər.
Hakim: Samirə Eyvazova