Abşeron Rayon Məhkəməsi Qətnamə — İş №e-2(012)-2446/2025

Azərbaycan Respublikası adından QƏTNAMƏ Xırdalan şəhəri İş № e-2(012)-2446/2025 03.04.2025 ABŞERON RAYON MƏHKƏMƏSİ Abşeron Rayon Məhkəməsinin hakimi Məmmədov Elman Tofiq oğlu, İddiaçı "xxxx" MMC-nin Cavabdeh qarşı kiçik iddialara dair işlər üzrə sadələşdirilmiş icraat qaydasında məhkəmə qətnaməsinin çıxarılması ilə bağlı ərizəsinə və ona əlavə edilmiş sənədlərə baxaraq, müəyyən etdi: İddiaçı "xxxx" MMC kiçik iddiaya dair işlər üzrə sadələşdirilmiş icraat qaydasında ərizə ilə məhkəməyə müraciət edərək, Cavabdeh xx.xx.2024-cü il tarixli müqavilə üzrə Urbanista markalı qulaqlıq üçün 49,9 manat ödənilməmiş hissə, 14,97 manat cərimə, xx.xx.2024-cü il tarixli müqavilə üzrə İmei kodu **********85446 olan Samsung Galaxy A55 markalı telefon, Samsung UV sterilizator üçün 816,7 manat ödənilməmiş hissə, 245,01 manat cərimə, xx.xx.2024-cü il tarixli müqavilə üzrə İmei kodu **********06248 olan İphone 13 markalı telefon üçün 1646,84 manat ödənilməmiş hissə, 494,04 manat cərimə olmaqla, ümumilikdə 3267,42 manat borc və 52,68 manat dövlət rüsumunun əvəzinin alınaraq "xxxx" MMC-yə ödənilməsi barədə qətnamə çıxarılmasını xahiş etmişdir. İddiaçı "xxxx" MMC iddia ərizəsində göstərmişdir ki, Cavabdeh xx.xx.2024-cü il, xx.xx.2024cü il və xx.xx.2024-cü il tarixli müqavilələrə əsasən Urbanista markalı qulaqlıq, İmei kodu **********85446 olan Samsung Galaxy A55 markalı telefon, SAMSUNG UV sterilizator, İmei kodu **********06248 olan İphone 13 markalı telefon almış və 3267,42 manat borcu yaranmışdır. Belə ki, cavabdeh müqavilələrin şərtlərini pozmuş və nəticədə xx.xx.2024-cü il tarixli müqaviləyə əsasən alqı-satqı qiyməti 150,03 manat, Urbanista markalı qulaqlıq üçün 49,9 manat ödənilməmiş hissə, 14,97 manat cərimə; xx.xx.2024-cü il tarixli müqaviləyə əsasən alqı-satqı qiyməti 1100,04 manat, İmei kodu **********85446 olan Samsung Galaxy A55 markalı telefon, SAMSUNG UV sterilizator üçün 816,7 manat ödənilməmiş hissə, 245,01 manat cərimə; xx.xx.2024-cü il tarixli müqaviləyə əsasən alqı-satqı qiyməti 1744,02 manat, İmei kodu **********06248 olan İphone 13 markalı telefon üçün 1646,84 manat ödənilməmiş hissə, 494,04 manat cərimə olmaqla, ümumilikdə 3267,42 manat borcu yaranmışdır. Cavabdehin cəmi ödədiyi məbləğ 480,69 manat təşkil edir. Bunlara əsasən o, iddia tələbinin təmin edilməsini məhkəmədən xahiş etmişdir. İş materiallarında olan xx.xx.2024-cü il tarixli, ******* saylı müqavilədən görünür ki, Cavabdeh ilə "xxxx" MMC arasında müqavilə bağlanmış, həmin müqaviləyə əsasən Cavabdeh "xxxx" MMCdən Urbanista markalı qulaqlıq qəbul etmiş və malın qiymətini hissə-hissə olmaqla satıcıya ödəməyi öhdəsinə götürmüşdür. İş materiallarında olan xx.xx.2024-cü il tarixli, 05022920 saylı müqavilədən görünür ki, Cavabdeh ilə "xxxx" MMC arasında müqavilə bağlanmış, həmin müqaviləyə əsasən Cavabdeh "xxxx" MMC-dən İmei kodu **********85446 olan Samsung Galaxy A55 markalı telefon, SAMSUNG UV sterilizator qəbul etmiş və malların qiymətini hissə-hissə olmaqla satıcıya ödəməyi öhdəsinə götürmüşdür. İş materiallarında olan xx.xx.2024-cü il tarixli, 057294 saylı müqavilədən görünür ki, Cavabdeh ilə "xxxx" MMC arasında müqavilə bağlanmış, həmin müqaviləyə əsasən Cavabdeh "xxxx" MMC-dən İmei kodu **********06248 olan İphone 13 markalı telefon qəbul etmiş və malın qiymətini hissə-hissə olmaqla satıcıya ödəməyi öhdəsinə götürmüşdür. İş materiallarında olan 19 fevral 2025-ci il tarixli maliyyə və ödəniş cədvəlindən görünür ki, Cavabdeh "xxxx" MMC-yə xx.xx.2024-cü il tarixli müqaviləyə əsasən Urbanista markalı qulaqlıq üçün 49,9 manat ödənilməmiş hissə, 14,97 manat cərimə, xx.xx.2024-cü il tarixli müqavilə üzrə İmei kodu **********85446 olan Samsung Galaxy A55 markalı telefon, SAMSUNG UV sterilizator üçün 816,7 manat ödənilməmiş hissə, 245,01 manat cərimə, xx.xx.2024-cü il tarixli müqavilə üzrə İmei kodu **********06248 olan İphone 13 markalı telefon üçün 1646,84 manat ödənilməmiş hissə, 494,04 manat cərimə olmaqla, ümumilikdə 3267,42 manat borcu vardır. Məhkəmə iş materiallarını araşdırıb hesab edir ki, ərizəyə əlavə edilmiş sənədlər iş üzrə yekun qərarın çıxarılması üçün kifayət etdiyindən sadələşdirilmiş icraat qaydasında qətnamə qəbul edilməli və iddia qismən təmin edilməlidir. Bundan əlavə məhkəmə qeyd edir ki, iddiaçı şirkət tərəfindən ümumi borc məbləği hesablanarkən texniki səhvə yol verilərək iddia ərizəsində 19 fevral 2025-ci il tarixli maliyyə və ödəniş cədvəli əsasında cavabdehdən ümumilikdə 3267,46 manat əvəzinə 3267,42 manat məbləğində pulun tutulması xahiş edilmişdir. Belə olan təqdirdə məhkəmə hesab edir ki, iddiaçı şirkətin Cavabdeh ödəməsini tələb etdiyi ümumi borc məbləği 3267,46 manat olaraq qəbul edilməlidir. Mülki Məcəllənin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Mülki Məcəllənin 442-ci maddəsinə görə isə öhdəliyin icra edilməməsi dedikdə onun pozulması və lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlara və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Mülki Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Mülki Məcəllənin 445.1-ci maddəsinə əsasən icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Mülki Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Məhkəmə hesab edir ki, iddiaçının cavabdehdən öhdəliyi lazımınca icra etmədiyi üçün cərimə pulu almaq tələbinin də qanuni əsasları vardır. Belə ki, Mülki Məcəllənin 462.1-ci maddəsinə görə dəbbə pulu (cərimə, penya) qanun və ya müqavilə ilə müəyyənləşdirilən, öhdəliyin icra edilmədiyi və lazımınca icra edilmədiyi halda borclunun kreditora ödəməli olduğu pul məbləğidir. Ona görə də məhkəmə hesab edir ki, dəbbə pulu hissəsində də iddia tələbi təmin edilməlidir. Lakin cərimənin azaldılması cavabdehin maddi durumunu daha da yaxşılaşdıra biləcəyinə görə iddia tələbi qismən təmin edilərək, xx.xx.2024-cü il tarixli müqaviləyə əsasən hesablanmış 14,97 manat cərimə pulu 2 manat, xx.xx.2024-cü il tarixli müqaviləyə əsasən hesablanmış 245,01 manat cərimə pulu 10 manat, xx.xx.2024-cü il tarixli müqaviləyə əsasən hesablanmış 494,04 manat cərimə pulu isə 20 manat məbləğində olmalıdır. Mülki Məcəllənin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikası MPM-in 119.1-ci maddəsinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Məhkəmə Azərbaycan Respublikası Mülki Prosessual Məcəlləsinin 119.1-ci maddəsinə istinad edərək hesab edir ki, 52,68 manat dövlət rüsumu cavabdehdən tutularaq iddiaçı təşkilata ödənilməlidir. Azərbaycan Respublikası MPM-in 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası MPM-in 217.3-cü maddəsinə əsasən qətnamə iş üzrə müəyyən edilmiş hallara və tərəflərin qarşılıqlı münasibətinə uyğun əsaslandırılmalıdır. Azərbaycan Respublikası MPM-in 218.3-cü maddəsinə əsasən hakim işdə iştirak edən şəxslərin verdiyi tələblər üzrə qətnamə çıxarır. Azərbaycan Respublikası MPM-in 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 284-1 və 360-cı maddələrini rəhbər tutub, məhkəmə qət etdi: İddia qismən təmin edilsin. Cavabdeh xx.xx.2024-cü il tarixli müqavilə üzrə Urbanista markalı qulaqlıq üçün 49,9 manat ödənilməmiş hissə, 5 manat cərimə, xx.xx.2024-cü il tarixli müqavilə üzrə İmei kodu **********85446 olan Samsung Galaxy A55 markalı telefon, SAMSUNG UV sterilizator üçün 816,7 manat ödənilməmiş hissə, 10 manat cərimə, xx.xx.2024-cü il tarixli müqavilə üzrə İmei kodu **********06248 olan İphone 13 markalı telefon üçün 1646,84 manat ödənilməmiş hissə, 20 manat cərimə olmaqla, ümumilikdə 2548,44 manat manat borc və dövlət rüsumuna görə ödənilmiş 52,68 manat alınaraq iddiaçı "xxxx" MMC-yə ödənilsin. Qətnamə rəsmi qaydada verildiyi gündən 1 (bir) ay müddətində Abşeron Rayon Məhkəməsi vasitəsi ilə Azərbaycan Respublikası Sumqayıt Apellyasiya Məhkəməsinə (“Elektron məhkəmə” informasiya sistemində yaradılan elektron kabinetdən istifadə etməklə) apellyasiya şikayəti verilə bilər. Hakim: Elman Məmmədov