Abşeron Rayon Məhkəməsi Qətnamə — İş №e-2(012)-4152/2023

Azərbaycan Respublikası adından QƏTNAMƏ Xırdalan şəhəri İş № e-2(012)-4152/2023 22.11.2023 ABŞERON RAYON MƏHKƏMƏSİ Hakim Məmmədov Elman Tofiq oğlunun sədrliyi, Məmmədov Mirabbas Seyidxan oğlunun katibliyi ilə, İddiaçı Cavabdeh qarşı pul tələbinə dair mülki işə Abşeron Rayon Məhkəməsinin binasında açıq məhkəmə iclasında baxaraq, müəyyənetdi: İddiaçı iddia ərizəsi ilə məhkəməyə müraciət edərək, Cavabdeh 23 mart 2019-cu il tarixli, RSK5685658 saylı müqavilə üzrə 1254 manat əsas borc, 376 manat dəbbə pulu, 26 avqust 2019cu il tarixli, RSK5722944 saylı müqavilə üzrə 1370 manat əsas borc, 411 manat dəbbə pulu, 20 oktyabr 2019-cu il tarixli, RSK5761297 saylı müqavilə üzrə 1826 manat əsas borc, 548 manat dəbbə pulu, 78 manat ödənilmiş dövlət rüsumu olmaqla, cəmi 5863 manat pulun onun xeyrinə tutulması barədə qətnamə çıxarılmasını xahiş etmişdir. İddiaçı məhkəməyə ərizə ünvanlayaraq bildirmişdir ki, səhhətində olan problemlərlə əlaqədar olaraq məhkəmə iclaslarında iştirakı mümkün olmayacaqdır. İddia ərizəsini müdafiə edərək, bütün məhkəmə iclaslarının iştirakı olmadan keçirilməsini və Cavabdeh cəmi 5863 manat pulun onun xeyrinə tutulması haqqında yekun məhkəmə aktının çıxarılmasını xahiş etmişdir. İddiaçı iddia ərizəsində göstərmişdir ki, 23 mart 2019-cu il tarixlində Cavabdeh ilə aralarında RSK5685658 nömrəli hissə-hissə ödənişlə alqı-satqı müqavilələri bağlanmışdır. Müqavilənin 1.1ci maddəsinə əsasən RSK5685658 nömrəli müqavilə üzrə 2050 manat dəyəri olan 1 ədəd “Samsung” markalı televizor almış, ilkin ödəniş olaraq 82 manat ödəniş etmiş nəticədə 1968 manat borc yaranmışdır. 26 avqust 2019-cu il tarixli, RSK5722944 saylı müqaviləyə əsasən ümumi dəyəri 1750 manat olan 1 ədəd “LG” markalı televizor almış,ilkin ödəniş olarq 70 manat ödəniş etmiş,nəticədə 1680 manat borc yaranmışdır. 20 oktyabr 2019-cu il tarixli, RSK5761297 saylı müqaviləyə əsasən ümumi dəyəri 2016 manat olan 1 ədəd “Samsung” markalı televizoru almış,ilkin ödəniş olaraq 0 manat ödəniş etmiş,nəticədə 2016 manat borc yaranmışdır.Cavabdeh tərəfindən 23 mart 2019-cu il tarixli, RSK5685658 saylı müqaviləsi üzrə sonuncu dəfə xx.xx.2021ci il tarixdə 20 manat ödəniş etmiş, , 26 avqust 2019-cu il tarixli, RSK5722944 saylı müqavilə üzrə sonucu dəfə xx.xx.2021-ci il tarixdə 20 manat ödəniş etmiş, 20 oktyabr 2019-cu il tarixli, RSK5761297 saylı müqavilə üzrə sonucu dəfə xx.xx.2021-ci il tarixdə 20 manat ödəniş etmişdir.Tərəfindən dəfələrlə edilmiş yazılı və şifahi xəbərdarlıqlara baxmayaraq borcun ödənilməsi təmin edilməmişdir. Qeyd olunanlara əsasən o, iddia tələbinin təmin edilməsini məhkəmədən xahiş etmişdir. Məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq iş üzrə Cavabdeh məhkəmə iclasına gəlməmiş və gəlməməs səbəbi barədə məlumat verməmişdir. Azərbaycan Respublikası MPM-in 185.5-ci maddəsinə əsasən məhkəmə işə cavabdehin iştirakı olmadan baxmağı məqsədə müvafiq hesab etmişdir. İş materiallarında olan 23 mart 2019-cu il tarixli, RSK5685658 saylı müqavilədən görünür ki, "Soliton" mağazasının sahibi, fiziki şəxs İddiaçı ilə Cavabdeh arasında müqavilə bağlanmış və Cavabdeh müqavilənin şərtlərinə əsasən 2050 manat dəyəri olan 1 ədəd “Samsung” markalı televizoru alıcıya hissə-hissə ödənişlə satmaq öhdəliyini öz üzərinə götürmüşdür. İş materiallarında olan 26 avqust 2019-cu il tarixli, RSK5722944 saylı müqavilədən görünür ki, "Soliton" mağazasının sahibi, fiziki şəxs İddiaçı ilə Cavabdeh arasında müqavilə bağlanmış və Cavabdeh müqavilənin şərtlərinə əsasən 1750 manat dəyəri olan 1 ədəd “LG” markalı televizoru alıcıya hissə-hissə ödənişlə satmaq öhdəliyini öz üzərinə götürmüşdür. İş materiallarında olan 20 oktyabr 2019-cu il tarixli, RSK5761297 saylı müqavilədən görünür ki, "Soliton" mağazasının sahibi, fiziki şəxs İddiaçı ilə Cavabdeh arasında müqavilə bağlanmış və Cavabdeh müqavilənin şərtlərinə əsasən 2016 manat dəyəri olan 1 ədəd “Samsung” markalı televizoru alıcıya hissə-hissə ödənişlə satmaq öhdəliyini öz üzərinə götürmüşdür. İş materiallarında olan 27 iyul 2023-cü il tarixli maliyyə arayışından görünür ki, Cavabdeh 23 mart 2019-cu il tarixli, RSK5685658 saylı müqavilə üzrə 1254 manat əsas borc, 376 manat dəbbə pulu, 26 avqust 2019-cu il tarixli, RSK5722944 saylı müqavilə üzrə 1370 manat əsas borc, 411 manat dəbbə pulu, 20 oktyabr 2019-cu il tarixli, RSK5761297 saylı müqavilə üzrə 1826 manat əsas borc, 548 manat dəbbə pulu, 78 manat ödənilmiş dövlət rüsumu olmaqla, cəmi 5863 manat borcu vardır. Məhkəmə iş materiallarını araşdırıb, mümkün və mötəbər sübutların məcmusuna hüquqi qiymət verərək belə nəticəyə gəlir ki, iddia qismən təmin edilməlidir. Belə ki, tərəflər arasında 23 mart 2019-cu il tarixli, RSK5685658 saylı, , 26 avqust 2019-cu il tarixli, RSK5722944 saylı və 20 oktyabr 2019-cu il tarixli, RSK5761297 saylı müqavilələr bağlanmışdır. Bu müqavilələr Azərbaycan Respublikası Mülki Məcəlləsi ilə müəyyən olunmuş qaydada tam fəaliyyət qabiliyyətli şəxslər arasında bağlanmış və onun etibarsızlığına səbəb ola biləcək digər hallar da mövcud deyildir. Mülki Məcəllənin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Mülki Məcəllənin 425.1-ci maddəsinə görə öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidirlər. 23 mart 2019-cu il tarixli, RSK5685658 saylı, , 26 avqust 2019-cu il tarixli, RSK5722944 saylı və 20 oktyabr 2019-cu il tarixli, RSK5761297 saylı müqavilələr üzrə Cavabdeh üzərinə götürdüyü öhdəliyi, yəni borc məbləğini alqı-satqı müqaviləsinə və ödəmə cədvəlinə uyğun olaraq tam ödəməmiş və öhdəliklərini pozmuşdur. Mülki Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Mülki Məcəllənin 443.1-ci maddəsinə əsasən, öhdəliyini icra etməyən borclu kreditora dəymiş zərərin əvəzini ödəməyə borcludur. Borclunun üzərinə öhdəliyi pozmağa görə məsuliyyət qoyulmadıqda bu qayda qüvvədə olmur. Mülki Məcəllənin 445.1-ci maddəsinə əsasən, icranı geçikdirmiş borclu geçikdirmə nəticəsində vurduğu zərər üçün və geçikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Mülki Məcəllənin 445.2.1-ci maddəsinə görə öhdəliyin onun icrası üçün müəyyənləşdirilmiş müddətdə icra edilməməsi borclunun icranı geçikdirməsi sayılır və icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Mülki Məcəllənin 448.1-ci maddəsinə görə əgər bu Məcəllə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 739.1-ci maddəsinə əsasən, borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyət və miqdarda olan eyni növlü əşyalar şəklində borc verənə qaytarmağı öhdəsinə götürür. Məhkəmə hesab edir ki, iddiaçının cavabdehdən öhdəliyi lazımınca icra etmədiyi üçün cərimə pulu almaq tələbinin də qanuni əsasları vardır. Belə ki, Mülki Məcəllənin 462.1-ci maddəsinə görə dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və lazımınca icra edilmədiyi halda borclunun kreditora ödəməli olduğu pul məbləğidir. Ona görə də məhkəmə hesab edir ki, dəbbə pulu hissəsində də iddia tələbi təmin edilməlidir. Lakin məhkəmə cərimə pulunun yüksək hesablandığı qənaətinə gəlir. Belə ki, cərimə borcunun azaldılması cavabdehin maddi durumunu daha da yüngülləşdirə bilər. Ona görə də məhkəmə hesab edir ki, 23 mart 2019cu il tarixli, RSK5685658 saylı, müqaviləyə əsasən hesablanmış 376 manat məbləğində cərimə pulu 10 manat məbləğində, 26 avqust 2019-cu il tarixli, RSK5722944 saylı müqaviləyə əsasən hesablanmış 411 manat məbləğində cərimə pulu 10 manat məbləğində və 20 oktyabr 2019-cu il tarixli, RSK5761297 saylı müqaviləyə əsasən hesablanmış 548 manat məbləğində cərimə pulu 10 manat məbləğində olmalıdır. Məhkəmə həmçinin Azərbaycan Respublikası MPM-in 119.1-ci maddəsinə istinad edərək hesab edir ki, iddiaçının məhkəməyə müraciət etmək üçün dövlət rüsumu kimi ödədiyi 78 manat da cavabdehdən alınmalı və iddiaçıya ödənilməlidir. Azərbaycan Respublikası MPM-nin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikası MPM-nin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası MPM-nin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında təqdim olunmuş sübutlarla əsaslandırır. Qeyd edilənlərə əsasən və Azərbaycan Respublikası MPM-nin 216-220-ci maddələrini rəhbər tutaraq, məhkəmə qətetdi: İddia qismən təmin edilsin. Cavabdeh 23 mart 2019-cu il tarixli, RSK5685658 saylı müqavilə üzrə 1254 manat əsas borc, 10 manat dəbbə pulu, 26 avqust 2019-cu il tarixli, RSK5722944 saylı müqavilə üzrə 1370 manat əsas borc, 10 manat dəbbə pulu, 20 oktyabr 2019-cu il tarixli, RSK5761297 saylı müqavilə üzrə 1826 manat əsas borc, 10 manat dəbbə pulu, 78 manat ödənilmiş dövlət rüsumu olmaqla, cəmi 4480 manat pul alınaraq İddiaçı ödənilsin. Qətnamə rəsmi qaydada verildiyi gündən 1 (bir) ay müddətində Abşeron Rayon Məhkəməsi vasitəsi ilə Azərbaycan Respublikası Sumqayıt Apellyasiya Məhkəməsinə apellyasiya şikayəti verilə bilər Hakim: Elman Məmmədov