Abşeron Rayon Məhkəməsi Qərardad — İş №e-2(012)-4951/2025

Azərbaycan Respublikası adından QƏRARDAD Xırdalan şəhəri İş № e-2(012)-4951/2025 08.08.2025 ABŞERON RAYON MƏHKƏMƏSİ Abşeron Rayon Məhkəməsinin hakimi Abbasova Məlahət Aslan qızı, Ərizəçi MMC-nin malların müəyyən edilmiş müddətlərdə idxal edilməsi barədə ərizəsini və ərizəyə əlavə olunmuş sənədləri nəzərdən keçirib, MÜƏYYƏNETDİM: Ərizəçi MMC ərizə ilə məhkəməyə müraciət edərək, Ərizəçi MMC ilə “SUNPA X1 İth.İhr.San.Tic.LTD” Şirketi arasında bağlanmış xx.xx.2020-ci il tarixli 05/20 nömrəli və xx.xx.2021-ci il tarixli 2020/05/26 nömrəli müqavilələrə əsasən Ərizəçi MMC tərəfindən xx.xx.2021-ci il tarixdə 299690 ABŞ dolları məbləğində xaricə avans olaraq köçürülmüş vəsait müqabilində müqavilələrdə nəzərdə tutulmuş malların müəyyən edilmiş müddətlərdə idxal edilməsi hüquqi əhəmiyyətli faktının müəyyən edilməsi barədə qətnamə qəbul edilməsini məhkəmədən xahiş etmişdir. Ərizəni və işin materiallarını nəzərdən keçirib hesab edirəm ki, aşağıda göstərilənlərə əsasən ərizə və ona əlavə olunmuş sənədlər ərizəçiyə geri qaytarılmalıdır. Mülki-Prosessual Məcəllənin 307.2.11-ci maddəsinə əsasən məhkəmə qanunvericilikdə müəyyən edilməsinin başqa qaydası nəzərdə tutulmamışsa, hüquqi əhəmiyyəti olan digər faktların müəyyən edilməsi barədə işlərə baxır. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Ərizədən görünür ki, ərizəçi malların müəyyən edilmiş müddətlərdə idxal edilməsi faktını təsdiq edən lazımi sənədləri başqa qaydada ala bilməməsinə dair sübutları məhkəməyə təqdim etməmişdir. Mülki-Prosessual Məcəllənin 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 263, 264, 267 və 268-ci maddələrinin tələblərini rəhbər tutaraq, QƏRARAALDİM: Ərizəçi MMC-nin malların müəyyən edilmiş müddətlərdə idxal edilməsi barədə ərizəsi və ona əlavə edilmiş sənədlər geri qaytarılsın. Ərizəçi MMC-nin hazırki mülki iş (e-2(012)-4951/2025 saylı mülki iş) üzrə ödəmiş olduğu 100 manat məbləğində dövlət rüsumu (**********47 saylı qəbz) dövlət büdcəsinin vəsaiti hesabından Ərizəçi MMC-yə (VÖEN: **********) qaytarılsın. Qərardaddan qərardadın rəsmi qaydada verildiyi gündən 10 (on) gün müddətində “Elektron məhkəmə” informasiya sistemində yaradılan elektron kabinetdən Abşeron Rayon Məhkəməsinə şikayət verilə bilər. Hakim: Məlahət Abbasova