Ağdaş Rayon Məhkəməsi Qətnamə — İş №e-2(014)-1197/2024

Azərbaycan Respublikası adından QƏTNAMƏ Ağdaş rayonu İş № e-2(014)-1197/2024 10.09.2024 AĞDAŞ RAYON MƏHKƏMƏSİ Ağdaş Rayon Məhkəməsinin hakimi Sultanov Cavid Rizvan oğlu İddiaçı MMC-nin Cavabdeh qarşı borc tələbinə dair kiçik mübahisələr üzrə iddia ərizəsinə dair mülki işə sadələşdirilmiş icraat qaydasında baxaraq, MÜƏYYƏN ETDİ: İddiaçı MMC Cavabdeh qarşı borc tələbinə dair sadələşdirilmiş icraat qaydasında kiçik mübahisələr üzrə iddia ərizəsi ilə məhkəməyə müraciət etmişdir. Tələb onunla əsaslandırılmışdır ki, cavabdeh ilə, "xxxx" MMC arasında bağlanmış xx.xx.2022-ci il, xx.xx.2022-ci il, xx.xx.2023-ci il, xx.xx.2022-ci il tarixlərindəki müqavilələrə əsasən İmei kod SM4WGJ30CGJ İPAD 9 markalı planşet, LENOVO kompüter, İmei kod **********74701 SAMSUNG GALAXY A53 markalı telefon, PLAYSTATİON 5 almış və nəticədə 1095 (min doxsan beş) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2022-ci il tarixli müqaviləsinə əsasən, alqı-satqı qiyməti 1318.04 (min üç yüz on səkkiz manat dörd qəp) manat (18 ay x 68.78 manat + 80 manat ilkin ödəniş) olan İmei kod SM4WGJ30CGJ İPAD 9 markalı planşet üçün ümumilikdə 250 (iki yüz əlli) manat olmaqla ondan, 227.06 (iki yüz iyirmi yeddi manat altı qəp) manat ödənilməmiş hissə, 22.94 (iyirmi iki manat doxsan dörd qəp) manat cərimə pulu; xx.xx.2022-ci il tarixli müqaviləsinə əsasən, alqı-satqı qiyməti 1420.06 (min dörd yüz iyirmi manat altı qəp) manat (18 ay x 76.74 manat + 38.74 manat ilkin ödəniş) olan LENOVO kompüter üçün 223 (iki yüz iyirmi üç) manat olmaqla ondan, 202.39 (iki yüz iki manat otux doqquz qəp) manat ödənilməmiş hissə, 20.61 (iyirmi manat altmış bir qəp) manat cərimə pulu; xx.xx.2023-ci il tarixli müqaviləsinə əsasən, alqı-satqı qiyməti 692.92 (altı yüz doxsan iki manat doxsan iki qəp) manat (18 ay x 37.94 manat + 10 manat ilkin ödəniş) olan İmei kod **********74701 SAMSUNG GALAXYA53 markalı telefonüçün 337 (üç yüz otuz yeddi) manat olmaqla ondan 306.72 (üç yüz altı manat yetmiş iki qəp) manat ödənilməmiş hissə, 30.28 (otuz manat iyirmi səkkiz qəp) manat cərimə pulu; xx.xx.2022-ci il tarixli müqaviləsinə əsasən, alqı-satqı qiyməti 1552.03 (min beş yüz əlli iki manat üç qəpik) manat (18 ay x 80.69 manat + 99.61 manat ilkin ödəniş) PLAYSTATİON 5 üçün 285 (iki yüz səksən beş) manat olmaqla ondan 259.83 (iki yüz əlli doqquz manat səksən üç qəpik) manat ödənilməmiş hissə, 25.17 (iyirmi beş manat on yeddi qəp) manat cərimə pulu miqdarında borc yaranmışdır. Cavabdehin cəmi ödədiyi məbləğ 3987.05 manat təşkil edir. Cavabdehlə aramızda xx.xx.2022-ci il, xx.xx.2022-ci il, xx.xx.2023-ci il, xx.xx.2022-ci il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aramızda olan telefon danışığı, həmçinin göndərdiyimiz xx.xx.2024-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsəkdə, qarşı tərəf müqavilə ilə təsbit olunmuş öhdəlikləri icra etməmişdir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Yuxarıda göstərilənlərlə əlaqədar xx.xx.2022-ci il tarixli müqaviləyə əsasən, İmei kod SM4WGJ30CGJ İPAD 9 markalı planşeütçün 227.06 (iki yüz iyirmi yeddi manat altı qəp) manat ödənilməmiş hissə, 22.94 (iyirmi iki manat doxsan dörd qəp) manat cərimə pulu, xx.xx.2022-ci il tarixli müqaviləyə əsasən, LENOVO kompüter üçün 202.39 (iki yüz iki manat otux doqquz qəp) manat ödənilməmiş hissə, 20.61 (iyirmi manat altmış bir qəp) manat cərimə pulu, xx.xx.2023-ci il tarixli müqaviləyə əsasən, İmei kod **********74701 SAMSUNG GALAXY A53 markalı telefon üçün 306.72 (üç yüz altı manat yetmiş iki qəp) manat ödənilməmiş hissə, 30.28 (otuz manat iyirmi səkkiz qəp) manat cərimə pulu, xx.xx.2022-ci il tarixli müqaviləyə əsasən, PLAYSTATİON 5üçün 259.83 (iki yüz əlli doqquz manat səksən üç qəpik) manat ödənilməmiş hissə, 25.17 (iyirmi beş manat on yeddi qəp) manat cərimə Ümumilikdə 1095 manat borc və 30.95 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılmasını xahiş edir. Azərbaycan Respublikası Mülki-Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmə İddiaçı MMC-nin Cavabdeh qarşı borcun tələbinə dair kiçik mübahisələr üzrə iddia ərizəsinə dair mülki işə sadələşdirilmiş icraat qaydasında baxılmasını mümkün hesab etmiş və buna görə də, Mülki-Prossesual Qanunvericiliyin tələblərinə uyğun olaraq “bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək” hüququnun izah olunması barədə bildiriş müvafiq qaydada cavabdehə göndərilmişdir. Məhkəmə kiçik mübahisələr üzrə iddia ərizəsini və işin faktiki hallarını araşdırıb, işdə olan sənədləri tədqiq etməklə sübutları qiymətləndirərək hesab edir ki, aşağıda göstərilənlərə əsasən iddia tələbi qismən təmin edilməlidir. Belə ki, işin materiallarında olan İddiaçı MMC ilə Cavabdeh arasında bağlanmış xx.xx.2022-ci il tarixli, ******* saylı müqaviləsinə əsasən, İddiaçı MMC Cavabdeh 18 ay müddətinə hər ay 76,74 manat olmaqla ümumilikdə 1420,06 manat qiyməti olan Lenovo V15 markalı noutbook satmışdır. İşin materiallarında olan İddiaçı MMC ilə Cavabdeh arasında bağlanmış xx.xx.2022ci il tarixli, 03731795 saylı müqaviləsinə əsasən, İddiaçı MMC Cavabdeh 18 ay müddətinə hər ay 68,78 manat olmaqla ümumilikdə 1317,98 manat qiyməti olan İpad 9 (2021) 64 GB Wİ-Fİ Silver markalı mobil telefon satmış, eyni zamanda X1 2 il verilmişdir. İşin materiallarında olan İddiaçı MMC ilə Cavabdeh arasında bağlanmış xx.xx.2022ci il tarixli, 116830 saylı müqaviləsinə əsasən, İddiaçı MMC Cavabdeh 18 ay müddətinə hər ay 80,69 manat olmaqla ümumilikdə 1552,03 manat qiyməti olan Playstation 5 825GB satmışdır. İşin materiallarında olan İddiaçı MMC ilə Cavabdeh arasında bağlanmış xx.xx.2023cü il tarixli, 03083357 saylı müqaviləsinə əsasən, İddiaçı MMC Cavabdeh 18 ay müddətinə hər ay 37,94 manat olmaqla ümumilikdə 693,01 manat qiyməti olan Samsung A53 DS markalı mobil telefon satmışdır. İşin materiallarında olan İddiaçı MMC tərəfindən Cavabdeh göndərilmiş xx.xx.2024cü il tarixli bildiriş (xəbərdarlıq) məktubundan görünür ki, İddiaçı MMC borcalana xx.xx.2022-ci il, xx.xx.2022-ci il, xx.xx.2023-ci il, xx.xx.2022-ci il tarixlərindəki müqavilələrə əsasən cavabdeh üzərinə götürdüyü öhdəlikləri icra etmədiyi üçün ona xəbərdarlıq etmişdir. İşin materiallarında olan İddiaçı MMC tərəfindən verilmiş 08 iyul 2024-cü il tarixli maliyyə arayışından görünür ki, İddiaçı MMC ilə Cavabdeh arasında bağlanmış xx.xx.2022-ci il, xx.xx.2022-ci il, xx.xx.2023-ci il, xx.xx.2022-ci il tarixlərindəki müqavilələrə əsasən Cavabdeh 08 iyul 2024-cü il tarixə hər dörd müqavilə üzrə ümumi borcu 1095 (min doxsan beş) manat təşkil edir. İşin materiallarında olan mədaxil qəbzindən görünür ki, İddiaçı MMC Ağdaş Rayon Məhkəməsinə iddia ilə müraciət etmək üçün 30,95 (otuz manat doxsan beş qəpik) manat dövlət rüsumu ödəmiş və bunun üçün 40 (qırx) qəpik bank xidmət haqqı tutulmuşdur. Beləliklə, məhkəmə iclasında müəyyən olundu ki, "xxxx" MMC ilə Cavabdeh arasında bağlanmış xx.xx.2022-ci il, xx.xx.2022-ci il, xx.xx.2023-ci il, xx.xx.2022-ci il tarixlərindəki müqavilələrə əsasən Cavabdeh üzərinə düşən öhdəliyini tam icra etməmiş və nəticədə onun İddiaçı MMC-yə hər dörd müqavilə üzrə ümumilikdə 1095 manat məbləğində borcu yaranmışdır. Azərbaycan Respublikası Mülki Məcəlləsinin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 601.2-ci maddəsində göstərilmişdir ki, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. Belə ki, Mülki Məcəllənin 600.2-ci maddəsinə əsasən əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Həmin Məcəllənin 600.5-ci maddəsinə əsasən alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alqısatqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək bu Məcəllənin 449-cu maddəsinə uyğun faizlər ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. Eyni Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə həmin Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, məhkəmə toplanmış sübutlara məcmu halda hüquqi qiymət verərək hesab edir ki, iddia tələbi qismən təmin edilməli, Cavabdeh 227,06 (iki yüz iyirmi yeddi manat altı qəpik) manat əsas borc, 22,94 (iyirmi iki manat doxsan dörd qəpik) manat cərimə borcu 202,39 (iki yüz iki manat otuz doqquz qəpik) manat əsas borc, 20,61 (iyirmi manat altmış bir qəpik) manat cərimə borcu, xx.xx.2023-ci il tarixli müqaviləyə əsasən 306,72 (üç yüz altı manat yetmiş iki qəpik) manat əsas borc, 30,28 (otuz manat iyirmi səkkiz qəpik) manat cərimə borcu, xx.xx.2022-ci il tarixli müqaviləyə əsasən 259,83 (iki yüz əlli doqquz manat səksən üç qəpik) manat əsas borc, 25,17 (iyirmi beş manat on yeddi qəpik) manat cərimə borcu olmaqla hər dörd müqavilə üzrə ümumilikdə 1095 (min doxsan beş) manat borc və 30,95 (otuz manat doxsan beş qəpik) manat ödənilmiş dövlət rüsumunun əvəzi tutularaq İddiaçı MMC-yə verilməli, iddia tələbi qalan hissədə təmin edilməməlidir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 76.1 və 76.2-ci maddəsinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyətli olan başqa halların mövcud olduğunu və ya olmadığını məhkəmə müəyyən edərkən həmin Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. Eyni Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası MPM-in 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Qeyd olunan Məcəllənin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 216-220, 227, 233 və 360-cı maddələrini rəhbər tutaraq, məhkəmə QƏT ETDİ: İddia tələbi qismən təmin edilsin. Cavabdeh 227,06 (iki yüz iyirmi yeddi manat altı qəpik) manat əsas borc, 22,94 (iyirmi iki manat doxsan dörd qəpik) manat cərimə borcu 202,39 (iki yüz iki manat otuz doqquz qəpik) manat əsas borc, 20,61 (iyirmi manat altmış bir qəpik) manat cərimə borcu, xx.xx.2023-ci il tarixli müqaviləyə əsasən 306,72 (üç yüz altı manat yetmiş iki qəpik) manat əsas borc, 30,28 (otuz manat iyirmi səkkiz qəpik) manat cərimə borcu, xx.xx.2022-ci il tarixli müqaviləyə əsasən 259,83 (iki yüz əlli doqquz manat səksən üç qəpik) manat əsas borc, 25,17 (iyirmi beş manat on yeddi qəpik) manat cərimə borcu olmaqla hər dörd müqavilə üzrə ümumilikdə 1095 (min doxsan beş) manat borc və 30,95 (otuz manat doxsan beş qəpik) manat ödənilmiş dövlət rüsumunun əvəzi tutularaq İddiaçı MMC-yə verilsin. İddia tələbi qalan hissədə təmin edilməsin. Qətnamədən tərəflərə rəsmi qaydada verildiyi gündən 1 (bir) ay müddətində Ağdaş Rayon Məhkəməsi vasitəsi ilə Şəki Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədikdə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim Cavid Sultanov