Ağsu Rayon Məhkəməsi Qətnamə — İş №e-2(016)-1309/2025

Azərbaycan Respublikası adından QƏTNAMƏ Ağsu rayonu İş № e-2(016)-1309/2025 10.10.2025 AĞSU RAYON MƏHKƏMƏSİ X1 İddiaçı "xxxx" MMC-nin Cavabdeh qarşı “borcun tutulması” tələbinə dair kiçik iddia ərizəsi üzrə mülki işə məhkəmənin inzibati binasında sadələşdirilmiş icraat qaydasında baxaraq MÜƏYYƏN ETDİ: İddiaçı "xxxx" Məhdud Məsuliyyətli Cəmiyyəti Cavabdeh qarşı “borcun tutulması” tələbinə dair kiçik iddia ərizəsi ilə məhkəməyə müraciət edərək xx.xx.2024-cü il tarixli müqaviləyə əsasən, İmei kodu **********99284 Samsung Galaxy A25 markalı telefon, Vinil Şəffaf xidməti, Plyonka İstehsal Xidməti, PAKET L xidməti, X4 2 il xidməti üçün 673,13 manat ödənilməmiş hissə, İnnovativ Layihələr Mərkəzinə müqavilə üzrə 23,6 manat, 67,31 manat cərimə, xx.xx.2024-cü il tarixli müqaviləyə əsasən, İmei kodu **********66546 XİAOMİ REDMİ NOTE 13 markalı telefon, PAKET X xidməti üçün 442,72 manat ödənilməmiş hissə, İnnovativ Layihələr Mərkəzinə müqavilə üzrə 23,6 manat, 44,27 manat cərimə, ümumilikdə 1274,64 manat borc və 32,75 manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. Cavabdehə rəsmi qaydada bildiriş göndərilmiş, lakin Azərbaycan Respublikası Mülki- Prosessual Məcəlləsinin (bundan sonra - MPM) 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı hər hansı əsaslandırılmış etirazı məhkəməyə göndərməmişdir. İş materiallarında olan və məhkəmə tərəfindən tədqiq edilmiş: - "xxxx" MMC ilə Cavabdeh arasında bağlanmış xx.xx.2024-cü il tarixli 06653294 nömrəli müqavilədən və ona əlavələrdən görünür ki, cavabdeh iddiaçıdan kredit yolu ilə ilkin ödənişsiz 808,03 manat məbləğində tam qüsursuz nisyə aldığı malların dəyərini müqaviləyə əlavə olan ödəniş cədvəlinə uyğun olaraq hissə-hissə ödəməyi öhdəsinə götürmüşdür. - "xxxx" MMC ilə Cavabdeh arasında bağlanmış xx.xx.2024-cü il tarixli ********** nömrəli müqavilədən və ona əlavələrdən görünür ki, cavabdeh iddiaçıdan kredit yolu ilə ilkin ödənişsiz 531,97 manat məbləğində tam qüsursuz nisyə aldığı malların dəyərini müqaviləyə əlavə olan ödəniş cədvəlinə uyğun olaraq hissə-hissə ödəməyi öhdəsinə götürmüşdür. - xx.xx.2025-ci il tarixli maliyyə arayışından görünür ki, cavabdehin iddiaçıya hər iki müqavilə üzrə cəmi 1274,64 manat borcu vardır. - xx.xx.2025-ci il tarixli arayışdan görünür ki, iddiaçı tərəfindən İnnovativ Layihələr Mərkəzinə müqavilə üzrə cəmi 47,2 manat məbləğində rüsum ödənilmişdir. - Xəbərdarlıq məktublarından görünür ki, cavabdeh borcu ödəmədiyi təqdirdə barəsində məhkəmə qaydasında iddia qaldırılacağı barədə xəbərdar olunmuşdur. - Mədaxil qəbzindən görünür ki, 32,75 manat dövlət rüsumu ödənilmişdir. Məhkəmə baxışında tədqiq olunmuş sübutlarla müəyyən edilmişdir ki, cavabdeh üzərinə götürdüyü öhdəliyi vaxtında icra etməmiş, iddiaçıya olan borcunu müqavilə ilə nəzərdə tutulan vaxtda və qaydada ödəməmiş, bununla da müqavilənin şərtlərini pozmuşdur. Məhkəmə Azərbaycan Respublikası Mülki Məcəlləsinin 385.1, 386.1, 425.1, 427.3, 442, 443.1, 448.1, 462.1, 465.2 və 600.1-ci maddələrinin tələblərinə və işin faktiki hallarına əsasən hesab edir ki, məhkəmədə müəyyən olunmuş faktiki hallar tərəflər arasındakı hüquqi münasibətlərə uyğun gəldiyindən, eləcə də alıcı-cavabdeh müqavilə üzrə satıcıiddiaçı qarşısında öhdəlik götürdüyündən və alıcı-cavabdeh müqavilə üzrə onun risk dairəsinə daxil olan öhdəliklərin icra edilmədiyi bütün hallar üçün məsuliyyət daşıdığından, yaranmış borc məbləğini və digər xərcləri ödəməlidir. İddiaçının cərimə tələbi ilə bağlı məhkəmə bildirir ki, gecikdirilmiş 673,13 manat borca görə 67,31 manat cərimə, 442,72 manat borca görə 44,27 manat cərimə tənasübsüz sürətdə yüksək məbləğdir. Odur ki, tərəflərin əmlak mənafeləri nəzərə alınmaqla, cavabdehdən müvafiq olaraq 5 manat və 4 manat cərimə tutulmalı, tələb qalan hissədə rədd edilməlidir. MM-in 462.1-ci və 467-ci maddələrinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Məhkəmə işin hallarını nəzərə alaraq tənasübsüz sürətdə yüksək dəbbə pulunu azalda bilər. Tənasüb müəyyənləşdirərkən kreditorun həm əmlak mənafeləri, həm də bütün əsaslı mənafelər nəzərə alınır. Beləliklə, məhkəmə işin hallarını araşdıraraq və MPM-in 284-5.3 və 284-6.1-ci maddələrinə əsaslanaraq belə nəticəyə gəlir ki, iddia qismən təmin edilməli, xx.xx.2024cü il tarixli müqaviləyə əsasən, İmei kodu **********99284 Samsung Galaxy A25 markalı telefon, Vinil Şəffaf xidməti, Plyonka İstehsal Xidməti, PAKET L xidməti, X4 2 il xidməti üçün 673,13 manat ödənilməmiş hissə, İnnovativ Layihələr Mərkəzinə müqavilə üzrə 23,6 manat, 5 manat cərimə, xx.xx.2024-cü il tarixli müqaviləyə əsasən, İmei kodu **********66546 XİAOMİ REDMİ NOTE 13 markalı telefon, PAKET X xidməti üçün 442,72 manat ödənilməmiş hissə, İnnovativ Layihələr Mərkəzinə müqavilə üzrə 23,6 manat, 4 manat cərimə, ümumilikdə 1172,05 manat manat borc Cavabdeh alınaraq "xxxx" Məhdud Məsuliyyətli Cəmiyyətinə ödənilməli, iddia qalan hissədə təmin edilməməlidir. Azərbaycan Respublikası Mülki Prosessual Məcəlləsinin (bundan sonra MPM) 119.1ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. İddiaçının tələbi məhkəmə tərəfindən qismən təmin edildiyi üçün, məhkəmə hesab edir ki, iddiaçı tərəfindən ödənilmiş 32,75 manat dövlət rüsumunun 1,03 manatı iddiaçıya, 31,72 manatı cavabdehə aid edilməlidir. Qeyd olanlara əsasən və MPM-in 216-220, 284-6-cı maddələrini rəhbər tutaraq, məhkəmə QƏT ETDİ: İddia qismən təmin edilsin. xx.xx.2024-cü il tarixli müqaviləyə əsasən, İmei kodu **********99284 Samsung Galaxy A25 markalı telefon, Vinil Şəffaf xidməti, Plyonka İstehsal Xidməti, PAKET L xidməti, X4 2 il xidməti üçün 673,13 manat ödənilməmiş hissə, İnnovativ Layihələr Mərkəzinə müqavilə üzrə 23,6 manat, 5 manat cərimə, xx.xx.2024-cü il tarixli müqaviləyə əsasən, İmei kodu **********66546 XİAOMİ REDMİ NOTE 13 markalı telefon, PAKET X xidməti üçün 442,72 manat ödənilməmiş hissə, İnnovativ Layihələr Mərkəzinə müqavilə üzrə 23,6 manat, 4 manat cərimə, ümumilikdə 1172,05 manat borc və 31,72 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənilsin. Ödənilmiş dövlət rüsumunun 1,03 manatı iddiaçıya aid edilsin. İddia qalan hissədə təmin edilməsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Ağsu Rayon Məhkəməsi vasitəsi ilə (Elektron Məhkəmə İnformasiya Sistemində yaradılmış Elektron Kabinetdən istifadə edilməklə) Şəki Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Sədrlik edən Babək Qasımov