Astara Rayon Məhkəməsi Qətnamə — İş №e-2(018)-1172/2023

Azərbaycan Respublikası adından QƏTNAMƏ Astara rayonu İş № e-2(018)-1172/2023 28.08.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, hakim köməkçisi Mirzəzadə Ofeliya Cavad qızının katibliyi ilə, iddiaçı "xxxx" MMC-nin Cavabdeh qarşı «borcun tutulmasına dair» kiçik iddiası üzrə mülki işə sadələşdirilmiş icraat qaydasında Astara Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı "xxxx" MMC-nin etibarnamə üzrə nümayəndəsi Nümayəndə Cavabdeh qarşı «borcun tutulmasına dair» iddia qaldıraraq, cavabdehdən 08 noyabr 2019-cu il tarixli, ASTK00834 saylı müqavilə üzrə 174 (bir yüz yetmiş dörd) manat, 81 (səksən bir) qəpik qalıq borcu və 110 (bir yüz on) manat, 55 (əlli beş) qəpik cərimə borcu olmaqla, cəmi 285 (iki yüz səksən beş) manat, 36 (otuz altı) qəpik borcun, həmçinin ərizə verilməsi üçün iddiaçı tərəfindən ödənilmiş 30 (otuz) manat dövlət rüsumunun iddiaçının xeyrinə tutulması barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, "xxxx" MMC ilə cavabdeh arasında bağlanmış 08 noyabr 2019-cu il tarixli, ASTK00834 saylı nisyə alqı-satqı müqaviləsinə əsasən ilkin ödəniş 70 manat olmaqla, 12 ay müddətinə hissə-hissə hər ay üçün 45 manat, sonuncu ay üçün isə 39 manat, 81 qəpik ödəmək şərtilə cavabdehə 604 (altı yüz dörd) manat, 81 (səksən bir) qəpik dəyərində məişət məhsulu nisyə satmış və məhsul cavabdehə təhvil verilmişdir. Faktor "xxxx" MMC ilə müştəri "xxxx" MMC arasında arasında bağlanmış 01 sentyabr 2022-ci il tarixli, 01 nömrəli faktoring müqaviləsinə əsasən "xxxx" MMC ilə borclu Cavabdeh arasında bağlanmış 08 noyabr 2019-cu il tarixli, ASTK00834 saylı nisyə alqısatqı müqaviləsindən irəli gələn pul tələbini "xxxx" MMC-yə güzəşt etmişdir. Müqavilənin və tərəflər arasında tərtib edilmiş “ödəniş qrafiki”-nin şərtlərinə cavabdeh tərəfindən əməl edilməmiş, o, borcun qaytarılmasına dair öhdəliyi vaxtında və lazımi qaydada icra etməmişdir. Dəfələrlə xəbərdarlıq edilməsinə baxmayaraq, o, borcu ödəməkdən boyun qaçırmışdır. Müqavilənin 5.6-cı bəndinə əsasən, borcun ödənişi gecikdirildikdə, hər gün gecikdirilmiş gün üçün gecikdirilmiş borc məbləğin 0,3% həcmində cərimə ödəməyi cavabdeh öhdəsinə götürmüşdür. Kreditor qarşısında cavabdehin 552 (beş yüz əlli iki) manat, 76 (yetmiş altı) qəpik cərimə borcu yaranmışdır. Hazırda cavabdehə qarşı güzəşt siyasəti tətbiq etdikləri üçün hesablanmış cərimə məbləğinin yalnız 20%-ni ödəməyi borcludan tələb edir. Belə olan halda, hesablanmış cərimə məbləğinin 20% 110 (bir yüz on) manat, 55 (əlli beş) qəpik təşkil edir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. Mülki işin materiallarına əlavə edilmiş ödəniş tapşırığından görünür ki, iddiaçı "xxxx" MMC-nin adından məhkəməyə müraciət edilməsi üçün dövlət büdcəsinə 30 (otuz) manat dövlət rüsumu ödənilmişdir. Mülki işə əlavə edilmiş 08 noyabr 2019-cu il tarixli, ASTK00834 nömrəli nisyə alqısatqı müqaviləsindən və həmin müqaviləyə edilən 01 saylı əlavədən görünür ki, "xxxx" MMC cavabdehə ilkin ödəniş 70 manat olmaqla, 12 ay müddətinə hissə-hissə hər ay üçün 45 manat, sonuncu ay üçün isə 39 manat, 81 qəpik ödəmək şərtilə cavabdehə 604 (altı yüz dörd) manat, 81 (səksən bir) qəpik dəyərində məişət məhsulu nisyə satmış və məhsul cavabdehə təhvil verilmişdir. Mülki işə əlavə edilmiş 01 sentyabr 2022-ci il tarixli faktoring müqaviləsindən görünür ki, Optimal Elektronika” MMC ilə "xxxx" arasında bağlanmış 08 noyabr 2019-cu il tarixli, ASTK00834 saylı nisyə alqı-satqı müqaviləsindən irəli gələn pul tələbini "xxxx" MMC-yə güzəşt etmişdir. Mülki işə əlavə edilmiş 07 iyul 2023-cü il tarixli maliyyə arayışından görünür ki, Cavabdeh "xxxx" MMC-yə 174 (bir yüz yetmiş dörd) manat, 81 (səksən bir) qəpik qalıq borcu, 110 (bir yüz on) manat, 55 (əlli beş) qəpik hesablanmış cərimə məbləğinin 20%, ümumilikdə 285 (iki yüz səksən beş) manat, 36 (otuz altı) qəpik borcu vardır. Mülki işə əlavə edilmiş bildiriş məktubundan görünür ki, cavabdehə ümumillikdə 285 (iki yüz səksən beş) manat, 36 (otuz altı) qəpik məbləğində borcu olduğu barədə bildirilmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İddia tələbini qismən təmin edən məhkəmə iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlir ki, 08 noyabr 2019-cu il tarixli, ASTK00834 nömrəli nisyə alqı-satqı müqaviləsi üzrə iddiaçının iddia etdiyi 110 (bir yüz on) manat, 55 (əlli beş) qəpik məbləğində dəbbə pulu azaldılaraq 10 (on) manat həddində müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən və ya rədd haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 30 (otuz) manat dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia qismən təmin edilsin. Cavabdeh 08 noyabr 2019-cu il tarixli, ASTK00834 saylı nisyə alqı-satqı müqaviləsi üzrə 174 (bir yüz yetmiş dörd) manat, 81 (səksən bir) qəpik qalıq borcu və 10 (on) manat cərimə borcu olmaqla, ümumilikdə 184 (bir yüz səksən dörd) manat, 81 (səksən bir) qəpik borc pulu və ödənilmiş 30 (otuz) manat dövlət rüsumu tutulub iddiaçı "xxxx" MMC-yə ödənilsin. İddia cərimə borcunun qalan hisssində təmin edilməsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Məhkəmə qətnaməsindən apelyasiya şikayət verilməmişdirsə, qəbul edildiyi gündən 1 ay keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Hakim: Mübariz Məmmədov