Astara Rayon Məhkəməsi Qətnamə — İş №e-2(018)-1368/2023

Azərbaycan Respublikası adından QƏTNAMƏ Astara rayonu İş № e-2(018)-1368/2023 23.10.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi,məhkəmə iclas katibi Paşabəyli Yusifkamal Elçin oğlunun katibliyi ilə, iddiaçı "xxxx" MMC-nin Cavabdeh qarşı «borc tələbinə dair» kiçik iddiası üzrə mülki işə sadələşdirilmiş icraat qaydasında Astara Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı "xxxx" MMC-nin Problemli Kreditlər Departmentinin Rəhbəri NümayəndəX iddia verərək, 12 dekabr 2022-ci il tarixli müqavilə üzrə İMEİ kodu **********80329 Xiaomi 12T markalı telefon 1665 (bir min altı yüz altmış beş) manat əsas borc, 166 (bir yüz altmış altı) manat cərimə, ümumilikdə 1831 (bir min səkkiz yüz otuz bir) manat borc və 38 (otuz səkkiz) manat, 31 (otuz bir) qəpik dövlət rüsumu Cavabdeh alınaraq "xxxx" MMC-nə ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, Cavabdeh iddiaçı "xxxx" MMC ilə 12 dekabr 2022-ci il tarixli müqaviləsinə əsasən İMEİ kodu **********80329 Xiaomi 12T markalı telefon almışdır. Cavabdeh müqavilənin şərtlərini pozmuş və nəticədə 12 dekabr 2022-ci il tarixli müqaviləsinə əsasən alqı-satqı qiyməti 1785 (bir min yeddi yüz səksən beş) manat olan İMEİ kodu **********80329 Xiaomi 12T markalı telefon üçün ümumillikdə 1831 (bir min səkkiz yüz otuz bir) manat olmaqla, ondan 1665 (bir min altı yüz altmış beş) manat ödənilməmiş hissə, cavabdehə güzəşt olunaraq 166 (bir yüz altmış altı) manat cərimə borcu yaranmışdır. Cavabdehin cəmi ödədiyi məbləğ 120 (bir yüz iyirmi) manat təşkil edir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. Mülki işin materiallarına əlavə edilmiş ödəniş tapşırığından görünür ki, iddiaçı "xxxx" MMC-nin adından məhkəməyə müraciət edilməsi üçün dövlət büdcəsinə 38 (otuz səkkiz) manat, 31 (otuz bir) qəpik dövlət rüsumu ödənilmişdir. İş materiallarına əlavə olunmuş 12 dekabr 2022-ci il tarixli, 14892417 nömrəli müqavilədən görünür ki, Cavabdeh "xxxx" MMC-ndən İMEİ kodu **********80329 Xiaomi 12T markalı telefon almışdır. İş materiallarına əlavə olunmuş ödəniş və maliyyə cədvəlindən görünür ki, Cavabdeh 12 dekabr 2022-ci il tarixli müqaviləyə əsasən "xxxx" MMC-nə İMEİ kodu **********80329 Xiaomi 12T markalı telefon üçün ödənilməmiş telefon 1665 (bir min altı yüz altmış beş) manat əsas borc, 166 (bir yüz altmış altı) manat cərimə, ümumilikdə 1831 (bir min səkkiz yüz otuz bir) manat borcu yaranmışdır. İş materiallarına əlavə olunmuş 23 avqust 2023-cü il tarixli xəbərdarlıq məktubundan görünür ki, Cavabdeh 12 dekabr 2022-ci il tarixli müqaviləsi üzrə öhdəliklərinin icrasının gecikdirdiyi barədə bildirilmişdir. Azərbaycan Respublikası Mülki Məcəlləsinin (MM-in) 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.2-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi və ya icra müddəti çatanadək kreditorun etdiyi xəbərdarlıqdan sonra da öhdəliyin icra edilməməsi borclunun icranı gecikdirməsi sayılır. İddia tələbini qismən təmin edən məhkəmə iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlir ki, 12 dekabr 2022-ci il tarixli müqaviləsi üzrə iddiaçının iddia etdiyi 166 (bir yüz altmış altı) manat məbləğində olan dəbbə pulu azaldılaraq 10 (on) manat həddində müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən və ya rədd haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 38 (otuz səkkiz) manat, 31 (otuz bir) qəpik dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia qismən təmin edilsin. Cavabdeh 1665 (bir min altı yüz altmış beş) ödənilməmiş hissə, 10 (on) manat cərimə, cəmi 1675 (bir min altı yüz yetmiş beş) manat və ödənilmiş 38 (otuz səkkiz) manat, 31 (otuz bir) qəpik dövlət rüsumu tutulub iddiaçı "xxxx" MMC-yə ödənilsin. İddia cərimə ilə bağlı hissəsində təmin edilməsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Məhkəmə qətnaməsindən apelyasiya şikayəti verilməmişdirsə, qəbul edildiyi gündən 1 ay keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Hakim: Mübariz Məmmədov