Astara Rayon Məhkəməsi Qətnamə — İş №e-2(018)-858/2025

Azərbaycan Respublikası adından QƏTNAMƏ Astara rayonu İş № e-2(018)-858/2025 26.05.2025 ASTARA RAYON MƏHKƏMƏSİ Mən, Astara Rayon Məhkəməsinin hakimi X6, iddiaçı "xxxx" Məhdud Məsuliyyətli Cəmiyyətinin cavabdeh X3 qarşı «borcun ödənilməsi» tələbi barədə kiçik iddiaya dair mülki işə sadələşdirilmiş icraat qaydasında Astara Rayon Məhkəməsinin binasında baxaraq, MÜƏYYƏN ETDİM: İddiaçı "xxxx" Məhdud Məsuliyyətli Cəmiyyəti cavabdeh X3 qarşı «borcun ödənilməsi» barədə iddia verərək, xx.xx.2024-cü il tarixli müqaviləyə əsasən, PALTARYUYAN LG, HUAWEİ WATCH GT 4 QOL SAATİ, ZƏMANƏT + 2 İL XİDMƏT üçün 1228 (min iki yüz iyirmi səkkiz) manat 92 (doxsan iki) qəpik ödənilməmiş hissə, 122 (yüz iyirmi iki) manat 89 (səksən doqquz) qəpik cərimə,xx.xx.2024-cü il tarixli müqaviləyə əsasən alqı-satqı qiyməti 240 (iki yüz qırx) manat 48 (qırx səkkiz) qəpik manat (18 ay x 13.36 manat + 0 manat ilkin ödəniş) olan KİESLECT CALLİNG WATCH KS PRO QOL SAATİ, QİZİL ZƏMANƏT ULTRA3 İL üçün , 227 (iki yüz iyirmi yeddi) manat 12 (on iki) qəpik ödənilməmiş hissə, 22 (iyirmi iki) manat 71 (yetmiş bir) qəpik cərimə, Ümumilikdə 1601 (min altı yüz bir) manat 64 (altmış dörd) qəpik manat borc, 36 (otuz altı) manat 02 (iki) qəpik ödənilmiş dövlət rüsumu cavabdeh X1 alınaraq “ABC TELECOM" Məhdud Məsuliyyətli Cəmiyyətinə ödənməsi barədə qətnamə çıxarılmasını xahiş etmişdir. İddiaçı ərizəsində göstərmişdir ki, cavabdeh müqavilənin şərtlərini pozmuş və nəticədə xx.xx.2024-cü il tarixli müqaviləyə əsasən, alqı-satqı qiyməti 1580 (min beş yüz səksən) manat 04 (dörd) qəpik (18 ay x 87.78 manat + 0 manat ilkin ödəniş) olan PALTARYUYAN LG, HUAWEİ WATCH GT 4 QOL SAATİ, ZƏMANƏT + 2 İL XİDMƏT xidmət üçün ümumilikdə, 1351 (min üç yüz əlli bir) manat 81 (səksən bir) qəpik olmaqla ondan, 1228 (min iki yüz iyirmi səkkiz) manat 92 (doxsan iki) qəpik ödənilməmiş hissə, olunaraq 122 (yüz iyirmi iki) manat 89 (səksən doqquz) qəpik) manat cərimə,xx.xx.2024-cü il tarixli müqaviləyə əsasən, alqı-satqı qiyməti 240 (iki yüz qırx) manat 48 (qırx səkkiz) qəpik manat 18 ay x 13.36 manat + 0 manat ilkin ödəniş) olan KİESLECT CALLİNG WATCH KS PRO QOL SAATİ, QİZİL ZƏMANƏT ULTRA3 İL xidməti üçün ümumilikdə, 1351 (min üç yüz əlli bir) manat 81 (səksən bir) qəpik olmaqla ondan, 1228 (min iki yüz iyirmi səkkiz) manat 92 (doxsan iki) qəpik ödənilməmiş hissə, olunaraq 122 (yüz iyirmi iki) manat 89 (səksən doqquz) qəpik) manat cərimə miqdarında borc yaranmışdır. İddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlirəm ki, iddia tələbi qismən təmin olunmalıdır. Belə ki, xx.xx.2024-cü il, xx.xx.2024-cü il tarixli müqavilənin ayrılmaz tərkib hissəsi olan əşyaların təhvil-təsli aktından görünür ki, cavabdeh əldə etdiyi məhsulu tam və qüsursuz əldə etmişdir. Mülki işə əlavə edilmiş maliyyə və ödəniş cədvəlindən görünür ki, X2 xx.xx.2024-cü il tarixli müqaviləyə əsasən, PALTARYUYAN LG, HUAWEİ WATCH GT 4 QOL SAATİ, ZƏMANƏT + 2 İL üçün , 1228 (min iki yüz iyirmi səkkiz) manat 92 (doxsan iki) qəpik ödənilməmiş hissə , 122 (yüz iyirmi iki) manat 89 (səksən doqquz) qəpik) cərimə, xx.xx.2024-cü il tarixli müqaviləyə əsasən, KİESLECT CALLİNG WATCH KS PRO QOL SAATİ, QİZİL ZƏMANƏT ULTRA üçün 227 (iki yüz iyirmi yeddi) manat 12 (on iki) qəpik ödənilməmiş hissə, 22 (iyirmi iki manat) 71 (yetmiş bir) qəpik manat cərimə. Ümumilikdə 1601 (min altı yüz bir) manat 64 (altmış dörd) qəpik borcu yaranmışdır. Mülki işə əlavə edilmiş xx.xx.2025-ci il tarixli ********** nömrəli mədaxil qəbzindən görünür ki, iddiaçı "xxxx" Məhdud Məsuliyyətli Cəmiyyəti məhkəməyə müraciət edilməsi üçün dövlət büdcəsinə 36 (otuz altı) manat 02 (iki) qəpik qəpik dövlət rüsumu ödəmişdir. Mülki işə əlavə edilmiş xx.xx.2025-ci il tarixli xəbərdarlıq məktubundan görünür ki, "xxxx" MMC ilə cavabdeh arasında bağlanmış müqavilələr əsasında cavabdehin üzərinə götürdüyü öhdəlikləri yerinə yetirmədiyi üçün sonuncunun borcu yarandığı və öhdəliyin icra edilmədiyi halda görüləcək tədbirlər barədə məlumat verilmişdir. İş materiallarına əlavə edilmiş AA6753909 seriya və nömrəli şəxsiyyət vəsiqəsinin surətindən görünür ki, X4 xx.xx.1975-ci ildə anadan olmuşdur. Qeyd olunan xüsusatlara əsasən məhkəmə hesab edir ki, cavabdeh X4 müqavilələr əsasında iddiaçı "xxxx" MMC-dən müqavilədə qeyd olunan əşyaları almaq hüququna malik olduğu kimi, eyni zamanda, göstərilən müqavilələr əsasında əşyaların dəyərini ödəniş cədvəlinə uyğun olaraq iddiaçıya qaytarmalı olmasına dair vəzifələrin daşıyıcısı olmuşdur. Lakin cavabdeh müqavilə əsasında iddiaçıdan əşyaları almasına dair hüququndan istifadə etmiş, ödəniş cədvəlinə uyğun olaraq əşyaların dəyərini ödəməli olmasına dair vəzifəsini isə icra etməyərək, pul öhdəliyini yerinə yetirməmişdir. Buna görə də, məhkəmə hesab edir ki, iddiaçı "xxxx" MMC verdiyi malın dəyərini tələb etməkdə haqlıdır. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən, ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. Azərbaycan Respublikası Mülki Prosessual Məcəlləsinin 284-5.2-ci maddəsinə əsasən, cavabdeh tərəfindən iddiaya qarşı əsaslandırılmış etiraz bildirişi rəsmi qaydada aldığı gündən 10 (on) iş günü müddətində məhkəməyə göndərilməmişdir. Azərbaycan Respublikası Mülki Prosessual Məcəlləsinin: 217.1-ci maddəsinə əsasən, məhkəmənin qətnaməsi qanuni və əsaslı olmalıdır; 217.5-ci maddəsinə əsasən, bu Məcəllənin 10-1.3-cü maddəsində nəzərdə tutulmuş məhkəmə icraatında işə baxan məhkəmə öz qətnaməsini yalnız elektron məhkəmə icraatı materiallarına əlavə edilmiş və məhkəmə iclasında tədqiq olunmuş sübutlarla əsaslandırır; 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Azərbaycan Respublikası Mülki Məcəlləsinin: 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; 445.2-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi və ya icra müddəti çatanadək kreditorun etdiyi xəbərdarlıqdan sonra da öhdəliyin icra edilməməsi borclunun icranı gecikdirməsi sayılır. İddia tələbini qismən təmin edən məhkəmə iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlir ki, xx.xx.2024-cü il tarixli kredit müqaviləsinə əsasən iddiaçının iddia etdiyi , 122 (yüz iyirmi iki) manat 89 (səksən doqquz) qəpik manat cərimə pulu azaldılaraq 2 (iki) manat 89 (səksən doqquz) qəpik həddində müəyyən edilməlidir. xx.xx.2024-cü il tarixli kredit müqaviləsinə əsasən iddiaçının iddia etdiyi 22 (iyirmi iki) manat 71 (yetmiş bir) qəpik cərimə pulu azaldılaraq 1 (bir) manat 71 (yetmiş bir) qəpik cərimə həddində müəyyən edilməlidir. Belə ki, Azərbaycan Respublikası Mülki Məcəlləsinin 562.1-ci maddəsinə əsasən dəbbə pulu müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi üçün əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, iddia qismən təmin edilərək, xx.xx.2024-cü il tarixli müqaviləyə əsasən, PALTARYUYAN LG, HUAWEİ WATCH GT 4 QOL SAATİ, ZƏMANƏT + 2 İL X üçün , 1228 (min iki yüz iyirmi səkkiz) manat 92 (doxsan iki) qəpik ödənilməmiş hissə, 2 (iki) manat 89 (səksən doqquz) qəpik cərimə; xx.xx.2024-cü il tarixli müqaviləyə əsasən, KİESLECT CALLİNG WATCH KS PRO QOL SAATİ, QİZİL ZƏMANƏT ULTRA3 İL , PAKET L xidməti, 227 (iki yüz iyirmi yeddi) manat 12 (on iki) qəpik ödənilməmiş hissə, 2 (iki) manat 71 (yetmiş bir) qəpik cərimə borcu cavabdehdən iddiaçının xeyrinə tutulmalıdır. Həmçinin Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 34 (otuz dörd) manat 67 (altmış yeddi) manat dövlət rüsumu cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, QƏT ETDİM: İddia qismən təmin edilsin. Cavabdeh X1 xx.xx.2024-cü il tarixli müqaviləyə əsasən, 1228 (min iki yüz iyirmi səkkiz) manat 92 (doxsan iki) qəpik ödənilməmiş hissə, 02 (iki) manat 89 (səksən doqquz) qəpik cərimə borcu, xx.xx.2024-cü il tarixli müqaviləyə əsasən, 227 (iki yüz iyirmi yeddi) manat 12 (on iki) qəpik ödənilməmiş hissə, 02 (iki) manat 71 (yetmiş bir) qəpik cərimə borcu və ödənilmiş 34 (otuz dörd) manat 67 (altmış yeddi) dövlət rüsumu tutulub iddiaçı "xxxx" Məhdud Məsuliyyətli Cəmiyyətinə ödənilsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: İlqar Məmmədov