Astara Rayon Məhkəməsi Qətnamə — İş №e-2(018)-944/2023

Azərbaycan Respublikası adından QƏTNAMƏ Astara rayonu İş № e-2(018)-944/2023 09.08.2023 ASTARA RAYON MƏHKƏMƏSİ Astara Rayon Məhkəməsi hakimi X2 iddiaçı "xxxx" MMC-nin Cavabdeh qarşı “pul tələbinə” dair kiçik iddiası üzrə mülki işə sadələşdirilmiş icraat qaydasında baxaraq, m ü ə y y ə n e t d i: İddiaçı "xxxx" MMC iddia ərizəsi ilə məhkəməyə müraciət edərək, xx.xx.2022-ci il müqaviləsinə əsasən İMEİ KOD **********37468 BLACKVİEW A70 markalı telefon üçün 315 (üç yüz on beş) manat, 12 (on iki) qəpik ödənilməmiş hissə, 31 (otuz bir) manat 88 (səksən səkkiz) qəpik cərimə; xx.xx.2021-ci il tarixli müqaviləsinə əsasən İMEİ KOD **********05808 XİAMOİ REDMİ 9 MARKALİ TELEFON üçün 314 (üç yüz on dörd) manat 38 (otuz səkkiz) qəpik ödənilməmiş hissə, 31 (otuz bir) manat, 62 (altmış iki) qəpik cərimə, ümumilikdə 693 ( altı yüz doxsan üç) manat borc və 30 (otuz) manat ödənilmiş dövlət rüsumu, Cavabdeh alınaraq "ABC TELECOM” Məhdud Məsuliyyətli Cəmiyyətinə ödənməsi barədə qətnamə qəbul edilməsini xahiş etmişdir. İddiaçı "xxxx" MMC ərizəsini onunla əsaslandırmışdır ki, "ABC TELECOM” MMC ilə Cavabdeh ilə xx.xx.2022-ci il və xx.xx.2021-ci il tarixli müqavilələrinə əsasən İMEİ KOD **********37468 BLACKVİEW A70 markalı telefon üçün və İMEİ KOD **********05808 XİAMOİ REDMİ 9 MARKALİ telefon üçün ümumilikdə 693 ( altı yüz doxsan üç) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2022-ci il tarixli müqaviləyə əsasən alqı-satqı qiyməti 429 (dörd yüz iyirmi doqquz) manat, 12 (on iki) qəpik olan, İMEİ KOD **********37468 BLACKVİEW A70 markalı telefon üçün ümumilikdə 347 (üç yüz qırx yeddi) manat olmaqla ondan, 315 (üç yüz on beş) manat, 12 (on iki) qəpik ödənilməmiş hissə, müştəriyə güzəşt olunaraq 31 (otuz bir) manat 88 (səksən səkkiz) qəpik cərimə, xx.xx.2021-ci il tarixli müqaviləyə əsasən alqı-satqı qiyməti 559 (beş yüz əlli doqquz) manat, 98 (doxsan səkkizi) qəpik olan, İMEİ KOD **********05808 XİAMOİ REDMİ 9 MARKALİ telefon üçün ümumilikdə 346 (üç yüz qırx altı) manat olmaqla, ondan 314 (üç yüz on dörd) manat 38 (otuz səkkiz) qəpik ödənilməmiş hissə, müştəriyə güzəşt olunaraq 31 (otuz bir) manat, 62 (altmış iki) qəpik cərimə pulu borcu yaranmışdır. Cavabdehin cəmi ödədiyi məbləğ 359 (üç yüz əlli doqquz) manat, 60 (altmış) qəpik təşkil edir. Cavabdehlə aralarındakı bağlanılmış xx.xx.2022-ci il və xx.xx.2021-ci il tarixli müqavilələrin ayrılmaz tərkib hissəsi olan əşyaların təhviltəslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri xx.xx.2023-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğu rəsmi qaydada bildirsələrdə, qarşı tərəf müqavilə ilə təsbit olunmuş öhdəlikləri icra etməmişdir. Odur ki, xx.xx.2022-ci il müqaviləsinə əsasən İMEİ KOD **********37468 BLACKVİEW A70 markalı telefon üçün 315 (üç yüz on beş) manat, 12 (on iki) qəpik ödənilməmiş hissə, 31 (otuz bir) manat 88 (səksən səkkiz) qəpik cərimə; xx.xx.2021-ci il tarixli müqaviləsinə əsasən İMEİ KOD **********05808 XİAMOİ REDMİ 9 MARKALİ TELEFON üçün 314 (üç yüz on dörd) manat 38 (otuz səkkiz) qəpik ödənilməmiş hissə, 31 (otuz bir) manat, 62 (altmış iki) qəpik cərimə, ümumilikdə 693 ( altı yüz doxsan üç) manat borc və 30 (otuz) manat ödənilmiş dövlət rüsumu, Cavabdeh alınaraq "ABC TELECOM” Məhdud Məsuliyyətli Cəmiyyətinə ödənməsi barədə qətnamə qəbul edilməsini xahiş etmişdir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. İş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edirəm ki, iddia tələbi qismən təmin edilməlidir. Belə ki, iş materiallarında olan: "xxxx" MMC ilə Cavabdeh arasında, xx.xx.2022-ci il və xx.xx.2021-ci il tarixli müqavilələrinə əsasən İMEİ KOD **********37468 BLACKVİEW A70 markalı telefon və İMEİ KOD **********05808 XİAMOİ REDMİ 9 MARKALİ telefon almışdır. xx.xx.2023-cü il tarixli maliyyə və ödəniş cədvəlinə əsasən, Cavabdeh xx.xx.2022-ci il tarixli müqavilələrinə əsasən İMEİ KOD **********37468 BLACKVİEW A70 markalı telefon üçün 315 (üç yüz on beş) manat, 12 (on iki) qəpik ödənilməmiş hissə, 31 (otuz bir) manat 88 (səksən səkkiz) qəpik cərimə; xx.xx.2021-ci il tarixli müqaviləsinə əsasən İMEİ KOD **********05808 XİAMOİ REDMİ 9 MARKALİ TELEFON üçün 314 (üç yüz on dörd) manat 38 (otuz səkkiz) qəpik ödənilməmiş hissə, 31 (otuz bir) manat, 62 (altmış iki) qəpik cərimə, ümumilikdə 693 ( altı yüz doxsan üç) manat borc məbləğində borcu yaranmışdır. İşdə olan xx.xx.2023-cü il tarixli xəbərdarlığdan görünür ki, Cavabdeh tərəfindən "xxxx" MMC-yə olan borc ödənilmədiyi təqdirdə barəsində müvafiq tədbirlər görüləcəyi barədə xəbərdar edilmişdir; xx.xx.2023-cü il tarixli, ********** nömrəli mədaxil qəbzindən görünür ki, məhkəmədə iddia qaldırılması üçün iddiaçı tərəfindən 30 (otuz) manat 40 (qırx) qəpik məbləğində dövlət rüsumu ödənilmişdir. İşdə olan DİN-nin BPQMİ-nin MAPS arayışından görünür ki, Cavabdeh Astara rayonu, Vaqo kəndində qeydiyyatdadır. Beləliklə, tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Cavabdeh müqaviləyə əsasən hissə-hissə ödəmək şərtilə satın aldığı əşyaların dəyərindən qalan məbləği hər ay vaxtında ödəyəcəyi barədə üzərinə öhdəlik götürsə də, müqavilənin şərtlərini icra etməmiş və nəticədə iddiaçıya 693 ( altı yüz doxsan üç) manat məbləğində borcu yaranmışdır. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia qismən təmin edilərək yaranmış borc məbləği cavabdehdən iddiaçının xeyrinə tutulmalıdır. Həmçinin, hesab edirəm ki, Azərbaycan Respublikası Mülki Prosessual Məcəlləsinin 119-cu maddəsinə əsasən məhkəmə xərcləri ödənilmiş tələblərin məbləğində münasib olaraq işdə iştirak edən şəxslərə aid edildiyindən, iddiaçı tərəfindən dövlət büdcəsinə köçürülmüş 30 (otuz ) manat dövlət rüsumu cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-1, 284-5, 284-6, 216-220-ci maddələrini rəhbər tutaraq, q ə t e t d i: Kiçik mübahisələrə dair iddia ərizəsi qismən təmin olunsun. xx.xx.2022-ci il tarixli müqaviləyə əsasən Cavabdeh 315 (üç yüz on beş) manat 12 (on iki) qəpik ödənilməmiş hissə, 1 (bir) manat cərimə və xx.xx.2021-ci il tarixli müqaviləyə əsasən 314 (üç yüz on dörd) manat 38 (otuz səkkiz) qəpik ödənilməmiş hissə, 1 (bir) manat cərimə, ümumilikdə 631 (altı yüz otuz bir) manat 50 (əlli) qəpik borc və dövlət rüsumu üçün ödənilmiş 30 (otuz) manat məbləğdə pul vəsaiti tutulub "xxxx" MMC-nin xeyrinə ödənilsin. Qətnamə rəsmi qaydada verildikdən sonra 1(bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: İlqar Məmmədov