Beyləqan Rayon Məhkəməsi Qətnamə — İş №e-2(020)-2011/2025

Azərbaycan Respublikası adından QƏTNAMƏ Beyləqan rayon İş № e-2(020)-2011/2025 12.12.2025 BEYLƏQAN RAYON MƏHKƏMƏSİ Mən, Beyləqan Rayon Məhkəməsinin hakimi Cabbarlı Xatın Mahir qızı, İddiaçı MMC-nin Cavabdeh qarşı “pulun tutulması” tələbinə dair kiçik iddia üzrə mülki işə sadələşdirilmiş icraat qaydasında baxaraq, M Ü Ə Y Y Ə N E T D İ M: İddiaçı MMC Cavabdeh qarşı “pulun tutulması” tələbinə dair kiçik iddia ərizəsi ilə məhkəməyə müraciət edərək, cavabdehdən onun xeyrinə xx.xx.2025-ci il tarixli müqaviləyə əsasən, 1618,44 manat ödənilməmiş hissə, 161,84 manat cərimə, xx.xx.2025-ci il tarixli müqaviləyə əsasən, 802,98 manat ödənilməmiş hissə, 80,30 manat cərimə, xx.xx.2025-ci il tarixli müqaviləyə əsasən, 782,76 manat ödənilməmiş hissə, 78,28 manat cərimə, xx.xx.2025-ci il tarixli müqaviləyə əsasən, 702 manat ödənilməmiş hissə, 70,20 manat cərimə olmaqla, ümumilikdə 4296,80 manat borc və 62,97 manat ödənilmiş dövlət rüsumunun tutulması barədə qətnamə qəbul edilməsini xahiş etmişdir. Ərizə onunla əsaslandırılmışdır ki, Cavabdeh İddiaçı MMC ilə aralarında bağlanmış xx.xx.2025-cü il, xx.xx.2025-cü il, xx.xx.2025-cü il, xx.xx.2025-cü il tarixli müqavilələrə əsasən, “Soyuducu Hoffmann”, “Paltaryuyan Hisense”, “Hoffmann Kondisioner”, “Samsung TV”, “Paltaryuyan LG” almış və nəticədə 4296,80 manat borc yaranmışdır. Cavabdeh müqavilənin şərtlərini pozmuş və nəticədə xx.xx.2025-cü il tarixli müqaviləyə əsasən, alqı-satqı qiyməti 1705,44 manat (12 ay x 134,87 manat + 87 manat ilkin ödəniş) olan “Soyuducu Hoffmann”, “Paltaryuyan Hisense” üçün ümumilikdə, 1780,28 manat olmaqla ondan, 1618,44 manat ödənilməmiş hissə, müştəriyə güzəşt olunaraq 161,84 manat cərimə, xx.xx.2025-cü il, tarixli müqaviləyə əsasən, alqı-satqı qiyməti 1152,98 manat (6 ay x 133,83 manat + 350 manat ilkin ödəniş) olan “Hoffmann Kondisioner” üçün ümumilikdə, 883,28 manat olmaqla ondan 802,98 manat ödənilməmiş hissə, müştəriyə güzəşt olunaraq 80,30 manat cərimə; xx.xx.2025-cü il tarixli müqaviləyə əsasən, alqı-satqı qiyməti 824,76 manat (12 ay x 65,23 manat + 42 manat ilkin ödəniş) olan “Samsung TV” üçün ümumilikdə, 861,04 manat olmaqla ondan, 782,76 manat ödənilməmiş hissə, müştəriyə güzəşt olunaraq 78,28 manat cərimə xx.xx.2025-cü il tarixli müqaviləyə əsasən, alqı-satqı qiyməti 952 manat (12 ay x 58,5 manat + 250 manat ilkin ödəniş) olan “Paltaryuyan LG” üçün ümumilikdə, 772,20 manat olmaqla ondan, 702 manat ödənilməmiş hissə, müştəriyə güzəşt olunaraq 70,20 manat cərimə miqdarında borc yaranmışdır. Cavabdehin cəmi ödədiyi məbləğ 729 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə aramızda bağlanılmış xx.xx.2025-cü ilvə xx.xx.2025-cü il Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə olan telefon danışığı, həmçinin göndərilmiş xx.xx.2025-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsəkdə, qarşı tərəf müqavilə ilə təsbit olunmuş öhdəlikləri icra etməmişdir Tələblərinin əsaslığını və əmlakın dəyərini sübut edən sənədlər: tərəflər arasında bağlanılmış müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Azərbaycan Respublikasının Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının MPM-nin 284-5.1-ci maddəsinə əsasən, xx.xx.2025ci il tarixində işə baxan hakim cavabdehə rəsmi qaydada bildiriş göndərmiş, bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Cavabdeh tərəfindən iddiaya etiraz məhkəməyə göndərilməmişdir. Azərbaycan Respublikası MPM-nin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. İş materiallarını araşdıraraq belə nəticəyə gəlirəm ki, iddia təmin edilməlidir. Belə ki, iş materiallarında olan: İddiaçı ilə Cavabdeh arasında xx.xx.2025-ci il tarixdə bağlanmış ********** nömrəli malın nisyə alqı-satqı müqaviləsindən və X1 görünür ki, İddiaçı Cavabdeh ilkin ödəniş 87 manat olmaqla, 12 ay müddətinə, hər ay 134,87 manat ödəmək şərti ilə, dəyəri 1705,38 manat olan “Soyuducu Hoffmann”, “Paltaryuyan Hisense” və ilkin ödəniş 42 manat olmaqla, 12 ay müddətinə, hər ay 65,23 manat ödəmək şərti ilə, dəyəri 824,79 manat olan “Samsung TV” satmışdır. Həmin Müqavilənin 3.5-ci bəndinə əsasən, Müştəri Müqavilə üzrə ödənişlərini vaxtında ödəməzsə, müddəti keçmiş məbləğin hər növbəti təqvim gününə hesablanmış 2 %-dək həcmində mübahisəsiz olaraq peniya ödəyir. xx.xx.2025-ci il tarixli təhvil-təslim aktından görünür ki, “Soyuducu Hoffmann”, “Paltaryuyan Hisense” xx.xx.2025-ci il tarixdə Cavabdeh təhvil verilmişdir. xx.xx.2025-ci il tarixli təhvil-təslim aktından görünür ki, “Samsung TV” xx.xx.2025ci il tarixdə Cavabdeh təhvil verilmişdir. İddiaçı ilə Cavabdeh arasında xx.xx.2025-ci il tarixdə bağlanmış ********** nömrəli malın nisyə alqı-satqı müqaviləsindən və X1 görünür ki, İddiaçı Cavabdeh ilkin ödəniş 350 manat olmaqla, 6 ay müddətinə, hər ay 133,83 manat ödəmək şərti ilə, dəyəri 1152,98 manat olan “Hoffmann Kondisioner” və ilkin ödəniş 250 manat olmaqla, 12 ay müddətinə, hər ay 58,50 manat ödəmək şərti ilə, dəyəri 952,03 manat olan “Paltaryuyan LG” satmışdır. Həmin Müqavilənin 3.5-ci bəndinə əsasən, Müştəri Müqavilə üzrə ödənişlərini vaxtında ödəməzsə, müddəti keçmiş məbləğin hər növbəti təqvim gününə hesablanmış 2 %-dək həcmində mübahisəsiz olaraq peniya ödəyir. xx.xx.2025-ci il tarixli təhvil-təslim aktından görünür ki, “Hoffmann Kondisioner” xx.xx.2025-ci il tarixdə Cavabdeh təhvil verilmişdir. xx.xx.2025-ci il tarixli təhvil-təslim aktından görünür ki, “Paltaryuyan LG” xx.xx.2025-ci il tarixdə Cavabdeh təhvil verilmişdir. xx.xx.2025-ci il tarixli maliyyə və ödəniş cədvəlindən müəyyən olunur ki, Cavabdeh İddiaçınə xx.xx.2025-ci il tarixli müqaviləsinə əsasən “Soyuducu Hoffmann”, “Paltaryuyan Hisense” üzrə 1618,44 manat əsas borc və 161,84 manat cərimə borcu, “Samsung TV” üzrə 782,76 manat əsas borc və 78,28 manat cərimə borcu, xx.xx.2025-ci il tarixli müqaviləsinə əsasən “Hoffmann Kondisioner” üzrə 802,98 manat əsas borc və 80,30 manat cərimə borcu, xx.xx.2025-ci il tarixli müqaviləsinə əsasən “Paltaryuyan LG” üzrə 702 manat əsas borc və 70,20 manat cərimə borcu yaranmışdır. xx.xx.2025-ci il tarixli Xəbərdarlıqdan və onun cavabdehə göndərilməsini təsdiq edən poçt qəbzindən görünür ki, Cavabdeh İddiaçı ilə bağladığı xx.xx.2025-ci il tarixli və xx.xx.2025-ci il müqavilələrdən irəli gələn öhdəlikləri ilə bağlı xəbərdarlıq edilmişdir. Azərbaycan Respublikası Mülki Məcəlləsinin 14.2.1-ci maddəsində qanunvericilikdə nəzərdə tutulmuş müqavilələr və başqa əqdlər, habelə qanunvericilikdə nəzərdə tutulmasa da, ona zidd olmayan müqavilələr və başqa əqdlərin bağlanması mülki hüquqların və vəzifələrin əmələ gəlməsi əsaslarından biri kimi təsbit edilmişdir. Həmin Məcəllənin 386.1-ci maddəsinə görə isə öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Azərbaycan Respublikası Mülki Məcəlləsinin: -385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; -442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; -445.2.-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi, icra müdəti çatanadək kreditorun etdiyi xəbərdarlıqdan sonra da icra edilməməsi borclunun icranı gecikdirməsi sayılır; -448.1-ci maddəsinə əsasən əgər bu məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; -450.1-ci maddəsinə əsasən fiziki və hüquqi şəxslər azad surətdə müqavilələr bağlaya və bu müqavilələrin məzmununu müəyyənləşdirə bilərlər. Onlar bu Məcəllədə nəzərdə tutulmayan, lakin ona zidd olmayan müqavilələr də bağlaya bilərlər. -462.1-ci maddəsinə görə dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir; -598.3-cü maddəsinə əsasən, əgər alıcı alqı-satqı müqaviləsinə uyğun olaraq verilmiş əşyanı vaxtında ödəmirsə, satıcı əşyanı ödəməyi və bu Məcəllənin 449-cu maddəsinə uyğun faizləri ödəməyi tələb edə bilər. -600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; -600.2-ci maddəsinə görə əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. -600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; -601.1-ci maddəsinə əsasən əşyanın nisyə satılması haqqında müqavilədə onun hissəhissə ödənilməsi nəzərdə tutula bilər. İşdə olan sübutlara məcmu halında qiymət verərək hesab edirəm ki, İddiaçı ilə bağlanmış xx.xx.2025-ci il və xx.xx.2025-ci il tarixli müqavilələr üzrə Cavabdeh üzərinə götürdüyü öhdəlikləri yerinə yetirmədiyindən, iddia tələbi təmin edilməli və Cavabdeh xx.xx.2025-ci il tarixli müqaviləyə əsasən “Soyuducu Hoffmann”, “Paltaryuyan Hisense” üzrə 1618,44 manat əsas borc və 161,84 manat cərimə, “Samsung TV” üzrə 782,76 manat əsas borc və 78,28 manat cərimə, xx.xx.2025-ci il tarixli müqaviləyə əsasən “Hoffmann Kondisioner” üzrə 802,98 manat əsas borc və 80,30 manat cərimə, xx.xx.2025-ci il tarixli müqaviləsinə əsasən “Paltaryuyan LG” üzrə 702 manat əsas borc və 70,20 manat cərimə borcu olmaqla, cəmi 4296,80 manat alınaraq, İddiaçınə verilməlidir. Həmçinin qeyd olunmalıdır ki, Azərbaycan Respublikası Mülki Prosessual Məcəlləsinin 119.1-ci maddəsinə müvafiq olaraq, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. İddia təmin edildiyindən, ödənilmiş 62,97 manat dövlət rüsumunun əvəzi cavabdehdən tutularaq iddiaçıya ödənilməlidir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə müvafiq olaraq hər bir tərəf öz tələblərinin və etirazlarının əsası kimi istinad etdiyi halları sübut etməlidir. Yuxarıda göstərilənlərə əsasən və Azərbaycan Respublikası MPM-nin 216-220, 284-6-cı maddələrini rəhbər tutaraq, Q Ə T E T D İ M: İddia təmin edilsin. Cavabdeh xx.xx.2025-ci il tarixli müqaviləyə əsasən “Soyuducu Hoffmann”, “Paltaryuyan Hisense” üzrə 1618,44 (min altı yüz on səkkiz manat 44 qəpik) manat əsas borc və 161,84 (yüz altmış bir manat 84 qəpik) manat cərimə borcu, “Samsung TV” üzrə 782,76 (yeddi yüz səksən iki manat 76 qəpik) manat əsas borc və 78,28 (yetmiş səkkiz manat 28 qəpik) manat cərimə borcu, xx.xx.2025-ci il tarixli müqaviləyə əsasən “Hoffmann Kondisioner” üzrə 802,98 (səkkiz yüz iki manat 98 qəpik) manat əsas borc və 80,30 (səksən manat 30 qəpik) manat cərimə borcu, xx.xx.2025-ci il tarixli müqaviləsinə əsasən “Paltaryuyan LG” üzrə 702 (yeddi yüz iki) manat əsas borc və 70,20 (yetmiş manat 20 qəpik) manat cərimə borcu və 62,97 (altmış iki manat 97 qəpik) manat məbləğində ödənilmiş dövlət rüsumu olmaqla, cəmi 4359,77 (dörd min üç yüz əlli doqquz manat 77 qəpik) manat məbləğində pul vəsaiti tutularaq, İddiaçınə ödənilsin. Qətnamədən onun rəsmi qaydada verildiyi gündən 1 (bir) ay müddətində Elektron Məhkəmə İnformasiya Sistemində yaradılmış elektron kabinet vasitəsilə Beyləqan Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim: Xatın Cabbarlı