Beyləqan Rayon Məhkəməsi Qətnamə — İş №e-2(020)-2074/2025

Azərbaycan Respublikası adından QƏTNAMƏ Beyləqan rayon İş № e-2(020)-2074/2025 22.12.2025 BEYLƏQAN RAYON MƏHKƏMƏSİ Mən, Beyləqan Rayon Məhkəməsinin hakimi Cabbarlı Xatın Mahir qızı İddiaçı MMC-nin Cavabdeh qarşı “pulun tutulması” tələbinə dair kiçik iddia üzrə mülki işə sadələşdirilmiş icraat qaydasında baxaraq, M Ü Ə Y Y Ə N E T D İ M: İddiaçı MMC Cavabdeh qarşı “pulun tutulması” tələbinə dair kiçik iddia ərizəsi ilə məhkəməyə müraciət edərək, Cavabdeh 3543 manat əsas borc və 56 manat ödənilmiş dövlət rüsumu olmaqla, cəmi 3599 manat məbləğində pul vəsaitinin tutulması barədə qətnamə qəbul edilməsini xahiş etmişdir. Ərizə onunla əsaslandırılmışdır ki, cavabdeh, Əhmədov X1 LTD” MMC-dən ümumi dəyəri 6266 manat olan məişət avadanlığı əldə etmişdir. Cavabdehin müqavilə üzrə ödənişlər etdikdən sonra iddiaçıya 3543 manat əsas borcu qalmışdır. Cavabdeh xx.xx.2021-ci il tarixli, EHK5924148 saylı nisyə alqı-satqı müqaviləsinə əsasən 18 ay müddətinə müqavilə dəyəri 1679 manat olan məişət avadanlığı almış və 737 manat məbləğində qalıq borcu vardır, xx.xx.2022-ci il tarixli, EHK5924753 saylı nisyə alqı-satqı müqaviləsinə əsasən 18 ay müddətinə müqavilə dəyəri 1729 manat olan məişət avadanlığı almış və 860 manat qalıq borcu vardır, xx.xx.2022-ci il tarixli, EHK6100424 saylı nisyə alqı-satqı müqaviləsinə əsasən 18 ay müddətinə müqavilə dəyəri 1379 manat olan məişət avadanlığı almış və 912 manat qalıq borcu vardır, xx.xx.2022-ci il tarixli, EHK6100817 saylı nisyə alqı-satqı müqaviləsinə əsasən 18 ay müddətinə müqavilə dəyəri 1479 manat olan məişət avadanlığı almış və 1038 manat qalıq borcu vardır. Yuxarıda göstərilənləri nəzərə alaraq, Cavabdeh müqavilələr üzrə 3543 manat əsas borc və 56 manat məbləğində ödənilmiş dövlət rüsumu olmaqla, cəmi 3599 manat pulun alınaraq İddiaçı MMC-yə ödənilməsi barədə qətnamə çıxarılması zəruridir. Azərbaycan Respublikasının Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının MPM-nin 284-5.1-ci maddəsinə əsasən, xx.xx.2025ci il tarixində işə baxan hakim cavabdehə rəsmi qaydada bildiriş göndərmiş, bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Cavabdeh tərəfindən iddiaya etiraz məhkəməyə göndərilməmişdir. Azərbaycan Respublikası MPM-nin 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. İş materiallarını araşdıraraq belə nəticəyə gəlirəm ki, iddia təmin edilməlidir. Belə ki, iş materiallarında olan: İddiaçı ilə Cavabdeh arasında xx.xx.2021-ci il tarixdə bağlanmış EHK5924148 nömrəli borc müqaviləsindən görünür ki, İddiaçı Cavabdeh ilkin ödəniş 5 manat olmaqla, 18 ay müddətinə, hər ay 93 manat ödəmək şərti ilə, dəyəri 1679 manat olan məişət avadanlığı satmışdır. xx.xx.2021-ci il tarixli təhvil-təslim aktından görünür ki, “TV Samsung” Cavabdeh təhvil verilmişdir. İddiaçı ilə Cavabdeh arasında xx.xx.2022-ci il tarixdə bağlanmış EHK5924753 nömrəli borc müqaviləsindən görünür ki, İddiaçı Cavabdeh ilkin ödəniş 1 manat olmaqla, 18 ay müddətinə, hər ay 96 manat ödəmək şərti ilə, dəyəri 1729 manat olan məişət avadanlığı satmışdır. xx.xx.2022-ci il tarixli təhvil-təslim aktından görünür ki, “TV Samsung” Cavabdeh təhvil verilmişdir. İddiaçı ilə Cavabdeh arasında xx.xx.2022-ci il tarixdə bağlanmış EHK6100424 nömrəli borc müqaviləsindən görünür ki, İddiaçı Cavabdeh ilkin ödəniş 11 manat olmaqla, 18 ay müddətinə, hər ay 76 manat ödəmək şərti ilə, dəyəri 1379 manat olan məişət avadanlığı satmışdır. xx.xx.2022-ci il tarixli təhvil-təslim aktından görünür ki, “Tv LG” Cavabdeh təhvil verilmişdir. İddiaçı ilə Cavabdeh arasında xx.xx.2022-ci il tarixdə bağlanmış EHK6100817 nömrəli borc müqaviləsindən görünür ki, İddiaçı Cavabdeh ilkin ödəniş 3 manat olmaqla, 18 ay müddətinə, hər ay 82 manat ödəmək şərti ilə, dəyəri 1479 manat olan məişət avadanlığı satmışdır. xx.xx.2022-ci il tarixli təhvil-təslim aktından görünür ki, “Tv Samsung” Cavabdeh təhvil verilmişdir. xx.xx.2024-cü il tarixli maliyyə arayışından müəyyən olunur ki, Cavabdeh Soliton LTD» Məhdud Məsuliyyətli Cəmiyyətinə xx.xx.2021-ci il tarixli müqavilə üzrə 737 manat, xx.xx.2022-ci il tarixli müqavilə üzrə 860 manat, xx.xx.2022-ci il tarixli müqavilə üzrə 912 manat və xx.xx.2022-ci il tarixli müqavilə üzrə 1034 manat olmaqla, cəmi 3543 manat əsas borcu yaranmışdır. xx.xx.2025-ci il tarixli pretenziyadan görünür ki, iddiaçı tərəfindən cavabdehə borcun ödənilməsi barədə xəbərdarlıq edilmişdir. Azərbaycan Respublikası Mülki Məcəlləsinin 14.2.1-ci maddəsində qanunvericilikdə nəzərdə tutulmuş müqavilələr və başqa əqdlər, habelə qanunvericilikdə nəzərdə tutulmasa da, ona zidd olmayan müqavilələr və başqa əqdlərin bağlanması mülki hüquqların və vəzifələrin əmələ gəlməsi əsaslarından biri kimi təsbit edilmişdir. Həmin Məcəllənin 386.1-ci maddəsinə görə isə öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Azərbaycan Respublikası Mülki Məcəlləsinin: -385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; -442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; -445.2.-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi, icra müdəti çatanadək kreditorun etdiyi xəbərdarlıqdan sonra da icra edilməməsi borclunun icranı gecikdirməsi sayılır; -448.1-ci maddəsinə əsasən əgər bu məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; -450.1-ci maddəsinə əsasən fiziki və hüquqi şəxslər azad surətdə müqavilələr bağlaya və bu müqavilələrin məzmununu müəyyənləşdirə bilərlər. Onlar bu Məcəllədə nəzərdə tutulmayan, lakin ona zidd olmayan müqavilələr də bağlaya bilərlər. -598.3-cü maddəsinə əsasən, əgər alıcı alqı-satqı müqaviləsinə uyğun olaraq verilmiş əşyanı vaxtında ödəmirsə, satıcı əşyanı ödəməyi və bu Məcəllənin 449-cu maddəsinə uyğun faizləri ödəməyi tələb edə bilər. -600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; -600.2-ci maddəsinə görə əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. -600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; -601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. İşdə olan sübutlara məcmu halında qiymət verərək hesab edirəm ki, İddiaçı ilə bağlanmış, xx.xx.2021-ci il tarixli, xx.xx.2022-ci il tarixli, xx.xx.2022-ci il tarixli və xx.xx.2022-ci il tarixli müqavilələr üzrə Cavabdeh üzərinə götürdüyü öhdəlikləri yerinə yetirmədiyindən, iddia tələbi təmin edilməli və Cavabdeh xx.xx.2021-ci il tarixli müqavilə üzrə 737 manat, xx.xx.2022-ci il tarixli müqavilə üzrə 860 manat, xx.xx.2022-ci il tarixli müqavilə üzrə 912 manat və xx.xx.2022-ci il tarixli müqavilə üzrə 1034 manat məbləğində əsas borc alınaraq, İddiaçınə verilməlidir. Həmçinin qeyd olunmalıdır ki, Azərbaycan Respublikası Mülki Prosessual Məcəlləsinin 119.1-ci maddəsinə müvafiq olaraq, məhkəmə xərcləri ödənilmiş tələblərə mütənasib olaraq işdə iştirak edən şəxslərə aid edilir. İddia təmin edildiyindən, iddianın qiymətinə uyğun ödənilmiş 56 manat dövlət rüsumunun 55,43 manatı cavabdehdən tutularaq iddiaçıya ödənilməlidir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Yuxarıda göstərilənlərə əsasən və Azərbaycan Respublikası MPM-nin 216-220, 284-6-cı maddələrini rəhbər tutaraq, Q Ə T E T D İ M: İddia təmin edilsin. Cavabdeh xx.xx.2022-ci il tarixli müqavilə üzrə 860(səkkiz yüz altmış) manat məbləğində əsas borc, xx.xx.2021-ci il tarixli müqavilə üzrə 737 (yeddi yüz otuz yeddi) manat məbləğində əsas borc, xx.xx.2022-ci il tarixli müqavilə üzrə 912(doqquz yüz on iki) manat məbləğində əsas borc və xx.xx.2022-ci il tarixli müqavilə üzrə 1034 (min otuz dörd) manat məbləğində əsas borc olmaqla, ümumilikdə 3599 (iki min iki yüz altmış yeddi) manat məbləğində borc və 55,43 (əlli beş manat 43 qəpik) manat məbləğində ödənilmiş dövlət rüsumu tutularaq, İddiaçınə ödənilsin. Qətnamədən onun rəsmi qaydada verildiyi gündən 1 (bir) ay müddətində Elektron Məhkəmə İnformasiya Sistemində yaradılmış elektron kabinet vasitəsilə Beyləqan Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Hakim: Xatın Cabbarlı