Bərdə Rayon Məhkəməsi Qətnamə — İş №e-2(021)-1611/2022

Azərbaycan Respublikası adından QƏTNAMƏ Bərdə rayonu İş № e-2(021)-1611/2022 18.05.2022 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əhmədov Elsun Məzahir oğlu iddiaçı "xxxx" MMC-nin Cavabdeh qarşı pul tələbinə dair iddia ərizəsi üzrə mülki işə Bərdə Rayon Məhkəməsinin inzibati binasında kiçik iddialara dair işlər üzrə sadələşdirilmiş yazılı icraat qaydasında baxaraq, M Ü Ə Y Y Ə N E T D İ: İddiaçı "xxxx" MMC Cavabdeh qarşı pul tələbinə dair kiçik mübahisələr üzrə iddia ərizəsi ilə Bərdə Rayon Məhkəməsinə müraciət etmişdir. İddia tələbi onunla əsaslandırılmışdır ki, tərəflər arasında bağlanmış 12 sentyabr 2020ci il, 07 fevral 2020-ci il, 07 avqust 2020-ci il tarixli müqavilələyə əsasən cavabdeh iddiaçıdan Samsung A10 markalı telefon, Samsung Galaxy A51 markalı telefon, LG paltaryuyan almışdır. Cavabdeh müqavilənin şərtlərini pozmuş və nəticədə onun iddiaçıya 12 sentyabr 2020-ci il tarixli müqaviləyə əsasən 150 manat (əsas borc–150 manat, cərimə-0 manat), 07 fevral 2020-ci il tarixli müqaviləyə əsasən 178 manat (əsas borc-178 manat, cərimə-0 manat), 07 avqust 2020-ci il tarixli müqaviləyə əsasən 738 manat( əsas borc- 738 manat, cərimə-0 manat) cəmi 1066 manat borcu yaranmışdır. Azərbaycan Respublikası Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti iki min manatdan ... az olan iddialar (kiçik iddialar) üzrə işlərə ... sadələşdirilmiş qaydada baxılmasına yol verilir. İddia ərizəsi kiçik iddialara dair işlər üzrə sadələşdirilmiş icraat qaydasında baxılması üçün icraata qəbul edilmiş və cavabdehə bildiriş göndərilərək, bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək hüququnun olması izah edilmişdir. Cavabdeh tərəfindən iddiaya qarşı əsaslandırılmış etiraz məhkəməyə daxil olmamış və məhkəmə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxaraq belə nəticəyə gəlir ki, iddia tələbi aşağıdakı əsaslara görə təmin edilməlidir. İş materiallarında olan 12 sentyabr 2020-ci il, 07 fevral 2020-ci il, 07 avqust 2020-ci il tarixli müqavilələrdən görünür ki, həmin müqavilə "xxxx" MMC ilə Cavabdeh arasında bağlanmış və müqaviləyə əsasən Cavabdeh "xxxx" MMC-dən Sasmsung A10, Sasmsung A52, LG paltaryuyan almışdır. İş materiallarında olan ödəniş cədvəlindən görünür ki, cavabdeh 12 sentyabr 2020-ci il tarixli müqaviləyə əsasən 12 ay ərzində, hər ay cəmi 30 manat, 07 avqust 2020-ci il tarixli müqaviləyə əsasən 12 ay ərzində 76,3 manat, 07 fevral 2020-ci il tarixli müqaviləyə əsasən 12 ay ərzində 57 manat ödəmək şərti ilə aldığı malın dəyərini "xxxx" MMC-yə ödəməli idi. İş materiallarında olan maliyyə arayışında müəyyən olunur ki, Cavabdeh "xxxx" MMCyə 12 sentyabr 2020-ci il tarixli müqaviləyə əsasən 150 manat (əsas borc–150 manat, cərimə-0 manat), 07 fevral 2020-ci il tarixli müqaviləyə əsasən 178 manat (əsas borc- 178 manat, cərimə-0 manat), 07 avqust 2020-ci il tarixli müqaviləyə əsasən 738 mana t( əsas borc- 738 manat, cərimə-0 manat) cəmi 1066 manat borcu mövcuddur. İş materiallarında olan 23 noyabr 2021-ci il tarixli xəbərdarlıq məktubundan görünür ki, Cavabdeh borcun mövcud olması barədə və öhdəlik icra edilmədiyi təqdirdə iddiaçı tərəfindən atılacaq qanunvericilikdə nəzərdə tutulmuş addımlar barədə məlumatlandırılmışdır. Azərbaycan Respublikası Mülki Məcəlləsinin 567-ci maddəsinə əsasən, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Qeyd olunanlara əsasən məhkəmə hesab edir ki, Cavabdeh 12 sentyabr 2020-ci il tarixli müqaviləyə əsasən 150 manat (əsas borc–150 manat, cərimə-0 manat), 07 fevral 2020-ci il tarixli müqaviləyə əsasən, 178 manat (əsas borc- 178 manat, cərimə-0 manat), 07 avqust 2020-ci il tarixli müqaviləyə əsasən 738 manat( əsas borc- 738 manat, cərimə-0 manat) cəmi 1066 manat borcu tutularaq iddiaçı "xxxx" MMC-yə ödənilməlidir. Azərbaycan Respublikasının Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara əsasən və Azərbaycan Respublikası Mülki Prosessual Məcəlləsinin 284-1, 216-220 və 360-cı maddələrini rəhbər tutaraq, məhkəmə QƏT E T D İ: İddia tələbi təmin edilsin. Cavabdeh 12 sentyabr 2020-ci il tarixli müqaviləyə əsasən 150 manat, 07 fevral 2020-ci il tarixli müqaviləyə əsasən 178 manat, 07 avqust 2020-ci il tarixli müqaviləyə əsasən 738 manat olmaqla cəmi 1066 (min altmış altı manat) manat borc və 30.66 (otuz manat altmış altı qəpik) manat ödənilmiş dövlət rüsumu tutularaq iddiaçı "xxxx" MMC-yə ödənilsin. Qətnamədən onun rəsmi qaydada verildiyi gündən 1 (bir) ay müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədiyi təqdirdə qəbul edildiyi gündən 1 (bir) ay keçdikdən sonra qanuni qüvvəyə minir. HakimElsun Əhmədov