Biləsuvar Rayon Məhkəməsi Qətnamə — İş №e-2(022)-1475/2025

Azərbaycan Respublikası adından QƏTNAMƏ Biləsuvar rayonu İş № e-2(022)-1475/2025 15.09.2025 BİLƏSUVAR RAYON MƏHKƏMƏSİ Biləsuvar Rayon Məhkəməsinin sədri Əliyev Rəfayil Əfraddin oğlunun sədrliyi, məsləhətçi (iclas katibi) X1 oğlunun katibliyi ilə, «X2» məhdud məsuliyyətli cəmiyyətinin Cavabdeh qarşı 12 dekabr 2024-cü il tarixli, ********** saylı müqavilə üzrə ödənilməmiş əsas borc qismində 346 manat 94 qəpik, cərimə qismində 34 manat 69 qəpik və 14 dekabr 2024-cü il tarixli, ********** saylı müqavilə üzrə ödənilməmiş əsas borc qismində 25 manat 37 qəpik, cərimə qismində 2 manat 54 qəpik, cəmi 409 manat 54 qəpik, habelə ödənilmiş dövlət rüsumunun əvəzi qismində 30 manat məbləğində pul vəsaitinin cavabdehdən iddiaçının xeyrinə tutulması barədə iddia ərizəsinə dair mülki işə yazılı icraat qaydasında baxaraq, M Ü Ə Y Y Ə N E T D İ: 18 avqust 2025-ci il tarixdə «X2» məhdud məsuliyyətli cəmiyyəti Cavabdeh qarşı 12 dekabr 2024-cü il tarixli, ********** saylı müqavilə üzrə ödənilməmiş əsas borc qismində 346 manat 94 qəpik, cərimə qismində 34 manat 69 qəpik, 14 dekabr 2024-cü il tarixli, ********** saylı müqavilə üzrə ödənilməmiş əsas borc qismində 25 manat 37 qəpik, cərimə qismində 2 manat 54 qəpik, cəmi 409 manat 54 qəpik, habelə ödənilmiş dövlət rüsumunun əvəzi qismində 30 manat məbləğində pul vəsaitinin cavabdehdən iddiaçının xeyrinə tutulması barədə kiçik iddialara dair işlər üzrə sadələşdirilmiş icraati qaydasında iddia ərizəsi ilə məhkəməyə müraciət etmişdir. Cavabdehin ünvanına göndərilmiş 18 avqust 2025-ci il tarixli bildirişlə, iddiaçının tələbinə dair əsaslandırılmış etirazları olduğu halda 10 iş gün müddətində öz dəlillərini və onları təsdiq edən sənədləri təqdim etmək hüquqlarının mövcudluğu cavabdehə izah edilmiş, lakin iddia tələbinə cavabdehlər tərəfindən verilmiş etiraz məhkəməyə daxil olmamış və ərizənin əsaslandığı tələbetmə hüququ mübahisələndirilməmişdir. Azərbaycan Respublikası MPM-nin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, «Elektron imza və elektron sənəd haqqında» Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 285-5.3-cü maddəsinə görə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iddia ərizəsini və işin faktiki hallarını araşdıraraq, işdə olan sənədləri tədqiq edərək və sübutları qiymətləndirərək hesab edir ki, tərəflərin təqdim etdiyi sənədlər iş üzrə yekun qərarın çıxarılması üçün kifayət edir və iş üzrə əlavə araşdırmanın, o cümlədən tərəfləri çağıraraq izahatlarının alınması, yaxud şahidlərdən ifadələrin və ya ekspertlərdən rəyin alınması zərurəti yoxdur, aşağıda göstərilənlərə əsasən iddia təmin edilməlidir. Belə ki, iş materiallarında olan əşyanın alqı-satqısına dair 12 dekabr 2024-cü il tarixli, ********** saylı müqavilənin və ona əlavə edilmiş ödəniş cədvəlinin surətlərindən görünür ki, Cavabdeh «X2» məhdud məsuliyyətli cəmiyyəti ilə bağladığı həmin müqaviləyə əsasən «Hoffmann VC2100B» markalı tozsoranı, «Hoffmann F3700 Black» markalı sobanı, «Goranje HBC804QW»i markalı blenderi və 3 məhsul üzrə «Qızıl zəmanət ultra 3 il»i 18 ay müddətinə, hər ay 19 manat 83 qəpik ödəmək şərti ilə, cəmi 356 manat 99 qəpiyə almışdır. İşdə olan 12 dekabr 2024-cü il tarixli əşyaların təhvil-təslim aktının surətindən görünür ki, 12 dekabr 2024-cü il tarixli, ********** saylı müqaviləyə əsasən «Hoffmann VC2100B» markalı tozsoran, «Hoffmann F3700 Black» markalı soba, «Goranje HBC804QW»i markalı blender və 3 məhsul üzrə «Qızıl zəmanət ultra 3 il» 12 dekabr 2024-cü il tarixdə «X2» məhdud məsuliyyətli cəmiyyəti tərəfindən Cavabdeh təhvil verilmişdir. Mülki işdə olan əşyanın alqı-satqısına dair 14 dekabr 2024-cü il tarixli, ********** saylı müqavilənin və ona əlavə edilmiş ödəniş cədvəlinin surətindən görünür ki, Cavabdeh «X2» məhdud məsuliyyətli cəmiyyəti ilə bağladığı həmin müqaviləyə əsasən «Panasonic EH-ND65-K865» markalı feni ilkin olaraq 3 manat ödəməklə, 6 ay müddətinə, hər ay 6 manat 50 qəpik ödəmək şərti ilə, cəmi 42 manata almışdır. İşdə olan 14 dekabr 2024-cü il tarixli əşyaların təhvil-təslim aktının surətindən görünür ki, 14 dekabr 2024-cü il tarixli, ********** saylı müqaviləyə əsasən «Panasonic EH- ND65-K865» markalı fen 14 dekabr 2024-cü il tarixdə «X2» məhdud məsuliyyətli cəmiyyəti tərəfindən Cavabdeh təhvil verilmişdir. İş materiallarına əlavə edilmiş «X2» məhdud məsuliyyətli cəmiyyətinin Cavabdeh borcu barədə maliyyə və ödəniş cədvəlinin surətindən görünür ki, Cavabdeh 07 avqust 2025-ci il tarixə iddiaçıya olan borcu 12 dekabr 2024-cü il tarixli, ********** saylı müqavilə üzrə ödənilməmiş əsas borc qismində 346 manat 94 qəpik, cərimə qismində 34 manat 69 qəpik, cəmi 381 manat 63 qəpik və 14 dekabr 2024-cü il tarixli, ********** saylı müqavilə üzrə ödənilməmiş əsas borc qismində 25 manat 37 qəpik, cərimə qismində 2 manat 54 qəpik, cəmi 27 manat 91 qəpik, ümumilikdə 409 manat 54 qəpik məbləğində təşkil edir. Azərbaycan Respublikası Mülki Məcəlləsinin 21.1-ci maddəsinə əsasən hüququ pozulmuş şəxs ona vurulmuş zərərin əvəzinin tam ödənilməsini tələb edə bilər. Həmin Məcəllənin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Həmin Məcəllənin 448.1-ci maddəsinə uyğun olaraq, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir və həmin Məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunun ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.1-ci maddəsinə görə icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Həmin Məcəllənin 445.2.1-ci maddəsinə görə öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Azərbaycan Respublikası Mülki Məcəlləsinin 601.2-ci maddəsinə uyğun olaraq, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. Azərbaycan Respublikası Mülki Məcəlləsinin 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Bundan başqa, Azərbaycan Respublikası Mülki Məcəlləsinin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Beləliklə, işdə olan sübutlarla Cavabdeh 07 avqust 2025-ci il tarixə «X2» məhdud məsuliyyətli cəmiyyətinə 12 dekabr 2024-cü il tarixli, ********** saylı müqavilə üzrə ödənilməmiş əsas borc qismində 346 manat 94 qəpik, cərimə qismində 34 manat 69 qəpik və 14 dekabr 2024-cü il tarixli, ********** saylı müqavilə üzrə ödənilməmiş əsas borc qismində 25 manat 37 qəpik, müqavilə predmeti olan cihazların İMEİ kodlarının deaktiv edilməsi ilə bağlı çəkilmiş əlavə xərclər qismində 47 manat 20 qəpik, cərimə qismində 22 manat 63 qəpik, cəmi 409 manat 54 qəpik məbləğində borcunun yarandığı təsdiq olunur. Buna görə də məhkəmə hesab edir ki, 12 dekabr 2024-cü il tarixli, ********** saylı müqavilə üzrə 07 avqust 2025-ci il tarixə ödənilməmiş əsas borc qismində 346 manat 94 qəpik, cərimə qismində 34 manat 69 qəpik və 14 dekabr 2024-cü il tarixli, ********** saylı müqavilə üzrə 07 avqust 2025-ci il tarixə ödənilməmiş əsas borc qismində 25 manat 37 qəpik və cərimə qismində 2 manat 54 qəpik məbləğində pul vəsaiti cavabdehdən iddiaçının xeyrinə tutulmalıdır. Bundan başqa, Azərbaycan Respublikası MPM-nin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Azərbaycan Respublikası MPM-nin 119-cu maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Buna görə də məhkəmə hesab edir ki, iddia tam təmin edildiyinə görə ödənilmiş dövlət rüsumunun əvəzi qismində 30 manat məbləğində pul vəsaiti cavabdehdən iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikası MPM-nin 10-1, 216- 220, 227, 284-5, 284-6, 358-360 və 362-ci maddələrini rəhbər tutaraq, məhkəmə Q Ə T E T D İ: «X2» məhdud məsuliyyətli cəmiyyətinin iddiası təmin edilsin. Cavabdeh «X2» məhdud məsuliyyətli cəmiyyətinin xeyrinə 07 avqust 2025-ci il tarixə 12 dekabr 2024-cü il tarixli, ********** saylı müqavilə üzrə ödənilməmiş əsas borc qismində 346 (üç yüz qırx altı) manat 94 (doxsan dörd) qəpik, cərimə qismində 34 (otuz dörd) manat 69 (altmış doqquz) qəpik və 14 dekabr 2024-cü il tarixli, ********** saylı müqavilə üzrə ödənilməmiş əsas borc qismində 25 (iyirmi beş) manat 37 (otuz yeddi) qəpik, cərimə qismində 2 (iki) manat 54 (əlli dörd) qəpik, habelə ödənilmiş dövlət rüsumunun əvəzi qismində 30 (otuz) manat, cəmi 439 (dörd yüz otuz doqquz) manat 54 (əlli dörd) qəpik məbləğində pul vəsaiti tutulsun. Qətnamə təqdim olunan (alınan) gündən 1 (bir) ay müddətində, ondan Biləsuvar rayon Məhkəməsi vasitəsilə və “Elektron məhkəmə” informasiya sistemində yaradılan elektron kabinetində yerləşdirməklə, Şirvan Apellyasiya Məhkəməsinə apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir. Biləsuvar Rayon Məhkəməsinin sədri R.Ə.Əliyev