Qax Rayon Məhkəməsi Qətnamə — İş №e-2(024)-720/2024

Azərbaycan Respublikası adından QƏTNAMƏ Qax rayonu İş № e-2(024)-720/2024 19.11.2024 QAX RAYON MƏHKƏMƏSİ Mən, Qax rayon məhkəməsinin hakimi Kərimov Taleh Etibar oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı pul tələbinə dair kiçik iddia ərizəsinə sadələşdirilmiş icraat qaydasında baxaraq, müəyyən etdi: İddiaçı "xxxx" Məhdud Məsuliyyətli Cəmiyyəti Cavabdeh qarşı borcun ödənilməsi tələbinə dair kiçik iddia ərizəsi ilə məhkəməyə müraciət edərək, xx.xx.2023-cü il tarixli müqaviləyə əsasən SAMSUNG LED TV üçün 1100.16 (bir min bir yüz manat on altı qəpik) manat ödənilməmiş hissə, 11.84 (on bir manat səksən dörd qəpik) manat cərimə, xx.xx.2023-cü il tarixli müqaviləyə əsasən 2 ədəd Yupiter Asqı üçün 67.2 (altmış yeddi manat iyirmi qəpik) manat ödənilməmiş hissə və 6.8 (altı manat səksən qəpik) manat cərimə, xx.xx.2023-cü il tarixli müqaviləyə əsasən 6 ədəd STUL-CARMEN, 2 ƏDƏD YUPİTER ASQİ üçün 906.4 (doqquz yüz altı manat qırx qəpik) manat ödənilməmiş hissə və 90.6 (doxsan manat altmış qəpik) manat cərimə borcu olmaqla, cəmi 2282 (iki min iki yüz səksən iki) manat borcun və 42.82 manat dövlət rüsumunun tutularaq iddiaçıya ödənilməsi barədə qətnamə çıxarılmasını xahiş etmişdir. İddiaçı tələbini belə əsaslandırmışdır ki, tərəflər arasında bağlanmış xx.xx.2023-cü il tarixli 04664657 saylı müqaviləyə əsasən Cavabdeh "xxxx" MMC-dən 18 ay müddətinə hər ay 61.12 manat, 325 manat ilkin ödəniş etmək şərtilə 1425.16 manat dəyərində SAMSUNG LED TV; xx.xx.2023-cü il tarixli 04664546 saylı müqaviləyə əsasən Cavabdeh "xxxx" MMC-dən 24 ay müddətinə hər ay 2.8 manat, 5.4 manat ilkin ödəniş etmək şərtilə 72.6 manat dəyərində 2 ƏDƏD YUPİTER asqı və xx.xx.2023-cü il tarixli 04664544 saylı müqaviləyə əsasən Cavabdeh "xxxx" MMC-dən 24 ay müddətinə hər ay 41.4 manat, 4 manat ilkin ödəniş etmək şərtilə 997.6 manat dəyərində 6 ədəd stul-CARMEN- 2 ƏDƏD YUPİTER asqı almışdır. Cavabdehin xx.xx.2023-cü il tarixində 2 ədəd Yupiter asqıdan imtina etmiş və məhsul 47.2 manat qiymətləndirilib borcundan silinərək geri qaytarılmışdır. Cavabdehin xx.xx.2023-cü il tarixli müqavilə üzrə cəmi ödədiyi məbləğ 44 manat, məhsul qaytarıldıqdan sonra qoyulan qiymət 47.2 manat, ümumilikdə 91.2 manat təşkil edir. Cavabdehə dəfələrlə şifahi və yazılı xəbərdarlıq olunsa da, o, müqavilələrin qeyd olunan şərtlərini pozaraq borcunu ödəməmiş, nəticədə hər üç müqavilə üzrə onun 2073.76 manat ödənilməmiş hissə, 208.24 manat hesablanmış cərimə borcu olmaqla, cəmi 2282 manat borcu ödənilməmiş qalmışdır. Ona görə də hazırkı tələblə bağlı məhkəməyə müraciət edilmişdir. Odur ki, iddiaçı cavabdehdən cəmi 2282 manat borcun və 42.82 manat dövlət rüsumunun tutularaq iddiaçıya ödənilməsi barədə qətnamə çıxarılmasını xahiş etmişdir. Məhkəmə hazırkı iddianın qiymətinin beş min manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etmişdir. Belə ki, Azərbaycan Respublikası Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. İş materiallarından görünür ki, iddia ərizəsi xx.xx.2024-cü il tarixdə məhkəməyə daxil olmuş və xx.xx.2024-cü il tarixdə məhkəmə cavabdehə hüquq və vəzifələrinin izahı barədə rəsmi qaydada bildiriş göndərmişdir. Azərbaycan Respublikası Mülki Prosessual Məcəlləsinin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, "Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. İş materiallarından görünür ki, iddia ərizəsi xx.xx.2024-cü il tarixdə məhkəməyə daxil olmuş və xx.xx.2024-cü il tarixdə məhkəmə cavabdehə prosessual hüquq və vəzifələrinin izahı barədə rəsmi qaydada bildiriş göndərmişdir. SX030275352AZ seriya nömrəli xəbərnamədən görünür ki, məktubu xx.xx.2024-cü il tarixdə cavabdeh şəxsən imza etməklə qəbul etmişdir. Məhkəmə, cavabdehə qanunla müəyyən olunmuş qaydada prosessual hüquq və vəzifələrinin izah olunduğunu, iddiaya qarşı etirazının olmamasını və iddia tələbinin kiçik iddialar kateqoriyasına aid edilməklə yanaşı, mübahisə doğurmayan tələb olduğunu nəzərə alaraq hesab edir ki, mülki işin iddia icraatına keçirilməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdur, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən, kiçik iddialar üzrə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iddiaçının təqdim etdiyi sənədlərin tədqiqi nəticəsinə əsaslanaraq hesab edir ki, iddia tələbi qismən əsaslıdır. Azərbaycan Respublikası Mülki Prosessual Məcəlləsinin 77-ci maddəsinin tələblərinə görə hər bir tərəf öz tələblərinin və etirazlarının əsası kimi istinad etdikləri halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 217.4-cü maddəsinə əsasən, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Belə ki, işdə olan xx.xx.2023-cü il tarixli 04664657 saylı müqaviləyə əsasən Cavabdeh "xxxx" MMC-dən 18 ay müddətinə hər ay 61.12 manat, 325 manat ilkin ödəniş etmək şərtilə 1425.16 manat dəyərində SAMSUNG LED TV; xx.xx.2023-cü il tarixli 04664546 saylı müqaviləyə əsasən Cavabdeh "xxxx" MMC-dən 24 ay müddətinə hər ay 2.8 manat, 5.4 manat ilkin ödəniş etmək şərtilə 72.6 manat dəyərində 2 ƏDƏD Yupiter asqı və xx.xx.2023-cü il tarixli 04664544 saylı müqaviləyə əsasən Cavabdeh "xxxx" MMCdən 24 ay müddətinə hər ay 41.4 manat, 4 manat ilkin ödəniş etmək şərtilə 997.6 manat dəyərində 6 ədəd stul-Carmen, 2 ədəd Yupiter asqı almışdır. İşdə olan xx.xx.2024-cü il tarixli xəbərdarlıq məktubundan görünür ki, iddiaçı borcun ödənilməsini cavabdehdən tələb etmiş, öhdəliklərin icra edilməyəcəyi təqdirdə məhkəməyə müraciət olunacağı barədə onu xəbərdar etmişdir. İşdə olan xx.xx.2024-cü il tarixli maliyyə və ödəniş cədvəlindən görünür ki, cavabdehin İddiaçınə hər iki müqavilə üzrə 2073.76 (iki min yetmiş üç manat yetmiş altı qəpik) manat ödənilməmiş hissə, 208.24 (iki yüz səkkiz manat iyirmi dörd qəpik) manat hesablanmış cərimə borcu olmaqla, cəmi 2282 (iki min iki yüz səksən iki) manat borcu vardır. İşin araşdırılan hallarından müəyyən olunur ki, cavabdeh üzərinə götürdüyü öhdəliyi lazımi qaydada icra etməmiş, onun iddiaçının qarşısında icra edilməmiş öhdəliyi vardır. Beləliklə, məhkəmə iddiaçının təqdim etdiyi sübutların tədqiqi nəticəsində müəyyən etdi ki, iddiaçı ilə cavabdeh arasında xx.xx.2023-cü il tarixli 04664657 saylı müqaviləyə əsasən Cavabdeh "xxxx" MMC-dən 18 ay müddətinə hər ay 61.12 manat, 325 manat ilkin ödəniş etmək şərtilə 1425.16 manat dəyərində SAMSUNG LED TV; xx.xx.2023-cü il tarixli 04664546 saylı müqaviləyə əsasən Cavabdeh "xxxx" MMC-dən 24 ay müddətinə hər ay 2.8 manat, 5.4 manat ilkin ödəniş etmək şərtilə 72.6 manat dəyərində 2 ədəd Yupiter asqı və xx.xx.2023-cü il tarixli 04664544 saylı müqaviləyə əsasən Cavabdeh "xxxx" MMC-dən 24 ay müddətinə hər ay 41.4 manat, 4 manat ilkin ödəniş etmək şərtilə 997.6 manat dəyərində 6 ədəd stul-Carmen, 2 ədəd Yupiter asqı almışdır. Cavabdeh müqavilənin şərtlərinə əsasən üzərinə götürdüyü öhdəliklərini yerinə yetirməmişdir. Nəticədə, onun iddiaçıya 2282 (iki min iki yüz səksən iki) manat borcu yaranmışdır ki, ondan 2073.76 (iki min yetmiş üç manat yetmiş altı qəpik) manat ödənilməmiş hissə, 208.24 (iki yüz səkkiz manat iyirmi dörd qəpik) manat cərimə hesablanmışdır. Cavabdehin xx.xx.2023-cü il tarixli müqavilə üzrə cəmi ödədiyi məbləğ 44 manat, məhsul qaytarıldıqdan sonra qoyulan qiymət 47.2 manat, ümumilikdə 91.2 manat təşkil edir. Mülki Məcəllənin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 406.1-ci maddəsinə əsasən müqavilə əqdlərin bağlanması üçün nəzərdə tutulan hər hansı formada bağlana bilər, bu şərtlə ki, bu Məcəllədə həmin növ müqavilə üçün müəyyən forma təyin edilməsin. Həmin Məcəllənin 329.2-ci maddəsinə əsasən əqdlər şifahi və ya yazılı (sadə və ya notarial) formada bağlanır. Eləcə də, həmin Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətə həyata keçirməlidir. Həmin Məcəllənin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 600.4-cü maddəsinə əsasən əşyanı təhvil almış alıcı onu alqısatqı müqaviləsində nəzərdə tutulan müddətə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 448.2-ci maddəsində göstərilmişdir ki, borclu öz öhdəliklərinin hər bir təqsirli pozuntusu üçün məsuliyyət daşıyır. Ona görə də məhkəmə hesab edir ki, cavabdeh müqavilə öhdəliyinə əməl etmədiyinə görə iddiaçı qarşısında mülki məsuliyyət daşıyır. Məhkəmə hesab edir ki, cavabdehdən xx.xx.2023-cü il tarixli 04664657 saylı müqaviləyə əsasən əsas 1100.16 (bir min bir yüz manat on altı qəpik) manat, xx.xx.2023cü il tarixli 04664546 saylı müqaviləsinə əsasən 67.2 (altmış yeddi manat iyirmi qəpik) manat və xx.xx.2023-cü il tarixli 04664544 saylı müqaviləyə əsasən əsas 906.4 (doqquz yüz altı manat qırx qəpik) manat ödənilməmiş əsas borc alınmalı, lakin hesablanmış cərimə məbləği (dəbbə pulu) Azərbaycan Respublikası Mülki Məcəlləsinin 467-ci maddəsinə əsasən azaldılaraq, xx.xx.2023-cü il tarixli 04664657 saylı müqaviləyə əsasən 10 (on) manat; xx.xx.2023-cü il tarixli 04664546 saylı müqaviləsinə əsasən 1(bir) manat və xx.xx.2023-cü il tarixli 04664544 saylı müqaviləsinə əsasən 5 (beş) manat məbləğində müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsində göstərilmişdir ki, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Məhkəmə toplanmış və tədqiq olunmuş sübutlara məcmu halında hüquqi qiymət verərək hesab edir ki, iddia qismən təmin edilməli, hər üç müqavilə üzrə 2073.76 (iki min yetmiş üç manat yetmiş altı qəpik) manat məbləğində ödənilməmiş hissə və 16 (on altı) manat məbləğində cərimə olmaqla, cəmi 2089.76 (iki min səksən doqquz manat yetmiş altı qəpik) manat məbləğində pul cavabdehdən tutularaq iddiaçının xeyrinə ödənilməlidir. MPM-in 119-cu maddəsinə əsasən, iddianın təmin edilmiş hissəsinə mütənasib olaraq iddiaçının məhkəməyə ərizə verərkən dövlət rüsumu kimi ödədiyi 40.89 (qırx manat səksən doqquz qəpik) manat məbləğdə pul vəsaiti də cavabdehdən tutulub iddiaçıya ödənilməlidir. Göstərilənlərə əsasən və Azərbaycan Respublikası MPM-in 119, 216-220, 227, 233, 284-5.3, 284-6.1,284-6.2-ci maddələrini rəhbər tutaraq, məhkəmə q ə t etdi: İddia tələbi qismən təmin edilsin. Cavabdeh xx.xx.2023-cü il tarixli 04664657 saylı, xx.xx.2023-cü il tarixli 04664544 saylı və xx.xx.2023-cü il tarixli 04664546 saylı müqavilələr üzrə 2073.76 (iki min yetmiş üç manat yetmiş altı qəpik) manat məbləğində ödənilməmiş hissə və 16 (on altı) manat məbləğində cərimə olmaqla, cəmi 2089.76 (iki min səksən doqquz manat yetmiş altı qəpik) manat məbləğində pul tutularaq iddiaçı "xxxx" Məhdud Məsuliyyətli Cəmiyyətinin hesabına ödənilsin. Cavabdeh ödənilmiş dövlət rüsumunun əvəzi olan 40.89 (qırx manat səksən doqquz qəpik) manat məbləğində pul alınıb, iddiaçı "xxxx" Məhdud Məsuliyyətli Cəmiyyətinin xeyrinə verilsin. İddia tələbi qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Qax rayon Məhkəməsi vasitəsi ilə (Elektron Məhkəmə İnformasiya Sistemində yaradılan elektron kabinetdən istifadə edilməklə) Şəki Apelyasiya Məhkəməsinə şikayət verilə bilər. Hakim : Taleh Kərimov