Qəbələ Rayon Məhkəməsi Qətnamə — İş №e-2(025)-1231/2025

Azərbaycan Respublikası adından QƏTNAMƏ Qəbələ şəhəri İş № e-2(025)-1231/2025 01.09.2025 QƏBƏLƏ RAYON MƏHKƏMƏSİ İddiaçı Cavabdeh qarşı «təbii qazdan istifadəyə görə yaranmış borcun tutulması» tələbinə dair mülki iş üzrə (Açar sözlər: müqavilələrdən əmələ gələn öhdəliklər üzrə mübahisələr) Qəbələ Rayon Məhkəməsi X1 İddiaçı İB-nin Cavabdeh qarşı debitor borcun ödənilməsi tələbi barədə iddia ərizəsinə dair işə açıq məhkəmə iclasında baxaraq M Ü Ə Y Y Ə N E T D İ: İddiaçı İB-nin Cavabdeh qarşı debitor borcun ödənilməsi tələbi barədə iddia qaldıraraq xeyrinə 711.66 manat əsas borc, dövlət rüsumuna görə 30.40 manat tutulması barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, SOCAR İddiaçı İB-nin Zaqatala Regional qaz istismarı İdarəsininQəbələ xidmət sahəsində istehlakçı kimi qeydiyyatda olan Qəbələ rayonu Çarxana kəndində Cavabdeh məxsus mənzilində №AKX-02275xx/xx-2020 saylı alqısatqı müqaviləsi əsasında təbii qazdan istifadə edilir. İstehlakçıya məxsus mənzildə uzun müddət təbii qazdan istifadə edilsədə qaz hesabında yaranmış borc tam şəkildə ödənilməmişdir. Cavabdeh **********01520 saylı qaz hesabında ödənilməmiş 7606.14 (yeddi min altı yüz altı manat on dörd qəpik) manat borc vardır. Cavabdeh məxsus **********01520 saylı qaz hesabında olan 7606.14 manat borc məbləğinin xx.xx.2024-cü il tarixə olan ödənilməmiş 6894.48 (altı min səkkiz yüz doxsan dörd manat qırx səkkiz qəpik) manat hissəsi üzrə İddiaçı tərəfindən borc tələbi üzrə Qəbələ rayon Məhkəməsində iddia qaldırılmış və Qəbələ rayon Məhkəməsi tərəfindən xx.xx.2020-ci il tarixli e-2(025)-444/2020 saylı Qətnamə, xx.xx.2021-ci il tarixli e-2(025)-1098/2021 saylı Qətnamə və xx.xx.2025-ci il tarixli e-2(025)-80/2025 saylı Qətnamə çıxarılmışdır. Hal-hazırda tələb olunan 711.66 (yeddi yüz on bir manat altmış altı qəpik) manat məbləğində borc isə xx.xx.2024-cü il tarixdən sonrakı və bu günədək olan dövr ərzində Cavabdeh məxsus **********01520 saylı qaz hesabında yaranan borc məbləğidir. Cavabdeh məxsus **********01520 saylı qaz hesabında olan 711.66 manat borc sayğac göstəricisinə əsasən aparılmış hesabata əsasən yaranmış borc məbləğidir və hazırda məcburi qaydada ödənişinin təmin edilməsi üçün məhkəməyə müraciət edilir. 1) Sayğac göstəricisinə əsasən aparılmış hesabata görə yaranmış borc: İddia tələbində göstərilən sayğac göstəricisinə əsasən aparılmış hesabata görə yaranmış 2690.56 manat həcmindəki borc Cavabdeh yaşadığı ünvanda istismarda olan G4T markalı **********4 nömrəli sayğacın 10730 m göstəricisi ilə müəyyən edilmişdir. İddiaçı tərəf borcun ödənilməsi ilə bağlı cavabdehə müraciətlər etsə də, cavabdeh borcun ödənilməsini təmin etmədiyindən hazırkı mübahisə yaranmış və iddiaçı məhkəməyə müraciət etmək məcburiyyətində qalmışdır. İşdə olan İddiaçı İB-nin Zaqatala Regional Qİİ (Paylayıcı) ilə Cavabdeh (istehlakçı) arasında bağlanmış “Qaz paylayıcısı ilə məişət qaz qurğusu istifadəçisi arasında qazın alqı-satqısı barədə” xx.xx.2020-ci il tarixli müqavilənin surətinə əsasən Paylayıcı İstehlakçını keyfiyyətli qazla təmin etməyi və İstehlakçı aldığı qazın dəyərini qaz sayğacının göstəricilərinə uyğun olaraq Paylayıcı tərəfindən təqdim edilən hesaba əsasən ödəməyi öhdəsinə götürmüşdür. AR Nazirlər Kabinetinin xx.xx.2011-ci il tarixli 80 nömrəli Qərarı ilə təsdiq edilmiş «Qazdan istifadə Qaydaları»nın 4.1-ci bəndinə əsasən qaz paylayıcısı və istehlakçı arasında balans mənsubiyyəti sərhəddində qazın sərfinə görə hesablaşma aparılması üçün layihəyə uyğun olaraq, AR Standartlaşdırma, Metrologiya və Patent üzrə DK ( bundan sonra-SMPDK) tərəfindən tipi təsdiq edilərək dövlət reyestrinə daxil edilmiş və sertifikatlaşdırılmış müvafiq qaz sayğacları quraşdırılmalıdır. Həmin Qaydaların 5.2-ci bəndinə əsasən qaz paylayıcısı istehlakçıya verdiyi qazın dəyərini yalnız qaz sayğacının göstəricilıərinə əsasən tam hesablamalıdır və hər ay istehlakçıya hesab təqdim etməlidir. Həmin Qaydaların 5.5-ci bəndinə əsasən qaz paylayıcısının istehlakçıya verdiyi qazın sayğacla müəyyənləşdirilən hesabı istehlakçıya paylayıcı tərəfindən təqdim edildikdən (göndərildikdən) sonra bir ay müddətində tam ödənilməlidir. AR Mülki Məcəlləsinin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Məhkəmədə tədqiq olunmuş sübutlara qiymət verərək hesab edir ki, iddia təmin edilməli, Cavabdeh (abonent kodu: **********01520; Sayğacın zavod nömrəsi: **********4; ünvan: ünvan 1 qaz sərfiyyatına görə sayğacın göstəricilərinə əsasən hesablanmış 711.66 (yeddi yüz on bir manat altmış altı qəpik) manat debitor borcunu, əvvəlcədən ödənilmiş 30.40 (otuz manat qırx qəpik) manat dövlət rüsumu olmaqla ümumilikdə 742.06 (yeddi yüz qırx iki manat altı qəpik) manat tutularaq İddiaçı İB-ə ödəməlidir. Yuxarıda qeyd olunanlara əsasən Azərbaycan Respublikası MPM-nin 216-220, 227, 233, 357 və 360-cı maddələrini rəhbər tutaraq Q Ə T E T D İ: İddia tələbi təmin olunsun. Cavabdeh 711.66 (yeddi yüz on bir manat altmış altı qəpik) manat əsas borc, 30.40 (otuz manat qırx qəpik) manat dövlət rüsumu olmaqla, ümumilikdə isə 742.06 (yeddi yüz qırx iki manat altı qəpik) manat borcun tutulub İddiaçı İB-nin hesabına ödənilsin. Qətnamədən 1 (bir) ay müddətində Qəbələ Rayon Məhkəməsi vasitəsilə Azərbaycan Respublikası Şəki Apellyasiya məhkəməsinə apellyasiya şikayəti verilə bilər. Hakim: Ülvi Qənbərov.