Qubadlı Rayon Məhkəməsi Qətnamə — İş №e-2(028)-442/2022

Azərbaycan Respublikası adından QƏTNAMƏ Sumqayıt şəhəri İş № e-2(028)-442/2022 08.09.2022 QUBADLI RAYON MƏHKƏMƏSİ X1 Ruvinovun sədrliyi, Mustafayeva Aynurə Akif qızının katibliyi ilə İddiaçı Cavabdeh qarşı pul tələbinə dair iddiası üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı məhkəməyə müraciət edərək, Cavabdeh S3K4577562 saylı müqaviləsi üzrə 819 manat əsas borc, 246 manat dəbbə pulu, S3K5669766 saylı müqaviləsi üzrə 1102 manat əsas borc, 330 manat dəbbə pulu, S3K5738717 saylı müqaviləsi üzrə 446 manat əsas borc, 134 manat dəbbə pulu, ödənilmiş 51 manat dövlət rüsumu, ümumilikdə 3128 (üç min yüz iyirmi səkkiz) manatın xeyrinə tutulmasını xahiş etmişdir. Məhkəməyə ünvanlanmış ərizədə iddiaçı işə onun iştirakı olmadan baxılması və iddianın təmin edilməsinin xahiş etmişdir. İddia ərizəsində göstərilmişdir ki, Cavabdeh ********** N-li VÖEN əsasında fəaliyyət göstərən, Bakı şəhərində yerləşən “Soliton” mağazasının sahibi, fiziki şəxs İddiaçı ilə xx.xx.2018-ci il,xx.xx.2019-cu və xx.xx.2019-cu il tarixli alqı-satqı müqavilələri bağlanmışdır. Cavabdeh xx.xx.2018-ci il tarixli S3K4577562 saylı müqaviləsinə əsasən ümumi dəyəri 1812 manat olan “Beko” markalı televizor və “Samsung” markalı tozsoran almış, ilkin olaraq 57 manat ödəniş etmiş və nəticədə 1762 manat borc yaranmışdır. Cavabdeh xx.xx.2019-cu il tarixli S3K5669766 saylı müqaviləsinə əsasən ümumi dəyəri 1440 manat olan “Ariston Cares X” markalı kombi almış, ilkin ödəniş etməmiş və nəticədə 1440 manat borc yaranmışdır. Cavabdeh xx.xx.2019-cu il tarixli S3K5738717 saylı müqaviləsinə əsasən ümumi dəyəri 900 manat olan “Samsung Galaxy A50” markalı telefon almış, ilkin ödəniş etməmiş və nəticədə 900 manat borc yaranmışdır. Cavabdeh xx.xx.2018-ci il tarixli S3K4577562 saylı müqaviləsi üzrə sonuncu dəfə xx.xx.2019-cu il tarixdə 117 manat, xx.xx.2019-cu il tarixli S3K5669766 saylı müqaviləsi üzrə sonuncu dəfə xx.xx.2020-ci il tarixdə 50 manat və xx.xx.2019-cu il tarixli S3K5738717 saylı müqaviləsi üzrə sonuncu dəfə xx.xx.2020-cu il tarixdə 50 manat ödəmişdir. Cavabdehə pulu ödənilməsi barədə yazılı və şifahi müraciətlər heç bir nəticə verməmiş və nəticədə alqı-satqı qiyməti S3K4577562 saylı müqaviləsi üzrə ümumi dəyəri 1812 manat olan “Beko” markalı televizor və “Samsung” markalı tozsoran üçün ümumilikdə 819 manat ödənilməmiş hissə, 246 manat dəbbə pulu, alqı-satqı qiyməti S3K5669766 saylı müqaviləsi üzrə ümumi dəyəri 1440 manat olan “Ariston Cares X” markalı kombi üçün ümumilikdə 1102 manat ödənilməmiş hissə, 330 manat dəbbə pulu və alqı-satqı qiyməti S3K5738717 saylı müqaviləsi üzrə ümumi dəyəri 900 manat olan “Samsung Galaxy A50” markalı telefon üçün ümumilikdə 446 manat ödənilməmiş hissə, 134 manat dəbbə pulu borcu yaranmışdır. Cavabdeh ödəniş cədvəlləri üzrə ödənişləri etməlidir. Alqı-satqı müqavilələrinin 2.4-cü maddəsinə əsasən alıcı ödənişi gecikdirdiyi hər gün üçün məcmu borcun 1% həcmində cərimə ödəməlidir.Göstərilənləri nəzərə alaraq iddianın təmin edilməsini məhkəmədən xahiş etmişdir. Cavabdeh qanunla müəyyən edilmiş qaydada məhkəmə iclasının yeri və vaxtı barədə xəbərdar edilməsinə baxmayaraq, məhkəmə iclasına gəlməmiş və gəlməmələrinin səbəbləri haqqında məlumat verməmişdir. Ona görə də Azərbaycan Respublikası MPM-in 185.5-ci maddəsinə əsasən məhkəmə cavabdehin iştirakı olmadan işə baxılmasını mümkün hesab etmişdir. Məhkəmə iş materiallarını tədqiq edib hesab edir ki, iddia qismən təmin edilməlidir. Belə ki, iş materiallarından görünür ki, Cavabdeh ********** N-li VÖEN əsasında fəaliyyət göstərən fiziki şəxs İddiaçı ilə bağladığı xx.xx.2018-ci il, xx.xx.2019-cu və xx.xx.2019-cu il tarixli alqı-satqı müqavilələrinə əsasən “Beko” markalı televizor,“Samsung” markalı tozsoran, “Ariston Cares X” markalı kombi və “Samsung Galaxy A50” markalı telefon müqavilələrdə nəzərdə tutulmuş müddət ərzində ödəmək şərti ilə ona satılmışdır.Tərəflər bu müqavilələrdə nəzərdə tutulmuş öhdəliklərini vaxtında yerinə yetirmədikdə məsuliyyət daşıyırlar. İş materiallarında olan ödəniş cədvəlindən görünür ki, Cavabdeh iddiaçıya olan borcunu ödəniş cədvəllərində nəzərdə tutulmuş müddət ərzində ödəməlidir. İddiaçı tərəfindən cavabdehə ünvanlanmış xx.xx.2022-ci il tarixli xəbərdarlıqda göstərilir ki, müqavilələrinin şərtlərini kobud surətdə pozaraq, müqavilələyə əməl etməmişdir. 10 gün müddətinə borcunu ödəməsə, məhkəməyə müraciət olunacaq. Azərbaycan Respublikası MM-in 600-cü maddəsinə müvafiq olaraq,alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir.Əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Azərbaycan Respublikası MM-in 385.1-ci maddəsinə müvafiq olaraq öhdəliyə əsasən, bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn pul ödəməli, əmlak verməli, iş görməli, xidmətlər göstərməli və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası MM-in 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Azərbaycan Respublikası MM-in 445-ci maddəsinə əsasən icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Qeyd olunan Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası MM-in 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə hesab edir ki, iddiaçı tərəfindən hesablanmış borc kreditorun həm əmlak mənafeləri, həm də bütün əsaslı mənafelərini təmin edir. Bunu nəzərə alaraq məhkəmə hesab edir ki, dəbbə pulunun məbləqləri – 246 manat, 330 manat və 134 manat tənasübsüz surətdə yüksəkdir və müvafiq olaraq 30 manat, 50 manat və 10 manat məbləğində dəbbə pulunu ağlabatan və ədalətli məbləğ kimi müəyyən edir. Məhkəmə qeyd edir ki, dəbbə pulu gəlir vasitəsi kimi çıxış edə bilməz. Dəbbə pulu (cərimə) öhdəliklərin icrasının təmin edilməsi üsuludur. Öhdəliklərin icra olunmaması halında nəzərdə tutulan maliyyə sanksiyasıdır və bu səbəbdən onun miqdarı tənasübsüz surətdə yüksək ola bilməz. Azərbaycan Respublikası Mülki Prosessual Məcəlləsinin 14-cü maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217-cı maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Yuxarıdakılara əsasən və Azərbaycan Respublikası Mülki Prosessual Məcəlləsinin 216-220, 360-cı maddələrini rəhbər tutaraq, məhkəmə Q Ə T E T D İ: İddia qismən təmin edilsin. Cavabdeh S3K4577562 saylı müqaviləsi üzrə 819 manat əsas borc, 30 manat dəbbə pulu, S3K5669766 saylı müqaviləsi üzrə 1102 manat əsas borc, 50 manat dəbbə pulu, S3K5738717 saylı müqaviləsi üzrə 446 manat əsas borc, 10 manat dəbbə pulu, ödənilmiş 51 manat dövlət rüsumu, ümumilikdə 2508 (iki min beş yüz səkkiz) manat İddiaçı xeyrinə tutulsun. Qalan hissədə iddia rədd edilsin. Qətnamədən rəsmi qaydada verildiyi gündən bir ay müddətində Qubadlı Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. HAKİM VLADİMİR RUVİNOV