Qusar Rayon Məhkəməsi Qətnamə — İş №e-2(029)-756/2022

Azərbaycan Respublikası adından QƏTNAMƏ Qusar şəhəri İş № e-2(029)-756/2022 29.08.2022 QUSAR RAYON MƏHKƏMƏSİ Hakim Cəlilov Əli İsa oğlunun sədrliyi Ağaliyev Hümmət Rahib oğlunun katibliyi ilə, İddiaçı "xxxx" MMC-nin Cavabdeh qarşı kredit müqaviləsi üzrə yaranmış borcun tutulması tələbinə dair mülki işə kiçik iddialara dair sadələşdirilmiş icraat qaydasında baxaraq, məhkəmə M Ü Ə Y Y Ə N E T D İ: İddiaçı "xxxx" MMC Cavabdeh qarşı kredit müqaviləsi üzrə yaranmış borcun tutulması tələbinə dair kiçik mübahisələr üzrə iddia ərizəsi ilə məhkəməyə müraciət edərək, xx.xx.2020-ci il tarixli müqaviləsinə əsasən, İMEİ kodu **********69962 olan Huawei Y9 Prime markalı telefon üçün 166 (yüz altmış altı) manat ödənilməmiş hissə, 16 (on altı) manat cərimə; xx.xx.2020-ci il tarixli müqaviləsinə əsasən, İMEİ kodu **********91323 olan Samsung Galaxy A11 markalı telefon, X1, İMEİ kodu **********81206 olan Samsung Galaxy A11 markalı telefon üçün 356 (üç yüz əlli altı) manat ödənilməmiş hissə, 35 (otuz beş) manat cərimə, ümumilikdə 573 (beş yüz yetmiş üç) manat borc və 30 (otuz) manat ödənilmiş dövlət rüsumu Cavabdeh alınaraq "xxxx" MMC-yə ödənilməsi barədə qətnamə çıxarılmasını məhkəmədən xahiş etmişdir. İddiaçı "xxxx" MMC iddianı onunla əsaslandırmışdır ki, cavabdeh "xxxx" MMC ilə xx.xx.2020-ci il və xx.xx.2020-ci il tarixli müqavilələrinə əsasən İMEİ kodu **********69962 olan Huawei Y9 Prime markalı telefon, İMEİ kodu **********91323 olan Samsung Galaxy A11, İMEİ kodu **********81206 olan Samsung Galaxy A11 markalı telefonlar və X1 almış və nəticədə 573 (beş yüz yetmiş üç) manat borc borc yaranmışdır. Cavabdeh müqavilənin şərtlərini pozmuş və nəticədə, xx.xx.2020-ci il tarixli müqaviləsinə əsasən, alqı-satqı qiyməti 747 (yeddi yüz qırx yeddi) manat (18 ay x 41.5 manat + 0 manat ilkin ödəniş) İMEİ kodu **********69962 olan Huawei Y9 Prime markalı telefon üçün ümumilikdə, 182 (yüz səksən iki) manat olmaqla, ondan 166 (yüz altmış altı) manat ödənilməmiş hissə, müştəriyə güzəşt olunaraq 16 (on altı) manat cərimə; xx.xx.2020-ci il tarixli müqaviləsinə əsasən, alqı-satqı qiyməti 1098.5 (min doxsan səkkiz manat əlli qəpik) manat (15 ay x 71.3 manat + 29 manat ilkin ödəniş) İMEİ kodu **********91323 olan Samsung Galaxy A11 markalı telefon, X1, İMEİ kodu **********81206 olan Samsung Galaxy A11 markalı telefon üçün ümumilikdə 391 (üç yüz doxsan bir) manat olmaqla ondan, 356 (üç yüz əlli altı) manat ödənilməmiş hissə, müştəriyə güzəşt olunaraq 35 (otuz beş) manat cərimə miqdarında borc yaranmışdır. Cavabdehin cəmi ödədiyi məbləğ 1323.5 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində mübahisəsiz olaraq penya ödənilir. Cavabdehlə aralarında bağlanmış xx.xx.2020-ci il və xx.xx.2020-ci il tarixli Müqavilələrin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərilən xx.xx.2022-ci il tarixli xəbərdarlıq məktubunda mübahisənin Məhkəmədən kənar həll olunması,onun üzərinə düşən öhdəlikləri lazımınca icra etməli olduğunu rəsmi qaydada bildirilsədə, qarşı tərəf müqavilə ilə təsbit olunmuş öhdəlikləri icra etməmişdir. Tələbin əsaslığını və əmlakın dəyərini sübut edən sənədlər: ərizəyə əlavə olunan Tərəflər arasında bağlanmış Müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. İşdə olan xx.xx.2020-ci il tarixli 20207365 saylı müqavilənin, ona əlavənin və maliyyə və ödəniş cədvəlinin surətindən görünür ki, İMEİ kodu **********69962 **********93970 olan Huawei Y9 Prime markalı telefon, “X3” və “Telefon Quraşdırma Xidməti” üçün cavabdeh 0 manat ilkin ödəniş etmiş və 18 ay ərzində, ayda 41.5 manat ödəməyi öhdəsinə götürmüşdür. İşdə olan xx.xx.2020-ci il tarixli 20207365 saylı müqavilənin təhvil təslim aktının surətindən görünür ki, Huawei Y9 Prime markalı telefon, “X3” və “Telefon Quraşdırma Xidməti” cavabdehə təhvil verilmişdir. İşdə olan xx.xx.2020-ci il tarixli 21070242 saylı müqavilənin, ona əlavənin və maliyyə və ödəniş cədvəlinin surətindən görünür ki , İMEİ kodu **********91323 **********91321 olan Sumsung Galaxy A11 markalı telefon, İMEİ kodu **********81206 **********81204 olan Sumsung Galaxy A11 markalı telefon, 2 ədəd “X3”, 2 ədəd “Telefon quraşdırma xidməti” və X2 Black üçün cavabdeh 29 manat ilkin ödəniş etmiş və 15 ay ərzində, ayda 71.3 manat ödəməyi öhdəsinə götürmüşdür. İşdə olan xx.xx.2020-ci il tarixli 21070242 saylı müqavilənin təhvil təslim aktının surətindən görünür ki, 2 ədəd Samsung Galaxy A11 markalı telefonlar, 2 ədəd “X3”, 2 ədəd “Telefon Quraşdırma Xidməti” və X2 Black cavabdehə təhvil verilmişdir. İşdə olan xx.xx.2022-ci il tarixli cavabdehə ünvanlanmış Xəbərdarlıq məktubundan görünür ki, xəbərdarlıqdan irəli gələn öhdəliklərin icrası ilə əlaqəsar çağırışa 3 (üç) iş günü ərzində riayət olunmadığı təqdirdə, Müqavilənin 4.1-ci maddəsinə əsasən, aidiyyəti üzrə məhkəməyə müraciət olunacağı qeyd edilmişdir. Məhkəmə Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə kiçik iddialara dair işlər üzrə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxmışdır. Məhkəmə araşdırması zamanı Azərbaycan Respublikası Mülki Prosessual Məcəllənin 284-5.4-cü maddəsi ilə nəzərdə tutulmuş işə iddia icraatı qaydasında baxılması əsasları aşkar olunmamışdır. Azərbaycan Respublikası Mülki Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasənərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Həmin Məcəllənin 284-6.2-ci maddəsinə əsasən məhkəmə qətnaməsindən bu Məcəllə ilə nəzərdə tutulmuş qaydada apellyasiya şikayəti verilə bilər. Həmin Məcəllənin 360-cı maddəsinə əsasən apellyasiya şikayəti məhkəmə qətnaməsi rəsmi qaydada verildiyi gündən 1 ay müddətində verilə bilər. Məhkəmə tərəfindən Azərbaycan Respublikası Mülki Prosessual Məcəlləsinin 284- 5-ci maddəsinin tələblərinə uyğun olaraq, cavabdehə iddiaçının tələbinə dair əsaslandırılmış etirazının olduğu halda öz dəlillərini, habelə dəlillərini təsdiq edən sənədlərin təqdim olunması hüququnun izah edilməsi barədə bildiriş qanunvericiliklə müəyyən edilmiş qaydada və müddətdə göndərilmiş, lakin cavabdeh tərəfindən iddiaçının tələbinə dair hər hansı münasibət bildirilməmişdir. Azərbaycan Respublikasının Mülki Məcəlləsinin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətlər etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Həmin Məcəllənin 442-ci maddəsinin tələbinə görə öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Həmin Məcəllənin 445.2.1-ci maddəsində qeyd edilir ki, öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Həmin Məcəllənin 448.1-ci maddəsinə əsasən əgər bu Məcəllə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Həmin Məcəllənin 600.1-ci maddəsinə əsasən alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.4-cü maddəsinə əsasən əşyanı təhvil almış alıcı onu alğısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 600.5-ci maddəsinə əsasən alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alğısatqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək bu Məcəllənin 449-cu maddəsinə uyğun faizlər ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. İddiaçı tərəfindən təqdim edilmiş sənədlərlə müəyyən olunur ki, cavabdeh "xxxx" MMC ilə xx.xx.2020-ci il, və xx.xx.2020-ci il tarixli müqavilələrinə əsasən İMEİ kodu **********69962 olan Huawei Y9 Prime markalı telefon, İMEİ kodu **********91323 olan Samsung Galaxy A11, İMEİ kodu **********81206 olan Samsung Galaxy A11 markalı telefonlar və X1 almış və nəticədə 573 (beş yüz yetmiş üç) manat borc borc yaranmışdır. Cavabdeh müqavilənin şərtlərini pozmuş və nəticədə, xx.xx.2020-ci il tarixli müqaviləsinə əsasən, alqı-satqı qiyməti 747 (yeddi yüz qırx yeddi) manat (18 ay x 41.5 manat + 0 manat ilkin ödəniş) İMEİ kodu **********69962 olan Huawei Y9 Prime markalı telefon üçün ümumilikdə, 182 (yüz səksən iki) manat olmaqla, ondan 166 (yüz altmış altı) manat ödənilməmiş hissə, müştəriyə güzəşt olunaraq 16 (on altı) manat cərimə; xx.xx.2020-ci il tarixli müqaviləsinə əsasən, alqı-satqı qiyməti 1098.5 (min doxsan səkkiz manat əlli qəpik) manat (15 ay x 71.3 manat + 29 manat ilkin ödəniş) İMEİ kodu **********91323 olan Samsung Galaxy A11 markalı telefon, X1, İMEİ kodu **********81206 olan Samsung Galaxy A11 markalı telefon üçün ümumilikdə 391 (üç yüz doxsan bir) manat olmaqla ondan, 356 (üç yüz əlli altı) manat ödənilməmiş hissə, müştəriyə güzəşt olunaraq 35 (otuz beş) manat cərimə miqdarında borc yaranmışdır. Cavabdehin cəmi ödədiyi məbləğ 1323.5 manat təşkil edir. Odur ki, məhkəmə hesab edir ki, iddia təmin olunmalı, Cavabdeh xx.xx.2020-ci il tarixli müqaviləsinə əsasən, İMEİ kodu **********69962 olan Huawei Y9 Prime markalı telefon üçün 166 (yüz altmış altı) manat ödənilməmiş hissə, 16 (on altı) manat cərimə; xx.xx.2020-ci il tarixli müqaviləsinə əsasən, İMEİ kodu **********91323 olan Samsung Galaxy A11 markalı telefon, X1, İMEİ kodu **********81206 olan Samsung Galaxy A11 markalı telefon üçün 356 (üç yüz əlli altı) manat ödənilməmiş hissə, 35 (otuz beş) manat cərimə, ümumilikdə 573 (beş yüz yetmiş üç) manat borc tutularaq iddiaçı "xxxx" MMC-nin hesabına keçirilməlidir. Həmçinin, "xxxx" MMC tərəfindən ödənilmiş 30 (otuz) manat məbləğində dövlət rüsumu Cavabdeh tutularaq "xxxx" MMC-nin hesabına keçirilməlidir. Azərbaycan Respublikası Mülki Prosessual Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikası Mülki Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə görə, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir Yuxarıda göstərilənləri nəzərə alaraq və Azərbaycan Respublikasının MPM-nin 216-220, 284-1-284-6, 360-cı maddələrini rəhbər tutaraq, məhkəmə Q Ə T E T D İ: İddia təmin edilsin. Cavabdeh xx.xx.2020-ci il tarixli müqaviləsinə əsasən, İMEİ kodu **********69962 olan Huawei Y9 Prime markalı telefon üçün 166 (yüz altmış altı) manat ödənilməmiş hissə, 16 (on altı) manat cərimə; xx.xx.2020-ci il tarixli müqaviləsinə əsasən, İMEİ kodu **********91323 olan Samsung Galaxy A11 markalı telefon, X1, İMEİ kodu **********81206 olan Samsung Galaxy A11 markalı telefon üçün 356 (üç yüz əlli altı) manat ödənilməmiş hissə, 35 (otuz beş) manat cərimə, ümumilikdə 573 (beş yüz yetmiş üç) manat borc, 30 (otuz) manat ödənilmiş dövlət rüsumu tutularaq "xxxx" MMC-nin hesabına keçirilsin. Qətnamədən rəsmi qaydada verildiyi gündən 1 (bir) ay müddətində Qusar rayon məhkəməsi vasitəsilə Sumqayıt Apellyasiya Məhkəməsinə apellyasiya şikayəti vermək olar. Hakim ƏLİ CƏLİLOV