Daşkəsən Rayon Məhkəməsi Qətnamə — İş №e-2(030)-549/2024

Azərbaycan Respublikası adından QƏTNAMƏ Daşkəsən rayonu İş № e-2(030)-549/2024 11.09.2024 DAŞKƏSƏN RAYON MƏHKƏMƏSİ X1 iddiaçı "xxxx" Məhdud Məsuliyyətli Cəmiyyətinin (bundan sonra "xxxx" MMC) Cavabdeh qarşı pul tələbinə dair кiçik iddiası üzrə mülki işə sadələşdirilmiş icraat qaydasında baxaraq MÜƏYYƏNETDİ: İddiaçı "xxxx" MMC Cavabdeh qarşı iddia ərizəsi ilə məhkəməyə müraciət edərək, Cavabdeh 09 fevral 2022-ci il tarixli ******* nömrəli “Müqaviləyə” əsasən 1 ədəd “Hoffmann Led TV” markalı televizor, “ Yupiter YP TV” markalı asqı və 23 aprel 2022-ci il tarixli 03511122 nömrəli “Müqaviləyə” əsasən 1 ədəd “Samsung Galaxy A13” markalı mobil telefon üçün 323 manat borc və ödənilmiş 30 manat dövlət rüsumunun alınıb "xxxx" MMCyə ödənilməsi barədə qətnamə çıxarılmasını xahiş etmişdir. Azərbaycan Respublikasının Mülki-Prosessual Məcəlləsinin 284-5.1-ci maddəsinə əsasən Cavabdeh 09 avqust 2024-cü il tarixli bildiriş göndərilərək, məhkəmə bildirişini rəsmi qaydada aldığı gündən 10 (on) iş günü müddətində iddiaçının tələbinə dair etiraz və mülahizələrini məhkəməyə təqdim etmək hüququ izah olunmuşdur. Lakin cavabdeh tərəfindən etiraz və mülahizə məhkəməyə daxil olmamışdır. İddia ərizəsindən görünür ki, "xxxx" MMC ilə Cavabdeh arasında bağlanmış 09 fevral 2022-ci il tarixli ******* nömrəli “Müqaviləyə” əsasən sonuncu hər ay 29.55 manat ödəməklə 24 ay müddətinə 1 ədəd “Hoffmann Led TV” markalı televizor, “Yupiter YP TV” markalı asqını 712.80 manata satın almışdır. 23 aprel 2022-ci il tarixli 03511122 nömrəli “Müqaviləyə” əsasən sonuncu hər ay 32.45 manat ödəməklə 18 ay müddətinə 1 ədəd “Samsung Galaxy A13” markalı mobil telefonu 584.10 manata satın almışdır. Cavabdeh xx.xx.2022-ci tarixli müqaviləsinə əsasən, , “Yupiter YP TV” markalı asqısından xx.xx.2022-ci il tarixdə imtina etmiş və məhsul 21.60 manat qiymətləndirlib, paket Extra TV xidmətindən xx.xx.2022-ci il tarixində imtina etmiş və məhsul 50 manat qiymətləndirilib borcundan silinərək geri qaytarılmışdır. Cavabdehin xx.xx.2022-ci tarixli müqavilə ürzə cəmi ödədiyi məbləğ 382.17 manat, məhsul qaytarıldıqdan sonra qoyulan qiymət 71.60 manat, ümumilikdə 453.77 manat təşkil etmişdir. Cavabdehin MMC-yə 09 fevral 2022-ci il tarixli ******* nömrəli “Müqavilə” üzrə 259.03 manat ödənilməmiş hissə, 25.97 manat cərimə borcu və 23 aprel 2022-ci il tarixli 03511122 nömrəli “Müqavilə” üzrə 34.70 manat ödənilməmiş hissə, 3.30 manat cərimə borcu olmaqla, ümumilikdə 323 manat məbləğində borcu yaranmışdır. Bununla da, cavabdeh alqı-satqı müqaviləsinin və mülki qanunvericiliyin tələblərini kobud şəkildə pozmuşdur. Ona görə də, məhkəmədən tələbin təmin olunması barədə qətnamə çıxarılması xahiş edilmişdir. İşin hallarını, iddia tələbinin dəlillərini iş materialları ilə birlikdə araşdırıb və işin hallarına hüquqi qiymət verərək aşağıda qeyd edilənlərə əsasən məhkəmə hesab edir ki, iddia tələbi təmin edilməlidir. İş materiallarına əlavə olunmuş; 09 fevral 2022-ci il tarixli ******* nömrəli “Müqavilə”nin surətindən görünür ki, "xxxx" MMC ilə Cavabdeh arasında bağlanmış 09 fevral 2022-ci il tarixli ******* nömrəli “Müqavilə”yə əsasən sonuncu hər ay 29.55 manat ödəməklə 24 ay müddətinə alqı-satqı qiyməti 712.80 manat olan 1 ədəd “Hoffmann Led TV” markalı televizor, “ Yupiter YP TV” markalı asqını satın almış və 09 fevral 2022-ci il tarixli ******* nömrəli müqaviləyə əsasən 1 ədəd “Hoffmann Led TV 32A3600” markalı televizor,“ Yupiter YP TV-550 (23-60-75/30KG)” markalı asqı Cavabdeh təhvil verilmiş, Cavabdeh tərəfindən akt imzalanmışdır. 23 aprel 2022-ci il tarixli 03511122 nömrəli “Müqavilə”nin surətindən görünür ki, "xxxx" MMC ilə Cavabdeh arasında 23 aprel 2022-ci il tarixli 03511122 nömrəli “Müqavilə”yə əsasən sonuncu hər ay 32.45 manat ödəməklə 18 ay müddətinə alqı-satqı qiyməti 584.10 manat olan “Samsung Galaxy” markalı mobil telefonu satın almış və 23 aprel 2023-cü il tarixli 03511122 nömrəli müqaviləyə əsasən 1 ədəd İMEİ Kodu **********71537 olan “Samsung Galaxy A13 DS (SM-A135) 32GB Black” markalı mobil telefon Cavabdeh təhvil verilmiş, Cavabdeh tərəfindən akt imzalanmışdır. 24 iyul 2024-cü il tarixli Maliyyə və ödəniş cədvəlindən görünür ki, Cavabdeh nun 09 fevral 2022-ci il tarixli ******* nömrəli “Müqaviləyə” əsasən 1 ədəd “Hoffmann Led TV” markalı televizor, “ Yupiter YP TV” markalı asqı üçün 259.03 manat ödənilməmiş hissə və 25.97 manat cərimə borcu, 23 aprel 2022-ci il tarixli 03511122 nömrəli “Müqaviləyə” əsasən 1 ədəd “Samsung Galaxy A13” markalı mobil telefon üçün 34.70 manat ödənilməmiş hissə və 3.30 manat cərimə borcu olmaqla, ümumilikdə isə 323 manat məbləğində borcu vardır. 28 iyul 2024-cü il tarixli 62920194 nömrəli mədaxil qəbzinin surətindən görünür ki, "xxxx" MMC tərəfindən 30 manat məbləğində dövlət rüsumu ödənilmişdir. Məhkəmə baxışında işin faktiki halları ilə müəyyən edildi ki, iddiaçı "xxxx" MMC ilə Cavabdeh arasında 09 fevral 2022-ci il tarixli ******* nömrəli müqaviləyə əsasən 1 ədəd “Hoffmann Led TV” markalı televizor, “ Yupiter YP TV” markalı asqını 712.80 manata və 23 aprel 2022-ci il tarixli 03511122 nömrəli “Müqaviləyə” əsasən 1 ədəd “Samsung Galaxy A13” markalı mobil telefonu 584.10 manata satın almışdır. Cavabdehin MMC-yə 09 fevral 2022-ci il tarixli ******* nömrəli “Müqavilə” üzrə 259.03 manat ödənilməmiş hissə və 25.97 manat cərimə borcu, 23 aprel 2022-ci il tarixli 03511122 nömrəli “Müqavilə” üzrə 34.70 manat ödənilməmiş hissə və 3.30 manat cərimə borcu olmaqla, ümumilikdə 323 manat məbləğində borcu yaranmışdır. Cavabdeh tərəfindən 1003.17 manat məbləğində ödəniş edilmişdir. Cavabdeh müqavilədə nəzərdə tutulmuş öhdəlikləri yerinə yetirməmişdir. Bununla da, cavabdeh alqı-satqı müqaviləsinin və mülki qanunvericiliyin tələblərini kobud şəkildə pozmuşdur. Azərbaycan Respublikası Mülki Məcəlləsinin: Azərbaycan Respublikası Mülki Məcəlləsinin 385.1-ci maddəsinə müvafiq olaraq, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 386-cı maddəsinə görə, müqavilə öhdəliyin yaranması əsaslarından biridir. Həmin Məcəllənin 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Həmin Məcəllənin 389.1-ci maddəsinə əsasən mülki hüquq və vəzifələrin müəyyənləşdirilməsi, dəyişdirilməsi və ya xitamı haqqında iki və ya bir neçə şəxsin razılaşması müqavilə sayılır. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445-ci maddəsinə əsasən, icranı gecikdirmiş borclu gecikdirmə nəticəsində vurduğu zərər üçün kreditor qarşısında məsuliyyət daşıyır. Öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Əgər borclu icra müddəti çatdıqdan sonra kreditorun xatırlatmasına baxmayaraq öhdəliyi icra etməzsə, o icranı xatırlatma üzrə gecikdirmiş sayılır. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 567-ci maddəsinə görə, alğı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 598.1-ci maddəsinə əsasən, əgər alğı-satqı müqaviləsində ayrı qayda nəzərdə tutulmayıbsa və öhdəliyin mahiyyətindən ayrı qayda irəli gəlmirsə, alıcı əşyanı satıcıdan bilavasitə təhvil almazdan əvvəl və ya təhvil aldıqdan sonra ödəməlidir. Beləliklə, məhkəmə Azərbaycan Respublikası MPM-nin 88-ci maddəsinə əsasən iş üzrə toplanmış sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verərək hesab edir ki, iddia tam təmin edilməli, Cavabdeh 09 fevral 2022-ci il tarixli ******* nömrəli “Müqavilə” üzrə 259.03 manat ödənilməmiş hissə və 25.97 manat cərimə borcu, 23 aprel 2022-ci il tarixli 03511122 nömrəli “Müqavilə” üzrə 34.70 manat ödənilməmiş hissə və 3.30 manat cərimə borcu olmaqla, ümumilikdə 323 manat pul vəsaitinin alınaraq iddiaçı "xxxx" MMCyə ödənilməlidir. Azərbaycan Respublikası MPM-nin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Qeyd olunan hüquq normasına uyğun olaraq məhkəmə hesab edir ki, iddiaçı tərəfindən ödənilmiş 30 manat məbləğində dövlət rüsumunun cavabdehdən tutulub iddiaçıya verilməlidir. Azərbaycan Respublikası MPM-nin 217.3-cü maddəsinin tələblərinə görə, qətnamə iş üzrə müəyyən edilmiş hallara və tərəflərin qarşılıqlı münasibətinə uyğun əsaslandırılmalıdır. Həmin Məcəllənin 217.4-cü maddəsinin tələblərinə görə, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası Mülki Prosessual Məcəlləsinin 385, 284-1, 284-49 və 284-6-cı maddələrini rəhbər tutaraq, məhkəmə QƏT ETDİ: İddia təmin edilsin. Cavabdeh 09 fevral 2022-ci il tarixli ******* nömrəli “Müqavilə” üzrə 259.03 manat ödənilməmiş hissə və 25.97 manat cərimə borcu, 23 aprel 2022-ci il tarixli 03511122 nömrəli “Müqavilə” üzrə 34.70 manat ödənilməmiş hissə və 3.30 manat cərimə borcu olmaqla, ümumilikdə 323 manat pul vəsaitinin və ödənilmiş 30 manat dövlət rüsumunun tutularaq "xxxx" Məhdud Məsuliyyətli Cəmiyyətinə ödənilsin. Qətnamədən rəsmi qaydada verildikdən sonra 1 ay müddətində “Elektron məhkəmə” informasiya sistemində yaradılmış elektron kabinet üzərindən Daşkəsən Rayon Məhkəməsi vasitəsilə Gəncə Apellyasiya Məhkəməsinə apellyasiya şikayət verilə bilər. Hakim: Kənan Vəliyev