Şabran Rayon Məhkəməsi Qərardad — İş №e-2(031)-1212/2025

Azərbaycan Respublikası adından QƏRARDAD Şabran şəhəri İş № e-2(031)-1212/2025 05.12.2025 ŞABRAN RAYON MƏHKƏMƏSİ Mən, Şabran Rayon Məhkəməsinin hakimi Məmmədov Ayaz Süleyman oğlu, İddiaçı Cavabdeh qarşı “kiçik iddialara dair işlər üzrə sadələşdirilmiş icraat qaydasında pul” tələbinə dair iddia ərizəsini və ona əlavə edilmiş sənədləri Şabran Rayon Məhkəməsinin inzibati binasında nəzərdən keçirərək, müəyyən etdim: İddiaçı Cavabdeh qarşı “kiçik iddialara dair işlər üzrə sadələşdirilmiş icraat qaydasında pul” tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi geri qaytarılmalıdır. Belə ki, hazırki iş üzrə İddiaçı nümayəndəsi Nümayəndə xx.xx.2025-ci il tarixdə məhkəməyə ərizə vasitəsi ilə müraciət edərək Cavabdeh qarşı “kiçik iddialara dair işlər üzrə sadələşdirilmiş icraat qaydasında pul” tələbinə dair iddia ərizəsinin geri qaytarılmasını xahiş etmişdir. Həmçinin CMS – “AZEMİS” Elektron Məhkəmə İnformasiya Sistemindən hazırki iş üzrə Cavabdeh şəxsi məlumatlarına dair çıxarışdan görünür ki, o, xx.xx.2025-ci il tarixdə vəfat etmişdir. Azərbaycan Respublikasının Mülki Prosessual Məcəlləsinin: 13.4-cü maddəsinə əsasən barəsində mübahisə edilən hüquq münasibətlərini tənzimləyən hüquq norması olmadıqda, məhkəmə analoji münasibətləri tənzimləyən hüquq normalarına müraciət edir. 170.1-ci maddəsinə əsasən həmin Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. 170.2-ci maddəsinə əsasən işin məhkəmə baxışına hazırlanmasının dayandırılması və ya xitam verilməsi zamanı hakim qərardad çıxarır. 170.3-cü maddəsinə əsasən həmin Məcəllənin 170.1-ci və 170.2-ci maddələrində göstərilən qaydada qəbul edilmiş qərardaddan şikayət verilə bilər. 254.1.1-ci maddəsinə əsasən işdə tərəf olan şəxs öldükdə və ya hüquqi şəxs yenidən təşkil edildikdə, barəsində mübahisə edilən hüquq münasibəti hüquq varisliyinə və ya işdə tərəf olan hüquqi şəxsin ləğv edilməsinə yol verərsə məhkəmə iş üzrə icraatı dayandırmalıdır. Beləliklə, işin faktiki hallarını və Azərbaycan Respublikasının Qanunvericiliyinin yuxarıda qeyd edilmiş müddəalarının tələblərini nəzərə alaraq belə nəticəyə gəlirəm ki, hazırki iş üzrə Cavabdeh xx.xx.2025-ci il tarixdə vəfat etdiyindən və İddiaçı nümayəndəsi Nümayəndə xx.xx.2025-ci il tarixdə məhkəməyə ərizə vasitəsi ilə müraciət edərək iddia ərizəsinin və ona əlavə edilmiş sənədləri geri qaytarılmasını xahiş etdiyindən, həmin ərizə təmin edilərək, hazırki iş üzrə iddia ərizəsi və ona əlavə edilmiş sənədlər, habelə İddiaçı tərəfindən hazırki iş üzrə məhkəməyə iddia ərizəsinin verilməsi ilə bağlı ödənilmiş 30 (otuz) manat məbləğində dövlət rüsumu da (qəbz nömrəsi: **********81) iddiaçıya geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin 114.1.3-cü maddəsinə əsasən həmin Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 13, 170, 254, 263, 264 və 267-268-ci maddələrini rəhbər tutaraq, qərara aldım: İddiaçı nümayəndəsi Nümayəndə xx.xx.2025-ci il tarixli ərizəsi təmin edilsin və İddiaçı Cavabdeh qarşı “kiçik iddialara dair işlər üzrə sadələşdirilmiş icraat qaydasında pul” tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçı tərəfindən hazırki iş üzrə məhkəməyə iddia ərizəsinin verilməsi ilə bağlı ödənilmiş 30 (otuz) manat məbləğində dövlət rüsumu (qəbz nömrəsi: **********81) iddiaçıya geri qaytarılsın. Qərardaddan surəti tərəfə rəsmi qaydada təqdim edildiyi tarixdən 10 (on) gün müddətində Elektron Məhkəmə İnformasiya Sistemində yaradılmış elektron kabinet vasitəsi ilə Şabran Rayon Məhkəməsinə şikayət verilə bilər. Hakim: Ayaz Məmmədov