Zəngilan Rayon Məhkəməsi Qətnamə — İş №e-2(034)-399/2022

Azərbaycan Respublikası adından QƏTNAMƏ Zəngilan rayonu İş № e-2(034)-399/2022 26.07.2022 ZƏNGİLAN RAYON MƏHKƏMƏSİ Zəngilan Rayon Məhkəməsinin hakimi və sədri vəzifəsini müvəqqəti icra edən Səmədov Rəşid Əfraim oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı «borc tələbinə dair» iddia ərizəsi üzrə mülki işə kiçik iddialara dair sadələşdirilmiş icraat qaydasında baxaraq, MÜƏYYƏN ETDİ: İddiaçı "xxxx" Məhdud Məsuliyyətli Cəmiyyəti Cavabdeh qarşı «borc tələbinə dair» kiçik iddialar üzrə sadələşdirilmiş icraat qaydasında ərizə ilə Zəngilan Rayon Məhkəməsinə müraciət edərək, xx.xx.2021-ci il tarixli müqaviləyə əsasən, imei kodu **********25143 olan «X1 9S» markalı telefon, TWS qulaqcıq üçün 760 manat ödənilməmiş hissə, 76 manat cərimə; xx.xx.2020-ci il tarixli müqaviləyə əsasən, imei kodu **********52601 olan «Honor 9X» markalı telefon, Mİ qulaqcıq üçün 365 manat ödənilməmiş hissə, 36 manat cərimə; xx.xx.2021-ci il tarixli müqaviləyə əsasən, «Philips” fen üçün 187.20 manat ödənilməmiş hissə, 18.80 manat cərimə; xx.xx.2021-ci il tarixli müqaviləyə əsasən, «Huawei» saat üçün 174 manat ödənilməmiş hissə, 17 manat cərimə, xx.xx.2021-ci il tarixli müqaviləyə əsasən, «Gorenje” ütü feni üçün, 75.60 manat ödənilməmiş hissə, 7.40 manat cərimə; xx.xx.2021-ci il tarixli müqaviləyə əsasən, «Mİ saat” üçün 58 manat ödənilməmiş hissə, 5 manat cərimə borcu olmaqla, ümumilikdə 1780 manat borcun və 37.80 manat ödənilmiş dövlət rüsumunun Cavabdeh alınaraq "xxxx" MMC-nə ödənilməsi barədə qətnamə qəbul edilməsini məhkəmədən xahiş etmişdir. İddiaçı "xxxx" MMC iddia tələbini onunla əsaslandırmışdır ki, iddiaçı "xxxx" Məhdud Məsuliyyətli Cəmiyyəti ilə Cavabdeh arasında bağlanmış xx.xx.2021-ci il, xx.xx.2020-ci il, xx.xx.2021-ci il, xx.xx.2021-ci il, xx.xx.2021-ci il və xx.xx.2021-ci il tarixli müqavilələrə əsasən, imei kodu **********25143 olan «X1 9S» markalı telefon, TWS qulaqcıq, imei kodu **********52601 olan «Honor 9X» markalı telefon, "xxxx" qulaqcıq, «Philips” fen, «Huawei» saat, «Gorenje” ütü feni, «Mİ saat” almış və nəticədə 1780 manat borc yaranmışdır. Cavabdeh müqavilələrin şərtlərini pozmuş və nəticədə xx.xx.2021-ci il tarixli müqaviləyə əsasən, alqı-satqı qiyməti 914.20 manat (12 ay x 69.1 manat + 85 manat ilkin ödəniş) İMEİ kodu **********25143 olan «X1 9S» markalı telefon, TWS qulaqcıq üçün ümumilikdə 836 manat olmaqla, ondan 760 manat ödənilməmiş hissə, müştəriyə güzəşt olunaraq 76 manat cərimə, xx.xx.2020-ci il tarixli müqaviləyə əsasən, alqı-satqı qiyməti 807 manat (12 ay x 61 manat + 75 manat ilkin ödəniş) imei kodu **********52601 olan “Honor 9X» markalı telefon, "xxxx" qulaqcıq üçün ümumilikdə 401 manat olmaqla, ondan 365 manat ödənilməmiş hissə, müştəriyə güzəşt olunaraq 36 manat cərimə, xx.xx.2021-ci il tarixli müqaviləyə əsasən, alqı-satqı qiyməti 187.20 manat (18 ay x 10.4 manat + 0 manat ilkin ödəniş) olan «Philips” fen üçün ümumilikdə, 206 manat olmaqla, ondan 187.20 manat ödənilməmiş hissə, müştəriyə güzəşt olunaraq 18.80 manat cərimə, xx.xx.2021-ci il tarixli müqaviləyə əsasən, alqı-satqı qiyməti 237.60 manat (12 ay x 19.8 manat + 0 manat ilkin ödəniş) olan «Huawei saat» üçün ümumilikdə 191 manat olmaqla, ondan 174 manat ödənilməmiş hissə, müştəriyə güzəşt olunaraq 17 manat cərimə, xx.xx.2021-ci il tarixli müqaviləyə əsasən, alqı-satqı qiyməti 75.60 manat (18 ay x 4.2 manat + 0 manat ilkin ödəniş) olan, «Gorenje” ütü feni üçün ümumilikdə 83 manat olmaqla, ondan 75.60 manat ödənilməmiş hissə, müştəriyə güzəşt olunaraq 7.40 manat cərimə, xx.xx.2021-ci il tarixli müqaviləyə əsasən, alqı-satqı qiyməti 115.80 manat (6 ay x 19.3 manat + 0 manat ilkin ödəniş) olan «Mİ saat” üçün ümumilikdə 63 manat olmaqla, ondan 58 manat ödənilməmiş hissə, müştəriyə güzəşt olunaraq 5 manat cərimə miqdarında borc yaranmışdır. Cavabdehin cəmi ödədiyi məbləğ 717.60 manat təşkil edir. Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə aralarında bağlanılmış xx.xx.2021-ci il, xx.xx.2020-ci il, xx.xx.2021-ci il, xx.xx.2021-ci il, xx.xx.2021-ci il və xx.xx.2021-ci il tarixli müqavilələrin ayrılmaz tərkib hissəsi olan əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri xx.xx.2022-ci il tarixli xəbərdarlıq məktubunda mübahisənin məhkəmədən kənar həll olunması, onun üzərinə düşən öhdəlikləri lazımınca icra etməli olduğu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri icra etməmişdir. Sonda məhkəmədən iddia tələbinin təmin olunması xahiş olunur. Məhkəmə Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə kiçik iddialara dair işlər üzrə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmışdır. Mülki Prosessual Məcəllənin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Mülki Prosessual Məcəllənin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Mülki Prosessual Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, «Elektron imza və elektron sənəd haqqında» Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə tərəfindən MPM-nin 284-5-ci maddəsinin tələblərinə uyğun olaraq iddiaçının tələbinə dair əsaslandırılmış etirazının olduğu halda öz dəlillərini və onları təsdiq edən sənədlərin təqdim olunması barədə bildiriş cavabdehə qanunvericiliklə müəyyən edilmiş qaydada və müddətdə göndərilmiş, lakin cavabdeh tərəfindən iddiaçının tələbinə dair hər hansı münasibət bildirilməmişdir. Azərbaycan Respublikası Mülki Məcəlləsinin (bundan sonra Mülki Məcəllənin) 6.2ci maddəsinə əsasən fiziki və hüquqi şəxslər mülki hüquqları öz mənafelərini gerçəkləşdirmək üçün iradələrinə uyğun olaraq əldə edir və həyata keçirirlər. Onlar müqavilə əsasında öz hüquq və vəzifələrini müəyyənləşdirməkdə və qanunvericiliyə zidd olmayan hər hansı müqavilə şərtləri qoymaqda sərbəstdirlər. Mülki Məcəllənin 328.1-ci maddəsinə əsasən əgər tərəflər hüquq və vəzifələrin əmələ gəlməsini baş veribverməyəcəyi məlum olmayan hallardan asılı etmişlərsə, əqd şərtlə bağlanmış sayılır. Mülki Məcəllənin 600.1-ci maddəsinə əsasən alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Mülki Məcəllənin 600.4-cü maddəsinə əsasən əşyanı təhvil almış alıcı onu alğısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Mülki Məcəllənin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Mülki Məcəllənin 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Mülki Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Mülki Məcəllənin 445-ci maddəsinə əsasən icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Mülki Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Belə ki, İddiaçı MMC ilə Cavabdeh arasında bağlanmış xx.xx.2021-ci il tarixli müqaviləyə əsasən alqı-satqı qiyməti 914.20 manat olan «X1 9S» markalı telefonu, TWS qulaqcığı, xx.xx.2020-ci il tarixli müqaviləyə əsasən alqı-satqı qiyməti 807 manat olan «Honor 9X» markalı telefonu, «Mİ” qulaqcığı, xx.xx.2021-ci il tarixli müqaviləyə əsasən alqı-satqı qiyməti 187.20 manat olan «Philips” feni, xx.xx.2021-ci il tarixli müqaviləyə əsasən alqı-satqı qiyməti 237.60 manat olan «Huawei» saatı, xx.xx.2021-ci il tarixli müqaviləyə əsasən alqı-satqı qiyməti 75.60 manat olan «Gorenje” ütü feni, xx.xx.2021-ci il tarixli müqaviləyə əsasən alqı-satqı qiyməti 115.80 manat olan "xxxx" saatı cavabdehin sahibliyinə verməyi MMC öhdəsinə götürmüşdür. Cavabdeh xx.xx.2021-ci il tarixli müqavilə üzrə 85 manat ilkin ödənişli, hər ayın ödəniş haqqı 69.10 manat olmaqla 12 ay müddətinə, xx.xx.2020-ci il tarixli müqavilə üzrə 75 manat ilkin ödənişli, hər ayın ödəniş haqqı 61 manat olmaqla 12 ay müddətinə, 24.03.221-ci il tarixli müqavilə üzrə ilkin ödənişsiz, hər ayın ödəniş haqqı 10.40 manat olmaqla 18 ay müddətinə, xx.xx.2021-ci il tarixli müqavilə üzrə ilkin ödənişsiz, hər ayın ödəniş haqqı 19.80 manat olmaqla 12 ay müddətinə, xx.xx.2021-ci il tarixli müqavilə üzrə ilkin ödənişsiz, hər ayın ödəniş haqqı 4.20 manat olmaqla 18 ay müddətinə, xx.xx.2021-ci il tarixli müqavilə üzrə ilkin ödənişsiz, hər ayın ödəniş haqqı 19.30 manat olmaqla 6 ay müddətinə əşyaların dəyərini hissə-hissə ödəməyi öhdəsinə götürmüşdür. Yəni Azərbaycan Respublikası Mülki Məcəlləsinin (MM) 600-cı maddəsinə müvafiq olaraq MMC ilə cavabdeh arasında əşyaların nisyə satışına dair alqı-satqı müqavilələri bağlanmışdır. Lakin, iddia ərizəsinə əlavə edilmiş maliyyə və ödəniş cədvəldən göründüyü kimi, cavabdeh aldığı əşyalara görə İddiaçı MMC-yə xx.xx.2021-ci il, xx.xx.2020-ci il, xx.xx.2021-ci il, xx.xx.2021-ci il, xx.xx.2021-ci il, xx.xx.2021-ci il tarixli müqavilələr üzrə ödənilməli olan məbləğdən cəmi 717.60 manat ödəniş etmiş, onun xx.xx.2021-ci il tarixli müqavilə üzrə 760 manat ödənilməmiş hissə, 76 manat cərimə; xx.xx.2020-ci il tarixli müqavilə üzrə 365 manat ödənilməmiş hissə, 36 manat cərimə; xx.xx.2021-ci il tarixli müqavilə üzrə 187.20 manat ödənilməmiş hissə, 18.80 manat cərimə; xx.xx.2021-ci il tarixli müqavilə üzrə 174 manat ödənilməmiş hissə, 17 manat cərimə, xx.xx.2021-ci il tarixli müqavilə üzrə 75.60 manat ödənilməmiş hissə, 7.40 manat cərimə; xx.xx.2021-ci il tarixli müqavilə üzrə 58 manat ödənilməmiş hissə, 5 manat cərimə omaqla, ümumilikdə 1780 manat məbləğində borcu yaranmışdır. İddiaçı həmin ödənilməmiş məbləğlərin cavabdehdən tutulmasını tələb etdiyindən MMC-nin bu tələbi qanunvericiliyin tələbinə tam uyğundur. Xəbərdarlıqdan görünür ki, "xxxx" MMC pretenziya qaydasına riayət edərək, Cavabdeh borcu ödəməsini tələb etmiş, əks təqdirdə məhkəməyə müraciət olunacağı barədə onu xəbərdar etmişdir. Ödəniş qəbzindən görünür ki, iddiaçı tərəfindən 37.80 manat məbləğində dövlət rüsumu ödənilmişdir. Məhkəmə iddiaçı tərəfindən tələb edilən pul məbləğlərini nəzərdən keçirib, o cümlədən iddiaçı tərəfindən ərizəyə əlavə edilən müvafiq sənədləri əsas götürüb (nisyə alqı-satqı müqaviləsi və s.), hesab edir ki, iddia tələbi qismən təmin edilməlidir. İddiaçı tərəfindən irəli sürülən xx.xx.2021-ci il tarixli müqaviləyə əsasən 76 manat məbləğində cərimənin, xx.xx.2020-ci il tarixli müqaviləyə əsasən 36 manat məbləğində cərimənin, xx.xx.2021-ci il tarixli müqaviləyə əsasən 18.80 manat məbləğində cərimənin, xx.xx.2021-ci il tarixli müqaviləyə əsasən 17 manat məbləğində cərimənin, xx.xx.2021-ci il tarixli müqaviləyə əsasən 7.40 manat məbləğində cərimənin ödənilməsi barədə tələb isə qismən təmin edilməlidir. Belə ki, Azərbaycan Respublikası MM-nin 462.1-ci maddəsinə görə dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Lakin, eyni zamanda məhkəmə hesab edir ki, MMC-nin xx.xx.2021-ci il tarixli müqaviləyə əsasən ödənilməmiş 760 manat məbləğində borc üçün tələb etdiyi 76 manat məbləğində cərimə, xx.xx.2020-ci il tarixli müqaviləyə əsasən ödənilməmiş 365 manat məbləğində borc üçün tələb etdiyi 36 manat məbləğində cərimə, xx.xx.2021-ci il tarixli müqaviləyə əsasən ödənilməmiş 187.20 manat məbləğində borc üçün tələb etdiyi 18.80 manat məbləğində cərimə, xx.xx.2021-ci il tarixli müqaviləyə əsasən ödənilməmiş 174 manat məbləğində borc üçün tələb etdiyi 17 manat məbləğində cərimə, xx.xx.2021-ci il tarixli müqaviləyə əsasən ödənilməmiş 75.60 manat məbləğində borc üçün tələb etdiyi 7.40 manat məbləğində cərimə borcu tənasübsüz surətdə yüksəkdir. Azərbaycan Respublikası MPM-nin 467-ci maddəsinə görə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər.Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Odur ki, məhkəmə MMC-nin tələb etdiyi xx.xx.2021-ci il tarixli müqavilə üzrə 76 manat dəbbə pulu azaldılaraq 5 manat məbləğində, xx.xx.2020-ci il tarixli müqavilə üzrə 36 manat dəbbə pulu azaldılaraq 5 manat məbləğində, xx.xx.2021-ci il tarixli müqavilə üzrə 18.80 manat dəbbə pulu azaldılaraq 5 manat məbləğində,xx.xx.2021-ci il tarixli müqavilə üzrə 17 manat dəbbə pulu azaldılaraq 5 manat məbləğində, xx.xx.2021-ci il tarixli müqavilə üzrə 7.40 manat dəbbə pulu azaldılaraq 5 manat məbləğində müəyyən edilməsi qənaətinə gəlir. Hazırkı iş üzrə çəkilmiş məhkəmə xərcləri Azərbaycan Respublikası MPM-in 119.1ci maddəsi ilə müəyyən edilmiş qaydada ödənilmiş iddia tələbinin məbləğinə münasib olaraq işdə iştirak edən şəxslərə aid edilməli, yəni hazırkı iddianın qaldırılması ilə əlaqədar iddiaçı tərəfindən dövlət büdcəsinə ödənilmiş 37.80 manat məbləğində dövlət rüsumu cavadehdən tutularaq iddiaçıya ödənilməlidir. Məhkəmə araşdırması zamanı Azərbaycan Respublikası Mülki Prosessual Məcəllənin 284-5.4-cü maddəsi ilə nəzərdə tutulmuş işə iddia icraatı qaydasında baxılması əsasları aşkar olunmamışdır. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Mülki Prosessual Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Mülki Prosessual Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Mülki Prosessual Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Beləliklə, məhkəmə tədqiq olunmuş sübutlara məcmu halında hüquqi qiymət verərək, təqdim edilmiş sənədlər iş üzrə yekun qərarın çıxarılması üçün kifayət etdiyindən, habelə iddiaçının tələbi aşkar və əsaslandırılmış olduğundan hesab edir ki, xx.xx.2021-ci il tarixli müqavilə üzrə760 manat ödənilməmiş hissə, 5 manat cərimə, xx.xx.2020-ci il tarixli müqavilə üzrə 365 manat ödənilməmiş hissə, 5 manat cərimə, xx.xx.2021-ci il tarixli müqavilə üzrə 187.20 manat ödənilməmiş hissə, 5 manat cərimə,xx.xx.2021-ci il tarixli müqavilə üzrə 174 manat ödənilməmiş hissə, 5 manat cərimə, xx.xx.2021-ci il tarixli müqavilə üzrə 75.60 manat ödənilməmiş hissə, 5 manat cərimə,xx.xx.2021-ci il tarixli müqavilə üzrə 58 manat ödənilməmiş hissə, 5 manat cərimə borcu olmaqla, cəmi 1649.80 manat borc və 37.80 manat ödənilmiş dövlət rüsumu Cavabdeh iddiaçı "xxxx" MMC-nin xeyrinə tutulmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 227, 233, 284-6 və 360-cı maddələrini rəhbər tutaraq məhkəmə, QƏT ETDİ: İddia qismən təmin edilsin. Cavabdeh xx.xx.2021-ci il tarixli müqavilə üzrə 760 manat ödənilməmiş hissə, 5 manat cərimə, xx.xx.2020-ci il tarixli müqavilə üzrə 365 manat ödənilməmiş hissə, 5 manat cərimə, xx.xx.2021-ci il tarixli müqavilə üzrə 187.20 manat ödənilməmiş hissə, 5 manat cərimə,xx.xx.2021-ci il tarixli müqavilə üzrə 174 manat ödənilməmiş hissə, 5 manat cərimə, xx.xx.2021-ci il tarixli müqavilə üzrə 75.60 manat ödənilməmiş hissə, 5 manat cərimə,xx.xx.2021-ci il tarixli müqavilə üzrə 58 manat ödənilməmiş hissə, 5 manat cərimə borcu olmaqla, cəmi 1649.80 (min altı yüz qırx doqquz manat, səksən qəpik) manat məbləğində borc və 37.80 (otuz yeddi manat, səksən qəpik) manat məbləğində ödənilmiş dövlət rüsumu iddiaçı "xxxx" MMC-nin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində Zəngilan Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Hakim Rəşid Səmədov