İmişli Rayon Məhkəməsi Qətnamə — İş №e-2(036)-211/2024

Azərbaycan Respublikası adından QƏTNAMƏ İmişli rayonu İş № e-2(036)-211/2024 08.01.2024 İMİŞLİ RAYON MƏHKƏMƏSİ İmişli Rayon Məhkəməsi hakim Qənbərov Ülvi Oktay oğlu iddiaçı "xxxx" MMC-nin Cavabdeh qarşı pul tələbi barədə iddiasına dair mülki işə baxaraq, MÜƏYYƏN ETDİ: İddiaçı "xxxx" MMC Cavabdeh qarşı pul tələbi barədə iddia qaldıraraq xeyrinə xx.xx.2022ci il tarixli 03482478 saylı müqavilə üzrə 180 manat əsas borc, 18 manat cərimə, xx.xx.2022-ci il tarixli 03851844 saylı müqavilə üzrə 115.26 manat əsas borc, 11.74 manat cərimə və 30 manat dövlət rüsumu tutulması barədə qətnamə çıxarılmasını xahiş etmişdir. İşdə olan xx.xx.2022-ci il tarixli 03482478 nömrəli Müqavilənin surətinə əsasən Cavabdeh həmin tarixdə "xxxx" MMC-dən 450 manat “Samsung Galaxy A03S” telefon nisyə almışdır. İşdən görünür ki, Cavabdeh xx.xx.2022-ci il tarixli 03482478 nömrəli Müqavilə üzrə aldığı əşyaların dəyərini qismən ödəyərək 180 manat borclu qalmış və hesabına 18 manat cərimə hesablanmışdır. İşdə olan xx.xx.2022-ci il tarixli 03851844 nömrəli Müqavilənin surətinə əsasən Cavabdeh həmin tarixdə "xxxx" MMC-dən 587.96 manat dəyərində “Xiaomi Redmi 9A” markalı telefon, “Aiwa” qulaqlıq və “X1” nisyə almışdır. İşdən görünür ki, Cavabdeh xx.xx.2022-ci il tarixli 03851844 nömrəli Müqavilə üzrə aldığı əşyanın dəyərini qismən ödəyərək 115.26 manat borclu qalmış və hesabına 11.74 manat cərimə hesablanmışdır. AR Mülki Məcəlləsinin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə,..... həyata keçirməlidir. Həmin Məcəllənin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə, və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Məhkəmə tədqiq olunmuş sübutlara qiymət verərək hesab edir ki, "xxxx" MMC-nin xeyrinə Cavabdeh xx.xx.2022-ci il tarixli 03482478 nömrəli Müqaviləyə əsasən 180 manat əsas borc, 18 manat cərimə, xx.xx.2022-ci il tarixli 03851844 nömrəli Müqaviləyə əsasən 115.26 manat əsas borc, 11.74 manat cərimə və dövlət rüsumuna görə 30 manat tutulmalıdır. Yuxarıda qeyd olunanlara əsasən Azərbaycan Respublikası MPM-nin 216, 77.4, 7.67,233,357 və 360-cı maddələrini rəhbər tutaraq QƏT ETDİ: İddia tələbi təmin edilsin. Cavabdeh xx.xx.2022-ci il tarixli 03482478 nömrəli Müqaviləyə əsasən 180 (bir yüz səksən) manat əsas borc, 18 (on səkkiz) manat cərimə, xx.xx.2022-ci il tarixli 03851844 nömrəli Müqaviləyə əsasən 115.26 (bir yüz on beş manat iyirmi altı qəpik) manat əsas borc, 11.74 (on bir manat yetmiş dörd qəpik) manat cərimə və dövlət rüsumuna görə 30 (otuz) manat pul alınıb iddiaçı "xxxx" MMC-nin hesabına keçirilsin. Qətnamədən rəsmi qaydada verildiyi gündən 1 (bir) ay müddətində “Elektron Məhkəmə” İnformasiya Sistemində yaradılan elektron kabinet vasitəsilə Şirvan Apelyasiya Məhkəməsinə apelyasiya şikayəti verilə bilər. Hakim: Ülvi Qənbərov