İmişli Rayon Məhkəməsi Qətnamə — İş №e-2(036)-2875/2023

Azərbaycan Respublikası adından QƏTNAMƏ İmişli rayonu İş № e-2(036)-2875/2023 22.11.2023 İMİŞLİ RAYON MƏHKƏMƏSİ İmişli Rayon Məhkəməsi hakim Qənbərov Ülvi Oktay oğlu iddiaçı "xxxx" MMC-nin Cavabdeh qarşı pul tələbi barədə iddiasına dair mülki işə baxaraq, MÜƏYYƏN ETDİ: İddiaçı "xxxx" MMC Cavabdeh qarşı pul tələbi barədə iddia qaldıraraq xeyrinə xx.xx.2022ci il tarixli ********* nömrəli müqavilə üzrə 128.10 manat əsas borc, 19.20 manat cərimə borcu, xx.xx.2022-ci il tarixli ********* nömrəli müqavilə üzrə 183.40 manat əsas borc, 27.50 manat cərimə borcu və xx.xx.2022-ci il tarixli ********* nömrəli müqavilə üzrə 344.40 manat əsas borc, 51.60 manat cərimə borcu və 30 manat dövlət rüsumunun tutulması barədə qətnamə çıxarılmasını xahiş etmişdir. İşdə olan xx.xx.2022-ci il tarixli ********* nömrəli Müqavilənin surətinə əsasən Cavabdeh həmin tarixdə "xxxx" MMC-dən 324.19 manat dəyərində “Samsung” markalı telefon nisyə almışdır. İşdən görünür ki, Cavabdeh xx.xx.2022-ci il tarixli ********* nömrəli Müqavilə üzrə aldığı əşyaların dəyərini qismən ödəyərək 128.10 manat borclu qalmış və hesabına 19.20 manat cərimə hesablanmışdır. İşdə olan xx.xx.2022-ci il tarixli ********* nömrəli Müqavilənin surətinə əsasən Cavabdeh həmin tarixdə "xxxx" MMC-dən 559.95 manat dəyərində “Honor” markalı telefon və aksesuarları nisyə almışdır. İşdən görünür ki, Cavabdeh xx.xx.2022-ci il tarixli ********* nömrəli Müqavilə üzrə aldığı əşyanın dəyərini qismən ödəyərək 183.40 manat borclu qalmış və hesabına 27.50 manat cərimə hesablanmışdır. İşdə olan xx.xx.2022-ci il tarixli ********* nömrəli Müqavilənin surətinə əsasən Cavabdeh həmin tarixdə "xxxx" MMC-dən 414.98 manat dəyərində “Honor” markalı telefon və aksesuar nisyə almışdır. İşdən görünür ki, Cavabdeh xx.xx.2022-ci il tarixli ********* nömrəli Müqavilə üzrə aldığı əşyaların dəyərini qismən ödəyərək 344.40 manat borclu qalmış və hesabına 51.60 manat cərimə hesablanmışdır. AR Mülki Məcəlləsinin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə,..... həyata keçirməlidir. Həmin Məcəllənin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə, və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Məhkəmə tədqiq olunmuş sübutlara qiymət verərək hesab edir ki, "xxxx" MMC-nin xeyrinə Cavabdeh xx.xx.2022-ci il tarixli ********* nömrəli müqavilə üzrə 128.10 manat əsas borc, 19.20 manat cərimə borcu, xx.xx.2022-ci il tarixli ********* nömrəli müqavilə üzrə 183.40 manat əsas borc, 27.50 manat cərimə borcu, xx.xx.2022-ci il tarixli ********* nömrəli müqavilə üzrə 344.40 manat əsas borc, 51.60 manat cərimə borcu və dövlət rüsumuna görə 30 manat tutulmalıdır. Yuxarıda qeyd olunanlara əsasən Azərbaycan Respublikası MPM-nin 216, 220, 227,233,357 və 360-cı maddələrini rəhbər tutaraq QƏT ETDİ: İddia tələbi təmin edilsin. Cavabdeh xx.xx.2022-ci il tarixli ********* nömrəli müqavilə üzrə 128.10 (bir yüz iyirmi səkkiz manat on qəpik) manat əsas borc, 19.20 (on doqquz manat iyirmi qəpik) manat cərimə borcu, xx.xx.2022-ci il tarixli ********* nömrəli müqavilə üzrə 183.40 (bir yüz səksən üç manat qırx qəpik) manat əsas borc, 27.50 (iyirmi yeddi manat əlli qəpik) manat cərimə borcu, xx.xx.2022-ci il tarixli ********* nömrəli müqavilə üzrə 344.40 (üç yüz qırx dörd manat qırx qəpik) manat əsas borc, 51.60 (əlli bir manat altmış qəpik) manat cərimə borcu və dövlət rüsumuna görə 30 (otuz) manat pul alınıb iddiaçı "xxxx" MMC -nin hesabına keçirilsin. Qətnamədən rəsmi qaydada verildiyi gündən 1 (bir) ay müddətində “Elektron Məhkəmə” İnformasiya Sistemində yaradılan elektron kabinet vasitəsilə Şirvan Apelyasiya Məhkəməsinə apelyasiya şikayəti verilə bilər. Hakim:Ülvi Qənbərov