İsmayıllı Rayon Məhkəməsi Qətnamə — İş №e-2(037)-609/2024

Azərbaycan Respublikası adından QƏTNAMƏ İsmayıllı rayonu İş № e-2(037)-609/2024 14.05.2024 İSMAYILLI RAYON MƏHKƏMƏSİ İsmayıllı Rayon Məhkəməsinin hakimi Hüseynov İlqar Vidayət oğlu İddiaçı Cavabdeh qarşı borcun ödənilməsi tələbinə dair iddia ərizəsi üzrə mülki işə kiçik iddialara dair sadələşdirilmiş icraat qaydasında baxaraq, müəyyən etdi: İddiaçı iddia ərizəsi ilə məhkəməyə müraciət edərək Cavabdeh 15 mart 2024-cü il tarixə yaranmış 17 aprel 2023-cü il tarixli ********* nömrəli müddətli (nisyə) alqı-satqı müqaviləsi üzrə 291,9 manat əsas, 43,7 manat cərimə olmaqla cəmi 335,6 manat, 17 aprel 2023-cü il tarixli ********* nömrəli müddətli (nisyə) alqısatqı müqaviləsi üzrə 1399,9 manat əsas, 209,9 manat cərimə olmaqla cəmi 1945,4 manat borc və 39,46 manat dövlət rüsumunun alınaraq iddiaçı «İRŞAD ELECTRONİCS” MMC-nin hesabına ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, tərəflər arasında bağlanmış 17 aprel 2023-cü il tarixli ********* nömrəli nisyə alqı-satqı müqaviləsinə əsasən cavabdeh aldığı “Samsung” markalı mobil telefona görə 12 ay ödəniş cədvəli üzrə hər ay 37 manat olmaqla, cəmi 439,99 manat ödəməyi öhdəsinə götürmüşdür. Lakin cavabdeh müqavilə şərtini pozaraq 05 fevral 2024-cü il tarixdə 40 manat ödəniş etmiş və qalıq qalmış 291,9 manat borcu qaytarmamışdır. Nisyə alqı-satqı müqaviləsinin 1 saylı əlavəsinin şərtlərinə uyğun olaraq gecikdirilən borc məbləğinin 1% dərəcəsi ilə gündəlik dəbbə pulu hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu 437 manat təşkil edir. Hesablanmış cərimə məbləğinin 90%-i iddiaçı tərəfindən güzəşt edilmiş, yalnız 10%-i – yəni 43,7 manat cavabdehdən tələb olunur. Bundan başqa tərəflər arasında bağlanmış 17 aprel 2023-cü il tarixli ********* nömrəli nisyə alqı-satqı müqaviləsinə əsasən cavabdeh aldığı “Samsung” markalı televizora görə 18 ay ödəniş cədvəli üzrə hər ay 100 manat olmaqla, cəmi 1799,99 manat ödəməyi öhdəsinə götürmüşdür. Lakin cavabdeh müqavilə şərtini pozaraq 05 fevral 2024-cü il tarixdə 100 manat ödəniş etmiş və qalıq qalmış 1399,9 manat borcu qaytarmamışdır. Nisyə alqı-satqı müqaviləsinin 1 saylı əlavəsinin şərtlərinə uyğun olaraq gecikdirilən borc məbləğinin 1% dərəcəsi ilə gündəlik dəbbə pulu hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu 2099 manat təşkil edir. Hesablanmış cərimə məbləğinin 90%-i iddiaçı tərəfindən güzəşt edilmiş, yalnız 10%-i – yəni 209,9 manat cavabdehdən tələb olunur. Cavabdehə borcun ödənilməsinə dair xəbərdarlıqlar edilməsinə baxmayaraq müqavilələr üzrə yaranmış borcu ödəməkdən yayınmışdır. Azərbaycan Respublikası Mülki-Prosessual Məcəlləsinin (bundan sonra - MPM) 284-5.1-ci maddəsinə uyğun olaraq cavabdehə rəsmi qaydada bildiriş 04 aprel 2024-cü il tarixdə göndərilmişdir. MPM-in 284-5.2-ci maddəsinə əsasən cavabdehin iddiaya qarşı hər hansı əsaslandırılmış etirazı məhkəməyə daxil olmamışdır. Məhkəmə iş materiallarını araşdırıb, sübutlara məcmu halda obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq hesab edir ki, iddia təmin edilməlidir. Belə ki, iş materiallarında olan və məhkəmə tərəfindən tədqiq edilmiş - 17 aprel 2023-cü il tarixli ********* nömrəli nisyə alqı-satqı müqaviləsinin və müqaviləyə əlavənin surətlərindən görünür ki, həmin tarixdə iddiaçı tərəfindən cavabdehə 12 ay müddətinə hər ay 37 manat olmaqla cəmi 439,99 manat dəyərində “Samsung” markalı mobil telefon satılmışdır. - 17 aprel 2023-cü il tarixli ********* nömrəli nisyə alqı-satqı müqaviləsinin və müqaviləyə əlavənin surətlərindən görünür ki, həmin tarixdə iddiaçı tərəfindən cavabdehə 18 ay müddətinə hər ay 100 manat olmaqla cəmi 1799,99 manat dəyərində “Samsung” markalı teelvizor satılmışdır. - 20 noyabr 2023-cü il tarixli pretenziyanın surətindən görünür ki, cavabdehdən 04 mart 2021-ci il tarixli müqavilə üzrə 331 manat əsas borc, 32 manat dəbbə pulunun ödənilməsi tələb olunmuş, əks halda aidiyyatı üzrə məhkəməyə müraciət olunacağı barədə xəbərdar edilmişdir. - 15 mart 2024-cü il tarixli maliyyə arayışlarının surətindən görünür ki, cavabdehin 17 aprel 2023-cü il tarixli ********* nömrəli müddətli (nisyə) alqı-satqı müqaviləsi üzrə 291,9 manat əsas, 437 manat cərimə olmaqla cəmi 728,9 manat, 17 aprel 2023-cü il tarixli ********* nömrəli müddətli (nisyə) alqı-satqı müqaviləsi üzrə 1399,9 manat əsas, 2099 manat cərimə olmaqla cəmi 3498,9 manat borcu vardır. - İddia ərizəsindən görünür ki, iddiaçı tərəfindən 01 aprel 2024-cü il tarixdə 39,46 manat dövlət rüsumu ödənilmişdir. Ərizəyə əlavə olunmuş sənədlərlə müəyyən edilmişdir ki, tərəflər arasında bağlanmış 17 aprel 2023-cü il tarixli ********* nömrəli nisyə alqı-satqı müqaviləsinə əsasən cavabdeh aldığı “Samsung” markalı mobil telefona görə 12 ay ödəniş cədvəli üzrə hər ay 37 manat olmaqla, cəmi 439,99 manat ödəməyi öhdəsinə götürmüşdür. Lakin cavabdeh müqavilə şərtini pozaraq 05 fevral 2024-cü il tarixdə 40 manat ödəniş etmiş və qalıq qalmış 291,9 manat borcu qaytarmamışdır. Nisyə alqı-satqı müqaviləsinin 1 saylı əlavəsinin şərtlərinə uyğun olaraq gecikdirilən borc məbləğinin 1% dərəcəsi ilə gündəlik dəbbə pulu hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu 437 manat təşkil edir. Hesablanmış cərimə məbləğinin 90%-i iddiaçı tərəfindən güzəşt edilmiş, yalnız 10%-i – yəni 43,7 manat cavabdehdən tələb olunur. Bundan başqa tərəflər arasında bağlanmış 17 aprel 2023-cü il tarixli ********* nömrəli nisyə alqı-satqı müqaviləsinə əsasən cavabdeh aldığı “Samsung” markalı televizora görə 18 ay ödəniş cədvəli üzrə hər ay 100 manat olmaqla, cəmi 1799,99 manat ödəməyi öhdəsinə götürmüşdür. Lakin cavabdeh müqavilə şərtini pozaraq 05 fevral 2024-cü il tarixdə 100 manat ödəniş etmiş və qalıq qalmış 1399,9 manat borcu qaytarmamışdır. Nisyə alqı-satqı müqaviləsinin 1 saylı əlavəsinin şərtlərinə uyğun olaraq gecikdirilən borc məbləğinin 1% dərəcəsi ilə gündəlik dəbbə pulu hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu 2099 manat təşkil edir. Hesablanmış cərimə məbləğinin 90%-i iddiaçı tərəfindən güzəşt edilmiş, yalnız 10%-i – yəni 209,9 manat cavabdehdən tələb olunur. Cavabdehə borcun ödənilməsinə dair xəbərdarlıqlar edilməsinə baxmayaraq müqavilələr üzrə yaranmış borcu ödəməkdən yayınmışdır. İddiaçı Cavabdeh 15 mart 2024-cü il tarixə yaranmış 17 aprel 2023-cü il tarixli ********* nömrəli müddətli (nisyə) alqı-satqı müqaviləsi üzrə 291,9 manat əsas, 43,7 manat cərimə olmaqla cəmi 335,6 manat, 17 aprel 2023-cü il tarixli ********* nömrəli müddətli (nisyə) alqı-satqı müqaviləsi üzrə 1399,9 manat əsas, 209,9 manat cərimə olmaqla cəmi 1945,4 manat borc və 39,46 manat dövlət rüsumunun alınaraq iddiaçı «İRŞAD ELECTRONİCS” MMC-nin hesabına ödənilməsi barədə qətnamə çıxarılmasını xahiş edir. Cavabdeh tərəfindən iddiaçının tələbinə dair münasibət bildirilməmişdir. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, əmlak verməli, iş görməli, xidmətlər göstərməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Həmin Məcəllənin 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Həmin Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən kiçik iddialara dair ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Beləliklə, məhkəmə belə nəticəyə gəlir ki, iddia tələbi təmin edilməli, Cavabdeh 17 aprel 2023-cü il tarixli ********* nömrəli müddətli (nisyə) alqı-satqı müqaviləsi üzrə 291,9 manat əsas, 43,7 manat cərimə, 17 aprel 2023-cü il tarixli ********* nömrəli müddətli (nisyə) alqı-satqı müqaviləsi üzrə 1399,9 manat əsas, 209,9 manat cərimə və 39,46 manat dövlət rüsumu olmaqla cəmi iki müqavilə üzrə 1984,86 manat məbləğinin alınaraq iddiaçı «İRŞAD ELECTRONİCS” Məhdud Məsuliyyətli Cəmiyyətinin hesabına ödənilməlidir. Qeyd olanlara əsasən və Azərbaycan Respublikası MPM-nin 119, 284-6-cı maddələrini rəhbər tutaraq, məhkəmə qət etdi: İddia tələbi təmin edilsin. Cavabdeh 17 aprel 2023-cü il tarixli ********* nömrəli müddətli (nisyə) alqısatqı müqaviləsi üzrə 291,9 manat əsas, 43,7 manat cərimə, 17 aprel 2023-cü il tarixli ********* nömrəli müddətli (nisyə) alqı-satqı müqaviləsi üzrə 1399,9 manat əsas, 209,9 manat cərimə və 39,46 manat dövlət rüsumu olmaqla ümumilikdə 1984 (bir min doqquz yüz səksən dörd) manat 86 (səksən altı) qəpik borc məbləği alınaraq iddiaçı «İRŞAD ELECTRONİCS” Məhdud Məsuliyyətli Cəmiyyətinin hesabına ödənilsin. Qətnamədən rəsmi qaydada verildiyi gündən 1 (bir) ay müddətində İsmayıllı Rayon Məhkəməsi vasitəsi ilə elektron qaydada Şəki Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Sədrlik edən İlqar Hüseynov